Tag: مسلم لیگ ق

وزیراعلیٰ بلوچستان کی نامزدگی، عبدالقدوس بزنجو کے نام پر اپوزیشن متفق

کوئٹہ : صوبہ بلوچستان کے نئے وزیراعلیٰ کے لیے اپوزیشن جماعتوں نے مشترکہ طور پر آواران سے منتخب ہونے والے رکن صوبائی اسمبلی عبدالقدوس بزنجو کے نام پر اتفاق کرلیا ہے.

تفصیالت کے مطابق صوبے کے نئے وزیراعلیٰ کے نام کا اعلان سابق اسپیکر بلوچستان اسمبلی جان محمد جمالی نے مسلم لیگ (ن) کے ناراض اراکین، مسلم لیگ ( قائد اعظم ) اور دیگر اپوزیشن جماعتوں کے نمائندوں کے ہمراہ کوئٹہ میں پریس کانفرنس کرتے ہوئے کیا.

جان محمد جمالی نے پریس کانفرنس سے خطاب کرتے ہوئے کہا کہ صوبے میں نئے وزیراعلٰی کے انتخاب کا مشکل مرحلہ دوست اور ہم خیال جماعتوں کی مشاورت سے خوش اسلوبی کے ساتھ طے کرلیا گیا ہے اور میں یہ اعلان کرتے ہوئے خوشی محسوس کررہا ہوں کہ اپوزیشن کی جانب سے وزیراعلیٰ کے لیے مشترکہ امیدوارعبد القدوس بزنجو ہوں گے.

انہوں نے دیگر اپوزیشن جماعتوں کے رہنماؤں اور اراکین اسمبلی کی جانب سے نیک خواہشات کا اظہار کرتے ہوئے عبدالقدوس بزنجو کو مبارک باد پیش کی اور صوبے کی تعمیر و ترقی کے لیے ہر ممکن معاونت کے عزم کا اعادہ بھی کیا.

اپوزیشن جماعتوں کے متفقہ امیدوار عبدالقدوس بزنجو نے تمام اراکین کا شکریہ ادا کرتے ہوئے کہا کہ بلوچستان کےعوام کی بہترخدمت کرنے کی کوشش کروں گا اورامید ہے اراکین بلوچستان کی ترقی کیلئے میرا ساتھ دیں گے.

عبدالقدوس بزنجو نے کہا کہ یوں تو تمام اراکین کا شکریہ ہے لیکن بالخصوص سرفراز بگٹی کا شکریہ ادا کرتا ہوں جنہوں نے تحریک کی خاطراپنی وزارت قربان کردی جو پاکستان کی سیاسی تاریخ میں ایک انمول مثال ہے.

انہوں نے کہا کہ بلوچستان حکومت اپنی آئینی مدت پورے کرے گی اور ہم سب مل کربلوچستان کےعوام کے مسائل حل کریں گے جس کے لیے میں سب کو ساتھ لے کر چلوں گا.

اس موقع پر سرفراز بگٹی کا کہنا تھا کہ پہلے ہماری تحریک میں 40 ارکان تھے لیکن اب یہ تعداد اور بھی بڑھ گئی ہے زیادہ جس کے لیے ہمیں دیگرجماعتوں کے ساتھی شامل بھی تھے.

اسی سے متعلق : وزیر اعلیٰ‌ بلوچستان ثنا اللہ زہری نے استعفیٰ دے دیا

خیال رہے مسلم لیگ قائداعظم کے اراکین نے سابق وزیر اعلیٰ ثناء اللہ زہری کے خلاف عدم اعتماد تحریک پیش کرنے کے لیے متحرک کردار ادا کیا تاہم انہیں مسلم لیگ (ن) کے ناراض اراکین کی بھی حمایت حاصل تھی جب کہ ن لیگ کے چھ وزراء نے بھی استعفی دے دیا تھا.

