Tag: مسلم لیگ ن

لندن: مسلم لیگ ن کے سابق رہنما چوہدری نثار علی خان 2 ہفتے برطانیہ میں قیام کے بعد پاکستان روانہ ہوگئے۔

اے آر وائی نیوز کے مطابق پاکستان روانگی سے قبل چوہدری نثار نے غیررسمی گفتگو کرتے ہوئے کہا کہ شریف برادران سے ملاقات نہیں ہوئی، معمول کا چیک اپ کرانے کے بعد واپس جا رہا ہوں۔

12 فروری کو چوہدری نثار پی آئی اے کی فلائٹ پی کے 785 سے لاہور سے لندن روانہ ہوئے تھے، سیاسی مبصرین کا ماننا تھا کہ سابق وفاقی وزیر داخلہ لندن میں اہم ملاقاتیں کریں گے اور وہ شریف خاندان سے بھی ملاقات کریں گے۔

واضح رہے کہ سپریم کورٹ کی جانب سے نوازشریف کے خلاف پاناما کیس کا فیصلہ آنے کے بعد چوہدری نثار نے مسلم لیگ ن سے کنارہ کشی اختیار کرلی تھی، انہوں نے 2018 کے عام انتخابات میں قومی اسمبلی کے حلقہ این اے 59 ، این اے 63 سے بطور آزاد امیدوار الیکشن لڑا مگر انہیں تحریک انصاف کے امیدوار نے شکست دے دی تھی۔

لاہور: پنجاب حکومت نے نوازشریف کی صحت سے متعلق بھیجاگیاخط مسترد کرتے ہوئے ن لیگ کو کل شام تک نوازشریف کی تازہ میڈیکل رپورٹس بھجوانے کی ہدایت کر دی۔

تفصیلات کے مطابق نوازشریف کی ضمانت میں توسیع سے متعلق خصوصی کمیٹی کا اجلاس وزیرقانون پنجاب راجہ بشارت کی زیرصدارت ہوا، کمیٹی میں یاسمین راشد اور ایڈیشنل چیف سیکرٹری ہوم نے بھی شرکت کی۔

اس موقع پر راجہ بشارت کا کہنا تھا کہ کمیٹی نے کل نوازشریف کے ترجمانوں کو طلب کیا تھا، تازہ رپورٹ لے کر کمیٹی کو اپنا مؤقف دینے کی ہدایت کی تھی، آج ترجمان کا جواب آیا کہ ہم نہیں آسکتے اور وقت کم ہے۔

وزیر قانون پنجاب نے کہا کہ انصاف کے تقاضے پورے کرتے ہوئے مزید24گھنٹے کا وقت دیا، رپورٹ نہیں آتی تو ہم قانون کے مطابق سفارشات مرتب کریں گے۔

پنجاب حکومت نے نوازشریف کی صحت سے متعلق بھیجاگیاخط مسترد کرتے ہوئے ن لیگ کو کل شام تک نوازشریف کی تازہ میڈیکل رپورٹس بھجوانے کی ہدایت کر دی۔

رپورٹ نہ آنے پر نوازشریف کی صحت پر قائم کمیٹی رپورٹ پنجاب حکومت کو بھجوا دے گی، کمیٹی سفارشات پر نوازشریف کی معطل سزا میں توسیع دینے نہ دینے کا فیصلہ کیا جائے گا۔

سربراہ خصوصی کمیٹی کا کہنا تھا کہ ڈاکٹر عدنان نواز شریف کے معالج نہیں ہیں، ڈاکٹر عدنان کے ویڈیو لنک بیان کی کوئی ضرورت نہیں ہے۔

اسلام آباد: چیئرمین سینیٹ صادق سنجرانی نے وزیرپارلیمانی امور سے آٹے اور چینی کے بحران پر انکوائری رپورٹ مانگ لی۔

تفصیلات کے مطابق وفاقی دارالحکومت اسلام آباد میں چیئرمین سینیٹ صادق سنجرانی کی زیر صدارت اجلاس ہوا جس میں مسلم لیگ ن کے سینیٹر راجہ ظفر الحق نے کہا کہ ہم نے ناقابل برداشت مہنگائی پر بحث کی ریکوزیشن دی۔

