Tag: مسلم لیگ ن

لاہور : مسلم لیگ ن اور استحکام پاکستان پارٹی (آئی پی پی) کے درمیان ابتدائی طورپر کچھ نشستوں پراتفاق رائے ہوگیا، ن لیگ لاہورمیں علیم خان کوقومی اسمبلی کی نشست پر سپورٹ کرے گی۔

تفصیلات کے مطابق مسلم لیگ ن اور استحکام پاکستان پارٹی (آئی پی پی) میں مختلف نشستوں پر سیٹ ایڈجسٹمنٹ کیلئے پیش رفت سامنے آئی۔

ذرائع نے بتایا کہ مختلف نشستوں پر مذاکرات جاری ہے ، ابتدائی طورپر کچھ نشستوں پراتفاق رائے ہوگیا ہے۔

ذرائع کا کہنا تھا کہ ن لیگ لاہورمیں علیم خان کوقومی اسمبلی کی نشست پر سپورٹ کرےگی اور ساہیوال میں نعمان لنگڑیال کےمقابلے میں امیدوار کھڑا نہیں کرے گی۔

ن لیگ عون چوہدری اوراسحاق خاکوانی کےمقابلے میں بھی امیدوار نہیں لائے گی اور لودھراں میں بھی ایک قومی اورایک صوبائی نشست پر آئی پی پی کی حمایت کرے گی۔

ن لیگ کی کمیٹی چند روز میں نواز شریف کےسامنےآئی پی پی کےمطلوبہ حلقوں کی فہرست پیش کرے گی اور آئی پی پی کو دی جانے والی نشستوں کا حتمی فیصلہ نواز شریف کریں گے۔

لاہور : مسلم لیگ ن کےپارلیمانی بورڈ کا پہلااجلاس جاری ہے ، جس میں قومی، صوبائی اورمخصوص نشستوں پر پارٹی ٹکٹ اور امیدواروں کا انتخاب کیا جائے گا۔

تفصیلات کے مطابق پاکستان مسلم لیگ ن کے قائد نواز شریف اور شہبازشریف کی زیرصدارت مسلم لیگ ن کے پارلیمانی بورڈ کا پہلا اجلاس جاری ہے، اجلاس میں مریم نوازاوررانا ثنااللہ سمیت دیگر سینئر رہنما شریک ہیں۔

اجلاس میں سرگودھا ڈویژن کے انتخابی امیدواروں کے حتمی انٹرویو کئے جا رہے ہیں ، آج کے اجلاس میں سرگودھا ڈویژن کے چاروں اضلاع سرگودھا، خوشاب، بھکر اور میانوالی کے امیدواروں کی ٹکٹوں کا فیصلہ کیا جائے گا۔

سرگودھا سےقومی اسمبلی کی 5 نشستیں ،خوشاب، میانوالی اور بھکر سے 2، 2 نشستیں ہیں جبکہ سرگودھا سے پنجاب اسمبلی کی 10 نشستیں ،خوشاب اور میانوالی سے 4 ، 4 نشستیں اور بھکر سے پنجاب اسمبلی کی 5 نشستیں ہیں۔

آج مسلم لیگ ن کے سرگودھا ڈویژن سے مجموعی طور پر 105 شارٹ لسٹڈ امیدواروں کے انٹرویوز ہو رہے ہیں ، نوازشریف مسلم لیگ ن کے امیدواروں سےالگ الگ ملاقاتیں کر کے انکےانٹرویوز کریں گے۔

مسلم لیگ ن کے الیکشن سیل کی جانب سے قومی اسمبلی کی 11 نشستوں کے لیے 38 امیدواروں کو انٹرویو کے لئے شارٹ لسٹ کیا گیا ہے۔

سرگودھا ڈویژن سے صوبابی اسمبلی کی 23 نشستوں کے لئے 67 افراد کو انٹرویو کے لیے شارٹ لسٹ کیا گیا ہے۔

مجموعی طور پر سرگودھا ڈویژن سے قومی اسمبلی کے 11 امیدواروں کو آج مسلم لیگ ن کی جانب سے ٹکٹیں دی جائیں گی۔