یہ بھی پڑھیں : سابق وزیراعلٰی بلوچستان ثناءاللہ زہری کے حالات زندگی

سیاسی تجزیہ کاروں کا کہنا ہے کہ بلوچستان میں مسلم لیگ )ن( اکثریتت جماعت ہے تاہم وہ اپنا وزیراعلیٰ نہیں بچا سکی اور ناراض اراکین اپنی قیادت سے انحراف کرتے ہوئے عبدالقدوس کو ووٹ دیں گے جس سے اس بات کا قومی امکان ہے کہ بلوچستان کے نئے وزیراعلیٰ عبدالقدوس ہوں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

جنوری 11, 2018
چوہدری شجاعت لیگی دھڑوں کو متحد کرنے کیلئے کوشاں، کمیٹی تشکیل

کراچی : مسلم لیگ قاف کے سربراہ چوہدری شجاعت نے تمام مسلم لیگی دھڑوں کو یکجا کرنے کا بیڑہ اٹھا لیا، لیگی اتحاد کیلئے چار رکنی کمیٹی بھی تشکیل دے دی۔

تفصیلات کے مطابق ق لیگ کے مرکزی صدر چوہدری شجاعت لیگی دھڑوں کوایک کرنےکامشن لئے کراچی پہنچ گئے ہیں، اس موقع پر ان کا شاندار استقبال کیا گیا۔

صحافیوں سے گفتگو کرتے ہوئے ان کا کہنا تھا کہ اتحاد بنتے اور ٹوٹتے رہتےہیں لیکن میری کوشش ہوتی ہے کہ تمام لیگی دھڑے متحد ہوجائیں، مسلم لیگی دھڑوں کا یکجا ہونا ہی موجودہ حالات کی اہم ضرورت ہے۔

چوہدری شجاعت حسین نے کراچی میں غوث علی شاہ سے ملاقات کی ملاقات کے بعد میڈیا سے گفتگو میں ان کا کہنا تھا کہ نوازشریف مسلم لیگی ہونگے، مجھے نہیں معلوم، پرویز مشرف بھی مسلم لیگی ہیں، مجھ سمیت سب کااحتساب ہوناچاہیے۔

مزید پڑھیں: مشرف کی سربراہی میں لیگی دھڑوں کے اتحاد کا فیصلہ

چوہدری شجاعت کا کہنا تھا کہ سال 2018کے انتخابات ہوتے مشکل نظر آرہے ہیں، اس موقع پر صحافیوں سے گفتگو کرتے ہوئے غوث علی شاہ نے کہا کہ لیگی دھڑوں کے اتحاد کیلئے پیر پگارا سے بھی ملاقات کی ہے، پیرپگارا نے لیگیوں کو یکجا کرنے میں اپنی بھرپور حمایت کا یقین دلایا ہے۔

غوث علی شاہ نے میڈیا سے بھی اپنا بھرپور کردار اداکرنے کی اپیل کی، لیگی دھڑوں کو متحد کرنے کیلئے چار رکنی کمیٹی تشکیل دے دی گئی ہے، کمیٹی کے ارکان میں میں غوث علی شاہ، پرویزالٰہی، سرداررحیم، طارق بشیرچیمہ شامل ہیں۔

چودھری شجاعت اور ذوالفقار کھوسہ متحدہ مسلم لیگ کے قیام پر متفق

قبل ازیں مسلم لیگ ق کے مرکزی صدر چوہدری شجاعت حسین کراچی پہنچے تو کارکنان نے ان کا پرجوش استقبال کیا۔ انہوں نے اپنے قائد کو سفید پگڑی بھی پہنائی، کارکنان نے ڈھول کی تھاپ پر بھنگڑے ڈالے اور بینڈ کی خصوصی دھنوں نےسیاسی ماحول گرمایا۔

اگست 16, 2017
کرپشن کی نشاندہی کوسازش قراردینا افسوسناک ہے، چوہدری شجاعت

لاہور : مسلم لیگ ق کے صدر چودھری شجاعت نے کہا ہے کہ کرپشن کی نشاندہی کو جمہوریت کے خلاف سازش قرار دینا افسوسناک ہے، وزیر اعظم ہاؤس کرپشن بچاؤ تحریک کامرکز بن گیاہے،حکمران خاندان کی کرپشن کے باعث پاکستان عالمی برادری میں تنہا ہو گیا۔

