ٹیکسلا : پنجاب اسمبلی کے حلقہ پی پی7 ٹیکسلا میں ضمنی الیکشن میں پولنگ کا آغاز ہوگیا،مسلم لیگ ن اور تحریک انصاف میں سخت مقابلہ متوقع ہے۔
تفصیلات کےمطابق پی پی 7 ٹیکسلا میں آج ہونے والے ضمنی انتخاب میں مسلم لیگ ن اور پاکستان تحریک انصاف کے درمیان کانٹے کا مقابلہ ہوگا۔
مسلم لیگ ن کے امیدوار حاجی ملک عمرفاروق، پی ٹی آئی کے عمار صدیق کے علاوہ پیپلزپارٹی کے چودھری کامران اسلم بھی انتخابی دنگل میں حصہ لے رہے ہیں۔
پی پی 7 ٹیکسلا میں رجسٹرڈ ووٹرز کی تعداد ایک لاکھ 95 ہزار 714 ہے،جن میں 90 ہزار 13 خواتین رجسڑڈ ووٹرز شامل ہیں،ضمنی انتخاب کے لیے حلقے میں 167 پولنگ اسٹیشنز بنائے گئے ہیں۔
ضمنی الیکشن میں امن وامان کی ذمہ داری فوج اور رینجرز کے سپرد ہے،جو تمام حساس پولنگ اسٹیشنز کے اندر اور باہر تعینات ہوں گے۔
یاد رہے کہ پی پی 7 کی نشست پاکستان تحریک انصاف کے ایم پی اے صدیق خان کے انتقال کے باعث خالی ہوئی تھی۔
اسلام آباد: چیئرمین تحریک انصاف نے کہا ہے کہ ’’مسلم لیگ کے غنڈوں نے خیبرپختونخوا اسمبلی پر حملہ کر کے سپریم کورٹ حملے کی یاد تازہ کردی جبکہ مریم نواز نے الزام کو مسترد کرتے ہوئے کہا ہے کہ اسمبلی پر کوئی حملہ نہیں ہوا کچھ نوجوانوں نے دروازے پر مسلم لیگ کے پرچم لگائے۔
تفصیلات کے مطابق مسلم لیگ ن کے مشتعل مظاہرین کی جانب سے خیبرپختونخوا اسمبلی کے مرکزی دروازے پر لیگی کارکنان نے پارٹی جھنڈا لگایا، جس پر چیئرمین تحریک انصاف نے سماجی رابطے کی ویب سائٹ پر ٹوئٹ میں کہا ہے کہ ’’مسلم لیگ ن کے غنڈوں نے اسمبلی پر حملہ کر کے سپریم کورٹ حملے کی یاد تازہ کردی‘‘۔
1. Shameful behaviour by PMLN goons trying to stop PTI from Raiwind March by hooliganism at KP Assembly. PMLN has record of such behaviour
انہوں نے کہا کہ ’’مسلم لیگ ن نے پیپلزپارٹی کے دورِ حکومت میں صدر فاروق لغاری کے گھر مارچ کیا اور ایوانِ صدر کی دیواروں پر چڑھ کر اُس کے تقدس کو بھی پامال کیا تھا‘‘۔
2. During Leghari Presidency PMLN marched on to Leghari home in Choti Zareen; During PPP rule, PMLN tried to climb wall of Presidency; — Imran Khan (@ImranKhanPTI) September 11, 2016
3. Most shameful was PMLN’s attack on SC of Pak. Now they have repeated this hooliganism on KP Assembly.
کپتان کا مزید کہنا تھاکہ ’’لیگی غنڈوں کا اسمبلی پر حملہ تحریک انصاف کے رائیونڈ مارچ کو روکنے کی سازش ہے تاہم اب رائیونڈ مارچ کا ارادہ پہلے سے زیادہ پختہ ہوگیا کیونکہ تحریک انصاف کا مارچ پرامن اور آئینی طریقوں سے کیا جارہا ہے تاہم پی ٹی آئی رائیونڈ کسی کے گھر نہیں جارہی بلکہ کرپشن کے خلاف مارچ کرے گی‘‘۔
4. PTI’s Raiwind March is a peaceful protest & its constitutional right. We are not marching on to anyone’s home. — Imran Khan (@ImranKhanPTI) September 11, 2016
5. After today’s PMLN hooliganism, I am more determined than ever to have the Raiwind March. PTI will not be deterred by PMLN’s threats.