سرگودھا ڈویژن کے 23 صوبائی اسمبلی کے امیدواروں کے ناموں کا اعلان کیا جائے گا۔

لاہور: مسلم لیگ ن نے قومی اور صوبائی نشستوں پر پارلیمانی بورڈ کے اجلاسوں کا شیڈول جاری کر دیا، پہلا اجلاس کل لاہور میں ہوگا۔

تفصیلات کے مطابق مسلم لیگ ن کی عام انتخابات کے لئے تیاریاں نئے مرحلے میں داخل ہوگئیں، ن لیگ نے قومی اور صوبائی نشستوں پرپارلیمانی بورڈ کے اجلاسوں کا شیڈول جاری کر دیا۔

شیڈول پارٹی کی مرکزی سیکریٹری اطلاعات مریم اورنگزیب نے جاری کیا ، پارلیمانی بورڈ کل پہلے اجلاس میں سرگودھا سے پارٹی ٹکٹس کا فیصلہ کرے گا۔

راولپنڈی میں ن لیگ کے امیدوار کا فیصلہ 3 دسمبر کو ہوگا جبکہ ہزارہ اور ملاکنڈ ڈویژن میں ن لیگ امیدواروں کا فیصلہ 6 دسمبر کے اجلاس میں ہوگا جبکہ 7 دسمبر کو ن لیگ کےاجلاس بلوچستان سےمتعلق پارٹی ٹکٹ کافیصلہ کیا جائے گا۔

بہاولپور ،ڈی جی خان میں پارٹی ٹکٹ کے بارے میں اجلاس 8 دسمبر کو طلب کیا گیا ہے ، ملتان ڈویژن کے پارٹی امیدواروں کی سیاسی قسمت کافیصلہ9 دسمبر کو ہوگا۔

شیڈول کے مطابق ساہیوال سے متعلق 11 دسمبر ،فیصل آباد میں پارٹی ٹکٹ کافیصلہ 12 دسمبر کوہوگا اور گوجرانوالہ میں پارٹی ٹکٹ کا فیصلہ کرنےکیلئے اجلاس 13 دسمبر کو بلایا گیا ہے۔

لاہور ڈسٹرکٹ ڈویژن سےمتعلق ن لیگ پارلیمانی بورڈ کااجلاس14دسمبرکوہوگا اورلاہور ڈویژن میں شیخوپورہ،ننکانہ صاحب ،قصور میں پارٹی امیدواروں کا فیصلہ ہوگا جبکہ لاہور سٹی ڈویژن میں پارٹی ٹکٹ تقسیم سےمتعلق اجلاس15دسمبرکوطلب کیا گیا۔

سندھ میں پارٹی ٹکٹ کا فیصلہ 16 دسمبر کو اجلاس میں کیا جائے گا اور وفاقی دارالحکومت اور مخصوص نشستوں پرفیصلوں کیلئے 18 دسمبر کو اجلاس ہوگا۔

کےپی کےباقی ماندہ انتخابی حلقوں پرپارٹی ٹکٹ کا فیصلہ کرنے کیلئےاجلاس 19 دسمبر کو ہوگا۔

اسلام آباد: ایم کیو ایم آج آئینی ترامیم کا چارٹر مسلم لیگ ن کے سامنے رکھے گی اور مقامی حکومتوں سےمتعلق آئینی ترامیم کوتحفظ فراہم کرنے پر زور دے گی۔

تفصیلات کے مطابق ایم کیوایم اور ن لیگی وفد کے درمیان آج ملاقات ہوگی، ذرائع نے کہا ہے کہ ایم کیو ایم آئینی ترامیم کا چارٹر لیگی وفد کے سامنے رکھے گی، ایم کیوایم مقامی حکومتوں سے متعلق آئینی ترامیم کو تحفظ فراہم کرنے پر زور دے گی۔

