امریکا میں گورنر ٹیکساس نے مسلمانوں کو گھروں اور مسجد کی تعمیر سے روک دیا۔
غیر ملکی ذرائع ابلاغ کے مطابق گورنر ٹیکساس کا کہنا تھا کہ ٹیکساس میں شریعت کی اجازت نہیں ہے اور نہ ہی شرعی شہر ہے۔
گورنر ٹیکساس گریگ ایبٹ نے گھروں کی تعمیر کو روکنے کی وجہ ایک ہزار گھروں پر مشتمل اس منصوبے کو ایک مسجد کے گرد بنایا جانا قرار دیا۔
اسلامی سینٹر کے وکیل کا اِس منصوبے کے دفاع کے لیے کہنا ہے کہ یہ کوئی جرم نہیں ہے، گورنر کا ردعمل دیکھ کر لگتا ہے جیسے یہ نائن الیون ہو۔
دوسری جانب گزشتہ ہفتے ہزاروں یہودی آبادکاروں نے اسرائیلی سیکیورٹی اداروں کی مدد سے مسجد اقصیٰ پر چڑھائی کردی تھی، اس دوران فلسطینی مسلمانوں کو بھی داخلے سے روک دیا تھا۔
یہودی آبادکاروں کی یہ بہت بڑی تعداد اپنے مذہبی تہوار کی چھٹیوں سے فائدہ اٹھاتے ہوئے مسجد اقصیٰ میں گھسنے کی منصوبہ بندی کر کے آئی تھی۔
اسرائیل کی انتہا پسند مذہبی پارٹی سے تعلق رکھنے والے قانون ساز‘زوی سکوٹ‘نے بھی اس موقع پر مذہبی رسومات ادا کیں۔ ہزاروں یہودی مسجد اقصیٰ کی مغربی دیوار کے ساتھ مزہبی رسومات ادا کرتے رہے۔
غزہ پر اسرائیلی فوج کے وحشیانہ حملے، ایک دن میں 32 فلسطینی شہید
فلسطینی اتھارٹی کے زیر انتظام یروشلم کے گورنریٹ کے مطابق اس موقع پر یہودی آباد کاروں نے یہودی رسومات بھی مسجد اقصیٰ میں ادا کیں اور باب الرحمہ تک آزادانہ گھومتے رہے۔
