ARYNews.tv | Urdu – Har Lamha Bakhabar

Tag: مسلم لیگ ن

  • فیض آباد آپریشن: نوازشریف کا وزیرداخلہ کی کارکردگی پرعدم اطمینان کا اظہار

    فیض آباد آپریشن: نوازشریف کا وزیرداخلہ کی کارکردگی پرعدم اطمینان کا اظہار

    اسلام آباد : نا اہل سابق وزیراعظم نوازشریف نے مسلم لیگ ن کے مشاورتی اجلاس میں وزیر داخلہ احسن اقبال کی کارکردگی پرعدم اطمینان کا اظہارکیا۔

    تفصیلات کے مطابق سابق وزیراعظم میاں محمد نوازشریف کی زیرصدارت پنجاب ہاؤس میں مسلم لیگ ن کا غیر رسمی مشاورتی اجلاس جاری ہے۔

    اجلاس میں وزیرداخلہ احسن اقبال، خواجہ آصف، طارق فضل چوہدری، دانیال عزیز، آصف کرمانی، پرویزرشید، مائزہ حمید اور مصدق ملک بھی شریک ہیں۔

    ذرائع کا کہنا ہے کہ وزیرداخلہ احسن اقبال کی فیض آباد دھرنا اور مذکراتی عمل پرنواز شریف کو بریفنگ دی گئی اور اجلاس میں سابق وزیرقانون زاہد حامد کےاستعفےسے متعلق بھی تبادلہ خیال کیا گیا۔

    ذرائع کے مطابق نوازشریف نے وزیرداخلہ احسن اقبال کی کارکردگی پرعدم اطمینان کا اظہار کرتے ہوئے کہا کہ دھرنے کو درست انداز میں ہینڈل نہیں کیا گیا۔

    ذرائع کا کہنا ہے کہ اجلاس کے دوران وزیر داخلہ کی وضاحتیں بھی کام نہ آئیں، سابق وزیراعظم نوازشریف صورت حال سے مطمئن نظر نہ آئے۔

    ذرائع کے مطابق پارٹی رہنماؤں نے وزیرقانون کے استعفے کے فیصلے پراظہار تشویش کرتے ہوئے کہا کہ استعفے سے حکومت کمزور ہوئی ہے۔

    ذرائع کا کہنا ہے کہ مسلم لیگ ن کے رہنماؤں نے پارلیمانی جماعتوں کے کردارکو مایوس کن قرار دیا، پارلیمانی جماعتوں کےتعاون نہ کرنے پروزارت کی قربانی دینا پڑی۔

    ذرائع کے مطابق مسلم لیگ ن کے رہنماؤں نے کہا کہ جو قانون سازی ہوئی متفقہ اورپارلیمانی جماعتوں کی مشاورت سے ہوئی، مشکل پڑنے پر تمام پارلیمانی جماعتوں نے سیاست چمکائی۔

    ذرائع کا کہنا ہے کہ اجلاس میں احتساب عدالت میں پیشی اور آئندہ کی سیاسی وقانونی حکمت پرغور کیا گیا اور نواز شریف کی لندن روانگی سے متعلق بھی بات چیت کی گئی۔

    نوازشریف کی زیرصدارت مسلم لیگ ن کے اجلاس میں حلقہ بندی آئینی ترمیم بل اورسیاسی حکمت عملی پربھی مشاورت کی گئی۔

    شریف خاندان کےخلاف ریفرنسزکی سماعت4 دسمبر تک ملتوی

    واضح رہے کہ شریف خاندان کے خلاف احتساب عدالت میں نیب کی جانب سے دائرریفرنسز کی سماعت 4 دسمبر تک ملتوی ہوگئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قومی مفاد کےلیےزاہد حامد کواستعفیٰ دینا پڑا‘ مریم اورنگزیب

    قومی مفاد کےلیےزاہد حامد کواستعفیٰ دینا پڑا‘ مریم اورنگزیب

    اسلام آباد : وزیرمملکت برائے اطلاعات ونشریات مریم اورنگزیب کا کہنا ہے کہ دھرناختم ہونے سے پنڈی اسلام آباد کےعوام نے سکون کا سانس لیا۔

