ARYNews.tv | Urdu – Har Lamha Bakhabar

Tag: مسلم لیگ نواز

  • مسلم لیگ نواز کی قیادت میں شدید اختلاقات

    مسلم لیگ نواز کی قیادت میں شدید اختلاقات

    ایبٹ آباد : مسلم لیگ نواز کے عہدیداران اور ورکرز نے مریم نواز کے دورہ ایبٹ آباد پر احتجاج کا اعلان کر دیا ہے۔

    تفصیلات کے مطابق ایبٹ آباد میں مسلم لیگ نواز کی قیادت میں شدید اختلاقات سامنے آگئے۔

    مسلم لیگ نواز کے عہدیداران اور ورکرز نے مریم نواز کے دورہ ایبٹ آباد پر احتجاج کا اعلان کر دیا ہے۔

    لیگی ضلعی عہدیداران نے شدید تحفظات کا اظہار کرتے ہوئے کہا کہ نظریاتی ورکرز سے مریم نواز کے دورہ کے حوالے سے رابطہ تک نہیں کیا گیا، لیگی صوبائی قیادت نے پارٹی کو تباہی کے دھانے پر پہنچا دیا ہے۔

    عہدیدران نے کہا کہ ہمارے تحفظات دور نہ ہوئے تو مریم نواز کی آمد پر شدید احتجاج کریں گے۔

    خیال رہے مسلم لیگ ن کی چیف آرگنائزر مریم نواز 9 فروری کو ایبٹ آباد میں ورکرز کنونشن سے خطاب کریں گی۔

  • ن لیگ دور میں سرکاری اسپتالوں میں مفت دوائیں ملتی تھیں، احسن اقبال

    ن لیگ دور میں سرکاری اسپتالوں میں مفت دوائیں ملتی تھیں، احسن اقبال

    نارووال : مسلم لیگ نواز کے رہنما احسن اقبال کا کہنا ہے کہ ن لیگ کے دور میں سرکاری اسپتالوں میں مفت ادویات ملتی تھیں، بد قسمتی سے اس حکومت نے سب کچھ بند کردیا ہے۔

    تفصیلات کے مطابق مسلم لیگ نواز کے مرکزی رہنما اور سابق وفاقی وزیر داخلہ احسن اقبال نے نارووال میں ایک تقریب سے خطاب کرتے ہوئے کہا کہ حکومت نے مفت ادویات بند کردیں بلکہ قیمتوں میں بھی 2 گنا اضافہ کردیا۔

    [bs-quote quote=”پنجاب کی حکومت کو راکٹ سے اتار کر گدھا گاڑی پر بٹھا دیا ہے” style=”style-8″ align=”left” author_name=”احسن اقبال” author_job=”رہنما مسلم لیگ نواز” author_avatar=”https://arynewsudweb.wpengine.com/wp-content/uploads/2019/04/Ahsan-60×60.jpg”][/bs-quote]

    احسن اقبال کا کہنا تھا کہ ہیلتھ کارڈ بند کر کے اپنی تصاویر لگائی جارہی ہیں، ہماری حکومت پر قبضہ کیا گیا، پنجاب حکومت پر شب خون مارا گیا۔

    رہنما مسلم لیگ نواز نے کہا کہ پنجاب حکومت کو راکٹ سے اتار کر گدھا گاڑی پر بٹھا دیا ہے، پنجاب کی عوام گاجر مولی نہیں ہیں، پنجاب کی عوام کو دبانے کا سلسلہ بند کیا جائے، یہ سلسلہ بند نہ ہوا تو ایسا زلزلہ آئے گا جو سنبھالنا مشکل ہوجائے گا۔

    ان کا کہنا تھا کہ نیا پاکستان میں نیا صرف نالائق حکومت ہے، یہ اناڑی ہیں، نالائق حکومت نے 8 ماہ میں ایکسیڈنٹ کردیا، خیبر پختونخوا کی نالائق حکومت میٹرو نہیں چلا سکی۔

