ARYNews.tv | Urdu – Har Lamha Bakhabar

Tag: مسلمان

  • رافیل لے آئیں یا ایس400 ہم اپنے دفاع کے لیے مکمل طور پر تیار ہیں،ڈی جی آئی ایس پی آر

    رافیل لے آئیں یا ایس400 ہم اپنے دفاع کے لیے مکمل طور پر تیار ہیں،ڈی جی آئی ایس پی آر

    راولپنڈی: ڈی جی آئی ایس پی آر میجر جنرل بابر افتخار کا کہنا ہے کہ رافیل لے آئیں یا ایس400 ہم اپنے دفاع کے لیے مکمل طور پر تیار ہیں۔

    تفصیلات کے مطابق ڈی جی آئی ایس پی آر میجر جنرل بابر افتخار نے نیوز کانفرنس کے آغاز میں کہا کہ 14 اگست کی مناسبت سے قوم کو آزادی کے 73 سال مبارک ہو،آزادی ایک بہت بڑی نعمت ہے،اس کی قدر ان ماؤں سے پوچھیں جو اپنے شہیدوں کو پاکستان کےجھنڈوں میں دفن کرتی ہیں۔

    مقبوضہ کشمیر سے متعلق ڈی جی آئی ایس پی آر کا کہنا تھا کہ دنیا کا کوئی ظلم ایسا نہیں جو کشمیریوں پر نہ ڈھایا جا رہا ہو،سلام ہے کشمیریوں کو جو آزادی کے لیے جدوجہد کر رہے ہیں۔انہوں نے کہا کہ مقبوضہ کشمیرکی قیادت ایک سال سے پابند سلاسل ہے۔

    میجر جنرل بابر افتخار نے کہا کہ حکومت پاکستان نے مسئلہ کشمیر کو ہر عالمی فورم پر اٹھایا ہے،یو این جنرل سیکریٹری نے بھی مسئلہ کشمیر کے حل کو جنوبی ایشیا کے امن کے لیے ناگزیر قرار دیا، ایک سال کے دوران یو این سیکیورٹی کونسل میں مسئلہ کشمیر پر 3 مرتبہ اجلاس ہوا۔

    انہوں نے نیوز کانفرنس کے دوران بتایا کہ بھارت ایل اوسی پر معصوم کشمیریوں کو نشانہ بنا رہا ہے،بھارت کی جانب سے سیز فائر کی خلاف ورزی میں بھاری ہتھیاروں کا استعمال کیا جا رہا ہے، جس کا پاک فوج بھرپور جواب دیتی ہے۔

    ڈی جی آئی ایس پی آر کا کہنا تھا کہ حال ہی میں انٹرنیشنل میڈیا نے ایل او سی کا دورہ کیا اور شہریوں سےملاقات کی،بھارت انٹرنیشنل میڈیا یا یو این مبصرین کو ایل او سی جانے نہیں دیتا،آزاد کشمیرمیں یو این مبصرین یا انٹرنیشنل میڈیا کو جانے کی مکمل آزادی ہے۔

    میجر جنرل بابر افتخار نے کہا کہ حال ہی میں بھارت میں ایک دہشت گردگروپ کی نشاندہی کی گئی ہے،بھارت اپنے دہشت گردوں کو ہمسایوں خصوصاً پاکستان کے خلاف استعمال کر رہا ہے۔

    ڈی جی آئی ایس پی آر کا کہنا تھا کہ بھارت مقبوضہ کشمیر میں آبادی کے تناسب کو تبدیل کر رہا ہے،بھارت منصوبے کے تحت مقبوضہ کشمیر سے مسلمانوں کو بے دخل کرنا چاہتا ہے۔

    پریس کانفرنس میں میجر جنرل بابر افتخار کا کہا تھا کہ پاکستان نے افغانستان میں امن کی بحالی کے لیے بھر پور کردار ادا کیا ہے، امید کرتے ہیں افغانستان میں امن بہت جلد بحال ہوگا،افغانستان میں امن کا مطلب ہے پاکستان میں امن قائم ہوگا۔

