Tag: مسلم لیگ ن

لاہور: وزیراعلیٰ پنجاب شہبازشریف نے کہا کہ 2013میں کہا تھا کہ پاکستان تحریک انصاف کو ووٹ زرداری کو ووٹ دینے کے مترادف ہے۔

تفصیلات کے مطابق وزیراعلیٰ پنجاب شہبازشریف نے سماجی رابطے کی ویب سائٹ ٹویٹر پر سینیٹ میں پی ٹی آئی اور پیپلزپارٹی کے اتحاد پر ردعمل دیتے ہوئے کہا کہ نئے پاکستان کےنام پرحاصل کیےگئے ووٹ پیپلزپارٹی کے لیے تھے۔

شہبازشریف نے اپنے پیغام میں کہا کہ 2013 میں کہا تھا کہ پاکستان تحریک انصاف کو ووٹ آصف علی زرداری کو ووٹ دینے کے مترادف ہے۔

میرصادق سنجرانی : شکایات سیل کے سربراہ سے چیئرمین سینیٹ تک

خیال رہے کہ گزشتہ روز سینیٹ الیکشن میں اپوزیشن اتحاد کے امیدوار صادق سنجرانی چیئرمین سینیٹ اور پیپلزپارٹی کے سلیم مانڈوی والا ڈپٹی چیئرمین سینیٹ منتخب ہوئے تھے۔

صادق سنجرانی نے 57 ووٹ حاصل کیے جبکہ ان کے مدمقابل مسلم لیگ ن کے امیدوار راجہ ظفرالحق نے 46 ووٹ حاصل کیے تھے جبکہ سلیم مانڈوی والا نے 54 ووٹ اوران کے مدمقابل عثمان کاکڑ نے 44 ووٹ حاصل کیے تھے۔

شطرنج کے مہرو، تمھیں بدترین شکست ہوئی ہے: مریم نواز کا ٹویٹ

یاد رہے کہ گزشتہ روز مسلم لیگ ن کی رہنما مریم نواز نے سینیٹ انتخابات میں اپوزیشن اتحاد کی کامیابی کو بدترین شکست قرار دیتے ہوئے انھیں شطرنج کے مہروں سے تشبیہ دی تھی۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اسلام آباد : سپریم کورٹ آف پاکستان نے مسلم لیگ ن کے قائد نوازشریف، وزیراعلیٰ پنجاب شہبازشریف کے خلاف توہین عدالت کی درخواست نمٹا دی۔

تفصیلات کے مطابق سپریم کورٹ آف پاکستان میں چیف جسٹس میاں نثار کی سربراہی میں سابق وزیراعظم نوازشریف اور شہبازشریف کے خلاف توہین عدالت کیس کی سماعت کی۔

عدالت عظمیٰ میں درخواست گزار نے موقف اختیار کیا کہ پاناما فیصلے کے بعد نوازشریف عدالتی تضحیک کرتے رہے جس پرچیف جسٹس نے ریمارکس دیے کہ جو بیانات عدالت سےمتعلق آرہے ہیں وہ ہمارے پاس موجود ہیں۔

چیف جسٹس آف پاکستان میاں ثاقب نثار نے ریمارکس دیے کہ مناسب وقت پرہم عدالت سے متعلق بیانات کو دیکھیں گے۔

دوسری جانب وزیراعلیٰ پنجاب شہبازشریف کے خلاف سپریم کورٹ میں توہین عدالت کیس کی سماعت ہوئی جس میں درخواست گزار نے کہا کہ کہ شہبازشریف نے بیان دیا ججز، جرنیلوں نے انصاف نہیں کیا۔

چیف جسٹس نے ریمارکس دیے کہ یہ بات تو سچ ہے، اس ملک کےساتھ کسی نے انصاف نہیں کیا، ہم نے حقیقی معنوں میں اپنی ذمہ داریاں ادا نہیں کیں، ذمہ داریاں ادا کی جاتیں تو آج یہ حالات نہ ہوتے۔

سپریم کورٹ آف پاکستان نے سابق وزیراعظم نوازشریف، وزیراعلیٰ پنجاب شہبازشریف کے خلاف توہین عدالت کی درخواست خارج کردی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

پشاور: پاکستان تحریک انصاف کے سربراہ عمران خان کا کہنا ہے کہ مسلم لیگ ن شریفوں کی کرپشن بچانے والی پارٹی بن چکی ہے، ن لیگ کا چیئرمین سینیٹ نہیں بننے دیں گے۔

تفصیلات کے مطابق پشاور میں پریس کانفرنس کے دوران چیئرمین پی ٹی آئی عمران خان نے کہا کہ سینیٹ الیکشن میں سالوں سے ووٹ بک رہے ہیں، ہم سب کومعلوم ہے کہ ووٹ بکتے ہیں، لوگوں کا ضمیر خریدنے کے لیے 4 کروڑ روپے کی بولی لگی۔

عمران خان نے کہا کہ پاکستان تحریک انصاف نے بار بار کہا سینیٹ الیکشن کا نظام ٹھیک نہیں ہے لیکن سیاسی جماعتوں نے ہماری بات نہیں مانی۔

چیئرمین پاکستان تحریک انصاف نے چیئرمین سینیٹ کے انتخاب کے حوالے سے کہا کہ پیپلزپارٹی کے ساتھ ہمار چلنا مشکل ہے، مسلم لیگ ن شریفوں کی کرپشن بچانے کی پارٹی بن چکی ہے، ہماری کوشش ہے کہ ن لیگ کا چیئرمین سینیٹ نہ بنے۔

رضاربانی کا نام لینےکا مطلب تھا کہ اگلی ہارس ٹریڈنگ سے بچا جاسکے‘ نوازشریف

خیال رہے کہ اسلام آباد میں آج صحافیوں سے غیررسمی گفتگو کرتے ہوئے سابق وزیراعظم نوازشریف کا کہنا تھا کہ رضا ربانی کا نام بطور چیئرمین سینیٹ دینے کا مقصد ہارس ٹریڈنگ سے بچنا تھا۔

یاد رہے کہ تین مارچ کو پاکستان تحریک انصاف کے سربراہ عمران خان کا کہنا تھا کہ عوام نے اپنے نمائندوں کو بولی لگانے والوں کے ہاتھوں بکتے دیکھا، سینیٹ انتخابات میں ایک بار پھر شرمناک ہارس ٹریڈنگ ہوئی۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