عمران خان نے قائد مسلم لیگ ن پر تنقید کرتے ہوئے کہا کہ ’’نوازشریف آمریت کی پیداوار ہیں انہیں جمہوریت کی اصل روح کا علم نہیں تاہم یہ اُن کا خواب ہے کہ انہیں بادشاہت کا تاج پہنایا جائے یا پھر امیرالمومنین قرار دیا جائے‘‘۔
N Sharif, manufactured politically by a dictator, has never understood democracy but dreams of being crowned or proclaimed Amir ul Momineen
دوسری جانب تحریک انصاف کے سنیئر رہنماء شاہ محمود قریشی نے بھی مسلم لیگ ن کے کارکنان کی جانب سے اسمبلی پر حملے کی مذمت کرتے ہوئے کہا ہے کہ ’’کرپشن اور پاناما لیکس کے پیچھے ہٹانے کے لیے حکمراں جماعت اوچھے ہتھکنڈوں پر اتر آئی ہے مگر ہم احتساب کے بغیر کسی صورت پیچھے نہیں ہٹیں گے‘‘۔ بعد ازاں وزیر اعظم کی صاحبزادی اور مسلم لیگ ن کی رہنماء مریم نواز نے سماجی رابطے کی ویب سائٹ پر اپنے ایک ٹوئٹ میں کہا کہ ’’خیبرپختونخوا اسمبلی پر حملہ نہیں کیا گیا تاہم کچھ نوجوانوں نے دروازے پر مسلم لیگ ن کے جھنڈے لگائے جو قابل قدر نہیں ہیں‘‘۔
There was NO attack on KP assembly. Aparently some youngstrs tried to display flags atop the gate. Even tht can’t b condoned. Not PMLN ethos — Maryam Nawaz Sharif (@MaryamNSharif) September 11, 2016
اُن کا مزید کہنا تھا کہ ’’نواز شریف کی واضح پالیسی ہے کہ سب کا احترام کیا جائے اور انہیں عزت دی جائے جس کو مسلم لیگ ن کے ورکرز نے پوری طرح اپنایا ہوا ہے تاہم تحریک انصاف اور عوامی تحریک کے کارکنان میں اس طرح کی کوئی بات موجود نہیں ہے‘‘۔
PMLN workers & supporters must at all times adhere to NS’s policy of civility & respect. In PTI & PAT downfall, there’s a lesson for us. — Maryam Nawaz Sharif (@MaryamNSharif) September 11, 2016
گلگت : گلگت بلتستان قانون ساز اسمبلی کے حلقہ جی بی ایل اے 6 ہنزہ میں ضمنی انتخاب کے لیےپولنگ کا عمل جاری ہے 36ہزار 392 ووٹر اپنا حق رائے دہی استعمال کریں گے۔
تفصیلات کے مطابق گلگت بلتستان اسمبلی کے حلقہ 6 ہنزہ میں ضمنی انتخابات کے لیے پولنگ کا عمل جاری ہے،یہاں رجسٹرڈ ووٹرز کی کل تعداد 36ہزار 392 ہے جن میں17 ہزار 461 خواتین ووٹرز شامل ہیں۔
ضمنی انتخاب کےلیے 58 پولنگ اسٹیشن بنائے گئے ہیں۔گلگت بلتستان کے عام انتخابات میں اس حلقے سے مسلم لیگ ن کےامیدوار میرغضنفرعلی خان کامیاب قرارپائےتھے۔
یاد رہے کہ اکتوبر 2015میں میرغضنفرعلی خان کوگلگت بلتستان کا گورنر تعینات کردیاگیا جس کے بعد سے یہ نشست خالی ہے ۔یہاں مختلف وجوہات کی بنیاد پر 3 مرتبہ ضمنی انتخاب ملتوی ہوچکا ہے ۔
حلقے میں پاکستان مسلم لیگ ن نے گورنر گلگت بلتستان میرغضنفرعلی خان کے صاحبزادے شاہ سلیم خان کو اپنا امیدوار نامزد کیاہے۔