    انہوں نے بتایا کہ پاک افغان سرحد پر1700 کلومیٹر فاصلے پر فینسنگ کا عمل مکمل کر لیاگیا ہے،سرحدی باڑ لگانے کے لیے ایک علاقے سے 70 آئی ای ڈیز کا صفایا کیا گیا،پاک افغان سرحد پر ایک ہزار سرحدی چیک پوسٹیں بنائی جا رہی ہیں۔

    ڈی جی آئی ایس پی آر کا کہنا تھا کہ آپریشن ردالفسادمیں ایک لاکھ سے زائدانٹیلی جنس بیسڈ آپریشن کیےگئے، آپریشن کے دوران 18 ہزار سے زائد دہشت گردوں کو ماراگیا،ردالفساد میں 400ٹن بارودی مواد اور 70 ہزار سے زائد اسلحہ برآمد کیاگیا۔

    بائبرڈ وار کے حوالے سے بات کرتے ہوئے میجر جنرل بابر افتخار کا کہنا تھا کہ اس کے ذریعے ہمارے دشمن بنیادی ایشوز سے توجہ ہٹانا چاہتے ہیں،انفارمیشن کے ایسے دور میں ہیں جہاں وہ ایک اہم ہتھیار بھی ہے۔

    انہوں نے کہا کہ انفارمیشن کو معاشرےمیں افراتفری پھیلانے کے لیے بھی استعمال کیا جاتا ہے،فیک نیوز کے ذریعےقومی اداروں کو ٹارگٹ کر کے غیر یقینی صورتحال پیدا کی جا رہی ہے۔

    ڈی جی آئی ایس پی آر کا کہنا تھا کہ غلط انفارمشین دے کر لیڈرشپ کے خلاف مہم کے ذر یعے لوگوں کوگمراہ کیا جا رہا ہے،غلط انفارمیشن اور فیک نیوز کے خلاف ہمیں اجتماعی اور انفرادی کردار ادا کرنا ہوگا۔

    میجر جنرل بابر افتخار نے پاکستانی میڈیا کی تعریف کرتے ہوئے کہا کہ بھارتی میڈیا کے پروپیگنڈے کو ہمارے میڈیا نے ناکام بنایا ہے،پاکستان کی یوتھ نے بھارت کے سائبر حملوں کو ناکام بنایا ہے۔

    پریس کانفرنس کے دوران پاک سعودی تعلقات سے متعلق سوال پر ڈی جی آئی ایس پی آر کا کہنا تھا کہ پاکستان اور سعودی عرب کے تعلقات تاریخی اور برادرانہ ہیں،پاکستان کے عوام کے دل سعودی عوام کے ساتھ دھڑکتے ہیں۔

    میجر جنرل بابر افتخار نے کہا کہ بھارت اپنے بجٹ کا بہت بڑا حصہ اسلحے کی خریداری پر استعمال کرتا ہے۔انہوں نے کہا کہ رافیل لے آئیں یا ایس 400 ہم اپنے دفاع کے لیے مکمل طور پر تیار ہیں۔

  • نیوزی لینڈ حملے کی طرز پر مسلمانوں پر وار کرنے کی منصوبہ بندی کرنے والا شخص گرفتار

    نیوزی لینڈ حملے کی طرز پر مسلمانوں پر وار کرنے کی منصوبہ بندی کرنے والا شخص گرفتار

    برلن: جرمنی میں پولیس نے نیوزی لینڈ حملے کی طرز پر مسلمانوں پر وار کرنے کی منصوبہ بندی کرنے والے شخص کو گرفتار کر لیا۔

    تفصیلات کے مطابق جرمن پولیس نے نیوزی لینڈ حملے کی طرز پر مسلمانوں پر وار کرنے کی منصوبہ بندی کرنے والے 21 سالہ شخص کو گرفتار کر لیا۔

    سرکاری پراسیکیوٹر نے بتایا کہ جرمنی کے شمالی شہر ہلدیشیئم سے تعلق رکھنے والے ملزم نے انٹرنیٹ پر حملے سے متعلق اپنے منصوبے سے آگاہ کیا تھا۔

