Tag: مسلم لیگ ن

  • ن لیگ کی بچھائی معاشی بارودی سرنگیں صاف کر کے ترقی کی راہ ہموار کی، مراد سعید

    ن لیگ کی بچھائی معاشی بارودی سرنگیں صاف کر کے ترقی کی راہ ہموار کی، مراد سعید

    اسلام آباد: وفاقی وزیر مواصلات مراد سعید نے کہا کہ ن لیگ کی بچھائی معاشی بارودی سرنگیں صاف کر کے ترقی کی راہ ہموار کی، کرپشن اور لوٹ مار کا حساب دینے کےعلاوہ کوئی چارہ نہیں ہے۔

    تفصیلات کے مطابق وفاقی وزیر مراد سعید نے احسن اقبال کی پریس کانفرنس پر رد عمل دیتے ہوئے کہا کہ احسن اقبال کے بھائی کو متعدد بڑے منصوبوں کی تعمیر کے ٹھیکے دیے گئے، راولپنڈی میٹرو، لاہور میٹرو، لبرٹی مارکیٹ پارکنگ کے ٹھیکے دیے گئے۔

    انہوں نے کہا کہ سارے عمل کے دوران پیپرا رولز کو یکسر اٹھا کرردی کی ٹوکری میں ڈالا گیا، سیاسی ارسطو نے کرپشن اور اقربا پروری کی بہتی گنگا میں ہاتھ دھوئے، احسن اقبال کی حکومت نے جو تباہی مچائی قوم اس کا خمیازہ بھگت رہی ہے۔

    وفاقی وزیر نے کہا کہ احسن اقبال کی حکومت نے قوم کو بجلی کے مہنگے منصوبے، گردشی قرضوں کا بوجھ دیا، ن لیگ کی بچھائی معاشی بارودی سرنگیں صاف کر کے ترقی کی راہ ہموار کی۔

    مراد سعید نے کہا کہ تمام حربوں کے باوجود قوم سے کیے گئے وعدے نبھائیں گے، تمام حربوں کے باوجود قوم سے کیے گئے وعدے نبھائیں گے، چوروں سے چوری کا مال بھی نکلوائیں گے ،معیشت کو بھی ترقی سے ہمکنار کریں گے۔

    انہوں نے مزید کہا کہ قوم پاؤں سے سر تک کرپشن میں لتھڑے کرداروں سے لیکچرز نہیں لیں گے، کرپشن اور لوٹ مار کا حساب دینے کےعلاوہ کوئی چارہ نہیں ہے۔

  • اتوار کو نواز شریف کے دانتوں کا معائنہ کیا جائے گا

    اتوار کو نواز شریف کے دانتوں کا معائنہ کیا جائے گا

    لندن: سابق وزیر اعظم نواز شریف کے دانتوں کا معائنہ کل بہ روز اتوار کیا جائے گا۔

    تفصیلات کے مطابق گزشتہ رات نواز شریف کو اسپتال لے جایا گیا تھا جہاں ان کا چیک اپ کرایا گیا، سابق وزیر اعظم کے صاحب زادے حسین نواز نے کہا کہ اتوار کے دن ان کے والد کے دانتوں کا معائنہ کیا جائے گا۔

    حسین نواز نے بتایا کہ پیر کو نواز شریف کا کارڈیک پی اے ٹی اسکین بھی کیا جائے گا۔

    دریں اثنا، نواز شریف سے پرویز مشرف کے خلاف فیصلے سے متعلق صحافی کے سوال پر نواز شریف خاموش رہے، غیر رسمی گفتگو کرتے ہوئے حسین نواز نے کہا کہ نواز شریف کو فیصلے سے آگاہ کر دیا گیا تھا، ہم اسپتال میں تھے جب یہ فیصلہ آیا، نواز شریف نے کہا میں نے معاملہ اللہ پر چھوڑ دیا ہے۔