    احسن اقبال نے کہا کہ اگلے الیکشن میں ان کی ضمانتیں ضبط ہوں گیں، عمران خان جیلوں سے ڈرانا چاہتے ہیں تو یہ انکی بھول ہے خان صاحب اونچی پرواز پر ہیںان کو زمین پر آجانا چاہیے، مسلم لیگ ن کسی سے ڈرتی ہے اور نہ ہی جھکتی ہے۔

  • پی ٹی آئی کو چاہیے اعتزاز احسن کو سپورٹ کرے، خورشید شاہ

    پی ٹی آئی کو چاہیے اعتزاز احسن کو سپورٹ کرے، خورشید شاہ

    پشاور : پیپلز پارٹی کے رہنما خورشید شاہ نے کہا ہے کہ پاکستان کو ایسے لیڈر کی ضرورت ہے جو ملک کے مسائل عالمی سطح پر اٹھا سکے اور صدارتی امیدوار کے لئے اعتزازاحسن پر کسی کو اعتراض نہیں۔

    تفصیلات کے مطابق پاکستان پیپلز پارٹی کے مرکزی رہنما خورشید شاہ نے پشاور میں میڈیا سے گفتگو کرتے ہوئے کہا ہے کہ عمران خان نے کہا تھا دھاندلی ہوئی ہے تو تمام حلقے کھولیں گے۔

    سابق اپوزیشن لیڈر خورشید شاہ کا کہنا تھا کہ پیپلز پارٹی رہنما اعتزاز احسن پر کوئی الزام نہیں ہے اور اعتزازاحسن پسند نہیں مسلم لیگ نواز نے ایسی کوئی بات نہیں کی۔

    خورشید شاہ کا کہنا تھا کہ صدارتی امیدوار کے لئے اعتزازاحسن پر کسی کو اعتراض نہیں، اعتزاز احسن ایک اثاثے کی حیثیت رکھتے ہیں۔

    سابق اپوزیشن لیڈر خورشید شاہ نے کا کہا ہے کہ پاکستان تحریک انصاف کو چاہیئے کہ اعتزاز احسن کی حمایت کرے،

    پیپلز پارٹی رہنما کا کہنا ہے کہ پاکستان کو ایسے لیڈر کی ضرورت ہے جو مملکت کے مسائل و معاملات کو عالمی سطح پراٹھا سکے، ہمیں پاکستان کے لیے سوچنا ہے اعتزاز احسن کی سپورٹ کرنی ہے۔

    خورشید شاہ کا کہنا تھا کہ پاکستان کے وزیر اعظم عمران خان بہتر کام کریں گے تو ہم ان کی مدد کریں گے۔

    خیال رہے کہ پیپلزپارٹی کے چیئرمین بلاول بھٹو اور آصف علی زرداری نے پارٹی رہنماؤں سے مشاورت کے بعد صدارتی انتخاب میں اپنا امیدوار لانے کا فیصلہ کیا تھا۔

    پی پی پی کے چیئرمین اور آصف زرداری نے اعتزاز احسن کو صدارتی امیدوار نامزد کرنے کی منظوری دی تھی جبکہ خورشید شاہ، شیری رحمان اور قمر زمان کائرہ کو مسلم لیگ ن سمیت دیگر اتحادی جماعتوں سے رابطے کرنے کا ٹاسک دیا تھا۔

    یاد رہے کہ پاکستان کی حکمران جماعت تحریک انصاف نے صدراتی انتخاب کے لیے ڈاکٹر عارف علوی کو اپنا امیدوار نامزد کیا ہے۔

    واضح رہے کہ صدر مملکت ممنون حسین کے عہدے کی مدت 8 ستمبر 2018 کو پوری ہورہی ہے، اُس سے قبل نئے صدر کے انتخاب کے لیے 4 ستمبر کو پولنگ کا انعقاد کیا جائے گا۔

    دوسری جانب الیکشن کمیشن نے صدارتی انتخاب کے لیے نوٹی فکیشن جاری کردیا جس کے مطابق امیدوار 27 اگست کو دوپہر 12 بجے تک اپنے کاغذاتِ نامزدگی جمع کراسکتے ہیں۔