    تفصیلات کے مطابق وفاقی دارالحکومت اسلام آباد میں احتساب عدالت کے باہر میڈیا سے گفتگو کرتے ہوئےوزیرمملکت برائے اطلاعات ونشریات مریم اورنگزیب نے کہا کہ قومی مفاد کے لیے وزیرقانون زاہد حامد کواستعفیٰ دینا پڑا۔

    مریم اورنگزیب نے کہا کہ دھرنا ختم ہونے سے راولپنڈی اور اسلام آباد کےعوام نے سکون کا سانس لیا۔

    وزیرمملکت برائے اطلاعات ونشریات کا کہنا تھا کہ اب آگےکا سوچنا ہوگا، ملک ایسے حالات کا متحمل نہیں ہوسکتا۔ ان کا کہنا تھا کہ ملک سے افراتفری اورانتشار کا خاتمہ ہوگیا۔

    وزیراعظم شاہدخاقان عباسی نے زاہد حامدکا استعفیٰ منظورکرلیا

    خیال رہے کہ گزشتہ روز وفاقی وزیرقانون زاہد حامد نے رضا کارانہ طور پراپنا استعفیٰ وزیراعظم شاہد خاقان عباسی کو پیش کیا تھا جسے منظور کر لیا گیا تھا۔

    زاہد حامد کے استعفے کے بعد وفاقی حکومت اور مذہبی جماعت تحریک لبیک کے درمیان معاہدہ ہوگیا تھا۔

    واضح رہے کہ فیض آباد انٹرچینج پر دھرنے کے خلاف سیکورٹی فورسز کے آپریشن کے دوران مظاہرین سے جھڑپوں میں پولیس اہلکار سمیت 5 افراد جاں بحق اور 188 افراد زخمی ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایسےحکمران نہیں دیکھےجن کےخاندان کی ایسی ذلت ہوئی ہو‘ طاہرالقادری

    ایسےحکمران نہیں دیکھےجن کےخاندان کی ایسی ذلت ہوئی ہو‘ طاہرالقادری

    لاہور: پاکستان عوامی تحریک کے سربراہ ڈاکٹر طاہرالقادری کا کہنا ہے کہ جتنی ذلت اس حکومت کی ہوئی ماضی میں کسی کی نہیں ہوئی۔

    تفصیلات کے مطابق لاہور میں میڈیا سے گفتگوکرتے ہوئے ڈاکٹرطاہرالقادری نے کہا کہ ملک اس وقت نازک صورت حال سےگزررہا ہے جبکہ حکومت اس وقت مکمل طور پرناکام ہوچکی ہے۔

    پاکستان عوامی تحریک کے سربراہ نے کہا کہ حکومت کی ناکامی کسی سے ڈھکی چھپی نہیں ہے، حکومت ایک دھرناختم کرنے کے لیے کامیاب مذاکرات نہ کرسکی۔

    ڈاکٹرطاہرالقادری نے کہا کہ سانحہ ماڈل ٹاؤن کے بعد ہی ان کی حکومت ختم ہوچکی تھی، ماڈل ٹاؤن میں انہوں نے انسانیت کا قتل کیا۔

    انہوں نے کہا کہ ان کا مواخدہ ایسے ہوا کہ ان کی چوری پکڑی گئی، مواخذہ ایسے ہوا کہ ان کےخلاف چور چور ،سارا ٹبرچور ہے کہ نعرے لگے۔

    حکومت اورتحریک لبیک کے درمیان معاہدہ طے پا گیا

    طاہرالقادری نے کہا کہ پارلیمنٹ سے مسائل حل نہ کرنے والی حکومت کواقتدار کاحق نہیں ہے، انہیں معاملات کے حل کے لیے فوج کوثالثی کے لیے بلانا پڑتا ہے۔

    پاکستان عوامی تحریک کے سربراہ نے کہا کہ ساری حکومت کوفی الفور مستعفی ہو جانا چاہیے، ان کے پاس اقتدارمیں رہنے کا کوئی اخلاقی جوازنہیں رہا۔

    انہوں نے کہا کہ حکومت کا انجام بہت برا دیکھ رہا ہوں، پہلےتو معاہدے کرکے باہرچلے گئے تھے اب معافی نہیں ملے گی۔

