Tag: مسلم لیگ ن

روجھان: مسلم لیگ ن کے سابق ایم اپی اے عاطف مزاری کے قتل کا مقدمہ بیٹے کے خلاف درج کر لیا گیا۔

تفصیلات کے مطابق سابق لیگی ایم پی اے سردار عاطف حسین خان مزاری گولی لگنے سے جاں بحق ہوگئے۔عاطف مزاری کو کھانا کھانے کے دوران بڑے بیٹے نے کلاشنکوف سے فائرنگ کر کے قتل کیا۔

پولیس کے مطابق عاطف مزاری کو گولی لگنے کے بعد زخمی حالت میں ڈی ایچ کیو اسپتال منتقل کیا گیا تھا لیکن دوران علاج وہ دم توڑ گئے تھے۔

مسلم لیگ ن سے تعلق رکھنے والے سابق ایم پی اے سردار عاطف حسین خان مزاری کے قتل کا مقدمہ تھانہ عمرکوٹ میں بیٹے باسط مزاری کے خلاف درج کر لیا گیا۔پولیس حکام کا کہنا ہے کہ فائرنگ کرنے والے باسط مزاری کا ذہنی توازن درست نہیں ہے۔

خیال رہے کہ مسلم لیگ ن کے سابق رہنما عاطف مزاری پنجاب اسمبلی کے حلقہ پی پی 279 روجھان سے رکن اسمبلی منتخب ہوئے تھے۔

لاہور: نیب لاہور نے مسلم لیگ ن کے مرکزی رہنما ورکن قومی اسمبلی میاں جاوید لطیف کو آج طلب کر لیا

تفصیلات کے مطابق نیب نے مسلم لیگ ن کے رکن قومی اسمبلی جاوید لطیف کو آج مکمل ریکارڈ کے ساتھ طلب کرلیا۔جاوید لطیف کو آمدن سے زائد اثاثہ جات کیس میں طلب کیا گیا ہے۔

نیب کی جانب سے جاوید لطیف کو اپنے اور والدہ کے اثاثوں کی تفصیلات لے کر پیش ہونے کی ہدایت کی گئی ہے۔مسلم لیگ ن کے رہنما اس سے قبل بھی متعدد بار نیب میں بیان ریکارڈ کرا چکے ہیں۔نیب کی تفتیشی ٹیم کو تحقیقات میں مطئمن نہ کرنے پر انہیں دوبارہ طلب کیا گیا ہے۔

اس سے قبل رواں سال 7 فروری کو مسلم لیگ ن کے رکن قومی اسمبلی جاوید لطیف نے اہل خانہ کے اثاثوں کی تفصیلات نیب لاہور میں جمع کرائی تھیں۔

جاوید لطیف کا نام ای سی ایل میں ڈال دیا گیا

یاد رہے کہ رواں سال 14 جنوری کو مسلم لیگ ن کے رہنما اور رکن قومی اسمبلی میاں جاوید لطیف کا نام ایگزٹ کنٹرول لسٹ (ای سی ایل) میں ڈال دیا گیا تھا۔

لاہور: نیب نے اپوزیشن لیڈر شہباز شریف کو آمدن سے زائد اثاثہ جات کی تحقیقات کے لیے ایک بار پھر طلب کر لیا۔

تفصیلات کے مطابق نیب نے آمدن سے زائد اثاثہ جات کیس میں مسلم لیگ ن کے صدر اور قومی اسمبلی میں قائد حزب اختلاف شہباز شریف کو دوبارہ طلبی کا نوٹس جاری کر دیا۔

نیب لاہور نے شہباز شریف کو 22 اپریل دن 12 بجے نیب ٹیم کے روبرو پیش ہونے کا نوٹس ارسال کیا ہے۔ نوٹس میں نیب نے شہباز شریف کو یقین دہانی کروائی ہے کہ کرونا وائرس کے پیش نظر مکمل حفاظتی اقدامات اختیار کیے جائیں گے۔

نیب ذرائع کے مطابق آمدن سے زائد اثاثہ جات کیس کی انکوائری آخری مراحل میں داخل ہوچکی ہے اور شہباز شریف سے سوالات کے جواب انتہائی ضروری ہیں۔

یاد رہے کہ نیب نے شہباز شریف کو 17 اپریل کو طلب کیا تھا تاہم انہوں نے پیشی والے دن نیب کے سامنے پیش ہونے کے لیے مہلت مانگ لی تھی۔