    صدارتی انتخاب کے لیے جمع کروائے جانے والے امیدواروں کے کاغذات کی جانچ پڑتال 29 اگست کی صبح 10 بجے ہوگی جبکہ 30 اگست دن 12 بجے تک امیدوار اپنی نامزدگی واپس لے سکیں گے جس کے بعد حتمی فہرست آویزاں کی جائے گی۔

    پی پی پی کے چیئرمین اور آصف زرداری نے اعتزاز احسن کو صدارتی امیدوار نامزد کرنے کی منظوری دی تھی جبکہ خورشید شاہ، شیری رحمان اور قمر زمان کائرہ کو مسلم لیگ ن سمیت دیگر اتحادی جماعتوں سے رابطے کرنے کا ٹاسک دیا تھا۔

    یاد رہے کہ پاکستان کی حکمران جماعت تحریک انصاف نے صدراتی انتخاب کے لیے ڈاکٹر عارف علوی کو اپنا امیدوار نامزد کیا ہے۔

    واضح رہے کہ صدر مملکت ممنون حسین کے عہدے کی مدت 8 ستمبر 2018 کو پوری ہورہی ہے، اُس سے قبل نئے صدر کے انتخاب کے لیے 4 ستمبر کو پولنگ کا انعقاد کیا جائے گا۔

    دوسری جانب الیکشن کمیشن نے صدارتی انتخاب کے لیے نوٹی فکیشن جاری کردیا جس کے مطابق امیدوار 27 اگست کو دوپہر 12 بجے تک اپنے کاغذاتِ نامزدگی جمع کراسکتے ہیں۔

    صدارتی انتخاب کے لیے جمع کروائے جانے والے امیدواروں کے کاغذات کی جانچ پڑتال 29 اگست کی صبح 10 بجے ہوگی جبکہ 30 اگست دن 12 بجے تک امیدوار اپنی نامزدگی واپس لے سکیں گے جس کے بعد حتمی فہرست آویزاں کی جائے گی۔

  • نواز شریف کا فقید المثال استقبال کیا جائے گا، شہباز شریف

    نواز شریف کا فقید المثال استقبال کیا جائے گا، شہباز شریف

    لاہور : سابق وزیر اعلیٰ پنجاب شہباز شریف نے پریس کانفرنس سے خطاب سے کے دوران نگراں حکومت کو دھمکی دیتے ہوئے کہا کہ ہمیں ڈرانے والے یاد رکھیں وقت ایک جیسا نہیں رہتا۔

    تفصیلات کے مطابق پاکستان مسلم لیگ نواز کے صدر و سابق وزیر اعلیٰ پنجاب شہباز شریف نے پریس کانفرنس سے خطاب کرتے ہوئے کہا ہے کہ پاکستان کے سابق وزیر اعظم جانتے ہیں کہ انہیں جیل کی سلاخوں کے پیچھے ڈال دیا جائے گا۔

    مسلم لیگ نواز کے صدر شہباز شریف کا کہنا تھا کہ نواز شریف جانتے ہیں انہیں کوئی ٹرافی نہیں دی جائے گی، میاں صاحب کا پاکستان پہنچنے پر فقید المثال استقبال کیا جائے گا، ہمیں ڈرانے والے یاد رکھیں وقت کبھی بھی ایک جیسا نہیں رہتا۔

    سابق وزیر اعلیٰ پنجاب کا کہنا تھا اس طرح کے اقدامات الیکشن 2018 کو داغ دار کرنے کے لیے کیے جارہے ہیں۔

    مسلم لیگ ن کا نواز شریف کے استقبال کے لیے ایئرپورٹ جانے کا فیصلہ

    یاد رہے کہ گذشتہ شب سابق وزیر ریلوے اور مسلم لیگ ن کے سینئر رہنما خواجہ سعد رفیق نے کہا ہے کہ ہمارا فیصلہ یہ ہے کہ ہم نواز شریف کے استقبال کے لیے ایئرپورٹ جائیں گے۔