    طاہرالقادری نے کہا کہ جسٹس باقرنجفی کمیشن رپورٹ پبلک ہونےکا حکم آنے والا ہے، رپورٹ پبلک ہونے کے بعد ان کے چہرے بےنقاب ہوجائیں گے۔

    پاکستان عوامی تحریک کے سربراہ ڈاکٹر طاہرالقادری نے کہا کرپٹ حکومت کے خلاف اعلان بغاوت ہوچکا ہے، ایسے حکمران نہیں دیکھے جن کےخاندان کی ایسی ذلت ہوئی ہو۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • منحرف اور مستعفی لیگی اراکینِ پارلیمنٹ کی’پاور پلے‘ میں گفتگو

    منحرف اور مستعفی لیگی اراکینِ پارلیمنٹ کی’پاور پلے‘ میں گفتگو

    اسلام آباد : مسلم لیگ (ن) کے منحرف رکن صوبائی اسمبلی نظام الدین سیالوی نے کہا ہے کہ 10 سے 12 اراکین مستعفی ہونے کو تیار ہیں جس کے لیے استعفے سجادہ نشین حمید الدین سیالوی کے پاس جمع کرادیئے گئے ہیں.

    اس بات کا انکشاف مذکورہ رکن صوبائی اسمبلی پنجاب نے اے آر وائی نیوز کے پروگرام پاور پلے میں میزبان ارشد شریف سے گفتگو کرتے ہوئے کیا، نظام الدین سیالوی کا موقف تھا کہ ہمارے استعفوں کا فیصلہ سجادہ نشین حمید الدین سیالوی کریں گے اور وہی ہمارے مستقبل کا فیصلہ کریں گے.

    حکمراں رکن صوبائی اسمبلی نظام الدین سیالوی نے مزید کہا کہ 4 سے 5 مزید اراکین اسمبلی نے قانون ختم نبوت میں ترمیم کے بعد ہم سے رجوع کیا ہے اس طرح اگر وہ بھی استعفے دے دیں تو تعداد بڑھ کر 17 تک پہنچ سکتی ہے تاہم استعفی دینے کا کُلی فیصلہ معروف پیر اور سجاد نشین حمید الدین سیالوی کا ہوگا.

    ایک سوال کے جواب میں ایم پی اے کا کہنا تھا کہ ہمارے سجادہ نشین کا مطالبہ ہے کہ قانون ختم نبوت کے حلف نامے میں ترمیم کے دوران تبدیلی کے مرتکب شخص کو سامنے لایا جائے تب تک ہم نہ اجلاس میں شرکت کریں گے اور نہ ہی کسی حکومتی اجتماع میں جائیں گے اور اگر حکومت نے بات نہ مانی تو پھر استعفے اسمبلی میں جمع کرادیئے جائیں.

    اسی پروگرام میں مسلم لیگ (ن) کے رکن قومی اسمبلی میں دوستین خان ڈومکی جو وزیر مملکت برائے سائنس و ٹیکنالوجی بھی ہیں نے اپنے استعفیٰ کی تصدیق کرتے ہوئے کہا کہ میں نے استعفی اپنےمحکمے کی وجہ سےدیا کیوں کہ این ٹی ایس اور کام سیٹ میں اختلافات تھے جب کہ میرا مطالبہ اربوں روپے کی کرپشن کی تحقیقات کا تھا لیکن میری سنی نہیں گئی.

    دوستین خان ڈومکی کا کہنا تھا کہ چیئرمین کے ہاتھ لمبے ہیں وہ تحقیقات میں رکاوٹ بنے ہوئے ہیں چنانچہ میں نے بورڈ آف گورنرز کو معطل کرکے انکوائری کمیٹی کا حکم دیا لیکن جب تحقیقات شروع کی تو رانا تنویرکو وفاقی وزیر بنا دیا گیا جنہوں نے مجھے کام کرنے نہیں دیا اس لیے احتجاجاً استعفیٰ دینا مناسب سمجھا.

