Tag: مسلم لیگ ن

وزیراعظم کے معاون خصوصی عطا تارڑ نے کہا ہے کہ عثمان ڈار پی اے کا اقبالی بیان آیا پچاس لاکھ روپے ٹھیکیداروں سے لے کر عثمان ڈار کو دیے اس پر از خود نوٹس لیا جائے۔

مسلم لیگ ن کے رہنما عطا اللہ تارڑ نے پریس کانفرنس کرتے ہوئے کہا کہ عمران خان نے ایک ملزم کو ساتھ بٹھا کر پریس کانفرنس کی جس نے رشوت لی اور پیسے آگے پہنچائے۔

عطاتارڑ نے کہا کہ آپ کی پارٹی کےلوگ کرپشن کرتے اور آپ دفاع میں سامنے آگئے، نوجوان نسل کو گمراہ کیاجارہاہے، کچھ لوگ کچھ لوگوں کو فائدہ دیتے ہیں اس لیے بینچ فکسنگ کی ٹرم آئی ہے ہم نےفل کورٹ کامطالبہ کیا ہے۔

وزیراعظم کے معاون خصوصی نے کہا کہ عمران خان قوم کیساتھ مذاق کرنا چھوڑ دیں، انہوں نے فرحت شہزادی کو فرنٹ مین رکھا ہوا تھا، آپ نے بیٹی اور توشہ خانہ کیس میں تاخیری حربے استعمال کئے، آپکی پارٹی کےلوگ کرپشن کرتے اور آپ دفاع میں سامنے آگئے۔

عطاتارڑ کا مزید کہنا تھا کہ انصاف صرف ہونا نہیں چاہئے ہوتا نظر بھی آنا چاہئے، ایک کو بیٹےسے تنخواہ نہ لینے پر نکالا، دوسرے کو بیٹی چھپانے پر بھی نہ نکالیں، ایک کو لاڈلہ ڈکلیئر کیا جاتا ہے دوسرے کو کٹہرے میں سزادی جاتی ہے۔

پشاور: مسلم لیگ (ن) خیبرپختونخوا کے ترجمان اختیار ولی خان نے ن لیگ کے وزرا کو مغرور قرار دیا ہے۔

تفصیلات کے مطابق مسلم لیگ ن خیبرپختونخوا میں اندرونی اختلافات کھل کر سامنے آگئی ہے، مسلم لیگ ن خیبر پختونخوا کے ترجمان نے ن لیگ کے وزرا کو مغرور قرار دیا ہے۔

سابق رکن اسمبلی اختیار ولی نے کہا کہ ن لیگ کے بعض وزراکی گردنوں میں سریا ہے، بعض وزرا مسلم لیگ ن کو تباہی کے دہانے پر پہنچا رہے ہیں۔

اختیار ولی کا کہنا تھا کہ وفاقی وزرا مسلم لیگ ن کو پنجاب کے چند اضلاع تک محدود کرنا چاہتے ہیں۔