اپوزیشن لیڈر راجہ ظفر الحق نے آٹے اور چینی کے بحران پر ایف آئی اے رپورٹ ایوان میں پیش کرنے کا مطالبہ کرتے ہوئے کہا کہ اگر معاملے پر بحث ہوتی ہے تو پہلےانکوائری رپورٹ دی جائے۔

راجہ ظفر الحق نے کہا کہ سنا ہے ایف آئی اے کی رپورٹ آگئی، مہنگائی پر بحث سے قبل انکوائری رپورٹ منگوائی جائے۔ انہوں نے کہا کہ حکومت اپوزیشن کو دبانے کی کوشش کر رہی ہے۔

چیئرمین سینیٹ صادق سنجرانی نے وزیرپارلیمانی امور سے پیر تک آٹے اور چینی کے بحران پر انکوائری رپورٹ مانگ لی۔ چیئرمین سینیٹ نے آٹے اور چینی بحران پر ہاؤس کمیٹی کی رپورٹ بھی طلب کر لی۔

وزیراعظم کو آٹا بحران سے متعلق رپورٹ بھجوا دی گئی

یاد رہے کہ گزشتہ ماہ وزیراعظم عمران خان کو آٹا بحران سے متعلق رپورٹ بھجوائی گئی تھی جس میں بتایا گیا تھا کہ آٹا بحران باقاعدہ ایک منصوبہ بندی کے تحت پیدا کیا گیا۔

اسلام آباد: وفاقی وزیر عمر ایوب نے کہا ہے کہ مسلم لیگ ن نے اپنے دور میں مہنگے ایل این جی معاہدے کیے، جس کی پابندی ہمیں کرنی پڑ رہی ہے۔

اے آر وائی نیوز کے مطابق عمر ایوب نے ٹویٹر کے ذریعے اپنے پیغام میں کہا ہے کہ سال2019 کے لیے ایل این جی معاہدے ن لیگ دور میں ہوئے، ان معاہدوں میں ایل این جی کی ایکس شپ قیمت 8 ڈالر 60 سینٹس پڑی۔

وفاقی وزیر نے کہا کہ ہماری 75 فی صد خرید ان ہی معاہدوں کے تحت ہوتی ہے، یہ معاہدے انتہائی مہنگے ہیں، ن لیگ اس کی ذمہ دار ہے، اب ایل این جی کی قیمت 4 ڈالر سے بھی کم ہو گئی ہے، جب کہ ن لیگ نے 8 ڈالر 60 سینٹس میں معاہدے کیے، ہم مہنگے معاہدوں کے پابند ہیں، جس کی وجہ سے مزید خریداری نہیں کر سکتے۔

For 2019, the LNG agreements we inherited from the PML-N cost us $8.60 Ex Ship versus our own buying which averaged 25% less. But more than 75% of our capacity is tied in these more expensive contracts. PML-N is to blame for these expensive LNG contracts.

— Omar Ayub Khan (@OmarAyubKhan) February 13, 2020

انھوں نے کہا کہ آیندہ 15 سال ایل این جی کی مد میں 10 ارب ڈالر زائد ادا کرنا پڑیں گے، یہ سب ن لیگ کے آر ایل این جی معاہدوں کے باعث ہو رہا ہے۔

خیال رہے کہ حکومت نے ایل این جی معاہدے کی خلاف ورزی پر پاکستان گیس پورٹ کمپنی کا کا کنٹریکٹ بھی منسوخ کیا تھا جس کا کیس عدالت میں چل رہا ہے، کمپنی کی جانب سے معاہدے کی خلاف ورزی پر پاکستان کو بھاری نقصان اٹھانا پڑا۔ حکومت کمپنی کو ڈھائی لاکھ ڈالر یومیہ، 90 ملین ڈالر سالانہ کرایہ ادا کر رہی ہے، کمپنی پر پہلے بھی معاہدے کی تکمیل میں تاخیر پر 41 ملین ڈالر جرمانہ کیا گیا تھا، تاہم سابق وزیر اعظم شاہد خاقان عباسی نے جرمانے کی رقم ایک ملین ڈالر کر دی تھی۔

