بھارت کی ملیالم فلم انڈسٹری کے معروف فلمساز (رشید ایم ایچ) شفیع 56 برس کی عمر میں انتقال کرگئے۔
بھارتی میڈیا کے مطابق ملیالم فلمساز رشید ایم ایچ شفیع کے نام سے مشہور تھے، ہفتے کی رات انہیں فالج کا اٹیک ہوا جس کے بعد انہیں تشویشناک حالت میں اپستال منقتل کیا گیا جہاں وہ انتقال کر گئے۔
بھارتی میڈیا کا کہنا ہے کہ شفیع کے انتقال کی خبر کی تصدیق اداکار وشنو اننی کرشنن نے فیس بک پوسٹ میں کی ہے، انہوں نے پوسٹ کیا ’ شفیع صاحب اپنے پیچھے ہنسی اور ناقابل فراموش کہانیاں چھوڑ گئے ہیں جو ہمیشہ یاد رکھی جائیں گی‘۔
شفیع نے نامور فلم ساز راجسینن کے تحت اسسٹنٹ ڈائریکٹر کے طور پر اپنے کیریئر کا آغاز کیا، انہوں نے 2001 میں اپنی پہلی فلم ’ون مین شو‘ سے ملیالم فلم انڈسٹری میں اپنی شناخت بنائی۔
شفیع کی مشہور فلموں میں ’کلیانارامن‘، ’پولیوال کلیانم‘ اور مموٹی کی فلم ’تھومنوم مکالم‘شامل ہیں۔
نئی دہلی: بھارت میں بی جے پی کے دوبارہ اقتدار میں آنے کے بعد مسلمانوں پر تشدد کا سلسلہ ایک بار پھر شروع ہوگیا ہے، ایک اور مسلم نوجوان کوجنونی انتہاء پسندوں نے تشدد کا نشانہ بناکر قتل کردیا۔
بین الاقوامی خبر رساں ادارے کی رپورٹ کے مطابق ریاست اتر پردیش میں فیروز قریشی نام کا شخص کسی کام سے جلال آباد کے گنگا نگر آیا ہوا تھا۔
رپورٹ کے مطابق ملزمان پنکی، پنکج، راجندر اور ان کے دوستوں نے فیروز قریشی کو بے دردی سے مارا، بعض مقامی افراد نے اسے بچانے کی کوشش کی جو ناکام ثابت ہوئی،حملے میں فیروز شدید زخمی ہوگیا جو بعد میں چل بسا۔
واضح رہے کہ بھارت میں انتخابی نتائج کے بعد سے ہجومی تشدد کا سلسلہ پھر شروع ہوگیا ہے۔ چند روز کے دوران 6 مسلمانوں کو تشدد کا نشانہ بنایا گیا ہے۔
ذرائع کا کہنا ہے کہ پولیس نے مذکورہ واقعے کا مقدمہ درج کرلیا ہے، مقتول کے رشتہ داروں نے نعش کو سڑک پر رکھ کر شدید احتجاج کیا اور حملہ آوروں کے خلاف سخت کاروائی کا مطالبہ کیا۔
اس واقعہ پر بیرسٹر اسد الدین اویسی صدر کل ہند مجلس اتحاد المسلمین و رکن پارلیمنٹ حیدرآباد نے ٹویٹر پر ری پوسٹ کرتے ہوئے شدید مذمت کی۔
یاد رہے کہ اس قبل بھی گجرات کے ضلع آنند میں کرکٹ میچ دیکھنے آیا مسلم نوجوان انتہا پسند ہندوؤں کے بہیمانہ تشدد کے باعث جاں بحق ہوگیا تھا۔
مسلم نوجوان پر بہیمانہ تشدد کا واقعہ گزشتہ ہفتے 22 جون کو پیش آیا تھا۔ مقتول کی شناخت سلمان کے نام سے ہوئی جو ٹورنامنٹ کا فائنل میچ دیکھنے اپنے دوست کے ہمراہ گراؤنڈ گیا تھا۔
دہلی: بھارتیہ جنتا پارٹی نے مسلم خواتین کے خلاف اشتعال انگیز بیان دینے والی رہنما کو عہدے سے ہٹا دیا.
تفصیلات کے مطابق بھارتی حکمران جماعت بی جے پی نے اپنی پارٹی لیڈر سنیتا سنگھ کے خلاف ایکشن لیتے ہوئے اسے برطرف کر دیا.
مذکورہ خواتین نے اپنے اشتعال انگیز بیان میں انتہا پسند ہندوؤں کو مسلم خواتین کے خلاف تشدد اور جنسی زیادتی پر اکسایا تھا.
