Tag: مسیحی برادری

  • صدرمملکت اور وزیراعظم کی مسیحی برادری کو کرسمس کی مبارکباد

    صدرمملکت اور وزیراعظم کی مسیحی برادری کو کرسمس کی مبارکباد

    اسلام آباد : صدرمملکت ممنون حسین اوروزیراعظم شاہدخاقان عباسی نےکرسمس کےموقع پراپنے پیغام میں کہا کہ کرسمس ہمیں انسانیت کی فلاح کا پیغام دیتی ہے۔

    تفصیلات کے مطابق کرسمس کے موقع پرصدرممنون حسین نے مسیحی برادری کو مبارکباد دیتے ہوئے کہا کہ مسیحی برادری کی ملک کی ترقی واستحکام کے لیے گرانقدرخدمات ہیں۔

    صدرمملکت نے کہا کہ آئین پاکستان تمام اقلیتوں کوبرابرکے حقوق کی ضمانت دیتا ہے۔


    وزیراعظم کا کرسمس پر پیغام


    وزیراعظم شاہدخاقان عباسی نے مسیحی برادری کو کرسمس پرمبارکباد دیتے ہوئے کہا کہ کرسمس ہمیں انسانیت کی فلاح کا پیغام دیتی ہے۔

    شاہد خاقان عباسی نے کہا کہ ملکی اقتصادی ومعاشرتی ترقی میں مسیحی برادری کا بڑا کردار ہے، مسیحی برادری کی مثبت کاوشیں ملکی ترقی کیلئےکارآمدہوں گی۔


    پاکستان سمیت دنیا بھرمیں مسیحی برادری آج کرسمس کا تہوارمنارہی ہے


    وزیراعظم پاکستان نے کہا کہ حکومت پاکستان مذہب، عقیدے سے بالاترآزادی پریقین رکھتی ہے، مسیحی برادری نے دہشت گردی کے خلاف جنگ میں بھی کردارادا کیا۔

    ‌واضح رہے کہ پاکستان سمیت دنیا بھر میں مسیحی برادری نے آج کرسمس کا تہوار مذہبی جوش وجذبے کے ساتھ منا رہی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مسیحی برادری آج ایسٹرکاتہوارمنارہی ہے

    مسیحی برادری آج ایسٹرکاتہوارمنارہی ہے

    کراچی: دنیابھرکی طرح پاکستان میں بھی مسیحی برادری آج ایسٹرکا تہوار منا رہی ہے‘ اس موقع پر سیکیورٹی کے سخت ترین انتظامات کیے گئے ہیں۔

    تفصیلات کےمطابق پاکستان سمیت دنیا بھرمیں مسیحی برادری آج’ ایسٹر‘کا تہوارپورےجوش وخروش اورمذہبی رواداری کےساتھ منارہی ہے۔

    پاکستان بھر میں گرجا گھروں کو رنگ برنگے برقی قمقموں سے سجایاگیاہے ملک بھر کے تمام گرجا گھروں میں خصوصی عبادات کے دوران ملکی سلامتی،استحکام،امن اوربھائی چارےکےفروغ کےلیےدعائیں مانگی گئیں۔

    اس موقع پرسیکورٹی کے فول پروف انتظامات کیےگئےاورگرجاگھروں میں جانے والوں کو جامہ تلاشی کے بعد اندر جانے کی اجازت دی گئی۔

    عبادات کے بعد مسیحی برادری کےافراد نےقبرستانوں میں جا کراپنےعزیزواقارب کی قبروں پرپھول چڑھائے۔


    سابق صدر آصف علی زرداری کی ایسٹر کے تہوار پر مسیحی برادری کو مبارکباد


    سابق صدرآصف علی زرداری نے مسیحوں کے تہوار ایسٹر کے موقع پر پاکستان اوردنیا بھر میں رہنے والے مسیحیوں کومبارکباد دیتے ہوئے اس عہدکی تجدید کی کہ وہ ہرقسم کی مذہبی منافرت اور مذہبی بنیادوں پربنائے گئے قوانین کے غلط استعمال کو مسترد کرتے رہیں گے۔

    آصف علی زرداری نے ملک کی مسیحی برادری کو زبردست خراج تحسین پیش کرتے ہوئے کہا کہ مسیحی برادری پرامن، وفادار اور قانون پرعمل کرنے والی برادری ہے۔

    انہوں نے یہ بھی کہا کہ مسیحی برادری کا ملکی ترقی اور خوشحالی میں کردار قابل تعریف ہے۔


