لاہور: اسکول ٹیچر کو قتل کرنے والے 2 ڈاکو مبینہ پولیس مقابلے میں ہلاک ہوگئے، ہلاک ہونے والے ڈاکوؤں کی شناخت عبدالقادر اور شہزادہ کاشف کے ناموں سے ہوئی۔
تفصیلات کے مطابق لاہور کے علاقوں مسلم ٹاؤن اور کاہنہ میں مبینہ پولیس مقابلوں میں چار ڈاکو مارے گئے۔
مسلم ٹاؤن میں مارے گئے دوملزمان نے پروفیسر فاروق اعظم کو قتل کیا تھا ، جس کے بعد اقبال ٹاؤن پولیس نے ٹیچر کو قتل کرنے والے دونوں ڈاکوؤں کوگرفتار کرلیا تھا۔
اقبال ٹاؤن پولیس دونوں زیر حراست ڈاکوؤں کو 6500 ریال ریکوری کیلئے لیکر جا رہی تھی، تو ملزمان کے ساتھیوں نے پولیس پر فائرنگ کر دی۔
ملزمان اپنےہی ساتھیوں کی فائرنگ سے ہلاک ہوگئے، ہلاک ہونے والے ڈاکوؤں کی شناخت عبدالقادر اور شہزادہ کاشف کے ناموں سے ہوئی۔
پولیس پر حملہ کرنے والے ملزم فرارہو گئے جنکی تلاش جاری ہے اور دونوں ڈاکوؤں کی لاشیں مردہ خانے جمع کروا دی گئی ہیں۔
دوسری جانب کاہنہ میں موٹرسائیکل چھین کرفرارہونےوالےڈاکوؤں سے فائرنگ کے تبادلے کے دوران دو ڈاکومارے گئے۔
ڈاکوؤں سے موٹرسائیکل برآمد ہوئی ہے اور ان کی شناخت فرحان اورفرحان عرف زین کےناموں سے ہوئی۔