    یہ بھی پڑھیں:  نواز شریف کوعلاج کے لیے امریکا لے جایا جائے گا، ڈاکٹر عدنان

    خیال رہے کہ طبی بنیادوں پر ضمانت پر رہائی کے بعد نواز شریف کو علاج کے لیے لندن منتقل کیا گیا ہے، جہاں ان کا علاج جاری ہے، تاہم ان کے ذاتی معالج ڈاکٹر عدنان نے کہا تھا کہ انھیں زیادہ بہتر علاج کے لیے امریکا منتقل کیا جائے گا۔

    ذاتی معالج نے کہا تھا کہ نواز شریف کے دماغ کو خون دینے والی شریان میں اسٹنٹنگ کی جائے گی، ان کا 6 مختلف اسپتالوں میں علاج جاری ہے۔ ایماٹولوجسٹ ٹیم نے انھیں صحت مند قرار نہیں دیا، ان کے دل اور شریانوں کا مسلسل معائنہ کیا جا رہا ہے، پلیٹ لیٹس متوازن ہونے تک کوئی پروسیجر نہیں کیا جا سکتا، پلیٹ لیٹس گرنے کی وجوہ معلوم کرنا چیلنج بن گیا ہے۔

    انھوں نے مزید کہا تھا کہ برطانوی ڈاکٹرز نواز شریف کی بیماری کی تشخیص ابھی تک نہیں کر سکے ہیں، وہ کتنے دن برطانیہ میں رہیں گے کچھ کہنا ممکن نہیں ہے۔

  • ڈونگا گلی میں شہباز شریف کا بڑا گھر سیل

    ڈونگا گلی میں شہباز شریف کا بڑا گھر سیل

    ایبٹ آباد: پاکستان مسلم لیگ ن کے صدر میاں شہباز شریف کا ڈونگا گلی میں 9 کنال، ایک مرلے کا گھر سیل کر دیا گیا۔

    تفصیلات کے مطابق گلیات ڈویلپمنٹ اتھارٹی نے ڈونگا گلی، ایبٹ آباد میں تعمیر شدہ سابق وزیر اعلیٰ پنجاب شہباز شریف کا بڑا گھر سیل کر دیا ہے۔

    ذرایع کا کہنا ہے کہ شہباز شریف کے نو کنال ایک مرلے گھر پر مشتمل جائیداد جی ڈی اے نے آمدن سے زائد اثاثہ جات کیس میں نیب کے حکم پر سیل کی ہے۔

    یاد رہے کہ 11 دسمبر کو احتساب عدالت نے شہباز شریف فیملی کے اثاثے منجمد کرنے کا حکم دیا تھا، تحریری فیصلے میں کہا گیا تھا کہ شریف فیملی بیرون ملک سے منتقل ہونے والی رقوم پر مطمئن نہیں کر سکی ہے، عدالت قانونی تقاضے مکمل کرتے ہوئے اثاثے منجمد کرنے کا حکم دیتی ہے۔

    یہ بھی پڑھیں:  شہباز شریف کے اثاثہ جات منجمد کرنے کے احکامات جاری

    نیب کی جانب سے عدالت میں شہباز شریف فیملی کے 15 اثاثوں کا ریکارڈ پیش کیا گیا تھا، جن میں ماڈل ٹاؤن میں 96 اور87 ایچ کی 10 کنال کی رہایش گاہیں، چنیوٹ میں 180 اور 209 کنال زمین، ایبٹ آباد، ڈونگا گلی میں 9 کنال 1 مرلے کے نشاط لاجز، ڈی ایچ اے کے فیز 5 میں 10،10 مرلے کے 2 گھروں کی جائیداد، پیر سوہاوہ میں 3 جائیدادیں، جوہر ٹاؤن اور جوڈیشل کالونی میں پلاٹس جب کہ نو کمپنیوں میں شئیرز شامل ہیں۔