    پراسیکیوٹر کا کہنا تھا کہ ملزم نے اپنی گفتگو میں کرائسٹ چرچ واقعے کا ذکر کیا تھا جہاں دو مساجد میں حملوں میں 51 افراد جاں بحق ہوئے تھے، ملزم اسی طرز کا حملہ کرنا چاہتا تھا، اس کا مقصد مسلمانوں کو قتل کرنا تھا۔

    پولیس نے ملزم کے قبضے سے الیکٹرانک فائلز برآمد کی ہیں جس میں دائیں بازو کے سخت گیر نظریات کا مواد موجود ہے۔ ملزم کو دو روز قبل گرفتار کیا گیا تھا، جس کے بعد اس پر جرائم کرنے کا ارادہ اور اسلحہ خرید کر کشیدگی کو ہوا دینے کی دفعات شامل کی گئی ہیں۔

    یاد رہے کہ جرمنی میں گزشتہ ایک سال کے دوران دائیں بازو کے سخت گیر افراد کی جانب سے کئی حملے کیے جا چکے ہیں۔

  • سعودی فرمانروا کی جانب سے دنیا بھر کے مسلمانوں کے لیے تحفہ

    سعودی فرمانروا کی جانب سے دنیا بھر کے مسلمانوں کے لیے تحفہ

    ریاض: سعودی عرب کے شاہ سلمان امدادی مرکز کی جانب سے آسٹریلیا، تھائی لینڈ، یمن، فلسطین اور افریقی ممالک میں رمضان راشن پیکٹ تقسیم کروائے جارہے ہیں۔

    سعودی ویب سائٹ کے مطابق آسٹریلیا کے مسلمانوں میں سعودی سفارتخانے کی جانب سے رمضان راشن پیکٹ تقسیم کروائے گئے ہیں۔

    سعودی سفیر مساعد بن ابراہیم السلیم نے کہا کہ سفارتخانے نے آسٹریلیا کے اسلامی مراکز اور انجمنوں کے تعاون سے آسٹریلیا، جمہوریہ فجی کے جزائر، نیوگنی اور آس پاس کے جزائر میں آباد ناداروں میں رمضان راشن پیکٹس تقسیم کروائے ہیں۔

    اس سے قبل شاہ سلمان مرکز فلسطین میں 1 ہزار 15 رمضان راشن پیکٹ تقسیم کروا چکا ہے جبکہ غزہ پٹی میں بھی رمضان راشن کی تقسیم جاری ہے، یمن اور سوڈان میں بھی راشن کی تقسیم کی جا چکی ہے۔

    ادھر تھائی لینڈ اور کمبوڈیا کے سرکاری ٹی وی نے روزہ داروں کے لیے خادم حرمین شریفین افطار راشن اسکیم پر پروگرام پیش کیا ہے۔

    وزارت اسلامی امور و دعوت و رہنمائی دنیا کے دیگر ملکوں کی طرح بینکاک میں بھی افطار پروگرام چلا رہی ہے جس سے تھائی لینڈ کے متعدد علاقوں کے ضرورت مند لوگ فائدہ اٹھا رہے ہیں۔

    تھائی لینڈ کے تمام صوبوں میں یہ فلاحی کام انجام دیا جائے گا خصوصاً جنوبی صوبوں میں جہاں مسلمان بڑی تعداد میں آباد ہیں۔ جنوبی صوبوں میں ڈھائی ہزار اور شمالی صوبوں میں ڈھائی سو جبکہ مشرقی صوبوں میں بھی اتنے ہی رمضان راشن پیکٹ تقسیم کیے جائیں گے۔

    روزہ داروں کے لیے افطار پروگرام کو دنیا بھر کے مسلم حلقوں میں پذیرائی مل رہی ہے، کرونا وائرس کے بحران کے مدنظر غیر مسلم بھی اسے پسندیدگی کی نظر سے دیکھ رہے ہیں۔

  • مودی کے ہاتھوں آج بھارتی سماج تقسیم کی گہری کھائی میں گر چکا ہے، شبلی فراز

    مودی کے ہاتھوں آج بھارتی سماج تقسیم کی گہری کھائی میں گر چکا ہے، شبلی فراز

    اسلام آباد: وفاقی وزیر اطلاعات سینیٹر شبلی فراز کا کہنا ہے کہ نریندر مودی کے ہاتھوں آج بھارتی سماج تقسیم کی گہری کھائی میں گر چکا ہے۔