اپوزیشن لیڈر شہباز شریف کی جانب سے نیب کو دیے گئے جواب میں کہا گیا تھا کہ طبی ماہرین نے انہیں مشورہ دیا کہ کرونا وائرس سے جڑے جان لیوا خطرات کے پیش نظر وہ اپنی نقل وحرکت محدود رکھیں کیونکہ وہ کینسر جیسے مرض سے لڑچکے ہیں۔

لاہور: مسلم لیگ ن کے ناراض ارکان پنجاب اسمبلی کا کہنا ہے کہ یقین ہے موجودہ حکومت ملک کومضبوط اور خوشحال بنائےگی۔

تفصیلات کے مطابق مسلم لیگ ن کے 3 ناراض اراکین اسمبلی ایم پی اے نشاط ڈاہا، اظہرعباس چانڈیو، فیصل نیازی چوہدری نے گورنر پنجاب چوہدری محمد سرور سے ملاقات کی۔ ملاقات میں ن لیگی اراکین کی پارٹی سے ناراضی،سیاسی صورت حال و دیگر امور پر بات چیت کی گئی۔

اس موقع پر گورنر پنجاب کا کہنا تھا کہ عوامی مسائل کے حل کے لیے اپوزیشن اراکین بھی مل سکتے ہیں، اپوزیشن سے عوامی خدمت کے لیے آنے والے کو خوش آمدید کہیں گے۔

چوہدری محمد سرور کا کہنا تھا کہ اپوزیشن کے لوگ سمجھ رہے ہیں عمران خان مسائل سے نجات دلاسکتے ہیں، سیاسی وذاتی مفادات سے بالاتر ہوکر ملک وقوم کے لیے سوچ رہے ہیں۔

دوسری جانب لیگی ایم پی اے نشاط ڈاہا کا کہنا تھا کہ صرف ہم 3 ہی نہیں پارٹی سےاور بھی لوگ ناراض ہیں۔ لیگی ارکان اسمبلی نے کہا کہ یقین ہے موجودہ حکومت ملک کو مضبوط اور خوشحال بنائےگی۔

نوازشریف خود لوٹے ہیں، لیگی ایم پی اے

یاد رہے کہ دو روز قبل اے آروائی نیوز کے پروگرام آف دی ریکارڈ میں ن لیگ کےناراض رکن پنجاب اسمبلی نشاط ڈاہا کا کہنا تھا کہ نوازشریف خود لوٹے ہیں۔

اسلام آباد: مسلم لیگ ن کے ناراض رکن پنجاب اسمبلی نشاط ڈاہا کا کہنا ہے کہ نوازشریف خود لوٹے ہیں۔

تفصیلات کے مطابق اے آروائی نیوز کے پروگرام آف دی ریکارڈ میں ن لیگ کےناراض رکن پنجاب اسمبلی نشاط ڈاہا نے گفتگو کرتے ہوئے کہا کہ پارٹی کی اجازت کے بغیر وزیراعلیٰ پنجاب سے ملاقات کی۔

نشاط ڈاہا نے کہا کہ اپنےعلاقےمیں ترقیاتی کاموں کے لیے عثمان بزدار سے ملاقات کی، وزیراعلیٰ پنجاب عثمان بزدار سے ملاقات معمول کی بات ہے۔ انہوں نے کہا کہ مجھے پارٹی سے نکالنے کی کسی میں جرات نہیں ہے، حمزہ شہباز کو چیلنج کرتا ہوں مجھے پارٹی سے نکال کر دکھائیں۔

لیگی ایم پی اے کا کہنا تھا کہ نوازشریف خود لوٹے ہیں، ن لیگ خود لوٹے بنائے تو ٹھیک ہے کوئی اور بنائے تو غلط ہے۔ شریف برادران سے متعلق نشاط ڈاہا کا کہنا تھا کہ شریف برادران کا لندن میں قیام غلط ہے، پاکستان آنا چاہیے، میرا خیال ہے نوازشریف اور شہبازشریف سیر کرنے باہر گئے ہیں۔

انہوں نے کہا کہ ہمیں یہاں اکیلا چھوڑ کر خود دونوں بھائی باہر سیر کرنے چلےگئے، کیا پارٹی کے دیگر لوگ مرگئے ہیں کہ عطاتارڑ کو ہم پر مسلط کر دیا۔ مریم نواز سے متعلق ان کا کہنا تھا کہ وہ کیسی لیڈر ہیں،ہم سے کبھی ملاقات نہیں کی۔