    یاد رہے نیب نے آمدن سے زائد اثاثہ جات کیس میں شہباز شریف فیملی 15 اثاثے منجمد کرنے کی درخواستیں دائر کررکھی تھیں، درخواست میں کہا گیا تھا کہ شہباز شریف، ان کی اہلیہ اور بیٹوں کے تمام اثاثے منجمد کیے جائیں کیوں کہ وہ منی لانڈرنگ کے ذریعے بنائی گئی ہیں اور اثاثے ان کی آمدن سے مطابقت نہیں رکھتے۔

    تحریری فیصلے کے مطابق شریف فیملی اس فیصلے اور اعتراضات پر 14 دن تک عدالت میں درخواست دائر کر سکتی ہے۔

  • فردوس عاشق اعوان کیخلاف درخواست، مسلم لیگ ن کو مزید مواد فراہم کرنے کی ہدایت

    فردوس عاشق اعوان کیخلاف درخواست، مسلم لیگ ن کو مزید مواد فراہم کرنے کی ہدایت

    اسلام آباد : الیکشن کمیشن آف پاکستان نے معاون خصوصی برائے اطلاعات فردوس عاشق اعوان کیخلاف درخواست پر مسلم لیگ ن کو مزید مواد فراہم کر نے کی ہدایت کردی۔

    تفصیلات کے مطابق الیکشن کمیشن میں قائم مقام چیف الیکشن کمشنر سردار الطاف ابراہیم قریشی کی سربراہی میں دو رکنی کمیشن نے معاون اطلاعات فردوس عاشق اعوان کے خلاف توہین کمیشن کیس پر سماعت کی۔

    دوران سماعت (ن )لیگ اور تحریک انصاف کے وکلاءاور پیمرا کے وکیل الیکشن کمیشن کے سامنے پیش ہوئے، قائمقام چیف الیکشن کمشنر نے بتایا کہ آپ درخواست سے متعلق مواد تو جمع کرائیں۔

    وکیل درخراست گزار نے بتایاکہ ہم نے اس کیس میں پیمرا کو فریق بنانا چاہتے ہیں جبکہ وکیل تحریک انصاف نے کہا مسلم لیگ ن نے اپنی درخواست میں صرف دال میں کالا لکھا ہے۔

    الیکشن کمیشن نے ن لیگ سے مزید مواد فراہم کرنے کی ہدایت کرتے ہوئے سماعت 16 دسمبر تک ملتوی کر دی۔

    مزید پڑھیں : مسلم لیگ ن نے فردوس عاشق اعوان کیخلاف درخواست الیکشن کمیشن میں جمع کرادی

    یاد رہے گذشتہ ماہ مسلم لیگ ن نے معاون خصوصی برائے اطلاعات فردوس عاشق اعوان کے خلاف درخواست الیکشن کمیشن میں جمع کرائی تھی، ن لیگ نے درخواست میں مؤقف اختیار کیا تھا کہ حکومت ممنوعہ اور غیر ملکی فنڈنگ کیس میں الیکشن کمیشن پر دباؤ ڈال رہی ہے، معاون خصوصی اطلاعات کی پریس کانفرنس الیکشن کمیشن کو دھمکانے کے مترادف ہے۔

    معاون خصوصی اطلاعات کی پریس کانفرنسز کا ٹرانسکرپٹ بھی درخواست کے ساتھ لگایا گیا تھا۔

    بعد ازاں مسلم لیگ ن کے وکیل جہانگیر جدون نے الیکشن کمیشن کےباہرمیڈیاسےگفتگو میں کہا تھا کہ پی ٹی آئی نےفارن فنڈنگ کیس میں تاخیری حربے استعمال کیے، پی ٹی آئی رہنماؤں نےالیکشن کمیشن کے خلاف الزامات شروع کردیے، فردوس عاشق اعوان نے کہا دال میں کچھ کالا ہے یا پوری دال کالی ہے