واضح رہے کہ پاکستان پیپلزپارٹی کی جانب سے سابق اسپیکر وزیر بیگ اور پاکستان تحریک انصاف کی جانب سے عزیزاحمد امیدوار ہیں ۔آزاد امیدوار کرنل (ر) عبید اللہ بیگ اور مسلم لیگ ن کے امیدوار کے درمیان سخت مقابلہ متوقع ہے۔
کراچی: عمران خان نے صدر زینب مارکیٹ میں واقع اے آر وائی نیوز کے دفتر کا دورہ کیا۔ انہوں نے22 اگست کو اے آر وائی نیوز کے دفتر پر ہونے والے حملہ کی سخت مذمت کی۔ دورے کے دوران انہوں نے دفتر کے عملہ سے ملاقات بھی کی۔
تفصیلات کے مطابق تحریک انصاف کے چیئرمین عمران خان کراچی پہنچے ہیں جہاں آج شام وہ نشتر پارک میں ’پاکستان زندہ باد‘ جلسہ سے خطاب کریں گے۔
آج صبح عمران خان نے ضلع ساؤتھ کے چیئرمین منصور شیخ کی رہائش گاہ پر پرتکلف ناشتہ کیا۔ ناشتے کی تیاری کے لیے ماہر خانساماں کو خصوصی طور پر لاڑکانہ سے بلایا گیا۔ ناشتہ کے بعد عمران خان پارٹی رہنماؤں کے ساتھ ملاقات کریں گے جس کے بعد ایدھی ہوم کلفٹن کا دورہ اور لیجنڈ کرکٹر حنیف محمد کے گھر تعزیت کے لیے بھی جائیں گے۔
دوسری جانب عمران خان نے سوشل میڈیا ویب سائٹ ٹوئٹر پر ٹوئٹ کرتے ہوئے کہا کہ پاکستان مسلم لیگ ن نے 6 بار پنجاب پر حکومت کی، لیکن کیوں وہ پولیس کو سیاسی مداخلت سے آزاد کرنے اور میرٹ پر چلانے میں ناکام رہی، کیا پولیس مسلم لیگ ن کے عسکری ونگ میں تبدیل ہوچکی ہے؟
2. Why has PMLN, despite ruling Punjab 6 times, failed to depoliticise police or bring in merit, converting it into PMLN’s militant wing?
اس موقع پر باتھ آئی لینڈ میں عمران خان کی آمد کے وقت کارکنوں میں شدید بدنظمی دیکھی گئی۔ سیکیورٹی اہلکاروں نے عارف علوی اور علی زیدی سمیت متعدد رہنماؤں کو اندر جانے سے روک دیا۔
بعد ازاں عمران خان اے آر وائی نیوز کے دفتر پہنچے جہاں انہوں نے چیئرمین اے آر وائی گروپ جان محمد، گروپ ڈائریکٹر اے آر وائی ڈیجیٹل نیٹ ورک محبوب عبدالرؤف، بیورو چیف ایس ایم شکیل اور دیگر عملہ سے ملاقات کی۔ عمران خان کے ساتھ جہانگیر ترین، علی زیدی، عمران اسمعٰیل اور تحریک انصاف کے دیگر رہنما بھی موجود تھے۔
اس موقع پر گفتگو کرتے ہوئے انہوں نے کہا کہ پاکستان میں جمہوریت کو آگے بڑھانے میں سب سے بڑا ہاتھ میڈیا کا ہاتھ ہے۔ میڈیا تحریک انصاف کے ساتھ بھی کھڑا ہوا، اگر یہ ہمیں کوریج نہ دیتا تو تحریک انصاف کے لیے حالات آج ایسے نہ ہوتے۔
انہوں نے کہا کہ آزادی صحافت کو روکنے کے 2 طریقہ ہیں۔ یا تو اسے خریدا جائے یا اس پر حملے کروائے جائیں۔ نواز حکومت میڈیا کو خریدنے کی عادی ہے تاکہ اس کی چوریاں اور ڈاکے عوام سے چھپے رہیں۔
انہوں نے اے آر وائی نیوز کے دفتر پر حملہ کی سخت مذمت کرتے ہوئے کہا کہ میرا قائد ایم کیو ایم کو پیغام ہے کہ ظلم و دہشت کی سیاست ختم ہوچکی ہے۔ عوام مردہ باد کے نعرے لگانے والوں کو مسترد کر چکی ہے۔ سب جانتے ہیں کہ ملک ہوگا تو ہم ہوں گے۔
