Tag: مسلم لیگ ن

لاہور: مسلم لیگ ن کی نائب صدر مریم نواز نے کہا ہے کہ رانا ثنا اللہ کے ساتھ اے این ایف کا کیا تعلق ہے، ان کو اپنے دبنگ اور دلیرانہ موقف کی وجہ سے گرفتار کیا گیا۔

تفصیلات کے مطابق مسلم لیگ ن کی نائب صدر مریم نواز نے رانا ثنا کی گرفتاری پر ردعمل دیتے ہوئے کہا کہ صورت حال اس سے زیادہ بے تکی نہیں ہوسکتی ہے۔

مریم نواز نے اپنی پروفائل تصویر بھی تبدیل کرکے رانا ثنا اللہ کی تصویر لگادی۔

#NewProfilePic pic.twitter.com/rufWlxyfVS

— Maryam Nawaz Sharif (@MaryamNSharif) July 1, 2019

اس سے قبل مریم نواز کا اپنے ٹویٹ میں کہنا تھا کہ حکمران جماعت ن لیگ کی فکر چھوڑ کر عوامی مسائل پر توجہ دے، ان کی نااہلی و نالائقی نے تباہ حال کردیا ہے۔

مریم نواز کا کہنا تھا کہ عوام کو فاقوں تک پہنچادیا، حکومت شریف فیملی کی فکر چھوڑ دے، متحد رہنا شریف فیملی کے خون میں شامل ہے۔

مزید پڑھیں: اے این ایف نے رانا ثنا اللہ کو حراست میں لے لیا، نا معلوم مقام پر منتقل

واضح رہے کہ اب سے کچھ دیر قبل پاکستان مسلم لیگ ن کے رہنما رانا ثنا اللہ کو اینٹی نارکوٹکس فورس (اے این ایف) نے حراست میں لیا تھا۔

اے این ایف نے رانا ثنا اللہ کو سکھیکی کے قریب سے حراست میں لیا، اینٹی نارکوٹکس فورس نے یہ کارروائی منشیات فروشوں کے خلاف حالیہ آپریشن کے بعد کی ہے۔

ذرایع کا کہنا تھا کہ لیگی رہنما کا منشیات کے اسمگلروں کے ساتھ تعلقات کا انکشاف ہوا ہے، اسمگلرز فیصل آباد میں رانا ثنا کے ڈیرے پر بھی پناہ لیتے تھے، رانا ثنا و دیگر افراد کی تفتیش بریگیڈیئر خالد محمود کریں گے۔

اسلام آباد: مسلم لیگ ن کی نائب صدر مریم نواز نے کہا ہے کہ نواز شریف، شہباز شریف، حمزہ میں ایک ہیں، کوئی اختلاف نہیں، پوری پارٹی کا نواز شریف اور شہباز شریف پر بھرپور اعتماد ہے۔

تفصیلات کے مطابق مسلم لیگ ن کی نائب صدر مریم نواز نے اے پی سی کے بعد میڈیا سے گفتگو کرتے ہوئے کہا کہ پوری پارٹی کا نواز شریف اور شہباز شریف پر بھرپور اعتماد ہے، ہم ایک دوسرے کے ساتھ اختلاف تو کرسکتے ہیں، فیصلہ لیڈر شپ کا ہوتا ہے جو خوش دلی سے قبول ہوتا ہے۔

مریم نواز نے کہا کہ میں سمجھتی ہوں کہ اس حکومت کو قبول نہیں کرنا چاہئے، جتنے دن حکومت رہے گی ملکی صورت حال دگرگوں رہے گی، خدانخواستہ ایسا نہ ہو پاکستان پوائنٹ آف نو ریٹرن پر پہنچ جائے۔

مزید پڑھیں: اے پی سی: بلاول بھٹو کا حکومت مخالف تحریک چلانے سے انکار

انہوں نے کہا کہ چیئرمین سینیٹ صادق سنجرانی کو ہٹانے سے تمام مسائل تو حل نہیں ہوں گے تاہم ان کو ہٹانے سے حکومت لرز جائے گی۔

مسلم لیگ ن کی نائب صدر کا کہنا تھا کہ ایک دن میں پانچ پانچ روپے کی قدر گر رہی ہے، ڈالر بڑھ رہا ہے، صرف جون میں 14 ارب قرضوں میں اضافہ ہوا، ہر روز عوام نئے بجٹ کی وجہ سے پس رہے ہیں۔

مریم نواز نے کہا کہ بجلی، گیس، آتا مہنگا، عوام کی زندگی جہنم بن گئی ہے، اسپتال میں مفت ادویات بند، دواؤں کی قیمتیں آسمان پر ہیں، لوگ علاج کرائیں یا بچوں کی فیسیں دیں، کیا کریں۔