سنیتا سنگھ نے اپنے شرم ناک بیان میں انتہا پسندوں کو ترغیب دی تھی کہ وہ دس افراد پر مشتمل گروہ بنا کر سرعام مسلمان خواتین کو اجتماعی زیادتی کا نشانہ بنائیں۔
ملعونہ سنیتا سنگھ گور نے انتہائی ڈھٹائی کے ساتھ سماجی رابطے کی ویب سائٹ فیس بک پر اپنا پیغام شیئر کیا، جس میں انھوں نے یہ افسوس ناک تجویز پیش کی۔
سوشل میڈیا پر بھارت کے روشن خیال طبقات کی جانب سے اس پیغام کو شدید تنقید کا نشانہ بنایا گیا، جس کے بعد بی جے پی نے الیکشن لیتے ہوئے سنیتا سنگھ کو عہدے سے برطرف کر دیا. ساتھ ہی یہ نفرت انگیز پیغام بھی ہٹا دیا گیا.
پارٹی نے موقف دیا ہے کہ کسی کو بھی نفرت انگیزی پھیلانے والے پیغاما ت بھیجنے کی اجازت نہیں دی جائے گی۔
نیویارک: ہر سال کی طرح امسال بھی دنیا کے سب سے بڑے فیشن ویک کا انعقاد کیا گیا جس میں دنیا بھر سے تعلق رکھنے والے معروف ڈیزائنرز نے اپنی کلیکشن پیش کیں تاہم انڈونیشیا کی مسلم ڈیزائنرکے حجاب کے ساتھ نت نئے ملبوسات نے حاضرین کو اپنے سحر میں جکڑ لیا۔
تفصیلات کے مطابق نیویارک میں فیشن ویک برائے سال 2016 کا انعقاد کیا گیا جس میں دنیا بھر سے آئے نامور ڈیزائنرز نے اپنے ملبوسات پیش کیے اور حاضرین کے دل جیتنے کی کوشش کی تاہم انڈونیشیا کے دارالحکومت جکارتہ سے تعلق رکھنے والی مسلمان خاتون ڈیزائنر انیسہ حسیبنا کی جانب سے پیش کیے گئے ملبوسات فیشن شو حاضرین کی توجہ حاصل کرنے میں کامیاب رہے۔
بشکریہ انیسہ حسیبنا انسٹا گرام
انیسہ کی جانب سے مسلم ثقافت پر مبنی ملبوسات تیار کیے گئے تھے جن کے ساتھ حجاب لازم تھا، فیشن شو میں حاضرین اُس وقت حیران ہوئے جب مسلم خاتون ڈیزائنر کے ملبوسات زیب تن کی ماڈلز ریمپ پر حجاب کے ساتھ جلودہ گر ہوئیں۔
نیویارک فیشن شو کی تاریخ میں یہ پہلا موقع تھا کہ جب ماڈلز سر پر حجاب پہنے ریمپ پر آئیں اور کامیاب کیٹ واک کر کے فیشن کی دنیا میں نئی تاریخ رقم کی۔ یہ پہلا موقع تھا کہ جب پوری کاسٹ اسکارٹ پہن کر ریمپ پر اتری اور حاضرین سے خوب داد سمیٹی۔
جکارتہ سے تعلق رکھنے والی مسلم خاتون ڈیزائنر کی جانب سے پانجاموں، انگرکھوں اور گاؤنز جیسے ملبوسات پیش کیے گئے تھے جن پر شاندار کشیدہ کاری کی گئی اور اُن کے ساتھ حجاب بھی شامل تھے، جس کی وجہ سے ملبوسات کی خوبصورتی میں مزید اضافہ ہوا اور اسلامی فیشن کو مرکزی دھارے میں لانے کی کوششوں پر انیسہ کے ملبوسات کو خوب پذیزائی ملی۔
یاد رہے ایک ایسے وقت جب عالمی سطح پر مسلم خواتین کے لباس یا ان کے حجاب سے متعلق بحث جاری ہے، بہت سے لوگ حجاب کو مرکزی دھارے میں شامل کرنے پر حسیبنا کے قدم کو تاریخی نوعیت کا حامل قرار دے رہے ہیں، انڈونیشیا کی 30 سالہ انیسہ کی یہ کولیکشن فیشن کی دنیا میں ”حیا کی مہم“ کا حصہ ہے جس کی قیادت انیسہ جیسے انڈونیشیا کے ڈیزائنر کررہے ہیں۔