  • تحریک انصاف نےاحسن اقبال سےاستعفےکا مطالبہ کردیا

    تحریک انصاف نےاحسن اقبال سےاستعفےکا مطالبہ کردیا

    اسلام آباد : پاکستان تحریک انصاف کے رہنما جہانگیر ترین کا کہنا ہے کہ وزیرداخلہ احسن اقبال کی ناکامی کے باعث اسلام آباد میں فوج طلب کرنا پڑی۔

    تفصیلات کے مطابق پاکستان تحریک انصاف کے رہنما جہانگیرترین کا کہنا ہے کہ ملک میں پھیلا فساد وزیرداخلہ کےغلط اندازوں کانتیجہ ہے، احسن اقبال نے حل کے بجائے کھوکھلے دعوےکیے۔

    جہانگیر ترین کا کہنا تھا کہ امن وامان کی صورت حال سےاحسن اقبال کی اہلیت واضح ہوگئی، حکومت میڈیا پر پابندیاں ختم کرے۔ ان کا کہنا تھا آپریشن سے پھیلنے والے فساد پرپردہ ڈالنےکے لیے غیرجمہوری ہتھکنڈےاپنائےگئے۔

    پاکستان تحریک انصاف کے رہنما کا کہنا ہے کہ حکومت اپناغیرجمہوری فیصلہ فوری واپس لے۔

    حکومت ہوش کے ناخن لے، مسائل سنجیدگی سے حل کرے، فواد چوہدری

    خیال رہے کہ گزشتہ روز پاکستان تحریک انصاف کے رہنما فواد چوہدری کا کہنا تھا کہ بغیرنوٹس دیےآدھے گھنٹےمیں تمام چینلز بند کردیے گئے، حکومت ہوش کے ناخن لے، مسائل سنجیدگی سےحل کرے۔

    یاد رہے کہ گزشتہ روز امیر جماعت اسلامی سراج الحق کا کہنا تھا کہ دھرنے کے خلاف طاقت کے استعمال نے معاملے کوالجھادیا، تشدد یا جبر کسی بھی مسئلے کا حل نہیں، مذاکرات کیے جائیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ن لیگ کے ساتھ ہوں ختم نبوت معاملے پر حمایت نہیں کرونگا،شیخ اکرم

    ن لیگ کے ساتھ ہوں ختم نبوت معاملے پر حمایت نہیں کرونگا،شیخ اکرم

    اسلام آباد : مسلم لیگ ن کے ایم این اے شیخ اکرم کا کہنا ہے کہ دھرنا مظاہرین کیخلاف جلدبازی میں فیصلہ کیا گیا،ن لیگ کے ساتھ ہوں ختم نبوت معاملے پر حمایت نہیں کروں گا۔

    تفصیلات کے مطابق مسلم لیگ ن کے ایم این اےشیخ اکرم نے فیض آباد آپریشن پر ردعمل کا اظہار کرتے ہوئے کہا کہ دھرنا مظاہرین کیخلاف جلد بازی میں فیصلہ کیاگیا، ن لیگ کے ساتھ ہوں ختم نبوت معاملے پر حمایت نہیں کروں گا، حکومت نے جلد بازی میں آپریشن کرنے کا فیصلہ کیا۔

    شیخ اکرم کا کہنا تھا کہ ختم نبوت پر تمام ن لیگی رہنما ہم خیال ہیں، تعداد نہیں بتا سکتا مگر کوئی ختم نبوت پر مخالفت نہیں کریگا، وزیرقانون زاہد حامد کو مستعفی ہونا چاہیے۔

    ن لیگی ایم این اے نے کہا کہ غلطی تو ہوئی ہے بس دیکھنا یہ ہے کس نےغلطی کی، دھرنا مظاہرین کیخلاف تشدد کسی صورت برداشت نہیں، ختم نبوت معاملے پر پوری قوم متحد ہے۔

    میرےعلم میں نہیں کہ زاہد حامد نے مستعفی ہونے کی پیشکش کی، زاہد حامد کو بر طرف کریں اور ذمہ دار کیخلاف کارروائی کی جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نوازشریف سےموازنہ کرنا میری توہین ہے‘ عمران خان

    نوازشریف سےموازنہ کرنا میری توہین ہے‘ عمران خان

    اسلام آباد : پاکستان تحریک انصاف کے سربراہ عمران خان کا کہنا ہے کہ عدالت میں ساٹھ دستاویزات دیں کوئی غلط ثابت ہوئی تو سیاست چھوڑ دوں گا۔