  • ن لیگ کی مرکزی قیادت کی لندن کے ریسٹورنٹ میں بیٹھک

    ن لیگ کی مرکزی قیادت کی لندن کے ریسٹورنٹ میں بیٹھک

    لندن: مسلم لیگ ن کی مرکزی قیادت نے برطانوی دارالحکومت میں بیٹھک سجائی، یہ اجلاس ایجویئر روڈ پر مقامی ریسٹورنٹ میں منعقد کیا گیا، جس میں شہباز شریف، ایاز صادق، خواجہ آصف، احسن اقبال، پرویزرشید، اسحاق ڈار، خرم دستگیر، مریم اورنگ زیب اور دیگر نے شرکت کی۔

    اجلاس کے بعد لیگی رہنماؤں نے نواز شریف کی عیادت کی، شہباز شریف نے میڈیا سے گفتگو کرتے ہوئے کہا نواز شریف کے ذاتی معالج نے رہنماؤں کو بریفنگ دی، لیگی رہنماؤں نے نواز شریف کی خیریت دریافت کی۔

    شہباز شریف نے کہا کہ ہم چیف الیکشن کمشنر کے معاملے پر اتفاق رائے چاہتے ہیں لیکن پی ٹی آئی حکومت سے ماضی قریب کا تجربہ مایوس کن ہے، نواز شریف صحت یابی کے بعد ڈاکٹرز کے مشورے سے پاکستان جائیں گے۔

    خواجہ آصف نے کہا کہ اجلاس میں پارلیمنٹ میں درپیش مسائل پر گفتگو ہوئی، مشاورت کی گئی کہ ملک واپس آ کر معاملات کو دیکھیں گے، شہباز شریف سے رہنمائی لی، واپس جا کر حکمت عملی طے کریں گے، نئے الیکشن کے لیے پہلا مرحلہ ان ہاؤس تبدیلی ہے، اہم مسئلہ چیف الیکشن کمشنر کی تعیناتی ہے۔

    احسن اقبال نے کہا کہ آرمی چیف کی مدت ملازمت کے معاملے کو حکومت نے الجھایا ہے، حکومت نے الیکشن کمشنر کی تعیناتی پر مشاورت میں تاخیر کی، تاحال مشاورت شروع نہیں ہوئی، بجلی کے بل میں 4 سے 5 بار اضافہ کیا گیا ہے، ن لیگ دیگر جماعتوں سے مل کر مہنگائی کے خلاف احتجاج کرے گی۔

    انھوں نے مزید کہا کہ حکومت کارکردگی چھپانے کے لیے اپوزیشن کی کردار کشی کرتی ہے، وزیر اعظم کشمیر کو چھوڑ کر دوسرے ملکوں کی ثالثی کرا رہے ہیں، حکومت ترمیم کے لیے سنجیدہ ہے تو اپوزیشن سے تعاون کرنا ہوگا۔

  • قومی اداروں کےلیے سب کوایک جگہ ہونا پڑتا ہے، احسن اقبال

    قومی اداروں کےلیے سب کوایک جگہ ہونا پڑتا ہے، احسن اقبال

    لاہور: مسلم لیگ(ن) کے مرکزی رہنما احسن اقبال نے کہا ہے کہ قومی اداروں کےلیےسب کوایک جگہ ہوناپڑتاہے، پی ٹی آئی نےہماری بدترین کردارکشی کی مگر ہم نےعثمان بزدار اورشہبازشریف میں قومی معاملات پرفرق نہیں کیا۔

    تفصیلات کے مطابق پریس کانفرنس کرتے ہوئے احسن اقبال کا کہنا تھا کہ اہم محکموں میں 6سے7سیکریٹری تبدیل ہوچکےہیں جب کہ آرمی چیف کےمسئلے پر حکومت نےسب کی جگ ہنسائی کرائی، انہیں ہاتھ پکڑکرچلایاجارہاہے،چھوڑیں تویہ گرجاتے ہیں۔