ان خیالات کا اظہار انہوں نے لاہور میں میڈیا سے گفتگو کرتے ہوئے کیا، چوہدری شجاعت کا کہنا تھا کہ حکومتی وزراء کی جانب سے آئینی اداروں کے ساتھ محاذ آرائی کر کے ان کو نیچا دکھانے کی روش انتہائی احمقانہ ہے۔

حکمرانوں کی جانب سے کرپشن کی نشاندہی کو جمہوریت کے خلاف سازش قرار دینا اور بھی افسوسناک ہے۔ ان کا کہنا تھا کہ موجودہ حکومت عملی طور پر غیر فعال ہو چکی ہے۔

ان کا کہنا تھا کہ وزیراعظم ہاؤس امور مملکت چلانے کے بجائے کرپشن بچاؤ تحریک کا مرکز بن چکا ہے، موجودہ حالات میں ملک کی سینئر سیاسی قیادت پر یہ ذمہ داری عائد ہوتی ہے کہ وہ اختلافات سے بالاتر ہو کر ملک کو بحران سے نکالنے کیلئے نوازشریف پر زور دے کہ وہ فوری طور پر عہدے سے مستعفی ہوجائیں۔

جولائی 15, 2017
پانامہ کیس میں پیش کیا گیاخط سیف الرحمٰن شہزادے کاہے،پرویز الٰہی

لاہور: مسلم لیگ ق کےمرکزی رہنما پرویز الٰہی کا کہناہے کہ پانامہ کیس میں پیش کیا گیا خط قطری شہزادے کا نہیں بلکہ سیف الرحمٰن شہزادے کا ہے۔

تفصیلات کےمطابق جہانگیر بدر مرحوم کے اہل خانہ سے تعزیت کے بعد میڈیا سے گفتگومیں چودھری پرویز الٰہی کا کہنا تھا کہ اب کوئی ملک شریف برادران کو بچانے کا خطرہ مول نہیں لے گا۔

مسلم لیگ ق کے مرکزی رہنما کا کہناتھا کہ پانامہ کیس میں جو نیا خط آیا ہےوہ قطری شہزادے کا نہیں بلکہ سیف الرحمٰن شہزادے کاہے۔

پرویز الٰہی کا کہناتھا کہ شریفوں سے نجات حاصل کرنے کےلیے اپوزیشن جماعتوں کو ایک ساتھ چلنا ہو گا۔انہوں نے کہا کہ پوری قوم کی نظریں سپریم کورٹ پر لگی ہوئی ہیں۔

مسلم لیگ ق کے رہنما پرویز الٰہی نے جہانگیر بدر کو خراج عقیدت پیش کرتے ہوئے کہا کہ وہ صاف گو اور سچے انسان تھے۔انہوں نے مشکل ترین دور میں بھی اپنی پارٹی کا جھنڈا تھامے رکھا۔

ڈپٹی چیئرمین سینٹ مولانا عبدالغفور حیدری بھی تعزیت کےلیے جہانگیر بدر کے گھر پہنچے۔ان کا کہنا تھا کہ جہانگیر بدر کو ضیاءالحق کے دور میں کوڑوں کی سزائیں دی گئی تھیں وہ نظریاتی کارکن اور باوفا شخصیت کے مالک تھے۔

مزید پڑھیں:ستائیں دسمبرکویوٹرن نہیں ہوگا،تحریک چلےگی،اعتزازاحسن

واضح رہےکہ اس سے قبل آج پیپلزپارٹی کےمرکزی رہنما سینیٹر اعتزازاحسن کا کہناتھاکہ وزیراعظم نوازشریف کے پاس کوئی راہ فرار نہیں ہے۔ان کا کہناتھا کہ 27دسمبر کو یوٹرن نہیں ہوگا بلکہ تحریک چلے گی۔

نومبر 20, 2016
پنجاب میں ہرشعبہ زوال کا شکار ہے، پرویزالٰہی

لاہور : پاکستان مسلم لیگ ق کے مرکزی رہنماء چودھری پرویز الٰہی نے کہا ہے کہ لاہور میں ہر شعبے میں حالات بدترین ہوتے جارہے ہیں، نمائشی اسکیموں کی فاتحہ پڑھنے کے بعد سود کی ادائیگی کی جارہی ہے، ہر شعبہ زوال کا شکار ہے۔

