Tag: مسلم لیگ ن

اوٹاوا : عوامی مسلم لیگ کے سربراہ شیخ رشید احمد کا کہنا ہے کہ شریف خاندان این آر او ڈھونڈ رہا ہے جو نہیں ملے گا۔

تفصیلات کے مطابق عوامی مسلم لیگ کے سربراہ نے کینیڈا میں اے آروائی نیوز سے گفتگوکرتے ہوئے کہا کہ مارچ 2018 سے پہلے حکومت کا کوئیک مارچ ہوجائے گا۔

عوامی مسلم لیگ کے سربراہ نے عمران خان کے ساتھ مل کرآئندہ عام انتخابات لڑنے کا اعلان بھی کیا۔

شیخ رشید نے کہا کہ 60 ایم این اے مسلم لیگ ن چھوڑنے کے لیے تیار ہیں، ن لیگ میں لیڈر شپ کا فقدان ہے۔

عوامی مسلم لیگ کے سربراہ شیخ رشید نے کہا کہ شریف خاندان کے پاس کوئی ثبوت نہیں ہے، یہ خاندان این آراو ڈھونڈ رہا ہے جو نہیں ملے گا۔

نوازشریف کی تباہی کے بعد مریم الیکشن کی تیاری کررہی ہے، شیخ رشید

خیال رہے کہ چار روز قبل ملتان میں پریس کانفرنس کرتے ہوئےشیخ رشید کا کہنا تھا کہ مریم نواز اپنی والدہ کلثوم نواز کی جگہ الیکشن لڑنےکی تیاری کررہی ہیں، مارچ سے پہلے چوروں کا کک مارچ ہوجائے گا۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پر شیئر کریں ۔

لاہور: وزیراعلیٰ میاں محمد شہبازشریف لاہور سے لندن کے لیے روانہ ہوگئے جہاں وہ نا اہل وزیراعظم نوازشریف سے ملاقات کریں گے۔

تفصیلات کے مطابق وزیراعلیٰ پنجاب شہبازشریف علامہ اقبال انٹرنیشنل ایئرپورٹ سے لندن کے لیے روانہ ہوگئے۔ شہبازشریف لندن میں نوازشریف سے ملاقات اور بیگم کلثوم نواز کی عیادت کریں گے۔

خیال رہے کہ نوازشریف نے 23 اکتوبرکو لندن سے پاکستان آنا تھا تاہم ان کی واپسی کا شیڈول تین بار تبدیل ہوا اور وہ سعودی عرب چلے گئے جہاں انہوں نے عمرہ کرنے کے ساتھ ساتھ والدہ سے بھی ملاقات کی۔

والدہ کودوبارہ اسپتال منتقل کردیا گیا ہے‘ مریم نواز

یاد رہے کہ چار روزسابق وزیراعظم میاں محمد نوازشریف کی بیٹی مریم نوازکا کہنا تھا کہ والدہ کو دوبارہ اسپتال منتقل کردیا گیا۔ انہوں نے عوام سے دعاؤں کی اپیل کی تھی۔

نوازشریف کے قابل ضمانت وارنٹ گرفتاری جاری

واضح رہے کہ 3 روز قبل احتساب عدالت نے نا اہل وزیراعظم نوازشریف کی حاضری سے استثنیٰ کی درخواست کو مسترد کرتے ہوئے2 ریفرنسز میں قابل ضمانت وارنٹ جاری کرتے ہوئے 3 نومبر کو نوازشریف طلب کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: نا اہل وزیراعظم میاں نواشریف کی صاحبزادی مریم نواز کا کہنا ہے کہ خاندان کےکہنےپرپارٹی سنبھالنے کا بیان غلط منسوب کیاگیا، ایسا کوئی بھی فیصلہ کبھی نہیں ہوا۔

تفصیلات کے مطابق سماجی رابطے کی ویب سائٹ ٹویٹر پر سابق وزیراعظم کی بیٹی مریم نواز نے اپنے پیغام میں کہا کہ نواز شریف مسلم لیگ ن کی قیادت کررہے ہیں اورکریں گے۔

Nawaz Sharif is and Insha’Allah will be leading PMLN. I am not even an aspirant. Am happy to be working as PMLN worker.

