Tag: مسلم لیگ ن

لندن: سابق وزیراعظم کے صاحبزادے حسین نواز کا کہنا ہے کہ نواز شریف کو اگلے ہفتے اسپتال میں داخل کرا دیا جائے گا۔

تفصیلات کے مطابق مسلم لیگ ن کے قائد کے بیٹے حسین نواز نے کہا کہ اگلے ہفتے نواز شریف کو اسپال میں داخل کیا جائے گا جہاں اینجوگرام کے ذریعے دل کی بند شریانوں کا جائزہ لیا جائے گا۔

حسین نواز کا کہنا تھا کہ انجیوگرام ٹیسٹ میں استعمال ہونے والی ادویات کا گردوں پر اثر پڑتا ہے، گردوں میں تکلیف پر شریانوں کے لیے استعمال ہونے والی ادویات کی مقدار کو کم رکھا جائے گا۔

سابق وزیراعظم کے صاحبزادے حسین نواز کا کہنا ہے کہ بائی پاس کے امکانات کو خارج نہیں کیا جا سکتا۔

دوسری جانب مسلم لیگ ن کے صدر اور اپوزیشن لیڈر میاں شہباز شریف نے کہا کہ نواز شریف کاعلاج جاری ہے، آج بھی ڈاکٹرز نے معائنہ کیا۔

سابق وزیراعظم نواز شریف کی صحت کے حوالے سے ان کے صاحبزادے حسین نواز کا گزشتہ ماہ کہنا تھا کہ اس وقت پلیٹلیٹس کا بہتر ہونا ضروری ہے کیونکہ اس کے بغیر ڈاکٹر کوئی پروسیجر نہیں کرسکتے۔

یاد رہے کہ گزشتہ سال نومبر میں سابق وزیراعظم نوازشریف اپنے بھائی شہباز شریف اور ذاتی معالج ڈاکٹر عدنان کے ہمراہ ایئر ایمبولینس میں علاج کے لیے لندن پہنچے تھے۔

لاہور: قومی احتساب بیورو (نیب) نے مسلم لیگ ن کے رہنما جاوید لطیف کے خلاف تحقیقات کا دائرہ وسیع کردیا۔

تفصیلات کے مطابق نیب نے مسلم لیگ ن کے رکن قومی اسمبلی جاوید لطیف کو والدین کے اثاثوں کی تفصیلات جمع کرانے کی ہدایت کر دی۔

ذرائع نیب کے مطابق جاوید لطیف کی والدہ کے نام کروڑوں روپے کے اثاثے ہیں،لیگی رہنما کی والدہ نے 10 کروڑ سے زائد اثاثہ جات بتا رکھے ہیں، اثاثوں میں ہرسال اضافہ ہوتا رہا ہے۔

ذرائع کا کہنا ہے کہ جاوید لطیف سے والدہ کی سورس آف انکم کی تفصیلات طلب کی ہیں، جاوید لطیف نے جواب جمع کرانے کے لیے ایک ماہ کی مہلت مانگ لی۔

مسلم لیگ ن کے رہنما جاوید لطیف نے کہا کہ والدہ کے نام اثاثوں سمیت طلب ریکارڈ کے لیے وقت درکار ہے، والدہ کی عمر زیادہ ہو چکی، تمام ریکارڈ جمع کرنے میں وقت لگے گا۔

جاوید لطیف کا نام ای سی ایل میں ڈال دیا گیا

اس سے قبل 14 جنوری کو مسلم لیگ ن کے رہنما اور رکن قومی اسمبلی میاں جاوید لطیف کا نام ایگزٹ کنٹرول لسٹ (ای سی ایل) میں ڈال دیا گیا تھا۔

لندن: اپوزیشن لیڈر اور مسلم لیگ ن کے صدر میاں شہباز شریف کا کہنا ہے کہ ان ہاؤس تبدیلی آئینی، قانونی اور پارلیمنٹ کا حق ہے۔

تفصیلات کے مطابق لندن میں میڈیا سے گفتگو کرتے ہوئے قائد حزب اختلاف شہباز شریف نے کہا کہ پاکستان کی صورت حال انتہائی تشویش ناک ہے، ان ہاؤس تبدیلی آئینی، قانونی اور پارلیمنٹ کا حق ہے۔

آٹے کے بحران سے متعلق اپوزیشن لیڈر کا کہنا تھا کہ آٹا اور گندم قیمتیں آسمان سے باتیں کر رہی ہیں اور ان کا بحران ہے، گندم کے ذخائر کہاں گئے یا اسمگل ہوگئی؟

شہباز شریف کا کہنا تھا کہ تاریخ میں آج سب سے زیادہ قیمت آٹے کی ہے اور مل بھی نہیں رہا، گندم آٹا ہر گھر میں استعمال ہوتا ہے جو عام آدمی کی پہنچ سے باہر بھی ہے، نواز شریف کے دورمیں گندم ریکارڈ پیدا ہوتی تھی، ہم ایکسپورٹ کرتے تھے۔