    ان کا کہنا تھا کہ سناہےوزیراعظم نےقانونی اورمعاشی ٹیم کوشاباش دی ہے، عوام پوچھ سکتےہیں کس بات کی شاباش دی ہے؟کیاآلوپیازکی قیمت آسمان تک پہنچانےپرشاباش دی ہے؟کیاصنعت کاپھٹہ بٹھانےپرشاباش دی ہے؟ ایچ ای سی اورصحت کابجٹ کاٹنے پر مبارکباددی ہے۔

    انہوں نے کہا کہ پاکستان میں معاشی ترقی کاسفرخواب بن چکاہے،10لاکھ افرادبےروزگارہو چکےہیں وزیراعظم شاباش دےرہےہیں اور 6لاکھ سےزائدافرادخط غربت سےنیچے جاچکے ہیں، 2013میں پاکستان کی معیشت ایشیامیں تیزترین معیشت میں شمارہوتی تھی، آج پاکستان کی معیشت کاشمارسست رومعیشتوں میں ہوتاہے۔

    حکومت کی سفارتی پالیسی کو نشانہ بناتے ہوئے انہوں نے کہا کہ حکومت کی بدترین سفارتی ناکامی ہےکہ مقبوضہ کشمیرسےکرفیونہیں ہٹ سکا، مقبوضہ کشمیر جیسا بلیک آؤٹ فلسطین میں بھی نہیں پھر وزیراعظم کونیندکیسی آتی ہے؟ مسئلہ کشمیرپروزیرخارجہ شاہ محمود قریشی نےکن ممالک کےدورےکیے؟ وزیر خارجہ مریدوں کےساتھ بیان داغ کرسمجھتے ہیں کہ کشمیرکاحق اداکردیا۔

    ان کا کہنا تھا کہ سی پیک پرتنازع کھڑےہوناوزراکےبیانات ہیں، ایلس ویلزنےبیان میں وزیراعظم،شیخ رشیداوردیگروزراکےبیانات کاحوالہ دیا ہے۔

    احسن اقبال نے کہا کہ ملک کی برآمدات کابیشترشماردرآمدات پرہوتاہے، اندھوں کی طرح درآمدات پرپابندی لگادی گئی ،برآمدات میں کمی آئی، عوام پہلےہی بجلی کےبل برداشت نہیں کرسکتے، بجلی کی قیمت میں اضافےسےبجلی چوری میں اضافہ ہوگا، عمران صاحب! آپ کی اورآپ کی کابینہ کی غربت ختم ہورہی ہے، جب آپ لوگ اتریں گےتو عوام ماضی کےتمام اسکینڈل بھول جائیں گے۔

    (ن) لیگی رہنما نے کہا کہ پی ٹی آئی والےکہتےتھے90دن میں رشوت ختم کردیں گےلیکن رشوت کےریٹ 100گنااوپر جا چکے ہیں، پہلے کبھی ایسا نہیں تھا،موجودہ حکومت پاکستان کی کرپٹ ترین حکومت ہے، راتوں رات جب ڈالرکی قدربڑھی توکتنےلوگوں نےکروڑوں کمائے، کیاکسی نےتحقیق کی کہ کس نےراتوں رات ڈالرکمائے۔

  • نوازشریف آج کا دن پارک لین فلیٹس میں ہی گزاریں گے، فیملی ذرائع

    نوازشریف آج کا دن پارک لین فلیٹس میں ہی گزاریں گے، فیملی ذرائع

    لندن: مسلم لیگ ن کے قائد اور سابق وزیراعظم میاں نوازشریف آج پارک لین فلیٹس میں ہی گزاریں گے۔ نوازشریف کی آج ڈاکٹرز کے ساتھ کوئی اپائنٹمنٹ نہیں ہے۔

    تفصیلات کے مطابق سابق وزیراعظم میاں نوازشریف آج پارک لین فلیٹس میں ہی گزاریں گے۔ مسلم لیگ ن کے قائد کی آج ڈاکٹرز کے ساتھ کوئی اپائنٹمنٹ نہیں ہے۔