ذرائع ایم کیوایم کا کہنا ہےحکومت میں شمولیت بعدکی بات ، پہلے ترامیم پر عمل کرانا ہوگا، کراچی سمیت اندرون سندھ سیٹ ایڈجسٹمنٹ پر بات ہوگی ، ایم کیوایم کراچی کی روایتی 18 نشستوں کے علاوہ دیگر پر ایڈجسٹمنٹ کیلئے بات کرے گی۔

ذرائع کے مطابق ایم کیوایم اور ن لیگی رہنماؤں کی کمیٹی میں ہونےوالی مشاورت پربھی بات ہوگی، دیگر جماعتوں سے اتحاد، اندرون سندھ مشترکہ جلسوں اور انتخابی مہم پر گفتگو ہوگی۔

ایم کیوایم نے وفاق کی سطح پر معاملات طےکیلئےالگ کمیٹی قائم کی ، ایم کیوایم کی جانب سےکمیٹی میں فاروق ستار،مصطفی کمال اورامین الحق شامل ہیں جبکہ ن لیگ کے احسن اقبال، سعد رفیق، ایاز صادق اور بشیر میمن اور دیگر رہنما شامل ہیں۔

کراچی : ایم کیوایم لیاری اور کیماڑی کی نشستیں مسلم لیگ ن کو دینے پر تیارہوگئی تاہم ضلع کورنگی،وسطی، شرقی اورغربی میں سیٹ ایڈجسٹمنٹ سے معذرت کرلی۔

تفصیلات کے مطابق ایم کیوایم اورن لیگ کے درمیان ملاقات کااحوال سامنے آگیا ، ذرائع نے بتایا کہ ایم کیو ایم نے کراچی میں روایتی سیٹوں پر سیٹ ایڈجسٹمنٹ سے معذرت کرلی ، ضلع کورنگی،وسطی، شرقی اورغربی میں سیٹ ایڈجسٹمنٹ سے معذرت کی گئی۔

ذرائع کا کہنا ہے کہ ایم کیوایم لیاری، کیماڑی اور ملیرکےچندحلقوں پرسیٹ ایڈجسٹمنٹ کیلئےرضامند ہوگئی اور ملیرکی دیہی آبادی کی نشست پرسیٹ ایڈجسٹمنٹ کیلئے مزید بات کرنےپراتفاق کرلیا گیا۔

ایم کیوایم وفد نے کہا کہ بلدیہ ٹاؤن کی نشست پرمصطفیٰ کمال امیدوارہوں گے اور حیدرآبادکی دونوں قومی اسمبلی کی نشست پر ایم کیو ایم نے اپنا امیدوار لانے پر زور دیا۔

ذرائع کے مطابق میرپورخاص،سکھر،نواب شاہ،لاڑکانہ،ٹنڈوالہٰ یارپر بات چیت جاری رکھنےکافیصلہ کیا گیا تاہم ایم کیوایم کورنگی، سینٹرل، ایسٹ اور ویسٹ میں سیٹ ایڈجسٹمنٹ کیلئے راضی نہیں۔

ایم کیو ایم نے حیدرآباد کی 4 صوبائی نشستوں میں سے ایک پر ن لیگ کو سپورٹ کرنےکی پیشکش کی اور ضلع شرقی میں ایک صوبائی نشست پرن لیگ کو سپورٹ کرنے کی تجویز دے دی۔

ن لیگ نے مؤقف میں کہا کہ ایم کیوایم کوجن نشستوں پر20سے25ہزارووٹ ملے وہاں ہمیں سپورٹ کریں۔

ن لیگ نے کراچی اور حیدرآباد کی چند صوبائی نشستوں پر لیگی امیدوار کھڑے کرنے کی درخواست دی ، ایم کیوایم اور لیگی رہنما تجاویز قیادت کے سامنےرکھیں گے۔

ذرائع کا کہنا ہے کہ ملاقات میں جےیوآئی اورجی ڈی اےسےسیٹ ایڈجسٹمنٹ پربات کی گئی تاہم نوازشریف کےدورہ سندھ تک چیزوں کوحتمی شکل دیدی جائے گی۔