یاد رہے کہ مسلم لیگ ن کے سابق دور حکومت میں اس وقت کے وزیر پٹرولیم شاہد خاقان عباسی نے قطر کے ساتھ ایل این جی درآمد کرنے کا معاہدہ کیا تھا۔ سابق وزیر پر الزام ہے کہ انھوں نے ایل این جی کی درآمد اور تقسیم کا 220 ارب روپے کا ٹھیکا دیا جس میں وہ خود حصہ دار ہیں۔

اسلام آباد: تحریک انصاف کے رہنما ندیم افضل چن کا کہنا ہے کہ احتساب بلا امتیاز ہوگا تو کسی بھی بےگناہ کوسزا نہیں ہوگی۔

تفصیلات کے مطابق اے آروائی نیوز کے پروگرام آف دی ریکارڈ میں گفتگو کرتے ہوئے پی ٹی آئی کے رہنما ندیم افضل چن نے کہا کہ تحقیقات میں عدل ہوگا تو ہی لوگ تسلیم کریں گے، عدل نہیں ہوگا توگناہ گار بھی چھوٹ جائیں گے۔

تحریک انصاف کے رہنما کا کہنا تھا کہ احتساب بلا امتیاز ہوگا تو کسی بھی بےگناہ کوسزا نہیں ہوگی،مسائل کوحل کرنا ہے، قانون سازی بھی کرنی ہے، پی پی کو ن لیگ اور ن لیگ کو پی پی قانون سازی نہیں کرنے دیتی تھی۔

ندیم افضل چن نے کہا کہ پی ٹی آئی کو ایک خاص بیانیہ قانون سازی سے روک رہا ہے، ریفارمز سے روکنے کی کوشش، قانون سازی نہیں ہونے دی جاتی، اسمبلی میں جنگ وجدل کے دوران اصلاحات نہیں ہوسکتی۔

تحریک انصاف کے رہنما کا کہنا تھا کہ پاکستان میں سب سے زیادہ حکومت مسلم لیگ ن کی رہی، احتساب قوانین سے مسئلہ تھا تو ن لیگ نے درست کیوں نہیں کیا۔

انہوں نے مزید کہا کہ چینی کے کاروبار سے متعلق لوگ تمام سیاسی جماعتوں میں ہیں، دیکھنا یہ ہے چینی کے کاروبار سے متعلق لوگ کرپٹ ہیں بھی یا نہیں، جہانگیرترین کاروبار قانون کے مطابق کرتے ہیں ٹیکس دیتے ہیں۔

اسلام آباد: قومی احتساب بیورو (نیب) نے مسلم لیگ ن کے رہنما اور سابق وزیر داخلہ احسن اقبال کی ضمانت کی مخالفت کر دی۔

تفصیلات کے مطابق اسلام آباد ہائی کورٹ میں نارووال اسپورٹس کمپلیکس اسکینڈل کی سماعت ہوئی جس میں نیب نے احسن اقبال کی ضمانت کی مخالفت کر دی۔

قومی احتساب بیورو نے احسن اقبال کی ضمانت پر جواب ہائی کورٹ میں جمع کروا دیا، نیب نے جواب میں موقف اپنایا کہ احسن اقبال کی درخواست قابل سماعت نہیں، خارج کی جائے، احسن اقبال نے قومی خزانے کو نقصان پہنچایا۔

نیب کے مطابق درخواست گزار غیر معمولی حالات، یارڈشپ نہیں ثابت کرسکے۔ احسن اقبال کی ضمانت پر نیب کا جواب 2 صفحات پر مشتمل ہے۔

یاد رہے کہ 30 جنوری کو مسلم لیگ ن کے رہنما نے اسلام ہائی کورٹ میں ضمانت کے لیے درخواست دائر کی تھی جس میں موقف اختیار کیا گیا تھا کہ احسن اقبال نے کبھی نیب میں پیش ہونے سے انکار نہیں کیا۔

نیب نے احسن اقبال کو گرفتار کر لیا

واضح رہے کہ 23 دسمبر کو قومی احتساب بیورو ( نیب) نے سابق وزیر داخلہ و مسلم لیگ (ن) کے مرکزی رہنما احسن اقبال کو گرفتار کیا تھا۔