    ان خیالات کا اظہار انہوں نے لیگی رہنما ایاز صادق کے ہمراہ ماڈل ٹاؤن میں ہنگامی پریس کانفرنس کرتے ہوئے کیا، سعد رفیق کا کہنا تھا کہ نواز شریف جمعے کو وطن واپس آرہے ہیں، وہ عدالتی فیصلے کے بعد گرفتاری دینے آرہے ہیں۔

    ان کا کہنا تھا کہ کارکنان استقبال کے دوران پر امن ہوں گے، ہم کسی قسم کی بدنظمی نہیں چاہتے، لیکن استقبال کے لیے ایئرپورٹ جائیں گے۔

    خیال رہے کہ پریس کانفرنس کے دوران سابق اسپیکر قومی اسمبلی اور مسلم لیگ ن کے مرکزی رہنما ایاز صادق نے نگراں حکومت پنجاب کو دھمکی دی اور خبردار بھی کیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • مسلم لیگ نواز کے رہنما ظفر علی شاہ پی ٹی آئی میں‌ شامل

    مسلم لیگ نواز کے رہنما ظفر علی شاہ پی ٹی آئی میں‌ شامل

    اسلام آباد : عمران خان نے ن لیگ کے رہنما ظفر علی شاہ کو پاکستان تحریک انصاف میں خوش آمدید کہتے ہوئے کہا ہے کہ ظفر علی شاہ نے کھبی غلط کام کی حمایت نہیں کی،میں غلط کام کروں گا تو میرے خلاف بھی آواز بلند کریں۔

    تفصیلات کے مطابق پاکستان مسلم لیگ نواز کے رہنما ظفر علی شاہ کا پاکستان تحریک انصاف میں شمولیت اختیار کرتے ہوئے کہنا ہے کہ ملک کو کمزور کرنے کی سازشیں ہورہی ہیں، پاکستان کو عمران خان جیسے لیڈر کی ضرورت ہے.

    ظفر علی شاہ کا کہنا ہے کہ عمران خان کے سپورٹ کے لیے اپنے کاغذات واپس لے رہے ہیں، حسن علی شاہ اپنی مرضی سے پی ٹی آئی میں شامل ہونے کا اعلان کرے گا۔

    پاکستان تحریک انصاف کے چیئرمین عمران خان نے کہا ہے کہ ظفرعلی شاہ کو پی ٹی آئی میں خوش آمدید کہتا ہوں، آپ ذہنی طور پر بہت پہلے پی ٹی آئی میں شامل ہوچکےتھے۔

    عمران خان کا کہنا ہے کہ پاناما کا ایشو آیا تو ن لیگ کی سینئر لیڈر شپ اور وزیروں کو پتہ تھا کہ مے فیئر فلیٹ کب خریدے گئے تھے، سب کو پتہ تھا ان فلیٹس کو نا جائز طریقے سے خریدا گیا تھا، نوازشریف نے اسمبلی میں کہا 2007 میں خریدا تھے۔

    چیئرمین پی ٹی آئی نے پریس کانفرنس سے خطاب کرتے ہوئے کہا کہ شاہ صاحب کو دیکھتا تھا تو پتہ چلتا تھا وہ غلط کام کوسپورٹ نہیں کرتے، ظفرعلی شاہ نےکبھی غلط کام کا دفاع نہیں کیا، میں غلط کام کروں گا تو میرے خلاف بھی آواز بلند کریں۔

    ان کا مزید کہنا تھا کہ نظریے سے اختلاف اپنی جگہ مگر اس کی عزت کرنا جمہوریت ہے، کوئی دین کے نام پرتو کوئی لسانیت بنیاد پر سیاست کر رہا ہے، 2 جماعتیں مک مکا کرکے ایجنڈا سیٹ کرتی تھیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • نوازشریف سیاسی امام و پیر ہیں، کوئی اور قبول نہیں، خواجہ سعد رفیق

    نوازشریف سیاسی امام و پیر ہیں، کوئی اور قبول نہیں، خواجہ سعد رفیق

    لاہور : وفاقی وزیر ریلوے خواجہ سعد رفیق نے کہا ہے کہ عوامی حاکمیت، آئین اور قانون کی حکمرانی ہماری منزل ہے اور مسلم لیگ (ن) آئین کی سربلندی کے لیے جدوجہد کررہی ہے, مائنس نواز فارمولا قبول نہیں.