    تفصیلات کے مطابق اسلام آباد میں میڈیا سے گفتگوکرتے ہوئے چیئرمین پاکستان تحریک انصاف نے کہا کہ نوازشریف پاکستان کےاداروں پر حملے کررہا ہے، ہم ملک کے اداروں کو مضبوط کرنا چاہتے ہیں۔

    عمران خان نے کہا کہ سیاسی لوگوں پردہشت گردی کے جھوٹےمقدمات بنائے جارہے ہیں، سیاسی مقدمات سے جمہوریت کو نقصان پہنچایا جا رہا ہے۔

    انہوں نے کہا کہ نوازشریف اس ملک کا مجرم ہے، پیسہ بچانے کے لیے اداروں کو تباہ کرنا چاہتا ہے۔

    نوازشریف کا نعرہ سب کو بے وقوف بنانے کی کوشش ہے،عمران خان

    چیئرمین پاکستان تحریک انصاف نے کہا کہ میں سب کچھ بیچ کر پیسہ پاکستان لے کر آیا ہوں، لیگل ذرائع سے بیرون ملک کمایا پیسہ پاکستان لایا۔

    انہوں نے کہا کہ عدالت میں ساٹھ دستاویزات دیں کوئی غلط ثابت ہوئی تو سیاست چھوڑ دوں گا۔

    عمران خان نے کہا کہ اسمبلی میں ہاتھ کھڑا کرکے کہتے ہیں مجرم پارٹی کا صدربن سکتا ہے، ان کو شرم نہیں آتی کیا یہ اسے جمہوریت کہتے ہیں۔

    انہوں نے کہا کہ جمہوریت میں لیڈر جواب دہ ہوتا ہے، جمہوری لیڈر جواب دینے کے بجائے عدالتوں پر حملے کررہا ہے، نوازشریف ملک سے باہر اپنا 300 ارب بچانا چاہتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔

  • زرداری صاحب اوران کے فرزند نوازشریف کوطعنےنہ دیں‘ خواجہ آصف

    زرداری صاحب اوران کے فرزند نوازشریف کوطعنےنہ دیں‘ خواجہ آصف

    اسلام آباد : وزیر خارجہ خواجہ آصف کا کہنا ہے کہ زرداری صاحب اوران کےفرزند ارجمند نوازشریف کوطعنےنہ دیں، ہم نےجواب دیا توسیاسی برادری کا نقصان ہو گا۔

    تفصیلات کے مطابق وزیرخارجہ خواجہ آصف نے آصف زرداری اور چیئرمین پاکستان پیپلزپارٹی بلاول بھٹو زرداری کے بیانات پر ردعمل دیتے ہوئے کہا کہ ہم نے جواب دیا تو سیاسی برادری کا نقصان ہوگا، مہربانی کریں ہمیں خاموش رہنے دیں۔

    خواجہ آصف نے سماجی رابطے کی ویب سائٹ ٹویٹرپراپنے پیغام میں کہا کہ ہمارا ظرف بھی اجازت نہیں دیتا، زرداری صاحب محترم دانشمند ہیں، اشارہ سمجھتے ہیں، اللہ انہیں خوش رکھے۔

    جمہوریت کو نواز شریف سے خطرہ ہے، بلاول بھٹو

    یاد رہے کہ گزشتہ روزلاہور میں بلاول بھٹو زرداری کا کہنا تھا کہ جمہوریت کے خلاف ہر سازش میں نواز شریف پیش پیش ہوتے تھے، میاں صاحب صرف اپنا فائدہ دیکھتے ہیں انہیں جمہوریت کی کوئی پرواہ نہیں ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔

  • مخالفین ووٹ کےبجائےسازش سےاقتدارمیں آنا چاہتے ہیں‘ سعد رفیق

    مخالفین ووٹ کےبجائےسازش سےاقتدارمیں آنا چاہتے ہیں‘ سعد رفیق

    لاہور: وفاقی وزیرریلوے خواجہ سعد رفیق کا کہنا ہے کہ نئی حلقہ بندیوں کے لیے ترمیم نہ کی توانتخابات کا بروقت انعقاد نہیں ہوپائے گا۔