لاہور: مسلم لیگ ن کی نائب صدر مریم نواز شریف نے کہا ہے کہ سلیکٹڈ وزیراعظم سے ملک نہیں چل رہا، کاروبار رک چکے ہیں۔

تفصیلات کے مطابق مسلم لیگ ن کی نائب صدر مریم نواز نے لاہور سے اے پی سی میں شرکت کے لیے اسلام آباد جاتے ہوئے موٹروے پر ویڈیو پیغام میں کہا کہ جس نے موٹروے بنائے ملک کو ترقی دی وہ سلاخوں کے پیچھے ہے۔

مریم نواز نے کہا کہ نواز شریف نے عوام کے حق حکمرانی کا علم بلند کیا، پاکستان کو سجایا سنوارا، ملک کو ایٹمی قوت بنایا جس کی انہیں سزا مل رہی ہے۔

انہوں نے کہا کہ میرے والد نواز شریف نے عوام کے لیے آسانیاں پیدا کیں، اللہ نواز شریف کے لیے آسانیاں پیدا کرے گا۔

Nawaz Sharif Zindabad 🇵🇰 pic.twitter.com/j3JcDRL8y4

— Maryam Nawaz Sharif (@MaryamNSharif) June 25, 2019

مسلم لیگ ن کی نائب صدر کا کہنا تھا کہ تین مرتبہ وزیراعظم نواز شریف آج قید کی سزا بھگت رہے ہیں اور عمران خان نے ملک کا یہ حال کردیا ہے کہ ملک کی ترقی رک چکی ہے۔

مریم نواز نے کہا کہ موجودہ حکومت کی پالیسیوں کی وجہ سے ملک کی غریب عوام مہنگائی کی چکی میں پس رہے ہیں۔

واضح رہے کہ چند روز قبل مریم نواز نے کہا تھا کہ جعلی حکومت کی نالائقی نے معیشت کو مذاق بنادیا، معیشت مکمل طور پر تباہ ہوچکی ہے۔

ان کا کہنا تھا کہ شریف خاندان الحمدللہ متحد ہے، کسی قسم کا کوئی اختلاف نہیں ہے، میرا اور میرے چچا کا انتہائی ادب و احترام کا رشتہ ہے۔

اسلام آباد: مولانا فضل الرحمان نے ایک بار پھر اپوزیشن کو اسمبلیوں سے استعفوں کی تجویز دے دی، ادھر اپوزیشن جماعتوں نے انھیں اے پی سی کی تاریخ تبدیل کرنے کا مشورہ دے دیا۔

تفصیلات کے مطابق پرانی خواہش مولانا فضل الرحمان کی زبان پر پھر آ گئی، ذرایع کا کہنا ہے کہ اپوزیشن قیادت سے ملاقاتوں میں انھوں نے اسمبلی سے استعفوں کی تجویز دی۔

دوسری طرف اپوزیشن جماعتوں نے مولانا فضل الرحمان کو اے پی سی کی تاریخ تبدیل کرنے کا مشورہ دیا تاہم انھوں نے اے پی سی کی تاریخ تبدیل کرنے سے انکار کر دیا۔

ذرایع کا کہنا ہے کہ تاریخ میں تبدیلی کی تجویز ن لیگ، پیپلز پارٹی اور اے این پی نے دی، تاہم مولانا نے کہا کہ اراکین کو دعوت نامے ارسال کر دیے گئے ہیں اس لیے اب یہ ممکن نہیں۔

مولانا فضل الرحمان کا مؤقف ہے کہ اے پی سی 26 جون ہی کو صبح 11 بجے ہوگی، جب کہ اپوزیشن جماعتیں بجٹ اجلاس میں بحث کے باعث تاریخ کی تبدیلی چاہتی تھیں۔

ادھر مولانا نے تجویز دی کہ اپوزیشن جماعتیں ارکان سے استعفے جمع کر لیں، اپوزیشن ارکان سے استعفے لے کر حکومت پر دباؤ ڈالا جا سکتا ہے۔ انھوں نے یہ بھی کہا کہ استعفوں کے آپشن کو آخری ہتھیار کے طور پر استعمال کیا جا سکتا ہے۔

اپوزیشن قیادت نے فضل الرحمان کو پارٹیوں میں مشاورت کی یقین دہانی کرائی، ذرایع نے بتایا کہ اپوزیشن کی اے پی سی میں استعفوں کی تجویز پر بھی غور کیا جائے گا۔