Tag: مسلم لیگ ن

لاہور: سابق وزیرداخلہ اور مسلم لیگ ن کے رہنما نے توہین عدالت کیس میں اپنا تحریری جواب عدالت میں جمع کرا دیا جس میں انہوں نے لکھا ہے کہ عدلیہ کی عزت کرتا ہوں۔

تفصیلات کے مطابق لاہور ہائی کورٹ کے 3 رکنی بینچ نے سابق وزیرداخلہ احسن اقبال کے خلاف توہین عدالت کیس کی سماعت کی۔

احسن اقبال نے سماعت کے دوران اپنا تحریری جواب عدالت میں جمع کرادیا جس پرعدالت نے کہا کہ زبانی کلامی بات لکھی ہے خود کوعدالت کے رحم وکرم پرنہیں چھوڑا۔

عدالت نے ریمارکس دیے کہ خود کوعدالت کے رحم وکرم پرنہیں چھوڑتے توفرد جرم عائد کردیتے ہیں جس پر سابق وزیرداخلہ نے کہا کہ موت کے منہ سے آیا ہوں عہدے میرے لیے اہمیت نہیں رکھتے۔

بعدازاں لاہور ہائی کورٹ نے تفصیلی جواب داخل کرنے کے لیے پیرتک سماعت ملتوی کردی۔

عدالت کے باہر میڈیا سے گفتگو کرتے ہوئے احسن اقبال نے کہا کہ ن لیگ کی انتخابی مہم عوام چلا رہے ہیں، عوام جانتے ہیں گزشتہ 5 سال میں ملک کی حالت بدلی ہے۔

مسلم لیگ ن کے رہنما نے کہا کہ ن لیگ کے خلاف کارروائیاں یکطرفہ ہورہی ہیں، ایک پارٹی کٹہرے میں ہے۔

چیف جسٹس کو اختیار نہیں کہ وہ ہمیں طعنے دیں بس بہت ہوگیا‘ احسن اقبال

یاد رہے کہ رواں سال 25 اپریل کو احسن اقبال نے عدلیہ پر تنقید کرتے ہوئے کہا تھا کہ اگر کوئی جج محب وطن ہے تو سیاست دان بھی محب وطن ہیں، اگر میں نے کسی پر غلط الزام لگایا توثبوت دیں توہین نہ کریں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اسلام آباد: شریف خاندان کے خلاف ایون فیلڈ ریفرنس کی سماعت کے دوران سابق وزیراعظم نواز شریف کے وکیل خواجہ حارث حتمی دلائل دے رہے ہیں۔

تفصیلات کے مطابق وفاقی دارالحکومت اسلام آباد میں شریف خاندان کے خلاف ایون فیلڈ ریفرنس کی سماعت احتساب عدالت کے جج محمد بشیرکررہے ہیں۔

مسلم لیگ ن کے قائد نوازشریف اور ان کی صاحبزادی مریم نواز آج بھی احتساب عدالت میں پیش نہ ہوئے جبکہ کیپٹن صفدر عدالت میں موجود ہیں۔

سابق وزیراعظم نوازشریف کے وکیل خواجہ حارث کی جانب سے ساتویں روز بھی دلائل کا سلسلہ جاری ہے۔

خواجہ حارث نے نیب کے نوازشریف کونوٹس کا متن پڑھ کرسنایا جس میں کہا گیا کہ بیان کی تصدیق کے لیے پیش ہوں اور پیش کردہ دستاویزات سے متعلق رائے دیں، جےآئی ٹی میں میرے موکل کا بیان اپنے دفاع کے لیے تھا۔

سابق وزیراعظم کے وکیل نے کہا کہ کیپیٹل ایف زیڈ ای میں ملازمت کی دستاویزقانوناً تصدیق شدہ نہیں ہے جبکہ استغاثہ کی طرف سے پیش ملازمت کےمعاہدے میں ترمیم کی گئی۔

انہوں نے کہا کہ حسین نوازسے کیپیٹل ایف زیڈ ای کی سورس دستاویزکا سوال نہیں کیا گیا اوران دستاویزکا ایون فیلڈ پراپرٹی سے تعلق نہیں ہے جبکہ کیپیٹل ایف زیڈای سےمتعلق دستاویزات قابل قبول شواہد نہیں ہیں۔