کراچی: پاکستان مسلم لیگ ن کے صدر میاں شہباز شریف کی ہدایت پر 4 رکنی پارٹی وفد کراچی پہنچ گیا۔

اے آر وائی نیوز کے مطابق ن لیگ کے مرکزی عہدیداروں کا 4 رکنی وفد 2 روزہ تنظیمی دورے پر کراچی پہنچ گیا ہے، شاہد خاقان عباسی اور سیکریٹری جنرل احسن اقبال وفد کی قیادت کر رہے ہیں۔ مصدق ملک اور پارٹی ترجمان مریم اورنگزیب بھی وفد میں شامل ہیں۔

کراچی پہنچنے کے بعد وفد نے مزار قائد پر حاضری دی، وفد صوبہ سندھ اور کراچی کے عہدے داروں کے حوالے سے مشاورت کرے گا، مقامی سطح پر اہم فیصلے کیے جائیں گے، اور نئے عہدے داروں، پارٹی کے نظریاتی کارکنوں کو عہدے دینے کے اعلانات کیے جائیں گے۔ ن لیگی رہنما آج شام ایم کیو ایم پاکستان کے مرکز بہادر آباد بھی جائیں گے۔

مسلم لیگ ن اور ایم کیو ایم پاکستان میں قربتیں بڑھنے لگیں

سابق وزیر اعظم شاہد خاقان عباسی نے کراچی پہنچنے کے بعد پریس کانفرنس میں کہا کہ آج کسی کو احسا س نہیں کہ عوام مہنگائی چکی میں پس رہے ہیں، حکومت اس پر کوئی جواب نہیں دے پائی ہے، ہم اقتدار کے بھوکے نہیں ہیں، ہم چاہتے ہیں کہ عوام فیصلہ کرے ملک میں حکومت کیسے ہوگی۔

انھوں نے کہا کہ آج کسی بھی ایک شخص نے ہماری جماعت نہیں چھوڑی بلکہ لوگ شامل ہونا چاہتے ہیں، پاکستان کی ترقی کا راستہ فری اینڈ فیئر الیکشن ہے، ملک میں جمہوریت نہیں آمریت ہے، ہمیں تشویش ہے آج کے معاشی حالات کل ملک کے لیے خطرہ ہو سکتے ہیں، آیندہ الیکشن مسلم لیگ ن جیت کر رہے گی۔

راولپنڈی: مسلم لیگ ن کے رکن قومی اسمبلی احسن اقبال کل نیب کے سامنے پیش ہوں گے، لیگی رہنما اسپورٹس کمپلیکس سے متعلق سوالات کے جوابات بھی دیں گے۔

تفصیلات کے مطابق سابق وزیر داخلہ احسن اقبال کل صبح 11 بجے نیب کے دفتر میں پیش ہوں گے۔ مسلم لیگ ن کے رہنما اپنا پاسپورٹ نیب راولپنڈی کے حوالے کریں گے۔

مسلم لیگ ن کے رکن قومی اسمبلی احسن اقبال اسپورٹس کمپلیکس کیس سے متعلق سوالات کے جوابات بھی دیں گے۔

یاد رہے کہ دو روز قبل اسلام آباد ہائی کورٹ میں چیف جسٹس اطہر من اللہ کی سربراہی میں 2 رکنی بینچ نے مسلم لیگ ن کے رہنما احسن اقبال کے خلاف نارووال اسپورٹس سٹی کمپلیکس کیس میں درخواست ضمانت پر سماعت کی تھی۔

احسن اقبال کی ضمانت منظور

عدالت میں سماعت کے دوران چیف جسٹس اطہر من اللہ نے ریمارکس دیے تھے کہ مقدمہ ثابت ہونے تک ملزم بے گناہ ہوتا ہے، شہری کا حق آزادی اور عزت نفس مجروع ہونے سے بچانا بھی ضروری ہے۔

ایڈیشنل پراسیکیوٹر نیب نے احسن اقبال کی درخواست ضمانت کی مخالفت کرتے ہوئے کہا تھا کہ ملزم کے بیرون ملک فرار ہونے کا خدشہ ہے۔

ایڈیشنل پراسیکیوٹر کا کہنا تھا کہ اگر احسن اقبال اپنا پاسپورٹ عدالت میں جمع کرائیں تو ضمانت پر کوئی اعتراض نہیں ہے۔عدالت نے احسن اقبال کی ایک کروڑ روپے کے ضمانتی مچلکوں کے عوض ضمانت بعد از گرفتاری منظور کرتے ہوئے ان کی رہائی کا حکم دیا تھا۔