اسلام آباد: مسلم لیگ ن کے ارکان پارلیمنٹ نے مہنگائی کے خلاف پارلیمنٹ ہاؤس کے باہر احتجاج کیا۔

تفصیلات کے مطابق مسلم لیگ ن نے مہنگائی کے خلاف پارلیمنٹ کے باہر احتجاج کیا جس میں راناتنویر، آصف کرمانی، مشاہدحسین سید اور دیگر بھی شریک تھے ن لیگ کے ارکان نے پلے کارڈ اٹھا رکھے تھے جن پر مہنگائی کے خلاف نعرے درج تھے۔

اس موقع پر مسلم لیگ ن کے رہنما رانا تنویر کا کہنا تھا کہ حکومتی سبسڈی سے عوام کو کوئی فائدہ نہیں ہے، پہلے 6 ارب کی سبسڈی کا کہا گیا وہ بھی عوام کو نہیں ملی۔

رانا تنویر نے کہا کہ وزیراعظم عمران خان نے مہنگائی کی تحقیقات کرائی ہے، تحقیقاتی رپورٹ وزیراعظم کو موصول ہوگئی ہے، رپورٹ کو پبلک کیا جائے اور پارلیمنٹ میں بحث کرائی جائے۔

کوئی شک نہیں کہ مہنگائی سے عوام مشکل میں ہیں، اسد عمر

یاد رہے کہ گزشتہ ہفتے وفاقی وزیر اسد عمر کا کہنا تھا کہ کوئی شک نہیں کہ مہنگائی سے عوام مشکل میں ہیں، مہنگائی کا جتنا احساس آپ کو ہے اس سے زیادہ وزیراعطم کو ہے۔

اسد عمر کا کہنا تھا کہ مافیا مل کر ذخیرہ اندوزی اور مہنگائی کررہے ہیں، وزیراعظم عمران خان نے کرپشن کے خلاف جہاد کیا ہے، اسی طرح وزیراعظم ذخیرہ اندوزوں کے خلاف جہاد کے لیے تیار ہیں۔

کراچی: مسلم لیگ ن کے ڈپٹی جنرل سیکریٹری عطا تارڑ کا کہنا ہے کہ اسحاق ڈار کے گھر کو حکم امتناع ہونے کی صورت میں تبدیل نہیں کیا جاسکتا، حکومت کی جانب سے اوچھے ہتھکنڈے اپنائے جارہے ہیں، اسحاق ڈار کے گھر کو پناہ گاہ میں تبدیل کرنے کو چیلنج کریں گے۔

اے آر وائی نیوز کے پروگرام سوال یہ ہے میں گفتگو کرتے ہوئے عطا تارڑ نے کہا کہ حکم امتناع کی موجودگی میں اسحاق ڈار کو تبدیل نہیں کیا جاسکتا، اسحاق ڈار سے ابھی بات ہوئی انہوں نے کہا وکلا سے مشاورت جاری ہے، حکم امتناع کی موجودہ گھر کو پناہ گاہ میں تبدیل نہیں کیا جاسکتا۔

حکومت نے مفرور اسحاق ڈار کے گھر کو پناہ گاہ میں تبدیل کردیا

ان کا کہنا تھا کہ خسروبختیار، پرویزخٹک جس دن گرفتار ہوگئے اسحاق ڈار واپس آجائیں گے، یکطرفہ احتساب جاری ہے پہلے گرفتاری ہوتی ہے پھر تحقیقات ہوتی ہیں، موجودہ حکومت کو تو بہتر معیشت چلانے پر اسحاق ڈار کو میڈل دینا چاہیے، موجودہ حکومت کا کارنامہ ہے مہنگائی کی شرح سود سے اوپر چلی گئی ہے۔

لیگی رہنما کا مزید کہنا تھا کہ این اے120کے الیکشن میں مریم نواز نے صحت کارڈ استعمال نہیں کیا، مریم نواز کسی ادارے کو مطلوب نہیں ہیں، مریم نواز کی ایک کیس میں سزا معطل ہوئی ہے، مریم نواز کے خلاف کسی کیس کی انکوائری نہیں چل رہی، شہبازشریف کی بھی ون ٹائم اجازت ہے اور وہ واپس آرہے ہیں۔