نارووال : پنجاب کے ضلع نارووال میں پولیس کےلئے درد سر بنے مسلح شخص کو 10گھنٹے بعد گرفتار کرلیا گیا ، مسلح شخص نے ممنوعہ بور رائفل لئے گاڑی میں خود کو بند کئے ہوئے تھا۔
تفصیلات کے مطابق پنجاب کے ضلع نارووال پولیس کےلئے درد سر بنا مسلح شخص دس گھنٹے بعد گرفتار کرلیا گیا، عثمان نامی مسلح شخص کوڈی ایس پی سی آئی اے نےمذاکرات کے دوران دبوچ لیا۔
تفصیلات کے مطابق نارووال کے گاؤں سکندر پور میں ایک مسلح شخص نے خود کو گاڑی میں بند کرنے کے واقعہ کا ڈراپ سین ہوگیا، پولیس نے دس گھنٹے کے بعد گاڑی میں سوار مسلح شخص کو گرفتار کر لیا۔۔
عثمان نامی مسلح شخص کوڈی ایس پی سی آئی اے نے مذاکرات کے دوران دبوچا، مسلح شخص نے ممنوعہ بور رائفل لئے 10گھنٹے سے گاڑی میں خود کو بند کئے ہوئے تھا۔
پولیس کا کہنا تھا کہ گاڑی میں موجودمسلح شخص تیزآوازمیں گانےسُنتا اور کسی کے قریب آنے پر ممنوعہ بور کی بندوق سے فائرنگ کرنے لگتا تھا تاہم ملزم سے تفتیش شروع کر دی ہے۔
پولیس کے مطابق مسلح شخص مبینہ طور پر نشہ کی حالت میں لگ رہا ہے، مسلح شخص عثمان نے ظفروال سے گزشتہ روز گاڑی کرائے پر لی تھی، گاڑی مالک اور عثمان کے درمیان ہاتھا پائی ہوئی تھی۔
آگرہ: بھارتی ریاست اتر پردیش میں مسلح شخص نے بیٹی کی برتھ ڈے پارٹی کا جھانسہ دے کر محلے کے بچوں کو بلایا اور انہیں یرغمال بنا لیا، پولیس کے ہاتھوں ملزم کی ہلاکت کے بعد مشتعل ہجوم نے ملزم کی بیوی کو بہیمانہ تشدد کر کے مار ڈالا۔
یہ دہشت ناک واقعہ بھارتی ریاست اتر پردیش کے شہر فرخ آباد میں پیش آیا، مسلح شخص جس کے بارے میں بتایا جارہا ہے کہ وہ کچھ عرصہ قبل ہی جیل سے چھوٹ کر آیا تھا، نے 20 بچوں کو یرغمال بنا لیا۔
پولیس کا کہنا ہے کہ ملزم نے بچوں کو اپنی بیٹی کی برتھ ڈے پارٹی کا کہہ کر بلایا اور اس کے بعد انہیں یرغمال بنا لیا۔
مقامی افراد کو جب اس کے ارادے کا علم ہوا تو انہوں نے دروازہ کھلوانے کی کوشش کی تاہم سبھاش باتھم نامی اس عادی مجرم نے گھر کے اندر سے فائرنگ شروع کردی۔
ملزم کی فائرنگ سے ایک شخص زخمی ہوا۔ مقامی افراد نے فوری طور پر پولیس کو اطلاع دی اور موقع کی سنگینی کو دیکھتے ہوئے پولیس کی بھاری نفری وہاں پہنچ گئی۔
پولیس کا کہنا ہے کہ گھر کے اندر ملزم کی بیوی اور 1 سالہ بیٹی بھی موجود تھی اور ملزم نے انہیں بھی یرغمال بنا لیا۔ اس دوران ملزم نے ایک 6 ماہ کی بچی جو وہاں موجود بچوں میں شامل تھی، 7 گھنٹے بعد بالکونی کے ذریعے پڑوسیوں کے حوالے کی۔
پولیس کے مطابق ملزم سمجھتا تھا کہ اس پر اس سے قبل لگایا جانے والا قتل کا الزام جھوٹا تھا اور اسے اس قتل کے الزام میں پولیس کے حوالے کرنے میں پڑسیوں کا ہاتھ تھا، ممکنہ طور پر اس نے پڑوسیوں سے بدلہ لینے کے لیے یہ سب کیا۔
بچوں کو چھڑانے کے لیے پولیس کی بھاری نفری موقع پر پہنچی تو ملزم نے انہیں فائرنگ اور بم سے اڑانے کی دھمکیاں دینی شروع کیں، اس نے پولیس کی طرف ایک کم شدت کا بم بھی پھینکا جس سے 3 پولیس اہلکار زخمی ہوئے۔
ملزم کے خطرناک ارادے دیکھتے ہوئے پولیس نے سخت ایکشن شروع کیا اور 11 گھنٹے تک جاری رہنے والے اس ان کاؤنٹر کا اختتام ملزم کی موت پر ہوا۔ تمام بچوں کو بحفاظت چھڑا کر معمولی میڈیکل چیک اپ کے بعد انہیں ان کے والدین کے حوالے کردیا گیا۔
ملزم
ملزم کی موت کے بعد مشتعل مقامی افراد اس کے گھر میں داخل ہوئے اور اس کی بیوی پر بہیمانہ تشدد کیا، پولیس عورت کو بچانے میں ناکام رہی جس کے بارے میں غیر واضح تھا کہ آیا وہ بھی ملزم کے ساتھ تھی یا خود بھی یرغمالیوں میں شامل تھی۔
ملزم کی بیوی کو اسپتال لے جایا گیا تاہم وہ اس سے قبل ہی دم توڑ گئی۔
واقعے کے دوران تمام بھارتی میڈیا نے براہ راست نشریات چلائیں اور اس دوران کئی چینلز نے ملزم کو پیشکش کی کہ وہ اپنے مطالبات انہیں بتائے، وہ انہیں حکام بالا تک پہنچانے میں مدد کرسکتے ہیں۔
اتر پردیش کے وزیر اعلیٰ یوگی آدتیہ ناتھ نے بچوں کے بحفاظت چھڑائے جانے پر خوشی کا اظہار کیا ہے اور آپریشن میں شامل پولیس ٹیم کو 10 لاکھ روپے دینے کا اعلان کیا ہے۔
یاد رہے کہ گزشتہ سال نومبر میں حیدرآباد میں اسی قسم کا واقعہ پیش آیا تھا جب ایک ڈاکٹر نے اپنی والدہ اور بچوں کو یرغمال بنایا تھا اس دوران وہ فائرنگ بھی کرتا رہا جسے بعدازاں پولیس نے حراست میں لے لیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