    وزیراعلیٰ خیبر پختونخوا کی مسیحی برادری کو ایسٹر کے موقع پر دلی مبارک باد


    واضح رہےکہ وزیراعلیٰ خیبر پختونخوا پرویز خٹک نے مسیحی برادری کو ان کے مذہبی تہوار ایسٹر کے موقع پر دلی مبارک باد دیتے ہوئےکہاکہ ایسٹرکےحوالےسے مسیحی برادری کی خوشیوں میں برابرکےشریک ہیں۔

  • حکومت کا مسیحی برادری کےلیےپیرکوتعطیل کا اعلان

    حکومت کا مسیحی برادری کےلیےپیرکوتعطیل کا اعلان

    اسلام آباد:وزارت داخلہ نے مسیحی برادری کےلیےپیر17 اپریل 2017ء کو تعطیل کا اعلان کر دیا۔

    تفصیلات کےمطابق وزارت داخلہ نے مسیحی برادری کےلیے پیر 17 اپریل 2017ء کو عام تعطیل کا اعلان کر دیا ہے۔تعطیل کا فیصلہ ایسٹر کو مدنظر رکھتے ہوئے کیا گیا ہے۔

    ترجمان وزارت داخلہ کےمطابق تعطیل کا اطلاق صرف ملک سرکاری وغیرسرکاری اداروں میں کام کرنے والی مسیحی برادری پرہوگا۔

    ترجمان وزارت داخلہ کاکہناہےکہ پیر کےروز تعطیل کےحوالے سے نوٹیفیکیشن جاری کردیاگیاہے۔ان کاکہناہےکہ چھٹی کافیصلہ وزیراعظم میاں محمد نوازشریف کی خصوصی ہدایت پرکیاگیاہے۔


    کراچی: وزیراعظم کی ہولی کی تقریب میں شرکت


    یاد رہےکہ گزشتہ ماہ وزیر اعظم نواز شریف نے ہندو برادری کےتہوار ہولی کے موقع پر تقریب میں شرکت کی تھی۔تقریب سےخطاب کرتے ہوئےوزیراعظم نے تمام شرکا کو ہولی کی مبارکباد دی تھی۔

    وزیراعظم کا کہناتھاکہ کا کہنا تھا کہ 2 سال پہلے بھی یہاں آ کر خوشی ہوئی تھی۔ ہولی رت بدلنے کا تہوار ہے۔ دل میں محبت نہ تو وہ اس پھول کی طرح ہے جس میں نہ رنگ ہے اور نہ خوشبو۔

    وزیراعظم کا کہنا تھا کہ اسلام دنیا میں سب لوگوں کو ایک نظر سے دیکھتا ہے اور تمام انسانوں کے جان و مال کو ایک جیسی اہمیت دیتا ہے۔


    ہولی، دیوالی اور ایسٹر پر عام تعطیل کی قرارداد منظور


    واضح رہےکہ گزشتہ سال 15مارچ کو قومی اسمبلی نے ہولی،دیوالی اورایسٹر پراقلیتوں کےلیےعام تعطیل کی قرارداد منظور کرلی تھی۔

  • دنیا بھر میں کرسمس کے رنگ

    دنیا بھر میں کرسمس کے رنگ

    دنیا بھر میں کرسمس کا جشن جوش و خروش سے منایا گیا۔ دنیا بھر میں حضرت عیسیٰ کے ماننے والوں نے عبادت گاہوں میں دنیا کی امن و آشتی کے لیے دعائیں مانگیں۔

    10

    ناسا کی جانب سے جاری کی گئی تصویر جس میں کرسمس کے موقع پر دنیا بھر میں جلائی گئیں روشنیاں خلا سے بھی دیکھی جاسکتی ہیں۔

    c-post-1

    کراچی میں پیپلز پارٹی کے چیئرمین بلاول بھٹو نے سینٹ پیٹرک چرچ کا دورہ کیا اور مسیحی برادری کی خوشیوں میں شریک ہوئے۔

    5

    ویٹی کن سٹی کے مرکزی چرچ میں عیسائی مذہبی رہنما پوپ فرانسس آنے والوں کے استقبال کے لیے کھڑے ہیں۔

    8

    برطانوی ملکہ الزبتھ گو کہ ناسازی طبیعت کے باعث کرسمس کی تقریبات میں شرکت تو نہ کرسکیں، تاہم اس موقع کے لیے انہوں نے اپنا پیغام ضرور ریکارڈ کروایا۔