انہوں نے کہا کہ میں اے آر وائی نیوز کے دفتر پر حملہ کی شدید مذمت کرتا ہوں اور اے آر وائی نیوز کے عملہ کو خراج تحسین پیش کرتا ہوں۔
عمران خان آج شام نشتر پارک میں ’پاکستان زندہ باد‘ جلسہ سے خطاب کریں گے۔
کراچی: تحریک انصاف کے رہنماء فیصل وواڈا نے کہا ہے کہ ملک میں آپریشن ضربِ عضب کامیابی سے جاری ہے تاہم اب اس آپریشن کی ضرورت اسمبلیوں میں بھی ہے۔
تفصیلات کے مطابق فیصل وواڈا نے پریس کانفرنس کرتے ہوئے کہاکہ ’’وفاقی حکومت نے پاناما لیکس سے توجہ ہٹانے کے لیے سانحہ کراچی کروایا تاکہ پاناما لیکس کا معاملہ دبا رہے اور حکمراں اسی طرح ملک کو لوٹتے رہیں‘‘۔
انہوں نے کہا کہ ’’ایم کیو ایم کا ڈرامہ رچا کر راتوں رات متحدہ پاکستان بنائی گئی تاہم حکومت کا یہ ڈرامہ بری طرح سے فلاپ ہوگیا، اس ڈرامے میں وفاقی حکومت ، پی پی اور ایک اعلیٰ شخصیت شامل تھی تاکہ متحدہ اسمبلی سے استعفیٰ نہ دے اور دونوں جماعتیں بحران سے باآسانی باہر آجائیں‘‘۔
اُن کا کہنا تھا کہ پاکستان عجیب و غریب ملک ہے جیل سے باہر نکل کر جرائم میں ملوث شخص صدر بن جاتا ہے تو کوئی جلا وطنی کے بعد وزیر اعظم بن جاتا ہے اور کوئی سنگین جرائم میں ملوث ہونے کے باوجود بھی میئر کراچی بن گیا۔
فیصل وواڈا نے شریف خاندان کی مزید ایک درجن سے زائد آف شور کمپنیوں کا انکشاف کیا، انہوں نے کہا کہ ’’ہماری پریس کانفرنس پر ادارے حرکت میں نہیں آتے تاہم یہ معلومات میڈیا کے ذریعے عوام کو پہنچاتے رہیں گے۔ حکومت کرپشن کررہی ہے مگر اس کے خلاف کوئی کارروائی عمل میں نہیں لا جارہی اگر احتساب کا عمل روکا گیا تو ملک ٹوٹنے کا خطرہ ہے‘‘۔
تحریک انصاف کے رہنماء کا کہنا تھا کہ ’’حکمرانوں کے احتساب کی بات کی جائے تو شور ہوتا ہے کہ یہ جمہوریت کے خلاف سازش کی جارہی ہے جبکہ موجودہ حکومت فوج کو بدنام کرنے کے لیے خود سیاست میں لے کر آئی۔ ہمارے دھرنے کے دوران آئی ایس پی آر نے خود اس بات کی تصدیق کی کہ ’’حکمرانوں نے آرمی چیف آف اسٹاف کو دھرنے ختم کروانے کے لیے ثالثی کا کردار ادا کرنے پر زور دیا‘‘۔
ایم کیو ایم پر تبصرہ کرتے ہوئے فیصل وواڈا نے کہا کہ ’’ایم کیو ایم پاکستان کچھ بھی نہیں بلکہ محض ایک ڈرامہ ہے، متحدہ کا آئین الطاف حسین نے لکھا ہے اور اُن کے مشورے کے بعد کوئی فیصلہ بھی نہیں کیا جاسکتا‘‘۔
پریس کلب پر ملک دشمن تقریر کے حوالے سے فیصل وواڈا نے کہا کہ ’’ملک کے خلاف متنازعہ تقریر مقبوضہ کشمیر میں بھارتی بربریت سے توجہ ہٹانے کے لیے کی گئی تھی اور اس کے ذریعے بھارتی خفیہ را کو بھی خوش کیا لیکن وہ اس تقریر میں تمام حدیں عبور کر گئے‘‘۔
کراچی: مسلم لیگ ن کے سینیٹر انور بیگ نے متحدہ قومی مومنٹ کے خلاف ایک اور مقدمہ کھڑا کردیا۔
