لاہور : مسلم لیگ ن کے رہنما عطا تارڑ نے الزام عائد کیا ہے وزیراعلیٰ پنجاب پیسےلیکرتعیناتیاں کرتاہے۔ شہزاد اکبر، شہبازگل اورزلفی بخاری کا نام ای سی ایل میں ڈالا جائے۔
تفصیلات کے مطابق مسلم لیگ ن کے رہنما عطا تارڑ نے منی لانڈرنگ کیس میں شہباز شریف اور حمزہ شریف کی پیشی کے موقع پر میڈیا سے گفتگو کرتے ہوئے کہا کہ شہباز اور حمزہ کےخلاف ایف آئی اےکاکیس سوا سال سےچل رہا ہے ، ایف آئی اےایک دھیلےکی کرپشن کا ثبوت عدالت میں پیش نہ کرسکا۔
عطا تارڑ کا کہنا تھا کہ وزارت داخلہ کی توجہ کسی اور جانب مبذول ہے، عمران نیازی کوبےوقوف بنانےوالاشخص شہزاداکبرہے، تاریخ پر تاریخ لی جارہی ہےمگرانصاف کی بات نہیں کی جاتی۔
مسلم لیگ ن کے رہنما نے کہا کہ ایف آئی اے کو بتادیں آپ کسی کے ذاتی ملازم نہیں ہیں، آج بھی ایف آئی اےنے3ہفتےکی مہلت مانگی ہے، شہباز اور حمزہ شہبازسےتفتیش کاآغازجیل میں ہی کرچکی تھی ، تحقیقاتی رپورٹ میں ابھی تک کوئی پیشرفت درج نہیں کی گئی۔
عثمان بزدار پر تنقید کرتے ہوئے ان کا کہنا تھا کہ وزیراعلیٰ پنجاب پیسےلیکرتعیناتیاں کرتاہے، لاہورشہرمیں لوگ ڈینگی سےمررہےہیں، وزیراعلیٰ پنجاب کہتا ہے سردی آرہی ہے ڈینگی خود ہی مر جائے گا، جو اسپرے مارچ میں ہوناتھا وہ ابھی ہورہاہے اسکا ذمہ دار کون ہے۔
عطا تارڑ نے مزید کہا کہ آپ کےاےٹی ایم نے اپنی جیبیں بھری ہیں، آپ نے چوری نہیں کی ڈاکے ڈالے ہیں، آپ کے محاسبے کے دن قریب ہیں۔
ن لیگی رہنما کا کہنا تھا کہ 3ہفتےنہیں 3سال کی مہلت مانگ لیں تب بھی کیسزمیں کچھ نکلنےوالانہیں، شہزاداکبران کومزیدرسواکرائیں گے، اطلاع ہے شہبازگل نے امریکا میں کال کرکے رہائش کےبندوبست کی بات کی۔
عطا تارڑ نے مطالبہ کیا کہ شہزاد اکبر، شہبازگل اورزلفی بخاری کا نام ای سی ایل میں ڈالا جائے۔