    11

    امریکی صدر اوباما نے اپنے اہل خانہ کے ساتھ وائٹ ہاؤس میں آخری کرسمس منائی۔

    3

    ورجینیا میں سانتا کلاز نے اسکی انگ کا مظاہرہ کیا۔

    2

    نیو میکسیکو میں کرسمس کے دن پیدا ہونے والے بچوں کو سرخ، سبز اور سفید لباسوں میں لپیٹ دیا گیا۔

    1

    روس میں منفی 20 ڈگری سینٹی گریڈ میں سانتا کلاز نے پانی میں کرسمس ٹری سجایا۔

    4

    بلغاریہ کے دارالحکومت صوفیہ میں ایک چرچ میں شمعیں جلانے کا منظر۔

    7

    بھارت میں ساحل پر کرسمس کی مناسبت سے ریت سے مجسمے تخلیق کیے گئے۔

    6

    جرمنی کے ایک چڑیا گھر میں ایک اوٹر انتظامیہ کی جانب سے ملنے والے اپنے کرسمس کے تحفے کو دیکھ رہا ہے۔ سرخ کاغذ میں اوٹر کی پسندیدہ خوارک مچھلی لپٹی ہوئی ہے۔

    9

    جارجیا میں ایک چوک پر نصب مجسمے کو کرسمس ٹری کی طرز پر سجایا گیا۔

  • حضرت عیسٰی علیہ السلام نے دنیاکومحبت اور امن کادرس دیا،صدر،وزیراعظم

    حضرت عیسٰی علیہ السلام نے دنیاکومحبت اور امن کادرس دیا،صدر،وزیراعظم

    اسلام آباد: صدرممنون حسین اور وزیراعظم نوازشریف کا کہناہےکہ حضرت عیسٰی علیہ السلام نے دنیا کومحبت،امن اوربرداشت کا درس دیا۔

    تفصیلات کےمطابق صدرممنون حسین اور وزیراعظم میاں محمد نواز شریف نےمسیحی برادری کوکرسمس کت تہوار پر مبارکباد دی۔

    کرسمس کے تہوار پرصدرممنون حسین کاکہناتھاکہ کرسمس حضرت عیسیٰ علیہ اسلام کی تعلیمات کی یاددلاتاہے،ان کی تعلیمات پوری انسانیت کےلیےقابل تقلیدہیں۔

    صدرمملکت ممنون حسین کامزید کہناتھاکہ جمہوری حکومت بین المذاہب ہم آہنگی کےفروغ کےلیےکوشاں ہے۔

    وزیراعظم نواز شریف نےبھی مسیحی برادری کوکرسمس کی مبارکباددیتےہوئے کہاکہ حضرت عیسیٰ علیہ اسلام نےدنیابھرکوامن،بھائی چارےاورانسانیت کادرس دیا،کرسمس محبت،امن اوربرداشت کی عکاسی کرتاہے۔

    وزیراعظم کامزیدکہناتھاکہ آئین قائداعظم کےرہنمااصولوں کےمطابق اقلیتوں کےحقوق کاضامن ہے،جمہوری حکومت اقلیتوں کےحقوق کےتحفظ کےلیےپُرعزم ہے۔

    مزید پڑھیں:پاکستان سمیت دنیا بھرمیں مسیحی برادری آج کرسمس کاتہوار منارہی ہے

    واضح رہے کہ مسیحی برادری کی جانب سے آج کرسمس کاتہوار مذہبی عقیدت واحترام اور جوش جذبے کےساتھ منایا جارہاہے۔

    عیسائی برادری کی جانب سےگرجا گھروں کو برقی قمقموں،اورپھولوں کے ساتھ نہایت خوبصورتی سے سجایاگیاہے۔

  • پاکستان سمیت دنیا بھرمیں مسیحی برادری آج کرسمس کاتہوار منارہی ہے

    پاکستان سمیت دنیا بھرمیں مسیحی برادری آج کرسمس کاتہوار منارہی ہے

    اسلام آباد:پاکستان سمیت دنیابھر میں آج مسیحی برادری کرسمس کا تہوار جوش وخروش سے منارہی ہے۔

    تفصیلات کےمطابق مسیحی برادری کی جانب سے آج کرسمس کاتہوار مذہبی عقیدت واحترام اور جوش جذبے کےساتھ منایا جارہاہے۔

