Tag: مسعود خان

اسلام آباد: صدر آزاد کشمیر مسعود خان کا کہنا ہے کہ کشمیریوں کی یہی خواہش رہی ہےکہ وہ پاکستان کا حصہ بنیں۔

تفصیلات کے مطابق صدر آزاد کشمیر مسعود خان نے کہا کہ نیانقشہ پاکستانیوں اور کشمیریوں کی امنگوں کا ترجمان ہے، نقشے نے کئی مسائل حل کر دیے،بھارت نے کئی علاقوں پر زبردستی کیا ہوا ہے۔

مسعود خان کا کہنا تھا کہ ہمارا نقشہ حقیقت کا ترجمان ہے،بھارت کا جعلی نقشہ وسیع پسندی کی علامت تھا،جوناگڑھ،حیدرآباد بھی نقشے کا حصہ ہونا چاہیے تھا۔

صدر آزاد کشمیر نے کہا کہ بھارت کی توسیع پسندی میں ہم نے بیریئرکھڑے کر دیے،ہمارا مقصد یہاں ختم نہیں ہوتا کشمیریوں کو آزادی دلوانی ہے،کشمیریوں کے جنازے پاکستانی پرچم میں دفن ہوتے ہیں۔

انہوں نے کہا کہ کشمیریوں کی ہمت اس نقشے سے بڑھےگی،پاکستان پوری ریاستی قوت کے ساتھ کشمیریوں کے ساتھ ہے، کشمیریوں کی یہی خواہش رہی ہےکہ وہ پاکستان کاحصہ بنیں،پاکستانیوں کی خواہش ہے کشمیر ان کا حصہ بنے۔

اسلام آباد: صدر آزاد کشمیر مسعود خان نے کہا ہے کہ آزاد کشمیر اور گلگت بلتستان پاکستان کا دفاعی حصار ہے۔

تفصیلات کے مطابق صدر آزاد کشمیر مسعود خان نے یوم الحاق پاکستان کانفرنس سے خطاب کرتے ہوئے کہا کہ آزاد کشمیر اور گلگت بلتستان پاکستان کا دفاعی حصار ہے۔

انہوں نے کہا کہ 7 دہائیوں میں 5 لاکھ سے زائدکشمیری شہید ہوچکے ہیں،نہتے کشمیری 12 لاکھ بھارتی فوج کا دلیری سے مقابلہ کر رہے ہیں، غیر مسلح کشمیری پاکستان کے لیے لڑ رہے ہیں۔

مسعود خان کا کہنا تھا کہ 19 جولائی 1947 کو کشمیریوں نے الحاق پاکستان کا اعلان کیا،کشمیریوں نے قرار الحاق پاکستان کے لیے جانوں کی قربانیاں پیش کیں۔

صدر آزاد کشمیر نے کہا کہ اہل کشمیر دنیاکی بہادر ترین قوم ہے،تاریخ گواہ ہے کشمیری کبھی ہتھیار نہیں ڈالیں گے۔

تقریب سے خطاب کے دوران مسعود خان کا کہنا تھا کہ مسئلہ کشمیر پر پاکستانی قوم متحداور متفق ہے،کشمیر کے معاملے پر کوئی طاقت پاکستانیوں میں دراڑ نہیں ڈال سکتی۔

سردار مسعود خان کا کہنا تھا کہ کشمیریوں کے ایک ہاتھ میں پاکستان دوسرے میں کشمیر کا پرچم ہے۔

اسلام آباد: صدر آزاد کشمیر مسعود خان کا کہنا ہے کہ بھارت پاکستان اور آزاد کشمیر پر جنگ مسلط کرنا چاہتا ہے۔

تفصیلات کے مطابق صدر آزاد کشمیر مسعود خان نے کہا کہ کشمیر کے مسئلے پر دنیا بھر کے میڈیا نے ہمارا ساتھ دیا، کشمیر پر سلامتی کونسل کے 3 اجلاس ہو چکے ہیں۔

انہوں نے کہا کہ فلسطین کی طرح کشمیریوں کی سر زمین پر قبضہ کیا جا رہا ہے، حالات ایسے پیدا کیےگئے کہ توجہ بٹ گئی اب پھر میڈیا کشمیرکواجاگر کرے۔

مسعود خان کا کہنا تھا کہ بھارت دورہ ٹرمپ پر احمدآباد میں غربت چھپانے کے لیے دیوار کھینچ رہا ہے، بھارت امریکا کو دھوکا دے رہا ہے ،بھارتی میڈیا مودی میڈیا ہے، آر ایس ایس ودیگر ہندو دہشت گرد تنظیمیں مسلمانوں پر ظلم کر رہی ہیں۔

صدر آزاد کشمیر نے کہا کہ مصلحت کی پیشکش کے بعد امریکی صدر کا لہجہ ماند پڑ گیا، بھارت کشمیر میں ظلم کر رہا ہے کسی ثالثی کو ماننے کو تیار نہیں ہے۔انہوں نے کہا کہ کشمیریوں کی مدد ایسے کریں کہ جدوجہدکو نقصان نہ پہنچے، بھارت پاکستان اور آزاد کشمیر پرجنگ مسلط کرنا چاہتا ہے۔

سردار مسعود خان کا کہنا تھا کہ وزیراعظم کے یو این اسمبلی خطاب سےکشمیری بہت خوش ہوئے، دنیا نے توجہ دی۔