Tag: مسلم لیگ ن کے رہنما

اپوزشین اتحاد کی ملاقاتوں کے بعد حکومت بھی متحرک ہوگئی، نواز شریف نے چند رہنماؤں کو اپوزشین سے ملاقاتوں کا ٹاسک دیا۔

اے آر وائی نیوز کے مطابق ذرائع نے بتایا کہ مسلم لیگ ن کے تین سینئر رہنماؤں کی جانب سے اپوزیشن جماعتوں سے خفہ رابطے کیے گئے ہیں، مولانا فضل الرحمان کا بھی چند روز قبل لیگی رہنماؤں سے رابطہ ہوا تھا۔

نواز شریف نے کچھ روز پہلے مسلم لیگ ن کے تین اہم رہنماؤں کی ڈیوٹی لگائی تھی کہ وہ اپوزیشن کے رہنماؤں سے خفیہ رابطے کریں اور انھیں آپس میں اکٹھے نہیں ہونے دیں۔

ذرائع کا کہنا ہے کہ سیاسی حریف اس طرح کرتے ہوئے اور مسلم لیگ ن کی بھی اس وقت یہی سوچ ہے، تین روز پہلے ایک دو رہنماؤں نے لاہور میں نواز شریف سے ملاقات کی تھی۔

ن لیگی رہنماؤں نے رابطوں سے متعلق رپورٹ نواز شریف کو دی، اپوزیشن رہنماؤں کو پیغام دیا گیا کہ ملاقاتیں کریں متحرک کردار ادا نہ کریں۔

رابطے کی وجہ سے ہی مولانا فضل الرحمان نے سولو فلائٹ کا اعلان کیا تھا اور کہا تھا کہ وہ علیحدہ اپنی جدوجہد کریں گے اور ان کا اپوزیشن کے ساتھ اتحاد نہیں ہے۔

لاہور : مسلم لیگ ن کے رہنما سینیٹر جاوید عباسی سوشل میڈیا پلیٹ فارم ایکس پر پابندی پر اپنی ہی حکومت پر برس پڑے اور مطالبہ کیا کہ حکومت کو پابندی اٹھانی چاہیے۔

تفصیلات کے مطابق مسلم لیگ ن کے رہنما سینیٹرجاوید عباسی نے اے آروائی نیوزکے پروگرام خبر میں سوشل میڈیا پلیٹ فارم ایکس پر پابندی کے حوالے سے گفتگو کرتے ہوئے کہا کہ ہم جب حکومت میں نہیں تھے حق رائے دہی کےلیے آواز اٹھاتے تھے، ہم کہتے تھے کے اقتدارمیں آئے تو حق رائے دہی کی آزادی ہوگی۔

جاوید عباسی کا کہنا تھا کہ معاملہ ہمارے ملک میں نیا نہیں ،سالوں سال سے چلا آرہا ہے، جب سوشل میڈیا نہیں تھا تب ٹی وی اخبارات پر پابندیاں لگتی تھیں، حکومت کو سوشل میڈیاپلیٹ فارم ایکس پر پابندی اٹھانی چاہیے۔

ن لیگی رہنما نے اپنی ہی حکومت سے سوال کیا کیا ہم ماچس کی فیکٹریاں بند کردیں کیونکہ اس سے آگ لگتی ہے؟ کسی چیز کا غلط استعمال ہورہا ہے تو اس سے متعلق قانون سازی ہونی چاہیے، کیا پابندیوں سےوہ نتائج حاصل کرلیے جو کرنا چاہتے تھے؟ پابندیاں ایسی جگہ ہوتی ہیں جہاں جمہوریت نہ ہوآمریت ہو.

ان کا کہنا تھا کہ جتنا سچ بول سکیں ہم سب کو سچ بولنا چاہیے، اس ملک میں سب رہنےوالے محب وطن ہیں، کوئی ریاست کیخلاف اقدام کرتا ہے تو قانون کےمطابق سزا دی جائے، کسی چیزکوبندک رکے روکانہیں جاسکتا،کتنی دیر تک بند کرسکتےہیں؟

جاوید عباسی نے مزید کہا کہ لگتا ہے حکومت آزادانہ فیصلے نہیں کررہی، پابندیاں لگا نا آمرانہ مائنڈ سیٹ ہے،ہم جہوری ملک ہیں ہمیں یہ پابندیاں زیب نہیں دیتیں۔