کراچی : ن لیگی رہنما بشیر میمن کو مسلم لیگ (ن) صوبہ سندھ کا صدر بنا دیا گیا جبکہ شاہ محمد شاہ کو مسلم لیگ (ن)سندھ کا نائب صدر مقرر کردیا گیا۔

تفصیلات کے مطابق مسلم لیگ (ن) کی صوبہ سندھ میں تنظیمی تبدیلی کرتے ہوئے بشیر میمن کومسلم لیگ (ن) صوبہ سندھ کا صدر بنا دیا گیا۔

اس حوالے سے نوٹی فکیشن بھی جاری کردیا گیا ، جس میں کہا ہے کہ شاہ محمد شاہ کو مسلم لیگ (ن)سندھ کا نائب صدر مقرر کردیا گیا۔

ن لیگ میں شمولیت کے بعد بشیر میمن کو انتیس ستمبرکو استقبالیہ کمیٹی سندھ کا کنوینر بنایا گیا تھا۔

مسلم لیگ ن کے رہنما بشیرمیمن نے عہدہ ملنے پر پارٹی قائدکاشکریہ اداکرتا کرتے ہوئے کہا کہ میری پارٹی نےمجھ پراعتمادکااظہارکیاہے، پارٹی قیادت نے کہا مجھے سندھ میں ن لیگ کولیڈکرناچاہئے۔

بشیرمیمن کا کہنا تھا کہ میاں صاحب نےلواری ٹنل،جی بی،مہنگائی اورمعیشت کی بات کی، میاں صاحب نےکہاکہ پاکستان کوترقی کی راہ پرگامزن کرنا ہے۔

لاہور : مسلم لیگ ن نے اگلے ہفتے سے الیکشن مہم شروع کرنےکا فیصلہ کرلیا ،مہم کےلئے ن لیگ مختلف کمیٹیاں تشکیل دی جائیں گی۔

تفصیلات کے مطابق مسلم لیگ ن کی قائد نواز شریف کی واپسی کے بعد ن لیگ نے الیکشن مہم شروع کرنےکا فیصلہ کرلیا، الیکشن مہم اگلے ہفتے سے شروع کی جائے گی۔

ذرائع نے بتایا کہ نواز شریف کی زیر صدارت اہم اجلاس لاہور میں ہو گا ، جس میں الیکشن مہم کےلئے ن لیگ مختلف کمیٹیاں تشکیل دی جائیں گی۔

ذرائع کا کہنا تھا کہ صوبائی ڈویژن اور اضلاع کی سطح پر کمیٹیاں تشکیل دی جائیں گی جبکہ امیدواروں کے انتخاب کیلئےبھی کمیٹیاں تشکیل دی جائیں گی۔

یاد رہے سابق وزیر اعظم و قائد مسلم لیگ (ن) نواز شریف نے وطن واپسی پر مینار پاکستان پر جلسے سے خطاب میں کہا تھا کہ 23 سال میں 15 سال ملک سے باہر یا جیل میں یا مقدمے بھگتتا رہا ہوں، یہ 23 سال پاکستان کو دیے ہوتے تو ملک جنت بن چکا ہوتا، پوچھتا ہوں ہمارے ملک میں جو ایک دور گزرا ہے اس کا کوئی ایک کارنامہ یا منصوبہ بتا دیں، ملک کی تعمیر و ترقی کا کون ساکام ہے جو ہم نے نہیں کیا؟

نواز شریف کا کہنا تھا کہ عمر کے اس حصے میں ملک کی تبدیلی چاہتا ہوں، عوام آئندہ کسی کو اجازت نہ دیں کہ آپ کے ملک کے ساتھ کوئی کھلواڑ کر سکے۔ انہوں نے کہا کہ جب بھی موقع ملا بڑے خلوص کے ساتھ عوام کی خدمت کی، جیلوں میں مجھے ڈالا گیا، ملک بدر کیا گیا اور جعلی کیسز بنائے گئے لیکن اس باوجود مسلم لیگ ن کا جھنڈا ہاتھ سے نہیں چھوڑا۔