خواجہ حارث نے کہا کہ کہیں ملزمان کوفائدہ ہوسکتا تھا تواس پوائنٹ کوٹچ نہیں کیا گیا، قطری خطوط اورٹرانزیکشن میں ربط موجود ہے۔

خیال رہے کہ گزشتہ روز سماعت کے دوران دلائل دیتے ہوئے خواجہ حارث کا کہنا تھا کہ واجد ضیاء کا بیان ہے لندن فلیٹس شریف خاندان کے ہیں۔ تفتیشی افسر کہتا ہے نواز شریف بے نامی دار اور اصل مالک ہیں۔

خواجہ حارث کا کہنا تھا استغاثہ نے چارٹ پیش کرنے والے گواہ کو پیش نہیں کیا اورجن شواہد کو استعمال کرنا چاہتے ہیں ان پر جرح کا موقع ملنا چاہیئے۔ جے آئی ٹی نے نواز شریف سے مالک یا بینیفشل اونر کا نہیں پوچھا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

پاکپتن: مسلم لیگ ن کے رہنما سردار منصب ڈوگر نے پارٹی کے خلاف علمِ بغاوت بلند کرتے ہوئے آئندہ عام انتخابات میں آزاد امیدوار کی حیثیت سے الیکشن لڑنے کا اعلان کردیا۔

تفصیلات کے مطابق سردار منصب ڈوگر نے حلقہ این اے  145 اور صوبائی اسمبلی کی نشستوں پر مسلم لیگ کی جانب سے ٹکٹوں کی غیر منصفانہ تقسیم کے باعث اپنی پارٹی سے راہیں جدا کرنے کا اعلان کیا۔

لیگی رہنما کا کہنا تھا کہ ن لیگ کے ٹکٹ کروڑوں روپے کے عوض فروخت کیے جارہے ہیں،  پارٹی کے ساتھ 25 سال گزارے مگر اُس کا صلہ نہیں دیا اور اعلیٰ قیادت نے دوسرے لوگوں کو ٹکٹ دے دیا۔

مسلم لیگ ن کی جانب سے منصب ڈوگر کو پی پی 193 سے ٹکٹ دیا گیا تھا جو انہوں نے واپس کرنے کا اعلان کرتے ہوئے آئندہ عام انتخابات میں قومی اسمبلی کے حلقے 145 اور صوبائی اسمبلی کی نشست پر آزاد حیثیت سے انتخابات لڑنے کا اعلان کیا۔

مزید پڑھیں: سابق صوبائی وزیر عبدالغفور میو نے بھی ن لیگ سے بغاوت کردی

واضح رہے کہ دو روز قبل 24 جون کو  مسلم لیگ ن کے سابق صوبائی وزیر چوہدری عبدالغفور میو نے مسلم لیگ ن سے بغاوت  کا کرتے ہوئے اپنی پارٹی کو   خدا حافظ کہہ دیا تھا۔

عبد الغفور میو کا کہنا تھا کہ مسلم لیگ ن کی حکومت نے ختم نبوت ﷺ کے قانون میں ترمیم کر کے اسلام اور  پاک فوج کے خلاف سازش کر کے ملک کو کمزور کیا، مسلم لیگ ن کی قیادت نے اپنی کرسیاں بچانے کے لیے سابق صدر جنرل (ر) پرویزمشرف سے بھی ملاقات کی تھی۔

یہ بھی پڑھیں: زعیم قادری کی ن لیگ سے بغاوت، آزاد حیثیت میں الیکشن لڑنے کا اعلان

قبل ازیں مسلم لیگ ن کے رہنما زعیم قادری نے بھی اپنی پارٹی کے خلاف بغاوت کا اعلان کرتے ہوئے شہباز شریف اور اُن کے صاحبزادے حمزہ شہباز کو للکارا تھا، اُن کا کہنا تھا کہ لاہور کسی کے باپ کی جاگیر نہیں، میں آزاد حیثیت سے الیکشن لڑ نے کے لیے میدان میں اتروں گا۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