قائد حزب اختلاف کا کہنا تھا کہ پی ٹی آئی حکومت ہر محاذ پر ناکام ہوچکی ہے، ایسی صورت حال میں ان ہاؤس تبدیلی غیرقانونی ہے اور نہ غیرسیاسی ہے۔

یاد رہے کہ گزشتہ ماہ شہباز شریف کا کہنا تھا کہ جتنی جلدی ان ہاؤس تبدیلی لائی جائے اس میں قوم کی بہتری ہے کیونکہ حکومت نے معیشت کو تباہ کر دیا۔

اسلام آباد: اے این ایف نے مسلم لیگ ن کے رہنما رانا ثنا اللہ کی ضمانت منسوخی کے لیے سپریم کورٹ میں درخواست دائر کر دی۔

تفصیلات کے مطابق سپریم کورٹ آف پاکستان میں رانا ثنا اللہ کی ضمانت منسوخی کے لیے درخواست دائر کی گئی ہے جس میں موقف اختیار کیا گیا کہ لاہورہائی کورٹ نے حقائق اور قانون کے خلاف رانا ثنا اللہ کو ضمانت دی۔

اے این ایف کے مطابق لاہور ہائی کورٹ کا فیصلہ ٹرائل پر اثر انداز ہوگا، لاہورہائی کورٹ کا فیصلہ اعلی عدلیہ کے طے شدہ اصولوں سے متصادم ہے۔

درخواست میں موقف اختیار کیا گیا ہے کہ ہائی کورٹ نے کہا صرف 20 گرام ہیروئن کا نمونہ لیبارٹری بھجوایا گیا، ہائی کورٹ کے مطابق 20 گرام کا مطلب مزید تحقیقات کی ضرورت ہے، ہائی کورٹ نے نظرانداز کیا کہ 15 کلو ہیروئن ایک ہی بیگ سے ملی تھی۔

این اے این نے درخواست میں کہا کہ ہائی کورٹ نے نظرانداز کیا کہ رانا ثنااللہ بااثر شخص ہیں، رانا ثنا اللہ جیل میں رہ کر بھی اپنا اثر رسوخ استعمال کرتے رہے، رانا ثنا اللہ ضمانت ملنے کے بعد ٹرائل پر اثر انداز ہوں گے۔

اے این ایف نے سپریم کورٹ سے لاہور ہائی کورٹ کا فیصلہ کالعدم قرار دینے اور رانا ثنا اللہ کی گرفتاری کی اجازت دینے کی بھی استدعا کر دی۔

منشیات برآمدگی کیس: رانا ثنا اللہ ضمانت پر رہا

یاد رہے کہ گزشتہ ماہ 26 دسمبر کو منشیات برآمدگی کیس میں لاہور ہائی کورٹ نے لیگی رہنما کی ضمانت کا تحریری فیصلہ جاری کیا تھا جس کے بعد ان کو رہا کر دیا گیا تھا۔

اسلام آباد: مسلم لیگ ن کے رہنما اور رکن قومی اسمبلی میاں جاوید لطیف کا نام ایگزٹ کنٹرول لسٹ (ای سی ایل) میں ڈال دیا گیا۔

تفصیلات کے مطابق قومی احتساب بیورو (نیب) کی سفارش پر مسلم لیگ ن کی رہنما مریم نواز اور جاوید لطیف کا نام ای سی ایل میں ڈال دیا گیا۔ ذرائع کے مطابق کابینہ نے سرکولیشن سمری کے ذریعے نام ای سی ایل میں ڈالنے کی منظوری دی۔

ذرائع کے مطابق کابینہ کی ذیلی کمیٹی برائے ای سی ایل نے چوہدری شوگر ملز کیس میں مریم نواز کا نام ای سی ایل میں شامل کرنے کی سفارش کی تھی جس کی کابینہ نے منظوری دے دی ہے۔

ایون فیلڈ ریفرنس میں سزا معطلی کے بعد مریم نواز نے چوہدری شوگر ملز کیس میں ای سی ایل سے نام نکلوانے کے لیے لاہور ہائی کورٹ سے رجوع کر رکھا ہے۔ لاہور ہائی کورٹ مریم نواز کا پاسپورٹ واپس کرنے اور نام ای سی ایل سے نکالنے کی درخواست 15 جنوری کو سماعت کے لیے مقرر کرچکی ہے۔

مسلم لیگ ن کے رہنما جاوید لطیف نیب کے سامنے پیش

یاد رہے کہ گزشتہ روز قومی احتساب بیورو نیب نے آمدن سے زائد اثاثوں کی تحقیقات کے لیےطلب کیا تھا جس پر مسلم لیگ ن کے رہنما جاوید لطیف نیب لاہور کے آفس میں پیش ہوئے تھے۔

نیب میں پیشی سے قبل میاں جاوید لطیف کا کہنا تھا کہ یہ وہی پوچھ گچھ ہے جو 2000ء میں بھی ہوئی تھی، تب بھی وہی اثاثے تھے اور آج بھی وہی ہیں۔