ان خیالات کا اظہار انہوں نے لاہور میں میڈیا سے گفتگو کرتے ہوئے کیا، پرویز الٰہی نے شریف برادران پر تنقید کرتے ہوئے کہا کہ وزیر اعظم کا چھوٹا بھائی سرکاری اسپتال اور اسکول ٹھیکے پر دے رہا ہے اور سستی روٹی اسکیم کے نام پر بینکوں کو سود ادا کیا جارہا ہے۔

پرویز الہٰی کا کہنا تھا کہ ہمارے شروع کیے گئے منصوبوں کو پنجاب میں ادھورا چھوڑدیا گیا ہے، جو کہتے ہیں کہ ہم مارشل لاء کی پیداوار ہیں تو وہ اپنی معلومات ٹھیک کرلیں، ہم اس وقت سے سیاست میں ہیں جب ان لوگوں نے سیاست کے بارے میں سوچا بھی نہیں ہوگا۔

بھٹو صاحب کے دور میں بھی ہم نے صعوبتوں کا مقابلہ کیا ہے، الزامات لگانے والے ثبوت دیں تو میں سیاست چھوڑ دوں گا۔

انہوں نے کہا کہ پنجاب کے اسپتالوں میں ادویات ہیں نہ ضروری آلات اور نہ ہی مریضوں کیلئے کوئی سہولیات، انہوں نے کہا کہ پیلی ٹیکسی اسکیم کے بعد نیلی اسکیم بھی فیل ہوگئی ہے۔

نومبر 18, 2016
نوازحکومت کے خاتمے سے سی پیک کونقصان نہیں پہنچےگا، پرویزالہیٰ

اسلام آباد: مسلم لیگ (قائد اعظم) کے رہنما چوہدری پرویز الہی نے کہا کہ سی پیک منصوبہ چین اور نواز لیگ نہیں بلکہ چین اور پاکستان کے درمیان ہے،حکومت کے خاتمے سے منصوبہ کو کوئی نقصان نہیں ہوگا۔

تفصیلات کے مطابق مسلم (ق) کے مرکزی رہنما چوہدری پرویز الٰہی اسلام آباد میں تاجروں کے ایک وفد سے ملاقات کر رہے تھے انہوں نے کہا کہ سی پیک منصوبہ چین اورپاکستان کےدرمیان ہے اور اس منصوبے کی محافظ پاک فوج اور عوام ہیں،اس منصوبے کو کسی قسم کا کوئی خطرہ نہیں۔

انہوں نے کہا کہ جان بوجھ کر ایسا تاثر دیا جارہا ہے کہ جیسے سی پیک منصوبہ چین اور ن لیگ کے درمیان ہے اور نواز لیگ کی حکومت کے جانے سے یہ منصوبہ کھٹائی میں پڑ جائے گا حالانکہ حقیقت یہ ہے کہ ن لیگ کےجانےسے سی پیک منصوبہ شفاف طریقے سے پایہ تکمیل تک پہنچےگا۔

انہوں نے کہا کہ دراصل خطرہ سی پیک منصوبے کو نہیں نواز لیگ کی حکومت کو ہے اور اپنی حکومت کو بچانے کے لیے سی پیک منصوبے کی آڑ لے رہے ہیں اور ایسا ظاہر کر رہے ہیں کہ جیسے سی پیک منصوبہ نواز لیگ کی حکومت کے ساتھ ہی ختم ہو جائے گا۔

واضح رہے مسلم لیگ قائد اعظم نے دونومبر کے دھرنے کے لیے عمران خان کو حمایت کا اعلان کیا ہے اور (ق) لیگ کے کارکنان کی بڑی تعداد کے ہمراہ شرکت کی یقین دہانی بھی کرائی تھی۔

اکتوبر 30, 2016
حکومت مخالف دھرنا، ق لیگ نے پی ٹی آئی کی حمایت کردی

اسلام آباد: سابق نائب وزیراعظم چوہدری پرویز الہیٰ نے کہا ہے کہ عمران خان اپنی ذات کی نہیں بلکہ پاکستان کو بچانے کے لیے کوشاں ہیں انہیں مضبوط کرنے کے لیے سب کو اکٹھا ہونا ہوگا اس لیے مسلم لیگ ق بھی پی ٹی آئی کے دھرنے میں شامل ہوگی۔