اے آر وائی نیوز کے پروگرام لائیو ود ڈاکٹر شاہد مسعود میں اینکر ارشد شریف کے سوال کے جواب میں مسلم لیگ ن کے سینیٹر انور بیگ نے اپنے کراچی چھوڑنے کی وجہ بتادی، ان کا کہنا تھا کہ ایم کیو ایم نے انیس سو پچانوے میں طاقت کے زور پر انہیں کراچی چھوڑنے پر مجبور کیا۔
انور بیگ کا کہنا تھا کہ مجھے1995 میں کراچی چھوڑکر اسلام آباد آنا پڑا، 11جون 1995 کو بوٹ بیسن فائرنگ سے میرا نواسہ جاں بحق ہوا،انہوں نے بتایا کہ میری بیٹی کو3گولیاں اورمیرے داماد کو بھی گولیاں لگیں لیکن تحقیقات سے پتہ چلا ایم کیوایم ورکر اے ایس آئی نوشاد نے فائرنگ کی، اے ایس آئی نوشاد کافائرنگ کرنے کااعترافی بیان موجود ہے۔
انور بیگ نے کہا کہ اےایس آئی نوشاد ایم کیو ایم کا حلف یافتہ کارکن اوراشتہاری تھا ، اعترافی بیان میں نوشاد نے نائن زیرو سے مزار قائد آنے کا بتایا، نوشاد کو بوٹ بیسن میں سرکاری نمبرکی گاڑی پر فائرنگ کاحکم ملا، ایم کیو ایم ورکر اے ایس آئی نوشاد کو کہا گیا کہ سرکاری گاڑی پر فائرنگ کرو۔
انہوں نے بتایا کہ میرا داماد کسٹم میں ملازمت کرتا تھا،مجھے کراچی چھوڑنے پر مجبور کیا گیا، کراچی کی گلی گلی سے واقف ہوں۔
انہوں نے مطالبہ کیا کہ برطانوی حکومت قائد ایم کیو ایم کیخلاف کارروائی کرے، برطانیہ نے کارروائی نہ کی تو برطانوی سفیر کو ملک چھوڑنے کا کہا جائے۔
لاڑکانہ: سابق وزیر اعلیٰ سندھ ممتاز بھٹو نے مسلم لیگ سے علیحدگی کا اعلان کرتے ہوئے اپنی جماعت سندھ نیشنل فرنٹ کو دوبارہ بحال کرنے کا فیصلہ کرلیا۔
ممتاز بھٹو کے ترجمان انور گجر کے مطابق لاڑکانہ میں ممتاز بھٹو کی زیر صدارت اجلاس منعقد کیا گیا جس میں قریبی رفقاء سے مشاورت کے بعد ممتاز بھٹو نے مسلم لیگ ن سے علیحدگی کا فیصلہ کرتے ہوئے سندھ نیشنل فرنٹ کو دوبارہ بحال کرنے کا اعلان کردیا۔
ترجمان نے اس بات کی تصدیق کی ہے کہ ’’مسلم لیگ ن کی اعلیٰ قیادت کی جانب سے ممتاز بھٹو کو مسلسل نظر انداز کیا جارہا تھا جس کے بعد انہوں نے پارٹی قیادت کے سامنے کئی بار احتجاج کیا گیا۔
مسلم لیگ (ن) کی قیادت کی جانب سے مسلسل نظر انداز کئے جانے کے بعد ممتاز بھٹو نے سندھ نیشنل فرنٹ کی ایگزیکٹو کمیٹی کا اجلاس طلب کیا، جس میں انہوں نے کمیٹی کے اراکین کو اپنے تحفظات سے آگاہ کرتے ہوئے کہا کہ ’’صوبے کی بہتری کے لیے مسلم لیگ (ن) میں اپنی پارٹی ضم کی گئی تاہم حکمراں جماعت کی جانب سے سندھ کو مسلسل نظر انداز کیے جانے کے بعد اب دوبارہ نیشنل فرنٹ کو بحال کرکے صوبے کی بحالی کے لیے اقدامات کیے جائیں گے‘‘۔
سندھ نیشنل فرنٹ کو بحال کرنے اور کارکنان سے رابطے بڑھانے کے لیے 9 رُکنی کمیٹی تشکیل کی گئی ہے جو 15 روز میں اپنی سفارشات ایگزیکٹو کمیٹی کو پیش کرے گی۔
مظفر آباد : اسپیکرشاہ غلام قادر کی زیرصدرات آزاد کشمیر اسمبلی کے اجلاس میں مسلم لیگ ن کے امیدوار راجہ فاروق حیدر آزاد کشمیر کے وزیر اعظم منتخب ہو گئے.