    فیملی ذرائع کے مطابق سابق وزیراعظم لندن برج پر چاقو بردار شخص کے حملے کے بعد پولیس کی جانب سے علاقہ بند کرنے کے باعث میڈیکل ٹیسٹ کے لیے لندن برج اسپتال نہیں پہنچ سکے۔

    مسلم لیگ ن کے قائد جس اسپتال میں اپنے چیک اپ کے لیے جا رہے ہیں وہ جائے حادثہ سے آدھے میل کے فاصلے پر واقع ہے تاہم وہ راستے سے ہی پارک لین میں واقع ایون فیلڈ اپارٹمنٹ واپس آگئے۔ فیملی ذرائع کا کہنا ہے کہ پیر کے روز میاں نوازشریف کی دوبارہ اپائنٹمنٹ لی جائے گی۔

    ’نوازشریف امریکا جانے کیلئے رضامند نہیں ہو رہے‘

    نوازشریف کے صاحبزادے حسین نواز نے دو روز قبل لندن میں میڈیا سے بات کرتے ہوئے بتایا تھا کہ نوازشریف کا علاج جاری ہے اور طبیعت نہ سنبھلنے پر ابھی تک پی ای ٹی اسکین شروع نہیں ہوسکا۔

    یاد رہے کہ نوازشریف حکومت کی جانب سے نوازشریف 19 نومبر کو شہبازشریف اور ڈاکٹر عدنان کے ہمراہ قطر ایئرویز کی ایئرایمبولینس کے ذریعے لندن پہنچے تھے۔ نوازشریف کو لندن پہنچنے کے اگلے روز اسپتال لے جایا گیا جہاں علاج سے پہلے ان کے متعدد ٹیسٹ کیے گئے۔

  • خواجہ برادران کے جوڈیشل ریمانڈ میں 9 دسمبر تک توسیع

    خواجہ برادران کے جوڈیشل ریمانڈ میں 9 دسمبر تک توسیع

    لاہور: احتساب عدالت نے مسلم لیگ ن کے رہنما خواجہ سعد رفیق اور خواجہ سلمان رفیق کے جوڈیشل ریمانڈ میں 9 دسمبر تک توسیع کردی۔

    تفصیلات کے مطابق احتساب عدالت کے معزز جج جوادالحسن کے چھٹی پر ہونے پر ڈیوٹی جج نے خواجہ برادران کے خلاف پیراگون ہاؤسنگ اسکینڈل کیس کی سماعت کی۔ جیل حکام نے نامزد ملزم خواجہ سعد رفیق اورسلمان رفیق کو عدالت کے سامنے پیش کیا۔

    احتساب عدالت میں آج کسی بھی گواہ کا بیان قلمبند نہ کیا جاسکا۔عدالت نے مسلم لیگ ن کے رہنما خواجہ سعد رفیق اور خواجہ سلمان رفیق کے جوڈیشل ریمانڈ میں 9 دسمبر تک توسیع کردی۔

    خواجہ برادران کی احتساب عدالت میں پیشی کے موقع پر سیکیورٹی کے سخت انتظامات کیے گئے، سڑکوں کو کنٹینرز لگا کر عام ٹریفک کے لیے بند کر دیا گیا۔

    عدالت میں گزشتہ سماعت کے دوران خواجہ برادران کے وکلا کی موجودگی میں گواہان کے بیان قلمبند کیے گئے، نیب پراسیکیوٹرکی جانب سے گواہ سے سرگوشی پر وکیل صفائی کا کہنا تھا کہ آپ شہادت ریکارڈ کراتے وقت گواہ کو ہدایت نہیں دے سکتے۔

    یاد رہے کہ 11 دسمبر 2018ء کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی، جس کے بعد قومی احتساب بیورو (نیب) نے دونوں بھائیوں کو حراست میں لے لیا تھا۔