اسلام آباد میں پارٹی جنرل کونسل سے خطاب کرتے ہوئے چوہدری پرویز الہیٰ نے کہا کہ عمران خان ملک کو بچانے کے لیے نکلے ہیں اپوزیشن جماعتوں کو بھی اُن کا ساتھ دینا چاہیے، وہ اپنی ذات کی نہیں بلکہ پاکستان کو دلیری سے بچانے کی کوشش کررہے ہیں۔

پڑھیں: جہاں روکیں وہیں بیٹھ جاؤ، عمران خان نے کارکنوں کو پلان بی دیدیا

انہوں نے کہا کہ اپوزیشن جماعتوں کو پی ٹی آئی کے دعوت نامے کا انتظار نہیں کرنا چاہیے بلکہ ملک کو بچانے کے لیے عمران خان کا ساتھ دینے کا اعلان کردینا چاہیے۔پرویز الہیٰ نےکہا کہ موجودہ حکمران ملک، فوج اور جمہوریت کو نقصان پہنچا رہے ہیں ایسے لوگوں سے پاکستان کو ہر صورت نجات دلوانی ہوگی۔

مزید پڑھیں: دھرنے سے نمٹنے کی حکمت عملی، وزیر داخلہ نے اجلاس طلب کرلیا

اُن کا کہنا تھا کہ حکمرانوں اور بھارتی وزیر اعظم نریندر مودی کا ایجنڈا ایک ہے، ایسے حکمرانوں سے ہر صورت چھٹکارا حاصل کرنا ہوگا، مسلم لیگ ق ملک کو بچانے کے لیے شروع کی جانے والی ہر جدوجہد میں بھرپور حصہ لے گی‘‘۔

قبل ازیں اجلاس میں تمام اراکین اور کارکنان کی متفقہ رائے سے چوہدری شجاعت حسین کو آئندہ چار سال کے لیے بلامقابلہ صدر منتخب کیا گیا، اجلاس میں مقبوضہ کشمیر میں جاری بھارتی مظالم، لائن آف کنٹرول پر بھارتی فوجیوں کی خلاف ورزیوں کی بھی مذمت کی گئی۔

یہ بھی پڑھیں: کور کمانڈر کانفرنس، متنازع خبر قومی سلامتی کے منافی قرار

علاوہ ازیں مٹینگ میں ڈان نیوز میں نیشنل سیکیورٹی پلان کے حوالے سے شائع کی جانے والی بے بنیاد خبر کی مذمت کی گئی اور ن لیگ کے میڈیا سیل کی اس حرکت کو فوج کے خلاف سازش قرار دیا گیا۔

اکتوبر 21, 2016
حکمرانوں نے سیاسی انتقام کی انتہاء کردی، چوہدری شجاعت

لاہور : مسلم لیگ ق کے صدر چوہدری شجاعت حسین نے کہا ہے کہ حکمرانوں نے سیاسی انتقام کی انتہاء کردی، ہمارے فلاحی ٹرسٹ میں یتیموں، بیواؤں کو بھی انتقام کا نشانہ بنایا گیا ہے۔

ق لیگ کے صدر اور سابق وزیراعظم چوہدری شجاعت نے لاہور میں قائم اپنی بہن کے فلاحی ادارے ’’الجنت ٹرسٹ‘‘ کو پنجاب حکومت کی جانب سے سیاسی انتقام کا نشانہ بنانے کی مذمت کردی۔

چوہدری شجاعت کا کہنا ہے کہ الجنت ٹرسٹ غیرسیاسی ادارہ ہے جو پندرہ سال سے لاہور میں فری رہائشی و تعلیمی مرکز چلا رہا ہے اور کینسر کے مریضوں کا بھی مفت علاج کیا جارہا ہے۔

چوہدری شجاعت حسین نے کہا کہ صوبائی حکومت کے زیرانتظام ایل ڈی اے کے عملے نے بلڈوزر لے کر ٹرسٹ کی بلڈنگز کو مسمارکرنے کا کام شروع کیا مگر وہاں موجود بیواؤں، یتیم بچوں اور غریبوں کی بڑی تعداد بلڈوزر کے آگے بیٹھ گئی۔