تفصیلات کے مطابق مسلم لیگ نواز کے امیدوار راجہ فاروق حیدر کو آزاد کشمیر کا وزیر اعظم منتخب کر لیا گیا ہے،انہوں نے 48میں سے 38ووٹ حاصل کیے،جبکہ ان کے مد مقابل امیدوار چودرھری محمد یاسین اور دیوان غلام محی الدین نے5،5 ووٹ حاصل کیے.
وزیراعظم منتخب ہونے کے بعد اپنے خطاب میں راجہ فاروق حیدر نے کہا کہ پہلی ترجیح تحریک آزادی کشمیرہے،عوام کو ہر شعبے میں میرٹ پر یکساں مواقع فراہم کریں گے.
انہوں نے کہا کہ آزادکشمیر میں گورننس کو ٹھیک کریں گے، آزاد کشمیر کے قدرتی وسائل کو بروئے کار لائیں گے اور تحریک آزادی کشمیرمیں آزاد کشمیر حکومت کے کردار کو اجاگر کریں گے..
وزیراعظم پاکستان کاراجہ فاروق حیدر کو فون اور وزیراعظم آزاد کشمیر منتخب ہونے پر مبارکبادی اور نیک خواہشات کا اظہار کیا.
یاد رہے کہ گزشتہ روز آزاد کشمیر کے صدر سردار محمد یعقوب خان نے قانون ساز اسمبلی کا اجلاس طلب کیا تھاجس میں اسپیکر سردار غلام صادق نے نومنتخب اراکین سے حلف لیا.
اس سے قبل رواں ہفتے آزادکشمیر میں مسلم لیگ ن کی واضح برتری کے بعد وزیراعظم نواز شریف نے راجہ فاروق حیدر کو نئے وزیراعظم آزاد کشمیر بنانے کا اعلان کیا تھا.
واضح رہے کہ راجہ فاروق حیدر مسلم لیگ نواز آزاد کشمیر کے صدر بھی ہیں اور وہ دوسری بار آزاد کشمیر کے وزیر اعظم منتخب ہوئے ہیں.