    تفصیلات کے مطابق سماجی رابطے کی ویب سائٹ ٹویٹر پر وفاقی وزیر اطلاعات شبلی فراز نے اپنے پیغام میں کہا کہ مسلمانوں کے گردگھیرا ہر روز مزید تنگ ہو رہا ہے،جموں وکشمیر میں کرفیو،متنازع بل سے زندگی اجیرن کی جا رہی ہے۔

    سینیٹر شبلی فراز کا کہنا تھا کہ کرونا کو مسلم وائرس قرار دینا بیمار بھارتی ذہنیت کی عکاسی ہے،عالمی تنظیمیں اور میڈیا بھارت کی اصلیت دکھا رہے ہیں۔


    وفاقی وزیر نے کہا کہ دنیا میں بھارتی اقدام کی اتنی مذمت پہلے کبھی نہیں دیکھی جتنی آج ہے،بھارت میں اقلیتوں کے حقوق روندے جا رہے ہیں،بھارت میں ہندوتواسوچ،نازی تنظیم ابھر کر سامنےآ رہی ہے۔

    انہوں نے اپنے پیغام میں کہا کہ عالمی مذہبی آزادی کے امریکی کمیشن کی رپورٹ نے بھارت کو بےنقاب کر دیا،بھارت کےجمہوری، سیکولر چہرے کو دنیا میں بےنقاب کیاگیا،یہ رپورٹ انتہا پسند ہندو معاشرے کا پتہ دے رہی ہے۔

    وفاقی وزیر اطلاعات شبلی فراز کا مزید کہنا تھا کہ نریندرمودی کے ہاتھوں آج بھارتی سماج تقسیم کی گہری کھائی میں گر چکا ہے۔

  • بھارت میں کشمیری مسلمان اور بھارتی مسلمان نشانے پر ہیں، وزیراعظم

    بھارت میں کشمیری مسلمان اور بھارتی مسلمان نشانے پر ہیں، وزیراعظم

    اسلام آباد: وزیراعظم عمران خان کا کہنا ہے کہ بھارت میں کشمیری مسلمان اور بھارتی مسلمان نشانے پر ہیں۔

    تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ دنیا کو بتاتا رہا مودی کا ہندوتوا نظریہ اقلیتوں کو نشانہ بنائےگا، بھارت میں کشمیری مسلمان اور بھارتی مسلمان نشانے پر ہیں۔

    وزیراعظم نے کہا کہ اگر یہی صورت حال رہی تو بھارت میں دیگر اقلیتوں کو بھی نشانہ بنایا جائےگا، جو بھی فاشسٹ نظریے سے متفق نہ ہونے کی ہمت کرے گا تشدد کانشانہ ہوگا۔ انہوں نے کہا کہ عدم برداشت کا نظریہ دوسری اقلیتوں کو بھی اپنی لپیٹ میں لےگا۔

    عمران خان نے کہا کہ بھارت میں دلت بھی اس نظریے کے نشانے پر ہیں، موثراقدامات کرنا ہوں گے ورنہ خطے کے باہر بھی اثرات نظر آئیں گے۔

    بھارتی پولیس کی نگرانی میں مسلمانوں کے قتل عام سے شدت پسندی جنم لےگی،وزیراعظم

    یاد رہے کہ گزشتہ ماہ وزیراعظم عمران خان کا کہنا تھا کہ بھارتی پولیس کی نگرانی میں مسلمانوں کے قتل عام سےشدت پسندی جنم لےگی، بھارت کی ریاستی دہشت گردی کا مقصد 20 کروڑ مسلمانوں کو کشمیریوں کی طرح مشتعل کرنا ہے۔

  • ترک صدر اور ایرانی سپریم لیڈر نے بھارتی مظالم کیخلاف آواز بلند کی، وزیراعظم

    ترک صدر اور ایرانی سپریم لیڈر نے بھارتی مظالم کیخلاف آواز بلند کی، وزیراعظم

    اسلام آباد: وزیراعظم عمران خان نے ترک صدر رجب طیب اردوان اور ایرانی سپریم لیڈر آیت اللہ خامنہ ای نے بھارتی مظالم کے خلاف آواز بلند کی۔

    تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں بھارتی مظالم کے خلاف آواز اٹھانے پر ترک صدر رجب طیب اردوان اور ایرانی سپریم لیڈر آیت اللہ خامنہ ای کا شکریہ ادا کیا۔


    وزیراعظم پاکستان نے کہا کہ مودی کی نسل پرست ہندوسرکار مسلمانوں کا قتل عام کر رہی ہے، افسوس مسلم دنیا سے چند آوازیں مظالم کی مذمت کر رہی ہیں۔

    عمران خان کا کہنا تھا کہ مسلمانوں کے قتل عام کے خلاف مغرب میں آوازیں اٹھ رہی ہیں، مقبوضہ کشمیر میں مظالم کےخلاف مغرب سے آواز بلند ہو رہی ہیں۔

    بھارتی دارالحکومت نئی دہلی کے بعد اب اترپردیش میں بھی مسلمان محفوظ نہ رہے، انتہا پسندوں نے اتر پردیش کے شہر بلند میں دو مسلم نوجوانوں کو نہ صرف تشدد کا نشانہ بنایا بلکہ ان پر تیزاب ڈالنے کی دھمکی بھی دی گئی۔

    بھارت: معمولی تنازع پر بھارتی شہریوں کے ہاتھوں مسلمان قتل

    یاد رہے کہ گزشتہ ماہ بھارت میں سڑک پر معمولی تنازع پر بھارتی درندہ صفت شہریوں نے مسلمان شخص کو موت کے گھاٹ اتار دیا تھا۔

  • جب داڑھی، ٹوپی اور کرتا شلوار بھارتی شہری کا جرم بن گیا

    جب داڑھی، ٹوپی اور کرتا شلوار بھارتی شہری کا جرم بن گیا

    نئی دہلی: بھارتی دارالحکومت نئی دہلی میں فسادات کے دوران ہندو انتہا پسندوں کے مشتعل ہجوم کے تشدد کا شکار ہونے والے زبیر کا کہنا ہے کہ انہیں ان کی داڑھی اور ٹوپی کی وجہ سے نشانہ بنایا گیا۔

    زبیر کی ایک تصویر سوشل میڈیا پر بے حد وائرل ہوئی تھی جس میں وہ مشتعل ہجوم کے نرغے میں گھرے زمین پر جھکے ہوئے ہیں، ان کا سفید لباس خون کے چھینٹوں سے تر ہے اور وہ اپنے آپ کو بچانے کی کوشش کر رہے ہیں۔

    بھارتی ویب سائٹ دا وائر کو انٹرویو دیتے ہوئے زبیر نے اس ہولناک دن کی یادیں تازہ کیں، چاند باغ کے علاقے کے رہائشی زبیر اس دن سالانہ اجتماع کی دعا میں شرکت کے لیے نکلے تھے۔

    وہاں سے واپسی میں راستے میـں انہیں علم ہوا کہ دہلی کے علاقے کھجوری گلی میں حملہ ہوا ہے، وہ اپنا راستہ بدل کر اپنے گھر کی طرف جانے لگے۔ وہ بتاتے ہیں کہ راستے میں پڑنے والے ایک سب وے میں ایک شخص نے ان سے کہا کہ آپ نیچے مت جاؤ، وہاں خطرہ ہوسکتا ہے، دوسری طرف سے جاؤ۔

    زبیر راستہ بدل کر جانے لگے، آگے جا کر انہوں نے دیکھا کہ ایک جگہ بہت ہجوم تھا اور شدید پتھراؤ ہورہا تھا، ’میں وہاں سے جانے لگا تو ہجوم نے مجھے دیکھ لیا، ایک شخص میری طرف سلاخیں لے کر بڑھا تو میں نے اس سے کہا کہ میں نے آپ کا کیا بگاڑا ہے‘۔