    نیب نے گرفتاری کے دوسرے ہی دن خواجہ برادران کو لاہور کی احتساب عدالت میں پیش کیا تھا، جہاں عدالت نے خواجہ سعد رفیق اور سلمان رفیق کو ابتدائی طور پر 10 روزہ جسمانی ریمانڈ پر نیب کے حوالے کیا تھا۔

  • مسلم لیگ ن  نے فردوس عاشق اعوان کیخلاف درخواست الیکشن کمیشن میں جمع کرادی

    مسلم لیگ ن نے فردوس عاشق اعوان کیخلاف درخواست الیکشن کمیشن میں جمع کرادی

    اسلام آباد : مسلم لیگ ن نے الیکشن کمیشن آف پاکستان میں معاون خصوصی برائے اطلاعات فردوس عاشق اعوان کے خلاف درخواست جمع کرا دی، جس میں کہا گیا حکومت ممنوعہ اور غیر ملکی فنڈنگ کیس میں الیکشن کمیشن پر دباؤ ڈال رہی ہے۔

    تفصیلات کے مطابق مسلم لیگ ن نے معاون خصوصی برائے اطلاعات فردوس عاشق اعوان کے خلاف درخواست الیکشن کمیشن میں جمع کرادی، ن لیگ نے درخواست میں مؤقف اختیار کیا ہے کہ حکومت ممنوعہ اور غیر ملکی فنڈنگ کیس میں الیکشن کمیشن پر دباؤ ڈال رہی ہے، معاون خصوصی اطلاعات کی پریس کانفرنس الیکشن کمیشن کو دھمکانے کے مترادف ہے۔

    معاون خصوصی اطلاعات کی پریس کانفرنسز کا ٹرانسکرپٹ بھی درخواست کے ساتھ لگایا گیا ہے۔

    مسلم لیگ ن کے وکیل جہانگیر جدون نے الیکشن کمیشن کےباہرمیڈیاسےگفتگو میں کہا ہے کہ پی ٹی آئی نےفارن فنڈنگ کیس میں تاخیری حربےاستعمال کیے، پی ٹی آئی رہنماؤں نےالیکشن کمیشن کے خلاف الزامات شروع کردیے، فردوس عاشق اعوان نے کہا دال میں کچھ کالا ہے یا پوری دال کالی ہے۔

    مزید پڑھیں : وزیر اعظم سے بابر اعوان کی ملاقات، ’فارن فنڈنگ نہیں ممنوعہ فنڈنگ کا الزام ہے

    جہانگیر جدون کا کہنا تھا کہ حکومتی وزرانےبیانات دےکرالیکشن کمیشن پردباؤڈالنےکی کوشش کی ، اسکروٹنی کمیٹی کل سےروزانہ کی بنیاد پر سماعت کرے گی۔

    یاد رہے پی ٹی آئی فنڈنگ کیس میں اپوزیشن کی رہبرکمیٹی کی درخواست منظور ہوگئی تھی اور الیکشن کمیشن نے چھبیس نومبر سے روزانہ کی بنیاد پر سماعت کرنے کا فیصلہ کیا تھا ، الیکشن کمیشن نے اسکروٹنی کمیٹی کو کام تیزکرنےکی ہدایت کرتے ہوئے کہا تھا کہ پی ٹی آئی فنڈنگ کیس کی سماعت اب روزانہ ہوگی۔ چیف الیکشن کمشنر کی عدم موجودگی میں دو اراکین نے یہ فیصلہ لکھا۔

    بعد ازاں تحریک انصاف کے سابق وکیل فیصل حسین چوہدری کا کہنا ہے کہ معاملہ فارن فنڈنگ کا نہیں بلکہ ممنوعہ فنڈنگ کا ہے، پی ٹی آئی کوکوئی خطرہ نہیں ، تحریک انصاف کے ساتھ مسلم لیگ ن اور پیپلز پارٹی کی ممنوعہ فنڈنگ کے کیس کو بھی دیکھا جائے۔

  • ’جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں‘

    ’جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں‘

    اسلام آباد: پاکستان تحریک انصاف کے رہنما فرخ حبیب کا کہنا ہے کہ جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں۔

