Tag: مسلم لیگ ن

لاہور : مسلم لیگ ن نے جہانگیرترین گروپ کے زیادہ تر ارکان کو پارٹی میں لینے سے معذرت کرلی، گزشتہ دنوں جہانگیرترین گروپ کی کئی شخصیات ماڈل ٹاؤن گئیں تھیں۔

تفصیلات کے مطابق جہانگیرترین گروپ کے متعدد ارکان کی ن لیگ سے رابطوں کی کوششیں جاری ہے، ن لیگ نے جہانگیرترین گروپ کے زیادہ تر ارکان کو پارٹی میں لینے سے معذرت کرلی۔

جہانگیر ترین گروپ کے متعدد ارکان ن لیگ کے مرکز 180 ایچ ماڈل ٹاؤن کے چکر لگارہے تھے، گزشتہ دنوں جہانگیرترین گروپ کی کئی شخصیات ماڈل ٹاؤن گئیں تھیں۔

ماڈل ٹاؤن میں موجود لیگی رہنماؤں نے ان شخصیات کی آمد پر ناپسندیدگی کا اظہار کیا جبکہ ن لیگ کے وفاقی وزیر ماڈل ٹاؤن آنے والے رہنماؤں سے مصروفیات کا کہہ کر چلے گئے۔

ذرائع ن لیگ کا کہنا ہے کہ پارٹی پالیسی ہے، ضمنی الیکشن ہارنے والے ترین گروپ کے 90 فیصد ارکان کو نہیں لینا۔

یاد رہے مسلم لیگ ن نے تحریک انصاف چھوڑنے والے صرف چند ارکان کو ن لیگ میں شامل کرنے کا فیصلہ کیا تھا، اس حوالے سے سینئرلیگی رہنما نے بتایا تھا کہ پنجاب کے 90 فیصد حلقوں میں ہم اپنے پرانے لوگوں کوہی پارٹی ٹکٹ دیں گے اور جن حلقوں میں ضروری سمجھا صرف وہیں پر ہی پی ٹی آئی چھوڑنے والوں کو شامل کریں گے۔

ذرائع نے کہا تھا کہ جہانگیرترین گروپ کو بھی یہی کہا گیا ہے کہ سب کوپارٹی ٹکٹ نہیں دےسکتے۔

چشتیاں : مسلم لیگ ن سندھ کے جنرل سیکریٹری انتظاررانا نے پیپلزپارٹی میں شمولیت اختیار کرلی، جس کے بعد بلاول بھٹو نے انتظار رانا کو پی پی244 چشتیاں سے ٹکٹ جاری کردیا۔

تفصیلات کے مطابق پنجاب کے ضلع بہاولنگر کی تحصیل چشتیاں میں ن لیگ سندھ کے جنرل سیکریٹری رانا انتظار پیپلزپارٹی میں شامل ہوگئے۔

انتظاررانا نے بلاول بھٹو سےملاقات میں پیپلزپارٹی میں شمولیت اختیار کی، ملاقات میں بلاول بھٹونےانتظارراناکوپی پی244چشتیاں سے ٹکٹ جاری کردیا، اس موقع پر انتظار رانا کا کہنا تھا کہ بلاول بھٹوزرداری اگلےوزیراعظم ہیں۔

گذشتہ روز بھی جنوبی پنجاب سے متعدد سیاسی شخصیات نے پیپلزپارٹی میں شمولیت کا اعلان کیا تھا۔

چیئرمین پیپلزپارٹی بلاول بھٹو اور آصف زرداری سے ملاقات کے بعد سیاسی شخصیات نے پیپلزپارٹی میں شمولیت کا اعلان کیا۔

سابق صوبائی وزیر سید ہارون احمد سلطان ن لیگ سے پیپلزپارٹی میں شامل ہوئے جبکہ وہاڑی سے سابق رکن قومی اسمبلی چوہدری اصغر جٹ نے پی ٹی آئی چھوڑ کر پی پی میں شمولیت اختیار کرلی۔

اس کے علاوہ خانیوال سے سابق رکن پنجاب اسمبلی سید جمیل شاہ بھی ن لیگ چھوڑ کر پی پی میں شامل ہوئے جبکہ پی پی 271 سے ق لیگ کے ٹکٹ ہولڈر ملک فیض احمد کھکھ نے بھی پی پی جوائن کرلی تھی۔

