Tag: مسلم لیگ ن

لاہور: وزیراعلیٰ پنجاب شہبازشریف کا کہنا ہے کہ مسلم لیگ ن نےسیاست کوہمیشہ عوام کی خدمت کا ذریعہ سمجھا، سوا 4 سال میں عوامی خدمت کی نئی مثالیں قائم کی ہیں۔

تفصیلات کے مطابق وزیراعلیٰ پنجاب شہبازشریف نے کہا کہ سیاست کو ذاتی ایجنڈا بنانے والے کامیاب نہیں ہوں گے، ذاتی مفاد کو ترجیح دینے والے قوم کے خیرخواہ نہیں ہوسکتے۔

شہبازشریف نے کہا کہ ذاتی مفادات کی سیاست کرنے والوں کا عوام محاسبہ کریں گے۔ انہوں نے کہا کہ مسلم لیگ ن آج بھی ملک کی مقبول ترین جماعت ہے۔

وزیراعلیٰ پنجاب نے کہا کہ سوا 4 سال میں عوامی خدمت کی نئی مثالیں قائم کی ہیں، تیزرفتار ترقی کی کوئی اورمثال 70 سال کی تاریخ میں نہیں ملتی۔

ہمارا دامن کرپشن سے پاک ہے‘ وزیراعلیٰ پنجاب

یاد رہے کہ تین روز قبل وزیراعلیٰ پنجاب شہبازشریف کا کہنا تھا کہ عوام کی خدمت کھوکھلے نعروں سے نہیں ہوتی،عوام کی خدمت کے لیے مٹی کے ساتھ مٹی ہونا پڑتا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

ریاض : نا اہل سابق وزیراعظم نوازشریف لندن سے سعودی عرب پہنچ گئے جہاں وہ دو روز قیام کے بعد پاکستان آئیں گے۔

تفصیلات کے مطابق مسلم لیگ ن کے سربراہ اور نااہل وزیراعظم نوازشریف لندن سے دو روزہ دورے پر سعودی عرب پہنچ گئے جہاں وہ جدہ میں مقیم اپنی والدہ سے ملاقات کرنے کے علاوہ ان کے ساتھ عمرہ ادا کرنے کے لیے مکہ مکرمہ جائیں گے۔

ذرائع کا کہنا ہے کہ سابق وزیراعظم نوازشریف کے دو روزہ سعودی عرب کے دورے کے دوران ان کی اعلیٰ سعودی حکام سے اہم ملاقاتیں بھی متوقع ہیں۔

خیال رہے کہ نا اہل وزیراعظم کے شیڈول میں گزشتہ روز یہ تبدیلی کی گئی، اس سے قبل نوازشریف کا 24 اکتوبر کو پاکستان واپس پہنچنا طے تھا۔

پاکستان میں انصاف نہیں بلکہ انصاف کا خون ہو رہا ہے، نواز شریف

یاد رہے کہ گزشتہ دنوں لندن میں میڈیا سے گفتگو کرتے ہوئے سابق وزیراعظم نوازشریف نے سوال کیا تھا کہ کیا احتساب اس طرح ہوتا ہے؟ کیا آپ لوگوں کو احتساب ہوتا نظر آتا ہے ؟ یہ انصاف کا خون ہورہا ہے اور حقائق کو پیروں تلے روندا جارہا ہے۔

واضح رہے کہ سابق وزیراعظم نواز شریف اپنی اہلیہ کلثوم نواز کی عیادت کے لیے رواں ماہ 5 اکتوبر کو لندن روانہ ہوئے تھے، ان کی ٹکٹ پرواپسی کی تاریخ چارجنوری دو ہزاراٹھارہ لکھی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد : وزیر مملکت برائے توانائی عابد شیر علی کا کہنا ہے کہ میاں محمد نوازشریف مسلم لیگ ن کے منتخب صدر ہیں۔

وزیر مملکت برائے توانائی عابد شیرعلی نے سماجی رابطے کی ویب سائٹ ٹوئٹر پر اپنے پیغام میں کہا کہ ریاض پیرزادہ صاحب لیڈرشپ کے لیےکوئی جگہ خالی نہیں ہے۔

Riaz Pir Zada sb, there is no vacuum of leadership and Nawaz Sharif is the elected president of PML-N.

— AbidSherAli (@AbidSherAli) October 20, 2017

ٹیک اووروالی باتیں غلط ہیں، نوازشریف ہمارےقائد ہیں‘ رانا ثنااللہ

دوسری جانب اے آروائی نیوز سے گفتگو کرتے ہوئے وزیرقانون پنجاب رانا ثنااللہ نے کہا کہ ٹیک اوور والی باتیں غلط ہیں، نوازشریف ہمارے قائد ہیں انہیں جب نااہل کیا گیا تومسلم لیگ ن نے مسئلےکا حل بھی نکالا۔

شہبازشریف کومسلم لیگ ن کی قیادت سنبھال لینی چاہیے‘ ریاض پیرزادہ

یاد رہے کہ گزشتہ روزاسلام آباد میں میڈیا سے گفتگو کرتے ہوئے کہا تھا کہ وزیراعلیٰ پنجاب شہبازشریف عوام سے رابطے میں ہیں، انہیں مسلم لیگ ن کی قیادت سنبھال لینی چاہیے۔

وفاقی وزیر ریاض پیرزادہ کا کہنا تھا کہ شہبازشریف اس وقت بالکل صحیح مشورے دے رہے ہیں۔ ان کا کہنا تھا کہ میں بھی اداروں کے خلاف بیان بازی اور ٹکراؤ کی پالیسی کے خلاف ہوں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

