اسلام آباد: تحریک انصاف کے رہنما کا کہناتھاکہ کیاوزیراعظم اس قابل رہ گئے ہیں کہ وہ ملک چلاسکیں،انہوں نےکہاکہ مسلم لیگ(ن)کی پارلیمانی پارٹی کونیاوزیراعظم منتخب کرلینا چاہیے۔

تفصیلات کےمطابق سپریم کورٹ کےباہر میڈیاسے گفتگوکرتے ہوئے تحریک انصاف کے رہنما فواد چودھری کا کہناتھاکہ عدالت نےکہا تھا ثابت کریں حسین نوازبینفیشل اونر ہیں،انہوں نےکہاکہ دستاویزات سےثابت ہوتا ہےحسین نوازکاجائیدادسے کوئی تعلق نہیں ہے۔

پی ٹی آئی کے رہنما نے کہاکہ منراو کمپنی کی مالک مریم نوازشریف ہیں،جبکہ قطری کی کہانی توناقابل یقین ہے۔انہوں نےکہاکہ ان کے پاس تو2006کے بھی کاغذات نہیں ہیں۔

فواد چودھری کا کہناتھاکہ سلمان اکرم راجہ نے واضح طور پر کمیشن کی مخالفت کی ہے،انہوں نے کہا کہ اس کیس میں شریف خاندان کے تین وکلا ہیں،تینوں کاموقف الگ الگ ہے۔

تحریک انصاف کے رہنما کا کہناتھاکہ نوازشریف کاموقف بچوں سے،بچوں کااپنے انٹرویوسے موقف الگ ہے۔انہوں نے کہا کہ سلمان اکرم راجہ کے دلائل کے بعد اٹارنی جنرل کے دلائل شروع ہوں گے۔

فواد چودھری نےکہا کہ 10دن میں دودھ کادودھ، پانی کا پانی ہوجائے گا،انہوں نے مسلم ن کے ایم این ایز کوکہا کہ وہ بھی آکرکیس کی سماعت دیکھیں۔

واضح رہےکہ تحریک انصاف کے رہنما فواد چودھری کاکہناتھاکہ آخرکار حسین نواز کے وکیل نے مان لیاکہ مریم چند ماہ کے لیے ٹرسٹی تھیں۔

اسلام آباد: وفاقی وزیر اطلاعات مریم اورنگزیب نے کہا کہ نوازشریف نے پارلیمنٹ اورقوم سے خطاب میں کوئی غلط بیانی نہیں کی،انہوں نے کہا کہ پی ٹی آئی سمجھتی ہےکہ جھوٹ بول کر سب کوگمراہ کرلیاجائےگا۔

تفصیلات کےمطابق سپریم کورٹ میں پاناماکیس کی سماعت کے بعد عدالت کے باہر میڈیا سے گفتگوکرتے ہوئے مسلم لیگ ن کی رہنما مریم اورنگزیب نے کہا کہ پٹیشن اور دائر کی گئی،اس سےمتعلق ثبوت کوئی نہیں جمع کرایاگیا۔

وفاقی وزیراطلاعات مریم اورنگزیب نےکہاکہ خان صاحب مریم نواز مہذب والد کی مہذب بیٹی ہیں،انہوں نے کہا کہ ہمارے اجلاسوں میں توں توں کی باتیں نہیں ہوتی ہیں۔

مریم اورنگزیب کا کہناتھاکہ تحریک انصاف پر تنقید کرتے ہوئے کہا کہ ان لوگوں کو کنٹینرز پرکھڑے ہوکر باتیں کرنے کی عادت ہے،انہوں نے آج کی سماعت میں کسی قسم کا ثبوت فراہم نہیں کیاگیا۔

مسلم لیگ ن کے رہنما سلیم ضیا نے کہا کہ سمجھ نہیں آرہا کہ سراج الحق کس کے ساتھ ہیں،انہوں نے کہا کہ آزادکشمیرکے انتخابات میں جماعت اسلامی کےامیر ہمارے اتحادی ہیں جبکہ خیبرپختونخواہ میں وہ تحریک انصاف کے اتحادی ہیں۔

مزید پڑھیں:کروڑوں کے تحائف مغل شہزادے اپنے والدین کونہیں دیتے تھے‘شیخ رشید

واضح رہےکہ اس سےقبل عوامی مسلم لیگ کےسربراہ شیخ رشید کا کہناتھاکہ کروڑوں کےتحائف مغل شہزادوں بھی اپنے والدین کو نہیں دیتے تھے۔

