Tag: مسلم لیگ ن

پشاور: شانگلہ الپوری روڈ تعمیر میں مبینہ کرپشن کیس میں ایف آئی اے کے پی نے ن لیگی رہنما امیر مقام کے بیٹے کو گرفتار کرلیا۔

تفصیلات کے مطابق شانگلہ الپوری روڈ تعمیر میں مبینہ کرپشن کیس میں ایف آئی اے خیبرپختونخوا نے ن لیگی رہنما امیر مقام کے بیٹے اشتیاق کو گرفتار کرکے مقدمہ درج کرلیا۔

[bs-quote quote=”پراجیکٹ امیر مقام اینڈ کمپنی کو 850 ملین میں ایک سال میں مکمل کرنا تھا، پراجیکٹ 10 سال بعد بھی مکمل نہ ہوسکا” style=”style-8″ align=”left” author_name=”ذرائع ایف آئی اے”][/bs-quote]

ایف آئی اے کے مطابق شانگلہ الپوری روڈ تعمیر میں مبینہ کرپشن کی انکوائری مکمل کرلی گئی ہے، امیر مقام کے بیٹے اشتیاق سمیت دیگر 5 ٹھیکیداروں کو بھی گرفتار کیا گیا ہے۔

ذرائع کے مطابق ایف آئی آر میں ٹھیکیداروں، پراجیکٹ ڈائریکٹر، این ایچ اے، انجینئرز کو بھی نامزد کیا گیا ہے، انکوائری میں این ایچ اے کے 11 افسران کے خلاف محکمانہ کارروائی کی سفارش کی گئی ہے۔

ایف آئی اے کے مطابق انکوائری میں امیر مقام اینڈ کمپنی کو بلیک لسٹ کرنے کی تجویز دی گئی ہے۔

امیرمقام اینڈ کمپنی سے 626 ملین کی ریکوری کی بھی تجویز دی گئی ہے، پراجیکٹ امیر مقام اینڈ کمپنی کو 850 ملین میں ایک سال میں مکمل کرنا تھا، پراجیکٹ 10 سال بعد بھی مکمل نہ ہوسکا، تخمینہ 2800 ملین سے تجاوز کرچکا ہے۔

لاہور: مسلم لیگ ن کے رہنما رانا ثنا اللہ نے کہا ہے کہ نواز شریف کی جیل واپسی کے جلوس میں رکاوٹیں نہ ڈالی جائیں، موجودہ انتظامیہ جعلی حکمرانوں کے ایجنڈے پر کام نہ کرے۔

تفصیلات کے مطابق مسلم لیگ ن کے رہنما رانا ثنا اللہ نے میڈیا سے گفتگو کرتے ہوئے کہا کہ نواز شریف کی جلوس کی صورت میں جیل واپسی میں پولیس نے سیکیورٹی کی ذمے داری نبھائی تو ایک پتہ بھی نہیں ٹوٹے گا۔

انہوں نے کہا کہ حمزہ شہباز کے گھر پر چادر اور چار دیواری کا تقدس پامال کیا گیا تھا، نواز شریف کو سیکیورٹی دینا انتظامیہ کی ذمہ داری ہے، نواز شریف کے روٹ پر آنے والے راستے بند نہیں کرنے دیں گے۔

رانا ثنا اللہ نے کہا کہ عدالتوں سے انصاف کی امید رکھتے ہیں، روٹ پر آنے والے تمام راستے کھلے رکھے جائیں، کارکنوں کو روکا گیا تو صورت حال کی ذمہ دار حکومت ہوگی، کسی شہری کو روٹ سے آنے سے نہ روکا جائے، کارکنوں کی گرفتاریاں برداشت نہیں کریں گے۔

مزید پڑھیں: نوازشریف کو قانوناً شام پانچ بجے جیل پہنچنا چاہیے، جیل حکام

مسلم لیگ ن کے رہنما نے کہا کہ جعلی حکومت کے خلاف عید کے بعد کوئی مہم چلی تو ن لیگ اس کا حصہ ہوگی، انتظامیہ منفی ہتھکنڈے اپنائے گی تو اپنا ردعمل دیں گے، انتظامیہ نواز شریف کو سیکیورٹی فراہم کرے۔

انہوں نے کہا کہ ہم ریلی نہیں نکالنے جارہے، کارکن اظہار یکجہتی کے لیے آرہے ہیں۔

رانا ثنا اللہ نے کہا کہ شہباز شریف بجٹ سیشن سے پہلے آجائیں گے، ان کی طبیعت ٹھیک ہے، وہ سالانہ میڈیکل چیک اپ کے لیے لندن گئے ہیں، ابتدائی رپورٹس کے مطابق شہباز شریف ٹھیک ہیں۔

لاہور: مسلم لیگ ن کی رہنما عظمیٰ بخاری نے کہا ہے کہ آج بھی پاکستان کی سیاست نواز شریف کے گرد گھومتی ہے، اپنے قائد کو شایان شان طریقے سے جیل میں بھیجیں گے۔

تفصیلات کے مطابق پاکستان مسلم لیگ ن کی رہنما عظمیٰ بخاری نے کہا کہ آج بھی پاکستان کی سیاست نواز شریف کے گرد گھومتی ہے، نواز شریف قید کے حق دار نہیں، آئین کو توڑنے والے ڈکٹیٹر کو باہر جانے کی اجازت مل جاتی ہے، ملک کو ترقی دینے تین دفعہ کے وزیراعظم کو علاج کی اجازت تک نہیں ملتی۔