    مزید پڑھیں: مشتعل ہجوم نے فوجی اہلکار کو بھی نہ بخشا، گھر کو آگ لگا دی

    زبیر کے مطابق ان لوگوں نے ان کی بات کو نظر انداز کیا اور سلاخ پکڑے ہوئے ایک شخص نے، وہ ان کے سر پر دے ماری، اس کے بعد 20، 25 افراد نے ان پر  تشدد شروع کردیا۔ ’ان کے ہاتھ میں تلوار، سلاخیں اور ڈنڈے تھے اور وہ مجھے مارتے رہے، انہوں نے تلوار بھی میرے سر پر ماری لیکن خوش قسمتی سے وہ صحیح طریقے سے نہیں لگی‘۔

    زبیر کا کہنا ہے کہ وہ لوگ جے شری رام اور مارو ملا کو نعرے لگا رہے ہیں۔ ’جب وہ مار مار کر تھک گئے اور دور ہٹ گئے تو میں نے کچھ آوازیں سنیں جو مجھے اسپتال لے جانے کا کہہ رہی تھیں‘۔

    ’انہوں نے آپس میں طے کیا کہ ان میں سے کچھ مجھے پتھراؤ سے بچائیں گے اور باقی افراد وہاں سے مجھے دور لے کر جائیں گے ، اس کے بعد مجھے ایمبولینس میں ڈالا گیا، بعد میں میری آنکھ اسپتال میں کھلی‘۔

    زبیر کا کہنا ہے کہ انہوں نے کرتا شلوار اور ٹوپی پہنی تھی اور ان کی داڑھی ان کے مسلمان ہونے کی شناخت تھی اور اسی وجہ سے ہجوم نے ان پر تشدد کیا۔

    وہ کہتے ہیں کہ ان کی عمر 37 سال ہے اور زندگی میں کبھی ان کی مذہبی شناخت کی وجہ سے اس طرح انہیں نشانہ نہیں بنایا گیا۔ ان کا جسم زخموں سے چور ہے اور سر پر 20 سے 25 ٹانکے لگے ہیں۔ 6 دن بعد بھی وہ بغیر سہارے کے چل پھر نہیں پاتے۔

    زبیر کا کہنا ہے کہ میں ڈر کر بھاگنے والا نہیں ہوں، میں وہیں رہوں گا جہاں ہمیشہ سے رہتا آیا ہوں۔ ’ڈر اس کے دل میں ہوتا ہے جو غلط راستے پر ہو، میں نے کچھ غلط نہیں کیا اور میں بالکل درست راستے پر ہوں‘۔

    یاد رہے کہ نئی دہلی میں گزشتہ اتوار سے شروع ہونے والے مسلم کش فسادات میں مرنے والوں کی تعداد 42 ہوگئی ہے جبکہ 48 گھنٹے کے دوران 3 مساجد، ایک مزار، اور مسلمانوں کے بے شمار گھر اور گاڑیاں جلا دی گئی ہیں۔

    مودی سرکار نے متاثرہ علاقوں میں کرفیو لگا دیا ہے جبکہ نماز جمعہ کے اجتماعات پر بھی پابندی عائد رہی۔ متاثرہ علاقوں میں تجارتی مراکز بند ہیں، مسلمانوں کے خاکستر گھر اور تباہ کاروبار ان پر گزری قیامت کا پتہ دے رہے ہیں۔

  • بھارتی پولیس کی نگرانی میں مسلمانوں کے قتل عام سے شدت پسندی جنم لےگی،وزیراعظم

    بھارتی پولیس کی نگرانی میں مسلمانوں کے قتل عام سے شدت پسندی جنم لےگی،وزیراعظم

    اسلام آباد: وزیراعظم عمران خان کا کہنا ہے کہ بھارتی پولیس کی نگرانی میں مسلمانوں کے قتل عام سے شدت پسندی جنم لےگی۔

    تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ آر ایس ایس کے غنڈے بھارتی پولیس کی نگرانی میں مسلمانوں کا قتل عام کر رہے ہیں۔

    وزیراعظم نے کہا کہ بھارتی پولیس کی نگرانی میں مسلمانوں کے قتل عام سےشدت پسندی جنم لےگی، بھارت کی ریاستی دہشت گردی کا مقصد 20 کروڑ مسلمانوں کو کشمیریوں کی طرح مشتعل کرنا ہے۔

