Tag: مسلح افواج کے سربراہان

پشاور: پاک فضائیہ کی پاسنگ آؤٹ پریڈ کی تقریب سے خطاب کرتے ہوئے آرمی چیف نے کہا کہ ہماری صلاحیتوں کو کم نہ سمجھا جائے،دفاع کرنا جانتے ہیں۔

تفصیلات کے مطابق رسالپور اکیڈمی میں پاک فضائیہ کی پاسنگ آوٹ پریڈ سے خطاب کرتے ہوئے آرمی چیف جنرل راحیل شریف نے کہا کہ بھارت نے مقبوضہ کشمیر میں بربریت کی انتہاکردی۔بھارت کی جانب سےمقبوضہ کشمیر میں ہونے والی بربریت کا عالمی برادری نوٹس لے۔

آرمی چیف جنرل راحیل شریف کا کہنا تھا پیشہ وارانہ صلاحیت میں پاک فضائیہ کا کوئی مقابل نہیں ہے۔پاک فضائیہ دنیا کی بہترین لڑاکا فورس ہے۔

پاک فضائیہ کی تقریب سے مہمان خصوصی آرمی چیف کا کہنا تھا کہ دہشت گردی جڑ سے اکھاڑ پھینکنے میں کامیاب ہوئے ہیں۔انہوں نے کہا کہ دہشت گردوں کے خلاف ضرب عضب آپریشن کامیابی سے جاری ہے۔

پاک فوج کے سربراہ کا کہنا تھا کہ بھارت ایل او سی پر جلعسازی سے بدنام کرنے کی کوشش کررہاہے۔بھارت دہشت گردی کے خلاف پاکستان کے کردار کو مسخ کرناچاہتا ہے۔

جنرل راحیل شریف کا تقریب سےخطاب میں کہا کہ مادر وطن کے دفاع کے لیے ہر حدتک جائیں گے۔ملک کے دفاع کو ہر قیمت پر یقینی بنائیں گے۔

انہوں نے کہا کہ مسلح افواج چیلنجز کا ہر وقت منہ توڑ جواب دینے کے لیے تیار ہیں۔کوئی غلط فہمی میں نہ رہے ہر مہم جوئی کامنہ توڑ جواب دیں گے۔

پاک فضائیہ کی پاسنگ آؤٹ پریڈ تقریب کے مہمان خصوصی آرمی چیف جنرل راحیل شریف نے پریڈ کا معائنہ کیا اور انہوں نے نمبر2اسکواڈرن کو چیمپیئن فلیگ سے نوازا۔

پاسنگ آؤٹ پریڈ کی تقریب میں تینوں مسلح افواج کے سربراہان سمیت کیڈٹس کے والدین اور رشتے داروں کے علاوہ اعلیٰ عسکری حکام بڑی تعداد میں شرکت کی۔

پاک فضائیہ کی پاسنگ آؤٹ پریڈ میں 136جی ڈی پی کے 82 انجینئرنگ کورس کے کیڈٹس پاس آؤٹ ہوئے۔