لاہور : وزیرقانون پنجاب رانا ثنااللہ کا کہنا ہے کہ فرد جرم الزامات کا خلاصہ ہوتا ہے جبکہ صحت جرم سے انکارپرپراسیکیوشن کو جرم ثابت کرنا پڑتا ہے۔

تفصیلات کے مطابق اے آروائی نیوز سے گفتگو کرتے ہوئے وزیرقانون پنجاب رانا ثنااللہ نے کہا کہ ٹیک اوور والی باتیں غلط ہیں، نوازشریف ہمارے قائد ہیں انہیں جب نااہل کیا گیا تومسلم لیگ ن نے مسئلےکا حل بھی نکالا۔

رانا ثنااللہ نے کہا کہ فرد جرم توعائد ہوگئی لیکن ثابت بھی کرنا ہوگا، دیکھتے ہیں کس قسم کے شواہدعدالت میں پیش کیے جاتے ہیں۔

احتساب عدالت میں کارروائی سے متعلق وزیر قانون پنجاب رانا ثنا اللہ نے کہا کہ جلدی نہ کریں، فریقین کوبھی موقع ملنا چاہیے۔ انہوں نے کہا کہ احتساب عدالت میں 6 ماہ میں فیصلہ عجلت ہے۔

وزیرقانون پنجاب نے ریاض پیرزادہ کے پارٹی قیادت سے متعلق بیان پر کہا کہ پارٹی میں ہر بندہ اپنی رائے رکھتا ہے۔ انہوں نے کہا کہ 40 ایم این ایزکی تعداد والی بات افواہیں ہیں۔

شہبازشریف کومسلم لیگ ن کی قیادت سنبھال لینی چاہیے‘ ریاض پیرزادہ

یاد رہے کہ گزشتہ روزاسلام آباد میں میڈیا سے گفتگو کرتے ہوئے کہا تھا کہ وزیراعلیٰ پنجاب شہبازشریف عوام سے رابطے میں ہیں، انہیں مسلم لیگ ن کی قیادت سنبھال لینی چاہیے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

لاہور : وفاقی وزیرریلوے خواجہ سعد رفیق کا کہنا ہے کہ نوازشریف پرکرپشن یا اختیارات سے تجاوز کا کوئی مقدمہ ہے نہ ثبوت ہے۔

تفصیلات کے مطابق سماجی رابطے کی ویب سائٹ ٹویٹر پر اپنے پیغام میں کہا کہ عوامی رہنماؤں کی تذلیل، سزاؤں سے ماضی میں بھی ملک کا نقصان ہوا جبکہ آئین شکنی کرنے والوں کومحفوظ راستے دیے گئے۔

مقبول عوامی راھنماؤں کی تذلیل اور سزاؤں سےماضی میں بھی پاکستان کا نقصان ھوا- آئین شکنی کرنےاور اسےقانونی تحفظ دینےوالوں کو محفوظ راستے دےگئے

— Khawaja Saad Rafique (@KhSaad_Rafique) October 20, 2017

سعد رفیق نے کہا کہ طاقتوردشمنوں میں گھرا پاکستان اندرونی خلفشارکا متحمل نہیں ہوسکتا، محاذ آرائی کے بجائے مل کرآگے بڑھنے کی بھرپور کوشش کی جائے۔

طاقتور دشمنوں میں گھرا پاکستان اندرونی خلفشار کا متحمل نہیں ھو سکتا- باھمی محاذ آراٸ کی بجاۓ مل کر آگے بڑھنے کی بھرپور کوشش کی جاۓ

— Khawaja Saad Rafique (@KhSaad_Rafique) October 20, 2017

وفاقی وزیر ریلوے نے کہا کہ نوازشریف پرکرپشن یااختیارات سےتجاوز کا کوئی مقدمہ ہے نہ ثبوت ہے۔ انہوں نے کہا کہ نوازشریف کو پھر بھی نااہل کردیا گیا۔

نوازشریف پر کرپشن یا اختیارات سے تجاوز کا کوٸ مقدمہ ھے نہ ثبوت پھر بھی نااھل کر دیا گیا- نوازشریف کو سزا دینے کے لئے نت نٸ تاویلیں گھڑی گئیں

— Khawaja Saad Rafique (@KhSaad_Rafique) October 20, 2017

خواجہ سعد رفیق نے کہا کہ نوازشریف کو سزا دینے کے لیے نت نئے تاویلیں گھڑی گئیں، نواز شریف کو احتسابی جال میں جکڑنے کی سازش کی گئی۔

نواز شریف کو احتسابی جال میں جکڑ کر سیاست سے بےدخل کرنیکی سازش خوفناک اقدام ھے- مخالفین نوازشریف دشمنی میں ملک دشمنی پر اتر آۓ ھیں-

— Khawaja Saad Rafique (@KhSaad_Rafique) October 20, 2017

وزیرریلوے خواجہ سعد رفیق نے کہا کہ سیاست سے بےدخل کرنےکی سازش خوفناک اقدام ہے، مخالفین نوازشریف دشمنی میں ملک دشمنی پر اترآئے ہیں۔

ن لیگ نے نہ کسی سےمحاذ آرائی کی اورنہ کرےگی‘ خواجہ سعدرفیق

واضح رہے کہ وفاقی وزیرریلوے خواجہ سعد رفیق کا کہنا ہے کہ میاں محمد نوازشریف اور ان کے خاندان پر فرد جرم عائد کرنا سازش ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