لاہور: آمدن سے زائد اثاثہ جات کیس میں طلب کرنے پر مسلم لیگ ن کے رہنما جاوید لطیف نیب لاہور کے آفس میں پیش ہوگئے۔

تفصیلات کے مطابق قومی احتساب بیورو نیب نے آمدن سے زائد اثاثوں کی تحقیقات کے لیے آج طلب کیا تھا جس پر مسلم لیگ ن کے رہنما جاوید لطیف نیب لاہور کے آفس میں پیش ہوئے۔

ذرائع کے مطابق جاوید لطیف نے نیب سے مکالمہ کرتے ہوئے کہا کہ نیا آرڈیننس آچکا ہے، مجھے کیوں بلایا؟ ہائی کورٹ سے آرڈر لے کر آیا ہوں، مجھے گرفتار کرنے سے 10 دن قبل اطلاع دی جائے۔

ذرائع کا کہنا ہے کہ جاوید لطیف نے کہا کہ میرے پاس اپنے اثاثوں کی تفصیلات ہیں نہ بھائیوں اور خاندان کی، ایک ماہ کا وقت دیں، سوچ کر بتاؤں گا کہ نیب آنا ہے یا نہیں۔

نیب میں پیشی سے قبل میاں جاوید لطیف کا کہنا تھا کہ یہ وہی پوچھ گچھ ہے جو 2000ء میں بھی ہوئی تھی، تب بھی وہی اثاثے تھے اور آج بھی وہی ہیں۔

آمدن سے زائد اثاثوں پر انکوائری سے متعلق ن لیگی رہنما جاوید لطیف کی ممکنہ گرفتاری کے خلاف درخواست پر لاہور ہائی کورٹ میں گزشتہ ماہ سماعت ہوئی تھی۔

نیب کو وارنٹ گرفتاری سے قبل جاوید لطیف کو آگاہ کرنے کا حکم

جسٹس طارق عباسی کی سربراہی میں ہونے والی سماعت میں درخواست گزار کے وکیل نے موقف اختیار کیا تھا کہ نیب نے جائیداد کی تفصیلات مانگی ہیں، جبکہ ان الزامات میں محکمہ اینٹی کرپشن اپنی تحقیقات بند کرچکا ہے۔

درخواست میں استدعا کی گئی تھی کہ نیب انکوائری میں شامل ہو رہا ہوں گرفتاری کا خدشہ ہے، جس پر عدالت نے نیب کو حکم دیا تھا کہ جاوید لطیف کی گرفتاری سے قبل انہیں آگاہ کیا جائے۔

لاہور: مسلم لیگ ن کے رہنما رانا ثنا اللہ کا کہنا ہے کہ حکومت نے جیل میں بھی میرا پیچھاکیا،6 ماہ تک فرش پر سویا، مجھے قید تنہائی میں رکھا گیا اور ہر طرح کی اذیت دی گئی۔

تفصیلات کے مطابق سابق صوبائی وزیرقانون رانا ثنا اللہ نے اے آروائی نیوز سے خصوصی گفتگو کے دوران انکشاف کیا کہ حکومت مجھے قتل کرنا چاہتی تھی، اطلاعات ملی تھیں کہ یہ لوگ مجھے ٹارگٹ کرسکتے ہیں۔ رانا ثنا اللہ کا کہنا تھا کہ انہوں نے مجھے مارنے کے لیے کسی اورکو بھیجنا تھا۔

مسلم لیگ ن کے رہنما نے کہا کہ لندن اجلاس میں کسی نے حمایت کے لیے کہا تو پورے وثوق سے نہیں کہہ سکتا،ایکٹ میں ترمیم کے لیے جلدبازی کی جس سے اپنے لوگ ناراض ہوئے۔ انہوں نے کہا کہ ہمیں فوری اپنا اجلاس بلانے کے بجائے اپوزیشن سے رابطہ کرنا چاہیے تھا۔

سابق صوبائی وزیر قانون کا کہنا تھا کہ حکومت نے جیل میں بھی میرا پیچھاکیا،6 ماہ تک فرش پر سویا، مجھے قید تنہائی میں رکھا گیا اور ہر طرح کی اذیت دی گئی۔

نوازشریف نے ساڑھے7 ارب کا بانڈ نہیں 50 روپے کا اسٹامپ پیپر دیا، رانا ثنا اللہ

واضح رہے کہ آج لاہور میں پریس کانفرنس کے دوران مسلم لیگ ن کے رہنما رانا ثنا اللہ کا کہنا تھا کہ نوازشریف نے ساڑھے 7 ارب روپے کے ضمانتی بانڈز نہیں دیے صرف 50 روپے کے اسٹامپ پیپر پر لکھا کہ واپس آؤں گا، اب حکومت اسٹامپ پیپپرکا تعویز بنا کر گلے میں ڈال لے تاکہ سکون ملے۔