    عمران خان نے اپنے پیغام میں مزید کہا کہ میں بار بار نشاندہی کر رہا ہوں عالمی برادری مداخلت کرے ، ایسا نہ ہوا تو ناصرف خطے بلکہ دنیا بھر کے لیے اس کے بھیانک نتائج ہوں گے۔

    بھارت میں مسلمانوں پر حملے1938 میں یہودیوں پر حملے جیسے ہیں،عمران خان

    یاد رہے کہ گزشتہ روز وزیراعظم عمران خان کا کہنا تھا کہ بھارت میں مسلمانوں پر حملے 1938 میں یہودیوں پر حملے جیسے ہیں۔

  • بھارت میں مسلمانوں پر حملے1938 میں یہودیوں پر حملے جیسے ہیں،عمران خان

    بھارت میں مسلمانوں پر حملے1938 میں یہودیوں پر حملے جیسے ہیں،عمران خان

    اسلام آباد: وزیراعظم عمران خان کا کہنا ہے کہ بھارت میں مسلمانوں پر حملے 1938 میں یہودیوں پر حملے جیسے ہیں۔

    تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ 1938میں یہودیوں کی نسل کشی ہوئی، بھارت میں اب مسلمانوں کی ہو رہی ہے۔

    وزیراعظم نے کہا کہ میں بار بار کہہ رہا ہوں مودی کا ہندوتوا نظریہ نازی نظریہ ہے، مودی نے گجرات میں مسلمانوں کا قتل عام کیا،اب نئی دلی میں خون بہہ رہا ہے۔

    انہوں نے کہا کہ 1930میں یہودیوں کی نسل کشی پر عالمی طاقتیں ہٹلر کو خوش کرنے میں لگی رہیں، نازی جرمنی میں ایسا یہودیوں کے ساتھ ہوا تھا، قتل عام پر یہودی جان بچانے کے لیے نازی جرمنی سے بھاگتے پھر رہے تھے۔

    وزیراعظم پاکستان نے کہا کہ مسلمانوں کا قتل عام،گھر، کاروبار، مساجد، قبرستان جلائے جا رہے ہیں، دنیا فاشسٹ مودی کی بربریت کا نوٹس لے، بھارت میں مسلمانوں کی نسل کشی بندکرائے۔

    دہلی میں بدترین مسلم کُش فسادات، ہندو انتہا پسندوں نے 42 مسلمانوں کی جان لے لی

    واضح رہے کہ بھارتی دارالحکومت کی زمین مسلمانوں پر تنگ کردی گئی، مسلم کُش فسادات میں مرنے والوں کی تعداد 42 ہوگئی ہے جبکہ فسادات میں 48گھنٹے میں تین مساجد ، ایک مزار جلا دیےگئے۔

  • بھارت میں قتل عام پر موسیقار بھی خاموش نہ رہ سکے، وزیراعظم

    بھارت میں قتل عام پر موسیقار بھی خاموش نہ رہ سکے، وزیراعظم

    اسلام آباد: وزیراعظم عمران خان کا کہنا ہے کہ وقت آگیا ہے دنیا بھی بھارت میں قتل عام کا نوٹس لے، یہ تاریخ میں حق کے ساتھ کھڑے ہونے کا وقت ہے۔

    تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ بھارت میں قتل عام پر موسیقار بھی خاموش نہ رہ سکے، امن کے لیے زندگی وقف کرنے والے موسیقاروں کا بولنا اہم ہے۔

    وزیراعظم پاکستان نے کہا کہ وقت آگیا ہے دنیا بھی بھارت میں قتل عام کا نوٹس لے، یہ تاریخ میں حق کے ساتھ کھڑے ہونے کا وقت ہے۔

    واضح رہے کہ بھارتی دارالحکومت نئی دہلی میں شہریت کے متنازع قانون کے خلاف احتجاج کے دوران ہونے والے فسادات میں جاں بحق افراد کی تعداد 34 ہوگئی ہے۔

    نئی دہلی کے وزیراعلیٰ اروند کیجریوال کا کہنا ہے کہ نفرت پھیلانے والوں کو گرفتار کیا جائے۔