اسلام آباد: مسلم لیگ ن کے رہنما طلال چوہدری کا کہناہے کہ کل اسمبلی کو ڈی چوک بنانے کی کوشش کی گئی۔انہوں نے کہا کہ دربدرہونےپرکچھ لوگوں کواسمبلی کی اہمیت یادرآرہی ہے۔

تفصیلات کےمطابق اسلام آباد الیکشن کمیشن کے باہر میڈیا سے بات کرتے ہوئے ن لیگ کے رہنما طلال چوہدری کا کہنا تھا کہ کل اسمبلی کوڈی چوک بنانےکی کوشش کی گئی۔ ڈی چوک کوصاف کیااسمبلی کوبھی صاف کریں گے۔

مسلم لیگ ن کے رہنما طلال چوہدری نے کہا کہ کچھ لوگوں کوسیاسی یتیم ہونےپراسمبلی کی اہمیت یاد آگئی ہے۔انہوں نے کہا کہ عمران خان کےخلاف کیس بہت سادہ ہے۔

مزید پڑھیں:قومی اسمبلی کا اجلاس: اسپیکر کا گھیراؤ، پی ٹی آئی نے ایجنڈے کی کاپیاں پھاڑ دیں

طلال چوہدری کا مزید کہناتھاکہ دوسرے کونااہل کرانےکی کوشش کرنے والےخود نااہل ہیں۔انہوں نے کہا کہ ثبوتوں کا دعویٰ کرنےوالےآج پاناماکیس سےبھاگ رہےہیں۔

مزید پڑھیں:ہنگامہ آرائی کر کے اسمبلی کے تقدس کو پامال کیا گیا، مریم اورنگزیب

واضح رہے کہ گزشتہ روز وزیر مملکت برائے اطلاعات مریم اورنگ زیب وزیر مملکت نے تحریک انصاف کا نام لیے بغیر تنقید کا نشانہ بنتے ہوئے کہاتھاکہ ایک پارٹی کا کام ہرجگہ ہنگامہ آرائی کرنا ہے،سپریم کورٹ ہو یا پارلیمنٹ یہ پارٹی ہر کارروائی کو روکنا چاہتی ہے۔

اسلام آباد : مسلم لیگ ن کے رہنما محسن رانجھا کا کہناہے کہ فیصلہ پاکستان تحریک انصاف کے حق میں نہ آئے تو وہ اعتراض کرتی ہے۔

تفصیلات کےمطابق پانامہ لیکس کیس کی سماعت کے بعد لیگی رہنماؤں نے عمران خان کو شدید تنقید کا نشانہ بنایا۔اس موقع پر مسلم لیگ ن کے رہنما محسن رانجھا کا کہناتھا کہ عمران خان نے آج عدالت میں بھی یوٹرن لیا۔

ن لیگ کے رہنما عابد شیر علی نے سپریم کورٹ کے باہر میڈیاسے گفتگو کرتے ہوئے کہا کہ پی ٹی آئی کے وکیل نعیم بخاری نےکمیشن کےبائیکاٹ کاکہاہےجوتوہین عدالت کےزمرےمیں آتاہے۔

وزیر مملکت انفارمیشن ٹیکنالوجی انوشہ رحمان نے کہا کہ عمران خان کی ہٹ دھرمی کے باعث کیس مزید تاخیر کا شکار ہوا۔تحریک انصاف ترقی کی راہ میں رکاوٹ ڈال رہی ہے۔

انوشہ رحمان کا کہناتھا کہ ہم کام کرنا چاہتے ہیں ایک شخص کی ہٹ دھرمی ترقی کو روک رہی ہے،یہ نہ پاکستان کے عوام کو مانتے ہیں نہ اداروں کو مانتے ہیں،آپ کے نزدیک سیاست جھوٹ ہوگی ہمارے لیے سیاست عبادت ہے۔

انہوں نے کہا کہ عدالت میں واضح کیا کہ وزیراعظم کی تقاریر میں کوئی تضاد نہیں،وکیل نے کاغذات اور قانون کی روشنی میں بتایا کہ مریم وزیراعظم کے زیرکفالت نہیں ہے۔

واضح رہے کہ وزیر مملکت انوشہ رحمان نےمزیدکہا کہ سپریم کورٹ کمیشن بنائے یا خود کیس سنے ہمیں دونوں قبول ہیں۔