پاکستان کسان اتحاد کے مرکزی نائب صدر میاں عامر وٹو بھی پیپلزپارٹی میں شامل ہوئے جبکہ میونسپل کمیٹی خانیوال کے سابق چیئرمین مسعود مجید ڈاھا نے بھی پی ٹی آئی چھوڑ کر پی پی میں شمولیت اختیار کرلی تھی۔

لاہور : مسلم لیگ ن کی مرکزی قیادت سعودی عرب میں سرجوڑ کربیٹھے گی ، چیف آرگنائزر مریم نواز سعودی عرب پہنچ گئیں ، نواز شریف اور وزیراعظم شہباز شریف بھی سعودی عرب پہنچیں گے۔

تفصیلات کے مطابق مسلم لیگ ن کی مرکزی قیادت سعودی عرب میں سرجوڑ کربیٹھے گی ، لیگی قیادت کے اجلاس میں اہم ملکی معاملات پر تبادلہ خیال کیا جائے گا۔

چیف آرگنائزر مسلم لیگ ن مریم نوازعمرے کی ادائیگی سعودی عرب پہنچ گئیں،جہاں مریم نواز اپنے والد نوازشریف سے بھی ملاقات کریں گی۔

ذرائع کا کہنا ہے کہ نواز شریف لندن سےسعودی عرب پہنچیں گے جبکہ وزیراعظم شہبازشریف کا بھی دورہ سعودی عرب متوقع ہے۔

نوازشریف،مریم نوازسعودی عرب میں شاہی خاندان کےخصوصی مہمان ہوں گے ، دونوں رمضان کا آخری عشرہ مکہ اور مدینہ میں گزاریں گے۔

اسلام آباد : پیپلزپارٹی کی شدید مخالفت کے باوجود مسلم لیگ کا فری آٹا اسکیم شروع کرنے کا انکشاف سامنے آیا ، پیپلزپارٹی نے فری آٹا کے بجائے شہریوں کو پیسے دینے کی تجویز دی تھی۔

تفصیلات کے مطابق فری آٹا اسکیم پر مسلم لیگ ن کے سولو فلائٹ لینے کا انکشاف سامنے آیا ، ذرائع نے بتایا کہ ن لیگ نے اتحادیوں کی مخالفت کے باوجود فری آٹا سکیم کا آغاز کیا، پیپلزپارٹی نے فری آٹا سکیم کی شدید مخالفت کرتے ہوئے وزیراعظم، کابینہ میں تحفظات کا اظہار کیا تھا۔

پارٹی ذرائع کا کہنا ہے کہ ن لیگ نے پیپلزپارٹی کی مخالفت کے باوجود مفت آٹا اسکیم شروع کی، پیپلزپارٹی نے فری آٹا کے بجائے شہریوں کو پیسے دینے کی تجویز دی تھی، پیپلزپارٹی کی بزریعہ بینظیر سپورٹ پروگرام پیسے دینے کی تجویز تھی۔

ذرائع نے کہا کہ شہریوں کو نقد امداد کیلئے بینظیر انکم سپورٹ پروگرام کا ڈیٹا موجود تھا اور پیپلزپارٹی نے ماہ رمضان میں فری آٹا تقسیم میں مشکلات اور سنگین مسائل کی نشاندہی کی تھی۔

پی پی ذرائع نے بتایا کہ مسائل کی نشاندہی کے باوجود فری آٹا سکیم کے آغاز پر افسوس ہوا، حکومت اہم فیصلوں میں اتحادیوں کو یکسر نظر انداز کر رہی ہے۔

ذرائع کے مطابق حکومت نے فری آٹا سکیم کا آغاز میڈیا پر تشہیر کیلئے کیا ہے، وزیراعظم کا فری آٹا اسکیم معائنہ کیلئے ہیلی کاپٹر پر جانا مضحکہ خیز ہے۔

پی پی ذرائع کا کہنا ہے کہ فری آٹا سکیم عالمی سطح پر ملک کی جگ ہنسائی کا سبب بن گئی ہے ، شہریوں کی لمبی قطاروں کو عالمی میڈیا دکھا رہا ہے جبکہ سندھ میں فری آٹا کے بجائے نقد امداد کا منصوبہ کامیاب رہا۔

فری آٹا اسکیم اسکینڈل کی صورت حکومتی گلے کی ہڈی بنے گا، پحکومت کی فری آٹا اسکیم اب تک متعدد شہریوں کی جانیں لے چکی ہے۔