اسلام آباد: سابق وزیر اعظم شاہد خاقان عباسی اور سابق وزیر داخلہ احسن اقبال کو آج ضمانت پر رہا کیے جانے کا امکان ہے۔

اے آر وائی نیوز کے مطابق گزشتہ روز اسلام آباد ہائی کورٹ نے ن لیگی رہنماؤں کی ضمانت منظور کی تھی، ضمانتی مچلکے جمع کرانے کے بعد احتساب عدالت رہائی کے روبکار جاری کرے گی۔

رہائی کے روبکار اڈیالہ جیل سپرنٹنڈنٹ کو آج بھجوائے جائیں گے، خیال رہے کہ شاہد خاقان عباسی 7 ماہ اور احسن اقبال 2 ماہ سے اڈیالہ جیل میں قید ہیں۔

نیب کا شاہد خاقان عباسی اور احسن اقبال کی ضمانت چیلنج کرنے کا فیصلہ

دوسری طرف نیب نے شاہد خاقان اور مسلم لیگ ن کے رہنما احسن اقبال کی ضمانت کو سپریم کورٹ میں چیلنج کرنے کا فیصلہ کر لیا ہے، اس سلسلے میں گزشتہ روز اسلام آباد میں چیئرمین نیب جاوید اقبال کی زیرصدارت نیب ہیڈ کوارٹر میں اہم اجلاس ہوا، جس میں اسلام آباد ہائی کورٹ کے فیصلے کو سپریم کورٹ میں چیلنج کرنے کا فیصلہ کیا گیا۔

گزشتہ روز اسلام آباد ہائی کورٹ میں چیف جسٹس اطہر من اللہ کی سربراہی میں 2 رکنی بینچ نے شاہد خاقان اور احسن اقبال کی درخواست ضمانت پر سماعت کی تھی، عدالت نے نیب پراسیکیوٹر کے دلائل سننے کے بعد شاہد خاقان عباسی اور احسن اقبال کی ضمانت منظور کر لی اور دونوں لیگی رہنماؤں کی ایک ایک کروڑ روپے کے ضمانتی مچلکوں کے عوض رہائی کا حکم دیا۔

لاہور: سابق وزیر قانون پنجاب رانا ثنا اللہ کا کہنا ہے کہ چاہے 16 ہفتے ہوں یا 600 ہفتے گرز جائیں، نواز شریف صحت مند ہوں گے تو ہی وطن واپس آئیں گے۔

تفصیلات کے مطابق مسلم لیگ ن کے رہنما رانا ثنا اللہ نے کہا کہ نوازشریف کی ضمانت میں حکومت سے توسیع کی کوئی توقع نہیں تھی، ہم حکومت کے پاس توسیع کے لیے جانا نہیں چاہتے تھے عدالتی حکم پر گئے، ہم نے صرف عدالت کی ہدایت پر عمل کیا ہے۔

رانا ثنا اللہ کا کہنا تھا کہ نوازشریف پاکستان میں سرکاری اسپتال میں زیر علاج تھے، یاسمین راشد خودگواہی دیتی تھیں کہ نوازشریف کی حالت خراب ہے، نوازشریف کی طبیعت خراب نہیں تھی تو غلط رپورٹ دینے والوں کے خلاف کیا کارروائی کی۔

مسلم لیگ ن کے رہنما کا کہنا تھا کہ لندن کے اسپتال اور ڈاکٹر کو ہم علاج کے لیے مجبور تو نہیں کرسکتے، نوازشریف کی تمام میڈیکل رپورٹس دے دی گئی ہیں، پنجاب حکومت نے فیصلہ تعصب کی بنیاد پر ہی کرنا ہے۔

سابق وزیر قانون پنجاب نے کہا کہ چاہے 16 ہفتے ہوں یا 600 ہفتے گرز جائیں، نواز شریف صحت مند ہوں گے تو ہی وطن واپس آئیں گے، نوازشریف کو کئی سنگین بیماریاں ہیں ، آپریشن کا فیصلہ ڈاکٹرز نے کرنا ہے۔

پنجاب حکومت نے نوازشریف کی ضمانت میں توسیع کی درخواست مسترد کردی

واضح رہے کہ پنجاب کابینہ نے سابق وزیراعظم نوازشریف کی ضمانت میں توسیع کی درخواست مسترد کر دی۔