مظفر آباد : آزاد کشمیر کے علاقے حویلی میں دو سیاسی جماعتوں کے درمیان مسلح تصادم، دوپانچ افراد جاں بحق کئی زخمی ہوگئے۔
تفصیلات کے مطابق آزاد کشمیر کی نشت ایل اے 16 حویلی میں مسلم لیگ ن اور پیپلزپارٹی کے کارکنوں میں ریلی کے دوران تصادم ہوا، جس کے نتیجے میں ایل اے 16 مسلم لیگ ن کے امیدوار چوہدری محمد عزیز بازو اور ٹانگ میں گولی لگنے سے زخمی ہوئے جنہیں اسلام آباد کے نجی اسپتال منتقل کردیا گیا ہے۔
پولیس حکام کے مطابق تصادم میں دونوں پارٹیوں کی جانب سے اسلحے کا آزادانہ استعمال کیا گیا جس کے نتیجے میں دوافراد جاں بحق جبکہ امیدوار سمیت 09 افراد زخمی ہوئے ہیں، جنہیں اسسپتال منتقل کردیا گیا ہے جبکہ شدید زخمی ہونے والے افراد کو راولپنڈی ڈی ایچ کیو اسپتال منتقل کردیا گیا ہے۔
تصادم کے بعد مشتعل افراد نے حویلی میں واقع بازار کی مختلف دکانوں میں آگ لگا دی تھی تاہم بروقت اقدامت کرتے ہوئے آگ پر قابو پالیا ہے۔
ترجمان آزاد کشمیر نے بتایا کہ ’’تصادم کے بعد حویلی میں حالات کشیدہ ہیں تاہم حالات کنٹرول کرنے کے لیے پولیس کی بھاری نفری کو طلب کرلیا گیا ہے اور پیپلزپارٹی کے امیدوار کے ایل اے 16 کے امیدوار اور موجودہ وزیر فیصل راٹھور کے خلاف مقدمہ درج کرلیا گیا، انہوں نے مزید بتایا کہ جاں بحق ہونے والے افراد کا تعلق مسلم لیگ ن سے ہے۔
دوسری جانب مظفرآباد میں مسلم لیگ ن کے صدر کی رہائش گاہ پر اتنخابات کے حوالے سے اپنے منشور کا اعلان کرتے ہوئے وفاقی وزیراطلاعات پرویز رشید نے کہا کہ ’’کسی بھی سیاسی جماعت نے کشمیریوں کے لیے کوئی منشور تیار نہیں کیا صرف مسلم لیگ ن ہی کشمیریوں کے مفادات کے حق میں ہے۔
وفاقی وزیر اطلاعات نے پیپلزپارٹی کو شدید تنقید کا نشانہ بناتے ہوئے کہا کہ پیپلزپارٹی کے وزیر اور کارکنان کی جانب سے لیگی کارکنوں پر فائرنگ کی گئی جس کے نتیجے میں 2 لیگی کارکنان جو جاں بحق جبکہ 10 کو زخمی ہوئے ہیں۔
انہوں نے مزید کہا کہ آزاد کشمیر میں شکست کے خوف سے پی پی اوچھے ہتکھنڈوں پر اتر آئی ہے اور عوام میں خوف پیدا کرنے کی کوشش کررہی ہے، کسی بھی جماعت نے کشمیریوں کے لیے کوئی منشور پیش نہیں کیا
پی پی رہنماء قمر زمان کائرہ نے جوابی پریس کانفرنس میں مسلم لیگ ن کے الزامات کو مسترد کرتے ہوئے کہا کہ ’’ بلاول بھٹو نے سیاسی کامیابیوں کا آغاز کردیا ہے، کشمیر اب آنے والی اصل تبدیلی کو کوئی نہیں روک سکتا۔
لاہور: قائمقام صدر سردار ایاز صادق نے کہا ہے کہ جو لوگ الیکشن کمیشن گئے ہیں اب وہیں سے انصاف لیں، اپوزیشن صرف نواز شریف کا احتساب چاہتی ہے لیکن ایسا نہیں ہو گا ۔
لاہور میں اپنے اعزاز میں دیئے گئے افطار ڈنر کے موقع پر میڈیا سے گفتگو کرتے ہوئے قائمقام صدرسردار ایاز صادق نے کہا کہ مسائل کا حل بات چیت میں ہے سڑکوں پر نہیں ، دھرنوں اور احتجاج کی سیاست کا پاکستان متحمل نہیں ہو سکتا ۔
انہوں نے کہاکہ اپوزیشن کی خواہش ہے کہ ٹی او آرز میں صرف نواز شریف کا نام ڈال کر ان کا احتساب کیا جائے لیکن ایسا نہیں ہو سکتا ۔ احتساب ہوا تو آئین اور قانون کے مطابق ہو گا ،کسی کی خواہش کے مطابق نہیں۔ قائمقام صدر نے کہاکہ جو لوگ الیکشن کمیشن گئے ہیں اب وہاں سے انصاف لیں ۔
ایک سوال کے جواب میں سردار ایاز صادق نے کہاکہ شیخ رشید اکثر تاریخیں دیتے ہیں اب میں ان سے کہوں گا کہ اپنی شادی کی تاریخ بھی دے دیں ۔
