Tag: مسلم لیگ ن

لاہور : مسلم لیگ ن نے عوام کومہنگائی سے نجات دلانے کے منصوبے تیار کرلئے گئے ، جس میں توانائی بحران، بجلی،گیس کی قیمتوں میں کمی کے نکات شامل ہیں۔

تفصیلات کے مطابق لاہور میں قائد ن لیگ نواز شریف اورسابق وزیراعظم شہبازشریف کی زیرصدارت پارٹی اجلاس میں ملک کے معاشی مسائل کے حل کےلیے معاشی منصوبے کو حتمی شکل دے دی گئی۔

اجلاس میں شرح ترقی میں اضافے، ٹیکس اصلاحات، توانائی بحران،بجلی اور گیس کی قیمتوں میں کمی کے نکات طے کرلیے گئے جبکہ ذراعت، صنعت اورآئی ٹی کی ترقی کیلئے مراعات پرمبنی پیکیج تیار کیاگیا ہے۔

زراعت کیلئے خصوصی رعایت پر سولرانرجی فراہمی، گھریلو صارفین کوبجلی فراہمی میں مراعات کا تعین، سالانہ بنیاد پر روزگار کی فراہمی کے نکات مرتب کیے گئے۔

اس کے علاوہ تعلیم ،صحت اور انفرا اسٹرکچر کیلئےبڑے منصوبوں کی ترجیحات بھی طے کی گئیں، ن لیگ کے مطابق ملکی معاشی منصوبہ مختلف شعبوں کے ماہرین کی تجاویزکی روشنی میں طے کیا گیا ہے۔

اجلاس میں شرح سود میں کمی لانے، بڑی صنعتوں اوربرآمدی شعبے کیلئے اصلاحات کے اصول بھی مرتب کیے گئے ہیں.

لاہور : مسلم لیگ (ن) کی رہنما سمیرا ملک نے الیکشن میں ٹکٹ نہ ملنے پر پارٹی رکنیت اور عہدے سے استعفیٰ دے دیا۔

تفصیلات کے مطابق الیکشن 2024 کے لئے مسلم لیگ ن ٹکٹوں کی تقسیم پر اختلافات کا شکار ہے، پاکستان مسلم لیگ (ن) کی رہنما سمیرا ملک نے الیکشن میں ٹکٹ نہ ملنے پر پارٹی چھوڑ دی۔

سمیرا ملک نے ن لیگ پنجاب کی نائب صدر کے عہدے سے بھی استعفیٰ دے دیا، انھوں نے این اے ستاسی خوشاب سے ٹکٹ نہ ملنے پر پارٹی عہدے سے استعفیٰ دیا اور بنیادی رکنیت سے بھی دست بردارہوگئیں۔

سمیرا ملک نے ےآروائی نیوز سے گفتگو میں کہا کہ مجھے دباؤ ڈال کر الیکشن سے دستبردار کرایا گیا، ایسے شخص کو ٹکٹ دیا گیا جو میرے حلقے سے تعلق ہی نہیں رکھتا، مجھے بہت مایوسی ہوئی۔

ن لیگی رہنما کا کہنا تھا کہ الیکشن کاحصہ نہیں ہوں، میرے ووٹرز بھی بہت مایوس ہیں، کس کی سپورٹ کرنی چاہیے ووٹرز سے متعلق ابھی فیصلہ نہیں کیا۔

سمیرا ملک نے مزید کہا کہ ووٹرز کو معاملے میں نہیں گھسیٹنا چاہتی، اسی لیےاستعفیٰ دے دیا ہے۔

لاہور: سابق وزیراعظم اور پاکستان مسلم لیگ (ن) کے صدر شہبازشریف نے پارٹی ٹکٹ کے تمام درخواست گزار امیدواروں کو کاغذات نامزدگی جمع کرانے کی ہدایت کردی۔

تفصیلات کے مطابق  ن لیگ کے مرکزی شعبہ نشرواشاعت کی طرف سے جاری کردہ بیان میں پاکستان مسلم لیگ (ن) کے ملک بھر میں امیدواروں کو کاغذات نامزدگی جمع کرانے کی اجازت دیدی۔

اعلامیے میں کہا گیا کہ قومی وصوبائی اسمبلی کے تمام حلقوں پر اپنے اپنے کاغذات نامزدگی جمع کرانے کی اجازت دیتے ہوئے ہدایت کی گئی ہے کہ امیدوار متعلقہ ریٹرنگ افسران کو اپنے کاغذات نامزدگی جمع کروائیں۔

 پارٹی صدر شہبازشریف نے ہدایت کی ہے کہ کاغذات نامزدگی جمع کرانے والے امیدواروں کو پارٹی کے متعلقہ ضلعی صدر کو 22 دسمبر تک حلف نامہ جمع کرانا ہو گا کہ پارٹی ٹکٹ جاری نہ ہونے کی صورت میں وہ اپنے کاغذات نامزدگی واپس لے لیں گے اور حلقے میں مسلم لیگ (ن) کے نامزد کردہ امیدوار کی بھرپور حمایت کریں گے۔

اسلام آباد : سابق گورنر کے پی سردار مہتاب عباسی نے ن لیگ سے راہیں جدا کرتے ہوئے آزاد حیثیت میں الیکشن لڑنے کا فیصلہ کرلیا۔

تفصیلات کے مطابق سابق گورنر کے پی سردار مہتاب عباسی نے ن لیگ سے راہیں جدا کرلیں اور این اے 16 خیبرپختونخوا سے آزاد حیثیت میں الیکشن لڑنے کا فیصلہ کرلیا۔

سردار مہتاب عباسی نے ن لیگ کی صوبائی قیادت پر تحفظات کا اظہار کرتے ہوئے کہا کے پی میں ن لیگ کی قیادت اپنی ذات کا سوچتی ہے، ن لیگ کا خیبر پختونخوا میں ڈھانچہ ختم ہوچکا۔

سابق گورنر کے پی کا کہنا تھا کہ نوازشریف سے اصولی اختلاف ہیں،مریم نواز سے اختلاف نہیں، مگر سیاسی جماعتوں میں جمہوریت ہونی چاہیے، ن لیگ میں منافقانہ سوچ اور رویہ اہم ہو گیا ہے۔

انھوں نے کہا کہ نواز شریف کے پاس کمزور ٹیم ہے،معاشی بحران کا حل مشکل ہے ، ن لیگ آج پنجاب تک محدود ہو کر رہ گئی ہے، جب تک جماعت نواز شریف کے پاس تھی مضبوط تھی۔

سردارمہتاب عباسی نے الیکشن میں ایبٹ آبادسے اپناالگ گروپ سامنےلانےکافیصلہ کرتے ہوئے کہا کہ قومی وصوبائی اسمبلی کی نشستوں پرآزاد امیدوار اتاریں گے ، ایبٹ آباد کی قومی اسمبلی کی  2اور صوبائی کی 4 نشستیں ہیں۔