    ان خیالات کا اظہار خواجہ سعد رفیق نے سماجی رابطے کی ویب سائٹ ٹویٹر پر اپنے ایک پیغام پر کیا، انہوں نے مسلم لیگ (ن) میں مائنس نواز شریف کے امکان کو مسترد کردیا.

    وفاقی وزیر ریلوے خواجہ سعد نے کہا ہے کہ صرف نواز شریف ہی مسلم لیگ (ن) کے سیاسی امام، قائد اور پیر ہیں جس کی سربراہی میں مجھ سمیت تمام رہنما متحد اور منظم ہیں.

     

    اپنے دوسرے پیغام میں انہوں نے کہا کہ سیاسی جماعتوں کی قیادت کی تبدیلی کا فیصلہ ان کے کارکنان کرتے ہیں کسی اور طریقے سے مسلط کی گئی جعلی قیادت کو عوام مسترد کردیں گے.

     

    انہوں نے کہا کہ قیادت کی تبدیلی کے تجربے کو باربار نہ دہرایا جائے کیوں یہ عمل بے سود ہے جس سے انتشار کے سوا اور کچھ برآمد نہیں ہوگا مسلم لیگ (ن) کل بھی نواز شریف کی قیادت میں متحد تھی اور آج بھی متحد ہے.

     

  • کنٹینرپرچڑھ کرکوئی وزیراعظم نہیں بن سکتا، حمزہ شہباز

    کنٹینرپرچڑھ کرکوئی وزیراعظم نہیں بن سکتا، حمزہ شہباز

    لاہور : مسلم لیگ نواز کے رہنما اور وزیراعلیٰ پنجاب کے صاحبزادے حمزہ شہباز شریف نے کہا ہے کہ کنٹینر پر چڑھنے اور سازشیں کرنے سے کوئی وزیر اعظم نہیں بن جاتا اس کے لیے عوام کے ووٹوں کی ضرورت پڑتی ہے۔انہوں نے کہا کہ دھرنے والے دھرنا دیتے رہ جائیں گے ہم پھر بھی جیت جائیں گے۔

    ان خیالات کا اظہارانہوں نے الحمرا ہال لاہور میں کرسمس کی ایک تقریب سے خطاب کرتے ہوئے کیا۔ حمزہ شہباز شریف نے اپنے خطاب میں چیئرمین پی ٹی آئی عمران کا نام لیے بغیر ان پر شدید تنقید بھی کی۔

    انہوں نے کہا کہ قوم مسائل کا حل چاہتی ہے، دھرنے نہیں، کنٹینر پرچڑھ کرکوئی وزیر اعظم نہیں بن سکتا، انہوں نے کہا کہ آئندہ عام انتخابات میں نواز لیگ پہلے سے زیادہ بڑی قوت بن کر ابھرے گی۔

    مزید پڑھیں: احتساب کا نعرہ لگانے والے 2018 کا انتظار کریں، حمزہ شہباز

    ان کا کہنا تھا کہ توانائی کے منصوبوں پر دن رات کام ہو رہا ہے۔ قوم خدمت کرنے والوں سے وفا نبھاتی ہے۔ حمزہ شہباز کا مزید کہنا تھا کہ لیڈر بننے کے لئے جیلیں کاٹنی پڑتی ہیں، ترقی کی ٹانگیں کھینچنے والوں کو لوگ بحیرہ عرب میں پھینک دیں گے۔

    مزید پڑھیں : عمران خان چوردروزاے سے وزیراعظم بننے کا خواب دیکھنا چھوڑ دیں، حمزہ شہباز

     