اس موقع پر الجنت ٹرسٹ کے متاثرین نے صوبائی حکومت کیخلاف احتجاج کیا اور حکمرانوں کیخلاف نعرے لگائے۔

ستمبر 21, 2016
اپوزیشن 2018 کے انتخابات کی تیاریاں کرے، چوہدری شجاعت

لاہور : مسلم لیگ ق کے سربراہ چوہدری شجاعت کا کہنا ہے کہ پانامہ لیکس کا معاملہ کھٹائی میں پڑگیا ہے اب اپوزیشن 2018 کے انتخابات کا انتظار کرے۔

لاہور میں پریس کانفرنس کرتے ہوئے چوہدری شجاعت نے اعتراف کیا کہ حکومت اپوزیشن کی نالائقی کی وجہ سے چل رہی ہے، پاناما لیکس کا معاملہ کھٹائی میں پڑ گیا ہے جس میں دونوں فریقین برابر کے ملوث ہیں، انہوں نے اپوزیشن کو مشورہ دیا کہ اب وقت ضائع کرنے سے بہتر ہے جماعتیں 2018 کے انتخابات کی تیاریاں کرے۔

انہوں نے مزید کہا کہ ملک کو مستقل بنیادوں پر وزیر خارجہ کی ضرورت ہے لیکن حکمران اس اہم وزارت پر صرف دو مشیروں سے کام چلا رہی ہے، جو ملک کے لیے بہت نقصان کا باعث بن رہی ہے۔

چوہدی شجاعت نے حکومت کو مشورہ دیا کہ کشمیر کمیٹی خواب و خرگوش کے مزے لے رہی ہے، مسئلہ کشمیر کے لیے پاکستان کو لابنگ کرنی چاہیے، حکمران کشمیر میں جاری بھارتی مظالم پر آواز بلند کریں اور اس کے حل کےلیے دلیرانہ اقدامات کریں۔

پانامہ لیکس کے حوالے سے پوچھے گئے سوال پر چوہدری شجاعت نے کہاکہ کمیٹی کی عدم دلچسپی کے باعث معاملہ کھٹائی میں پڑ گیا ہے اب بہت مشکل نظر آتا ہے کہ اس حوالے سے کوئی پیش رفت سامنے آئے۔

جولائی 17, 2016
کسانوں کو بدحال کرنے کے ذمہ دارحکمران ہیں، پرویزالٰہی

قصور: مسلم لیگ کے مرکزی رہنما پرویز الہی نے کہا ہے کہ حکومت کا کسان پیکج اونٹ کے منہ میں زیرے کے برابر ہے،نواز شریف اگر کسانوں سے مخلص ہوتے تو پہلے بجٹ میں ہی کسانوں کے لیے فنڈز مختص کرتے۔

قصور کے علاقے الہ آباد میں کسان کنونشن سے خطاب کرتے ہوئے چوہدری پرویز الہی نے کہا کہ حکمران کسانوں کو بدحال کرنے کی سازش کے ذمہ دار ہیں کیونکہ جب بھی آلو اور ٹماٹر کی فصل تیار ہوجاتی ہے تو وہ بھارت سے تجارت شروع کردیتے ہیں۔

انھوں نے کہا کہ کپاس،چاول اور گنے کے کاشتکاروں کو پورا خرچہ بھی نہیں مل رہا اگر یہی طرز حکومت رہا تو زرعی ملک بدحال ملک میں تبدیل ہوجائے گا۔

چوہدری پرویز الہی کا کہنا تھا کہ ایک سو اسی ارب جنگلہ بس پر لگادیے گئے سو ارب روپے کا سر پلس صوبہ پنجاب آج دو ہزار ارب کا مقروض ہے ، آشیااسکیم ، سستی روٹی اسکیم اور دانش اسکول اسکیمز فیل ہوچکی ہیں۔

انھوں نے کہا میں کسانوں کے ساتھ ہوں اور بلدیاتی انتخابات میں کسان سائیکل کو مہر لگا مسلم لیگ ق کا ساتھ دیں۔

اکتوبر 17, 2015