    کرسمس کے تہوار کے حوالےسے ملک بھر کےگرجاگھروں،مسیحی علاقوں اور بستیوں میں کرسمس کی خصوصی تقاریب منعقد ہوں گی،جہاں مسیحی برادری کی جانب سے خصوصی عبادت کی جائے گی اور ملک کی اور خوشحالی کے لیے دعائیں مانگی جائیں گی۔

    مسیحی برادری حضرت عیسٰی علیہ السلام کی ولادت کی خوشی میں ہرسال 25دسمبرکوکرسمس کا تہوار مناتے ہیں جس میں عیسائی برادری کی جانب سےگرجا گھروں اور اپنے گھروں کو برقی قمقموں،اورپھولوں کے ساتھ نہایت خوبصورتی سے سجایا جاتاہے۔

    کرسمس کے تہوار پر مسیحی براردی کی جانب سے ایک دوسرے کو تحائف بھی دیےجاتے ہیں۔

    ویٹیکن سٹی میں کرسمس کی مرکزی تقریب کا انعقاد کیا گیا،کیتھولک عیسائیوں کے روحانی پیشوا پوپ فرانسس کا بچوں اور خصوصاََ جنگ سے متاثرہ بچوں کے ساتھ شفقت سے پیش آنے پر زوردیا۔

    پوپ فرانسس نےمزید کہا کہ ایسے بچوں کی بھوک مٹانے کی کسی کو پروا نہیں ان کے ہاتھوں میں کھلونوں کے بجائے ہتھیار ہیں۔

    واضح رہے کہ وفاقی اور صوبائی حکومتوں کی جانب سے کرسمس کے تہوار کےموقع پر مسیحی برادری کے جان ومال کے تحفظ کو یقینی بنانے کے لیےسیکیورٹی کے سخت انتظامات کیے گئے ہیں۔

  • مسیحی برادری کا مذہبی تہوارکرسمس آج منایا جائے گا

    مسیحی برادری کا مذہبی تہوارکرسمس آج منایا جائے گا

    اسلام آباد / کراچی / لاہور / پشاور / کوئٹہ : عیسائی برادری برادری کا مذہبی تہوار کرسمس آج عقیدتوں احترام سے منایا جا رہا ہے، ملک میں بھر میں کرسمس کی تیاریاں عروج پر پہنچ گئیں، مسیحی برادری کی خوشی کے موقع پر وزیراعظم نواز شریف نے مسیحی برادری کو بھی خوشخبری سنادی، اس موقع پر سیکیورٹی کے فول پروف انتظامات کیے گئے ہیں۔

    تفصیلات کے مطابق دنیا بھر کےمسیحی پچیس دسمبر کو حضرت عیسٰی کایوم ولادت مناتےہیں گرجاگھروں میں خصوصی عبادت سےدن کاآغازکرتے ہیں، مسیحی براداری اپنے مذہبی تہوار کو منانے کے لئے پرجوش ہیں۔

    پاکستان میں بھی کرسمس کا تہوار مذہبی جوش و جذبے سے منایا جا رہا ہے، اس موقع پر گرجا گھروں میں خصوصی دعائیہ تقریبات منعقد کی جائیں گی، جس میں ملک پاکستان کی ترقی اور خوشحالی کیلیے دعائیں مانگی جائیں گی۔

    علاوہ ازیں مسیحی برادری کے تہوار پر وزیراعظم نواز شریف نے بجلی کی لوڈشیڈنگ نہ کرنے کی ہدایت کر دی ہے، کراچی میں رینجرز حکام نے سیکیورٹی کی حکمت عملی تیار کرلی، رینجرز اہلکار گرجا گھروں سمیت اہم مقامات پر تعینات کئے گئے ہیں۔

    فیصل آباد میں اسلحہ لہرانے اور ہوائی فائرنگ پر پابندی عائد کردی گئی، کوئٹہ میں پولیس نے سیکیورٹی پلان مرتب کرلیا۔ پشاور میں بھی کرسمس بھرپور طریقے سے منانے کی تیاری ہوگئی، کسی نے رشتے داروں سے ملنا ہے تو کوئی بال کٹواکر ہیرو بن رہا ہے۔

    پاکستان ریلوے کی جانب سے مسیحی برادری کے لیے خوبصورت رنگوں سے مزین تحفہ کرسمس ٹرین ہر سو خوشیاں بانٹ رہی ہے کرسمس ٹرین میں تین گیلریز اوردو فلوٹس ہیں جن پر جگمگ کرتا کرسمس ٹری اورتہوار سے متعلق اشیا سجائی گئی ہیں قائد کے اقوال بھی ٹرین کا حصہ ہیں۔