  • عمران خان چوردروزاے سے وزیراعظم بننے کا خواب دیکھنا چھوڑ دیں، حمزہ شہباز

    عمران خان چوردروزاے سے وزیراعظم بننے کا خواب دیکھنا چھوڑ دیں، حمزہ شہباز

    ملتان : مسلم لیگ نواز کے مرکزی رہنما اور وزیر اعلیٰ پنجاب کے صاحبزادے خمزہ شہباز نے کہا ہے کہ چیئرمین پی ٹی آئی عمران خان چوردروزاے سے وزیراعظم بننے کاخواب دیکھنا چھوڑ دیں۔

    پختونخوا والے بھی دھرنا سیاست سے پریشان ہیں۔ ان خیالات کا اظہار انہوں نے ملتان میں این اے 162 کی انتخابی مہم کے دوران پریس کانفرنس سے خطاب کرتے ہوئے کیا۔

    حمزہ شہباز کا کہنا تھا کہ عمران خان دوسروں پرالزامات کی سیاست کررہے ہیں جن کا ثبوت وہ سپریم کورٹ میں پیش نہیں کر پاتے۔

    حمزہ شہباز نے کہا کہ پاکستان میں انتشار اور احتساب کے نام پر سیاست کو لوگوں نے مسترد کر دیا ہے، طاہر القادری تو ملک چھوڑ کر ہی چلے گئے۔

    ان کا کہنا تھا کہ 2018 کے انتخابات مین پتا چل جائے گا کہ کس نے دھرنوں کی سیاست کی اور کس نے ملکی ترقی کیلئے کام کیا۔

    وزیراعظم نواز شریف کے بھتیجے نے اپنے تایا جان کے تین مرتبہ وزیراعظم بننے کا فارمولا بتاتے ہوئے عمران خان کو مشورہ دیتے ہوئے کہا کہ پی ٹی آئی چیئرمین پہلےجیل جائیں، پھر جلا وطنی کاٹیں اس کے بعد عوام کی خدمت کریں۔

    حمزہ شہباز نے کہا کہ دھرنا سیاست کرنے والوں کو پختونخوا والے ڈھونڈ رہے ہیں، دوہزار اٹھارہ میں عوام ان کا احتساب کردیں گے۔

    حمزہ شہباز نے کپتان پرتنقید کرتے ہوئے کہا کہ عمران خان خود سے بھی مایوس ہو چکےہیں۔ وہ یہ سوچیں کہ ہربارتنہا کیوں رہ جاتے ہیں۔ انہوں نے تحریک انصاف کے چیئرمین کو ضد چھوڑنے کا مشورہ بھی دیا۔

     

  • الیکشن کمیشن بد دیانت اوربکاؤ ادارہ ہے، عمران خان

    الیکشن کمیشن بد دیانت اوربکاؤ ادارہ ہے، عمران خان

    اسلام آباد : پاکستان تحریک انصاف کے چیئرمین عمران خان نے کہا ہے کہ الیکشن کمیشن مسلم لیگ نواز کا ب ونگ اوربد دیانت ادارہ ہے،جسے نواز شریف نے خرید رکھا ہے۔

    ان خیالات کا اظہار انہوں نے بنی گالا میں سردار یار محمد رند کے ہمراہ پریس کانفرنس کرتے ہوئے کیا، چیئرمین پی ٹی آئی عمران خان نے ایک مرتبہ پھر الیکشن کمیشن پرعدم اعتماد کا اظہارکردیا۔

    ان کا کہنا تھا کہ کوئی غلط فہمی میں نہ رہے کہ تحریک انصاف متنازعہ الیکشن کمیشن کی نگرانی میں آئندہ انتخابات میں حصہ لے گی، الیکشن کمیشن نے اپنی اصلاح نہ کی تو پھر سڑکوں پر ہوں گے۔

    این اے 100 میں (ن) لیگ کی ایک اور وکٹ گرنے والی ہے، خواجہ آصف خود کو تیس مار خان سمجھتے ہیں،خواجہ آصف کے حلقے میں جب بیگ کھولے تو فارم 14-15 غائب تھے،حلقہ این اے 110 کے 5 پولنگ اسٹیشنز سے ووٹنگ بیگز غائب ہیں۔