انہوں نے کہا کہ ظلم پھر ظلم ہے بڑھتا ہے تو مٹ جاتا ہے، کل تمام راستے کوٹ لکھپت کی طرف رواں دواں ہوں گے، کچھ فیصلے عدالتی کرتی ہیں اور عدالتوں کے کچھ فیصلوں پر تاریخ فیصلہ کرتی ہے۔

عظمیٰ بخاری نے کہا کہ نواز شریف آج بھی ملکی سیاست کا محور ہیں، پاکستان کی سیاست ان کے گرد گھومتی ہے، جیلیں اس طرح کے سیاسی رہنماؤں کو ہمیشہ کے لیے تاریخ میں امر کردیتی ہیں۔

مزید پڑھیں: چلو چلو کوٹ لکھپت جیل چلو، مریم نواز کا ٹوئٹ

نواز شریف کی جیل روانگی، ن لیگی قیادت نے تیاری کے نام پر فنڈز مانگ لیے

دوسری جانب ذرائع کا کہنا ہے کہ نواز شریف کی کل کوٹ لکھپت جیل واپسی کے لییے ن لیگ لاہور کے ایم این ایز اور ایم پی ایز سے فی کس 50 ہزار روپے مانگے گئے ہیں۔

ذرائع کا کہنا ہے کہ ٹکٹ ہولڈرز بھی 50 ہزار پارٹی فنڈز میں جمع کرانے کے پابند ہوں گے، ن لیگ قیادت کی جانب سے آج پیسے جمع کرانے کی ہدایات کی گئی ہیں، رقم کارکنوں کے لیے ٹرانسپورٹ، پھولوں کی خریداری کے لیے خرچ کی جائے گی۔

عظمیٰ بخاری کا کہنا تھا کہ کل کے لیے انتظامات کرنے ہیں تو پیسے تو چاہئے ہوں گے، کیمپ، بینرز اور دیگر کاموں کے لیے پیسے درکار ہیں۔

راولپنڈی: سابق وفاقی وزیر داخلہ چوہدری نثار نے کہا ہے کہ میں مسلم لیگ ن کا حصہ نہیں ہوں، پارٹی نے عہدوں کی تقسیم کس بنیاد پر کی اس پر بات کرنے کا اب میرا حق نہیں ہے۔

تفصیلات کے مطابق راولپنڈی میں پریس کانفرنس کرتے ہوئے چوہدری نثار کا کہنا تھا کہ میں مسلم لیگ ن کاابھی حصہ نہیں ہوں،کوئی عہدےکسی کودیےگئےہیں تواس پربات نہیں کرسکتا، شاہد خاقان عباسی ابھی تک رابطے میں ہیں جس پر میں اُن کا شکر گزار ہوں۔

سابق وفاقی وزیر داخلہ نے پنجاب میں نافذ ہونے والے نئے بلدیاتی نظام پر بیان دیتے ہوئے کہا کہ اس طرح بلدیاتی اداروں کو گھر نہیں بھیجا جاسکتا، یہ جنگ ہم عدالتوں میں لڑیں گے۔

اُن کا کہنا تھا کہ پاکستان میں مہنگائی کی شرح خطرناک حد کو پہنچ گئی، مستقبل میں مزید مشکل ترین حالات آنے والے ہیں، حکومت اشیاء میں اضافے سے بہتر ہے کہ خود بھی اخراجات برداشت کرے، آئی ایم ایف امریکا کے کہنے پر چلتا ہے اور بھارت نے ٹرمپ انتظامیہ کے ہمارے خلاف کان بھر دیے ہیں، جب تک انڈیا میں بی جے پی کی حکومت ہے کسی بھی اچھی چیز کی توقع نہیں رکھی جاسکتی۔

مزید پڑھیں: عمران خان کیساتھ ہوتا تو انہیں متحد ہونے کا مشورہ دیتا، چوہدری نثار خان

اُن کا کہنا تھا کہ پاک فضائیہ نےجس طرح کارکردگی دکھائی اس طرح اظہارنہیں ہوا، انٹیلی جنس رپورٹ ہےپاکستان کے حوالےسے دیگر ممالک کیا پالیسی اختیار کرنے جارہے ہیں، لہذا سیاسی مخالفین کے بجائے اس بات پر خصوصی توجہ دی جائے کیونکہ اب پاکستان کے گرد گھیرا تنگ کیا جارہا ہے اور اس مسئلے سے باہمی اتحاد و اتفاق سے ہی نمٹا جاسکتا ہے۔

سابق وفاقی وزیر داخلہ کا کہنا تھا کہ بھارت میں تواقلیتوں پرظلم کےپہاڑتوڑےجاتےہیں، وہاں لوگوں کو زندہ جلا دیا جاتا ہے، پاکستانی فنکار ، کھلاڑی اور عام لوگ بھارت نہیں جاسکتے، وہاں کوئی اسلام کی بات کرے تو اُس کی زندگی تنگ کردی جاتی ہے لہذا بھارت یا وہاں کے حکمرانوں کے لیے خیر خواہی کا جذبہ رکھنا حماقت ہے۔