    ٹرین کی ایک گیلری میں پاکستان میں موجود مشہور اور بڑے گرجا گھروں کے ماڈلز رکھے گئے ہیں ۔ ٹرین میں پاکستان کےمسیحی ہیروز کی تصاویرلگا کر انہیں خراج تحسین پیش کیا گیاہے۔ سرخ رنگ سےمزین ٹرین پرسانتا کلاز اور اسنو مین بھی بنائے گئے ہیں پاکستان ریلوے کی کرسمس ٹرین امن کاپیام لے کر چل پڑی ہے،جگمگ کرتی یہ ٹرین چھوٹے بڑے کئی شہروں سے ہوتے ہوئے اکتیس دسمبر کوآخری منزل کراچی پہنچے گی۔

    لاہور میں مسلم لیگ نون کی جانب سے کرسمس کے موقع پر کرسمس بازار سجا کر مسیحی برادری سے یکجہتی کا اظہار کیا گیا۔ حکمران جماعت نے لاہور میں کرسمس کے موقع پر دیگر تقریبات کے ساتھ ساتھ اپنے ضلعی آفس میں کرسمس کیک کاٹا اور مسیحی برادری کیلئے کرسمس بازار کا انعقاد کیا۔

    تقریب میں لارڈ میئر کرنل ریٹائرڈ مبشر جاوید اور صوبائی وزراء نے خصوصی شرکت کی۔ تقریب سے خطاب کرتے ہوئے کرنل ریٹائرڈ مبشر جاوید کا کہنا تھا کہ اسلام رواداری اور امن کا درس دیتا ہے۔ مسلم لیگ نون کی حکومت اس سلسلے میں عملی اقدامات اٹھا رہی ہے۔

    انہوں نے مسیحی برادری کو کرسمس پر خصوصی مبارکباد دیتے ہوئے کہا کہ وہ پاکستان کی تعمیر و ترقی میں اپنی کوششیں جاری رکھے۔

  • مسیحی برادری آج ایسٹرکا تہوارمنا رہی ہے، صدر اور وزیراعظم کی مبارکباد

    مسیحی برادری آج ایسٹرکا تہوارمنا رہی ہے، صدر اور وزیراعظم کی مبارکباد

    کراچی : دنیابھرکی طرح پاکستان میں بھی مسیحی برادری آج ایسٹرکا تہوار منا رہی ہے۔صدر اور وزیراعظم نےمسیحی براردی کوایسٹرکی مبارکباد دیتے ہوئے نیک خواہشات کااظہار کیا۔

    ملک بھر میں ایسٹر کا آغاز گرجا گھروں میں امن و سلامتی کی دعاؤں کےساتھ ہوا۔ مسیحی برادری نےایسٹرکیلئےخصوصی عبادات کااہتمام کیا۔

    گرجا گھروں میں شمعیں روشن کی گئیں اور خصوصی گیت بھی گائےگئے۔ کوئٹہ، کراچی، پشاور اور لاہورمیں بھی مسیحی برادری ایسٹرکا تہوارمذہبی عقیدت سےمنا رہی ہے۔

    گرجا گھروں میں سخت سیکیورٹی انتظامات بھی کیےگئےہیں۔ صدرممنون حسین نےمسیحی برادری کو مبارکباد پیش کرتے ہوئے کہا کہ پاکستانی آئین اقلیتوں کےحقوق کےتحفظ کی ضمانت دیتاہے۔

    وزیر اعظم نوازشریف کا کہنا تھا کہ ملکی ترقی میں مسیحی برادری سمیت تمام اقلیتوں کا کردارلائق تحسین ہے۔

  • سانحہ لاہور: ایبٹ آباد اور چمن کی مسیحی برادری سڑکوں پر آگئی

    سانحہ لاہور: ایبٹ آباد اور چمن کی مسیحی برادری سڑکوں پر آگئی

    ایبٹ آباد+ چمن : سانحہ لاہور کے خلاف ایبٹ آباد اور چمن میں بھی مسیحی برادری نے احتجاجی مظاہرہ کیا، مظاہرین کا حکومت سے سانحہ کے ذمہ داران کے خلاف سخت ترین کارروائی کا مطالبہ کیا۔