— Maryam Nawaz Sharif (@MaryamNSharif) October 28, 2017

مریم نواز نے کہا کہ خاندان کےکہنے پرپارٹی سنبھالنے کا بیان غلط منسوب کیاگیا، ایسا کوئی بھی فیصلہ کبھی نہیں ہوا۔ انہوں نے کہا کہ میں مسلم لیگ ن کی کارکن کے طور پر کام کرکے خوش ہوں۔

شہبازشریف میرےہیروہیں، خودسے بڑھ کرانہیں چاہتی ہوں‘ مریم نواز

واضح رہے کہ امریکی اخبار کو انٹرویو میں نا اہل وزیراعظم نوازشریف کی صاحبزادی مریم نواز کا کہنا تھا کہ میرے انتظامی اور سیاسی اہلیت کے میرے دادا بھی قائل تھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد: الیکشن کمیشن نے قومی اسمبلی کے حلقہ این اے 4 کے ضمنی انتخاب کےغیرحتمی نتائج جاری کردیے جس کے مطابق پاکستان تحریک انصاف کے امیدوار 45 ہزار734ووٹ لےکرکامیاب ہوئے۔

تفصیلات کے مطابق الیکشن کمیشن آف پاکستان کی جانب سے این اے 4 کے ضمنی الیکشن کے غیر حتمی نتائج کے مطابق پاکستان تحریک انصاف کے امیدوارباب عامر45 ہزار734ووٹ لےکرکامیاب ہوئے۔

عوامی نیشنل پارٹی کے امیدوار خوشدل خان 24 ہزار 874 ووٹ لے کر دوسرے جبکہ مسلم لیگ ن کے امیدوار ناصر خان موسیٰ زئی 20 ہزار 790 ووٹ کے ساتھ تیسرےنمبرپر رہے۔

این اے 4 ضمنی انتخاب: تحریک انصاف نے میدان مارلیا

پاکستان پیپلزپارٹی کے امیدوار اسد گلزار 13 ہزار 200 ووٹوں کے ساتھ چوتھے جبکہ تحریک لبیک پاکستان کے امیدوار ڈاکٹرعلامہ محمد شفیق 9 ہزار 935 ووٹ لے کر پانچویں اور جماعت اسلامی کے امیدوار واصل طارق 7 ہزار 668 ووٹ لے کر چھٹے نمبر پر رہے۔

الیکشن کمیشن کے مطابق حلقے میں ایک لاکھ 33 ہزار960 ووٹ ڈالے گئے جن میں سے 2 ہزار662 ووٹ مسترد جبکہ ایک لاکھ 31 ہزار 298 ووٹ درست قرار پائے۔

واضح رہے کہ الیکشن کمیشن آف پاکستان کے مطابق حلقے میں رجسٹرڈ ووٹرزکی تعداد 3لاکھ 37 ہزار 904 ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد: نا اہل وزیراعظم کے داماد کیپٹن ریٹائرڈ صفدر کا کہنا ہے کہ نوازشریف نے تہیہ کرلیا جینا مرنا صرف قائداعظم کے پاکستان کے لیے ہے۔

تفصیلات کے مطابق احتساب عدالت میں پیشی کے بعد میڈیا سے گفتگو کرتے ہوئے سابق وزیراعظم نوازشریف کے داماد کیپٹن ریٹائرڈ صفدر نے کہا کہ زیادتی نوازشریف نہیں بلکہ نظریہ پاکستان اور ریاست کےساتھ ہورہی ہے۔

کیپٹن ریٹائرڈ صفدر نے کہا کہ یہ لوگ نوازشریف کو کتنی بار باہر نکالیں گے، نوازشریف نے تہیہ کرلیا جینا مرنا صرف قائداعظم کے پاکستان کے لیے ہے۔

انہوں نے کہا کہ ایک عدالت اٹک قلعہ میں دیکھی اورایک اسلام آباد قلعہ میں دیکھ رہا ہوں۔

اس سے قبل آج کیپٹن ریٹائرڈ صفدر احتساب عدالت پہنچے تو صحافی نے سوال کیا کہ آج آپ کچھ تھکے تھکے لگ رہے ہیں کیا وجہ ہےِ؟ جس پر انہوں نے جواب دیا کہ سفر لمبا ہوتا ہے۔

پہلےنااہل کردیا گیا پھرمقدمات چلائے جارہےہیں‘ مریم نواز

کیپٹن ریٹائرڈ صفدر سے جب پوچھا گیا کہ آپ اورمریم نواز عدالت ساتھ کیوں نہیں آتے تو انہوں نے کہا کہ اس سوال کا جواب سیکورٹی والوں سے پوچھیں۔