    انہوں نے کہا کہ جس حلقے کی بھی پٹیشن کھولی جائے گی دھاندلی نظر آئے گی۔ملک کے دیگر صوبوں کی طرح بلوچستان میں بھی دھاندلی ہوئی۔

    یار محمد رند کے حلقے میں ابھی سے دھاندلی کی تیاریاں کی جا رہی ہیں، جھل مگسی میں ٹوٹل ووٹ سے بھی زائد ووٹ کاسٹ کئے گئے، ہمیں کہا جاتا ہے کہ دھاندلی کا ایشو چھوڑ دیں، حالانکہ جمہوریت کیلئے شفاف الیکشن کرانا لازمی ہیں۔

    پاک بھارت کرکٹ میچ تنازعہ پر ایک سوال کے جواب میں عمران خان نے کہا کہ جب بھارتی وزیر اعلیٰ خوش آمدید کہنے کو تیار نہیں تو پاکستان کرکٹ بورڈ کیوں قومی ساکھ پر سمجھوتہ کررہا ہے۔

    انہوں نے سوال کیا کہ کیا نجم سیٹھی اور شہریارخان کے ساتھ بھارت میں جو کچھ ہوا وہ بھول گئے؟ عمران خان نے پاک بھارت میچ کے مقام کی کولکتہ میں منتقلی کا خیر مقدم کیا اور اس امید کا اظہار کیا کہ وینیو تبدیل ہوا تو وہ خود بھی میچ میں شرکت کریں گے۔

     

  • لیگی رہنماء کا قریبی ساتھی پندرہ کلو سونا اسمگل کرتےہوئے گرفتار

    لیگی رہنماء کا قریبی ساتھی پندرہ کلو سونا اسمگل کرتےہوئے گرفتار

    لاہور : معروف ماڈل ایان علی کے بعد مسلم لیگ نواز سے تعلق رکھنے والے توفیق عرف ٹافی بٹ کا قریبی عزیز عبدالباسط کروڑوں روپے اور پندرہ کلو سونا اسمگل کرتےہوئے لاہور ائیرپورٹ پر رنگے ہاتھوں پکڑا گیا۔

    معروف ماڈل ایان علی منی لانڈرنگ میں رسوائے زمانہ ہوئی تو مسلم لیگ ن سے تعلق رکھنے والے عبدالباسط بھی لا ہور ائیرپورٹ سے پندرہ کلو سونا اور تین کروڑروپے اسمگل کرتے پکڑے گئے۔

    ابتدائی تحقیقات میں ملزم نے مسلم لیگ نواز کی اہم شخصیت توفیق عرف ٹافی بٹ کا نام لے لیااور اپنے بیان میں کہا ہے کہ سارا سونا اور پیسے توفیق عرف ٹافی بٹ نے دئیے۔

    ابتدائی تحقیقات میں بڑے انکشافات سامنے آ رہے ہیں جس کے مطابق ملزم عبدالباسط اکیلا نہیں، بلکہ توفیق عرف ٹافی بٹ کی زیرنگرانی چلنے والے گروہ کا حصہ ہے جو ملک کی اہم ترین شخصیت کے انتہائی قریب تصور کیا جاتا ہے۔

    توفیق بٹ کی ائیرپورٹ میں تین دکانیں ہیں جن کے ذریعے اسمگلنگ کی جاتی ہے اور بیرون ملک کرنسی، سونا اور جواہرات منتقل کرنے کے لئے ائیرپورٹ پر موجودان دکانوں سے مدد لی جاتی ہے۔

    سامان لے جانے والے مسافر کو تمام چیزیں ائیرپورٹ کی حدود کے اندر سے فراہم کی جاتی ہیں۔ عبدالباسط اور کئی دیگر کے ذریعے اہم ترین شخصیات اور ان کی بیٹی کی اشیاء بیرون ملک بھجوائی گئیں۔

    مئی 2011 کی انتخابی مہم کے دوران اہم ترین شخصیت کی بیٹی کے پروٹوکول کی ذمہ داری ٹوفی بٹ کے پاس تھی جس نے اہم شخصیت کی بیٹی کی میڈیا مہم اور دیگر اخراجات برداشت کئے تھے۔