    تفصیلات کے مطابق اسلام آباد میں پارلیمانی سیکریٹری فرخ حبیب نے میڈیا کو بریفنگ کے دوران بتایا کہ ن لیگ، پی پی فنڈنگ سے متعلق پٹیشن دائر کی، کل پارٹی فنڈنگ اسکرونٹی کمیٹی سماعت کرے گی۔

    فرخ حبیب نے کہا کہ سیاسی پارٹیزکے گوشواروں کی جانچ الیکشن کمیشن کا اختیار ہے، خدشہ ہے ن لیگ نے پارٹی اکاؤنٹ منی لانڈرنگ کے لیے استعمال کیا۔ انہوں نے کہا کہ ن لیگ یوکے لمیٹڈ کمپنی کے طور پر رجسٹرڈ ہے، ن لیگ یوکے لمیٹڈ کمپنی برطانوی قانون کے مطابق کاروبارکرسکتی ہے۔

    انہوں نے کہا کہ ن لیگ یوکے لمیٹڈ کمپنی برطانوی قانون کے مطابق تجارت کرسکتی ہے، ن لیگ یوکے لمیٹڈ کمپنی کے سربراہ زبیر گل ہیں، ن لیگ یوکے سے کتنا پیسہ پاکستان آیا ن لیگ نے جواب نہیں دیا۔

    پارلیمانی سیکریٹری نے کہا کہ پارٹی فنڈنگ کیس پر ن لیگ راہ فرار اختیار کر رہی ہے، ہوسکتا ہے تاخیر کی وجہ کسی اور قطری خط کی صورت میں سامنے آئے، نوازشریف نے ن لیگ کو 10کروڑ دیے، اگلے دن 4 کروڑ اپنے اکاؤنٹ منتقل کیے۔

    فرخ حبیب نے کہا کہ پی پی اور ن لیگ کے وکلاعدالت میں پیش تک نہیں ہوتے، پی پی کی یوکے میں کمپنی کا سربراہ امریکی شہری مارک سیگل ہے، مارک سیگل بینظیر شہید کیس میں بھی خط لے کر آئے تھے، آصف زرداری پیپلزپارٹی کی اس کمپنی کے پرنسپل ہیڈ ہیں۔

    انہوں نے کہا کہ جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں، پی ٹی آئی نے 40 ہزار ڈونرز کا ڈیٹا فراہم کردیا ہے، پی ٹی آئی سے جو جواب مانگا جائے گا وہ الیکشن کمیشن کو دیں گے۔

    پارلیمانی سیکریٹری نے کہا کہ ن لیگ، پی پی عوام کو مزید گمراہ نہیں کرسکتی، 2013 سے 2018 تک حکومت ن لیگ کی تھی، ن لیگ یہ کیسے کہہ سکتی ہے کہ 5 سال سے جواب نہیں دیا، ن لیگ کی حکومت انہوں نے پی ٹی آئی پر کیس کیوں نہیں کیا۔

    فرخ حبیب نے کہا کہ الیکشن کمیشن کی اسکروٹنی کمیٹی پر بڑی ذمہ داری ہے، تمام سیاسی جماعتوں کے کیس کی روزانہ سماعت ہونی چاہیے، جن ٹی او آرز پر پی ٹی آئی کیس سنا جا رہا ہے ن لیگ اور پی پی کا کیس بھی سنا جائے۔

    تحریک انصاف کے رہنما نے کہا کہ پی پی، ن لیگ کی جگہ جگہ ٹی ٹیز، منی لانڈرنگ کے ثبوت موجود ہیں، پی پی اور ن لیگ کو رسیدیں، منی ٹریل دینا ہوگی۔ انہوں نے کہا کہ عمران خان نے ہر دور میں اپنے اثاثے ڈکلیئر کیے، عمران خان نے کرکٹ سمیت ہر آمدن کی تفصیلات دیں۔