    تفصیلات کے مطابق وفاقی وزیر ریلوے خواجہ سعد رفیق نے ٹویٹر پر اپنے پیغام میں کہا کہ نئی مردم شماری کے ابتدائی نتائج کا اعلان ہوچکا، انتخابات پرانی مردم شماری کی بنیاد پر کرانا آئین سے متصادم ہوگا۔

    خواجہ سعد رفیق نے کہا کہ آئینی ترمیم سےگریزاں جماعتیں انتخابات سےخوفزدہ ہیں، مخالفین ووٹ کے بجائے سازش سے اقتدارمیں آنا چاہتے ہیں۔

    وزیرریلوے کا کہنا ہے کہ ‏ہر 10 سال بعد نئی مردم شماری آئینی ذمہ داری ہے جبکہ قومی ڈیٹا بیس اپ ڈیٹ کیے بغیرمستقبل کی منصوبہ بندی ممکن نہیں ہے۔

    مردم شماری کے بجائے آدم خوری کی گئی، فاروق ستار

    انہوں نے کہا کہ ‏آخری مردم شماری 1998 میں مسلم لیگ ن لیگ ہی کے دورمیں کرائی گئی، پیپلز پارٹی نے اپنے دورمیں مردم شماری کی ذمہ داری ادا نہیں کی۔

    خواجہ سعد رفیق کا کہنا ہے کہ 2013 میں سپریم کورٹ نے جلد مردم شماری کا آئینی حکم دیا، رکاوٹوں کے باوجود مسلم لیگ ن کی حکومت نے نئی مردم شماری کرائی۔

    وفاقی وزیر ریلوے خواجہ سعد رفیق کا کہنا ہے کہ پنجاب کی سیٹیں کم ہوئیں، ہم نے گلہ نہیں کیا۔ انہوں نے کہا کہ پیپلزپارٹی اور پاکستان تحریک انصاف آئینی ترمیم کے لیے تعاون کریں تاکہ آئندہ انتخابات مقررہ وقت پر کرائے جا سکیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • خیبرپختونخواہ 2018 میں عمران خان کےہاتھ میں نہیں رہےگا‘ رانا تنویرحسین

    خیبرپختونخواہ 2018 میں عمران خان کےہاتھ میں نہیں رہےگا‘ رانا تنویرحسین

    شیخوپورہ : وفاقی وزیر دفاعی پیداوار رانا تنویرحسین کا کہنا ہے کہ 2013 میں عمران خان کو خیبرپختونخواہ کی حکومت خیرات میں دی۔

    تفصیلات کے مطابق وفاقی وزیر برائے دفاعی پیداوار رانا تنویرحسین نے فیروزوالا میں تقریب سے خطاب کرتے ہوئے کہا کہ 2018 میں خیبرپختونخواہ عمران خان کے ہاتھ نہیں رہے گا۔

    رانا تنویر حسین کا کہنا تھا کہ تبدیلی کا نعرہ لگانے والے کا اصل چہرہ عوام نے دیکھ لیا ہے، احتساب کا نعرہ لگانے والوں نے خیبرپختونخواہ میں ادارہ ہی بند کردیا۔

    وفاقی وزیر برائے دفاعی پیداوار کا کہنا تھا کہ ن لیگ کے نقش قدم پرچلتے تو صوبےکی حالت بدل چکی ہوتی، عمران خان پشاورمیں میٹرو منصوبہ لا کرنقل کررہے ہیں۔

    رانا تنویر حسین کا کہنا تھا کہ مسلم لیگ ن آئندہ انتخابات میں کارکردگی پر کامیابی حاصل کرے گی۔ ان کا کہنا تھا کہ پیپلزپارٹی قیادت کے منہ سے کرپشن کےخلاف آوازبڑا جھوٹ ہے۔

    روک سکو تو روک لو،ہماری حکومت ہی آئے گی، عمران خان

    یاد رہے کہ گزشتہ روز تحریک انصاف کے چیئرمین عمران خان کا کہنا تھا کہ مجرموں نے ملک پر قبضہ کرلیا، پاکستان تبدیلی کے لیے جاگ چکا ہے۔ ان کا کہنا تھا روک سکو تو روک لو، ہماری حکومت آئے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