نا اہل وزیراعظم کے داماد کیپٹن ریٹائرڈ صفدر سے صحافی نے سوال کیا کہ ایک طرف آپ عدالت کا سامنا کررہے ہیں دوسری جانب عمران خان الیکشن کمیشن میں پیش ہورہے ہیں اس پر آپ کیا کہیں گے۔

کیپٹن صفدر نے جواب دیا کہ کہ میں اصل کپتان ہوں وہ جعلی کپتان ہے میرا اس سے موازنہ تو نہ کریں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد: نا اہل وزیراعظم نوازشریف کی صاحبزادی مریم نوازکا کہنا ہے کہ ثبوت دیے نہیں جا رہے بلکہ ثبوت بنائے جا رہے ہیں، پہلے نا اہل کردیا جاتا ہے پھرمقدمات چلائےجاتے ہیں۔

تفصیلات کے مطابق احتساب عدالت کے باہر سابق وزیراعظم نوازشریف کی بیٹی مریم نواز نے میڈیا سے گفتگو کرتے ہوئے کہا کہ یہ پاکستان پرایسا وقت ہےکہ جمہوریت پربات کرنےکوغداری کہا جاتا ہے۔

مریم نواز نے کہا کہ نوازشریف کی نا اہلی اقامہ کی بنیاد پرہوئی، کیا قانون صرف نوازشریف کے لیے ہے؟۔

انہوں نے کہا کہ نوازشریف بار بار لندن سے آکر پیش ہورہے ہیں کیا اسے آپ وی آئی پی احتساب کہتے ہیں، وی آئی پی احتساب اس وقت ہوتا ہے کہ جب عدالت کے راستے سے گاڑی واپس چلی جاتی ہے۔

نا اہل وزیراعظم نوازشریف کی صاحبزادی نے کہا کہ کمردرد کا بہانہ کرکے چھپ جانا وی آئی پی احتساب ہے،آپ کو معلوم ہے اصل بات کیا ہے آپ اور میں اتنے سادے نہیں ہیں۔

مریم نواز نے کہا کہ سنا ہے نیب کو برطانیہ سے کوئی ثبوت نہیں ملا، جے آئی ٹی بھی برطانیہ سے خالی ہاتھ آئی تھی۔

نوازشریف کے قابل ضمانت وارنٹ گرفتاری جاری

وزیراعظم نوازشریف کی بیٹی مریم نواز نے کہا کہ میرا میڈیا سیل تو ہے ہی نہیں جب نوازشریف وزیراعظم تھے تومیڈیا کے معاملات دیکھتی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: وزیرقانون پنجاب رانا ثنااللہ کا کہنا ہے کہ پرویزالہیٰ، شیخ رشید اور اعتزاز احسن نے بد زبانی میں کمال دکھائے، یہ لوگ اپنے حلقے میں بھی نہیں جیت سکتے۔

تفصیلات کے مطابق لاہور میں پنجاب اسمبلی کے باہر میڈیا سے گفتگو کرتے ہوئے وزیرقانون پنجاب رانا ثنااللہ نے کہا کہ مسلم لیگ ن میں فارورڈ بلاک کی افواہ جھوٹی ہے، تمام کارکنان اور رہنما نوازشریف کی قیادت میں متحد ہیں۔

صوبائی وزیررانا ثنااللہ کا کہنا تھا کہ سابق وزیراعظم نوازشریف ملک واپس آکر عوامی رابطہ مہم چلائیں گے اور آئندہ انتخابات میں کامیاب ہوکر مسلم لیگ ن کی حکومت ہوگی۔

پیپلزپارٹی کے رہنما شرجیل میمن کی گرفتاری سے متعلق وزیرقانون پنجاب رانا ثنااللہ کا کہنا تھا کہ شرجیل میمن کی ضمانت خارج ہونے پر انہیں گرفتار کیا گیا۔

ٹیک اووروالی باتیں غلط ہیں، نوازشریف ہمارےقائد ہیں‘ رانا ثنااللہ

یاد رہے کہ چار روز قبل اے آروائی نیوز سے گفتگو کرتے ہوئے وزیرقانون پنجاب رانا ثنااللہ کا کہنا تھا کہ ٹیک اوور والی باتیں غلط ہیں، نوازشریف ہمارے قائد ہیں انہیں جب نا اہل کیا گیا تومسلم لیگ ن نے مسئلےکا حل بھی نکالا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