    ڈپٹی کمشنر کے دفتر کے باہرسینٹ لوکس اور کیتھولک چرچ سے تعلق رکھنے والی مسیحی برادری نے احتجاجی مظاہر ہ کیا،مظاہرین نے بینرز اور پلے کارڈزا ٹھائے ہوئے تھے، جن پرپنجاب حکومت کے خلاف نعرے درج تھے۔

    مظاہرین کا کہنا تھا کہ حکومت مسیحی برادری کو تحفظ فراہم کرنے میں مکمل ناکام ہو چکی ہے، حکومت اس سانحہ کے ذمنہ داران کے خلاف سخت ترین کاروائی عمل میں لائے۔

    علاوہ ازیں چمن میں چرچ پر خودکش حملوں کے خلاف مسیحی برادری نے احتجاجی مظاہرہ کیا ۔احتجاجی مظاہرہ سینٹ پال چرچ سے شروع ہوا اور شہر کی تمام بڑی شاہراہوں سے ہوتے ہوئے سینٹ پال چرچ پر اختتام پذیر ہوا ۔

    اس موقع پر سینٹ پال چرچ کے پادری ویکٹر بھٹی اور دیگر نے حکومت سے مطالبہ کرتے ہوئے کہا کہ حکومت عیسائیوں کی تحفظ کو یقینی بنائے،انہوں نے کہا کہ  گرجا گھروں کے سامنے پولیس کے بجائے فوج کو تعینات کیا جائے۔

    انہوں نے کہا کہ دہشت گردی کی وارداتوں میں  ملوث  سے ملک دشمن عناصر سے  آہنی ہاتھوں سے نمٹا جائے،اور سانحہ کے ذمہ داران کیخلاف سخت سے سخت کارروائی کی جائے۔

  • دنیا بھر میں کرسمس کی تقریبات جاری

    دنیا بھر میں کرسمس کی تقریبات جاری

    پاکستان سمیت دنیا بھرمیں مسیحی برادری سے تعلق رکھنے والے افراد آج کرسمس منا رہے ہیں،کرسمس کی تقریبات کا آغاز خصوصی دعائیہ تقریبات سے کیا گیا۔

    دنیا بھر میں مسیحی برادری سے تعلق رکھنے والے دو ارب سے زائد افراد کرسمس تقریبات روایتی جوش و جذبےسے منا رہے ہیں، روم میں واقع عیسائت کے مرکز ویٹکن سٹی کے سینٹ پیٹرز چرچ میں خصوصی دعائیہ تقریب کا انعقاد کیا گیا۔

    تقریب میں عالمی عیسائی پیشوا پوپ فرانسس نے شرکت کی اور خصوصی دعا کرائی، جسمیں لوگوں کو خود غرضی اور غرور سے بچنے اور کھلے دل کے ساتھ دل جیتنے کی تلقین کی، سینٹ پیٹرز چرچ میں دس ہزار سے زائد افراد نے خصوصی دعائیہ تقریب میں شرکت کی۔

    یورپ میں شدید سردی کے باوجود مختلف ممالک میں شہروں کو نہایت خوبصورتی سے برقی قمقموں اور کرسمس ٹری سے سجایا گیا، یورپ بھر میں خصوصی دعائیں اور تحائف تقسیم کرنے کا سلسلہ جاری ہے، امریکا میں بھی کرسمس کے موقع پر پورے ملک کو انگ برنگہ لائٹوں سے سجا گیا، اس موقع پر کرسمس بازاروں میں خصوسی ڈسکاونٹ بھی دیا جارہا ہے۔

    شہریوں کا کہنا ہے کہ کرسمس کے موقع پر ضروری اشیاء سستے داموں میں مل جاتی ہیں، شام میں جاری کرسمس کے موقع پر گرجا گھروں میں خصوصی دعائیں کی گئیں، جس میں امن سے رہنے کا پیغام دیا گیا، عراق میں رہنے والے مسیحی بھی کرسمس کا تہوار جوش و خروش کیساتھ منارہے ہیں۔

    اس موقع پر لوگ ایک دوسرے کیساتھ خوشیاں اور تحائف بانٹنے میں مصروف ہیں، افغانستان مٰیں نیٹو اور اتحادی افواج کے اہل کاروں نے کرسمس مناتے ہوئے کہا کہ وہ اس خوشی کے موقع پر اپنے گھروں سے دور ہیں اور اپنے عزیز و اقاریب کو بہت یاد کررہے ہیں۔
            ا