Tag: مشال ملک

اسلام آباد: حریت پسند رہنما یاسین ملک کی اہلیہ نے کہا ہے کہ مقبوضہ کشمیرمیں بھارتی جارحیت اور ظلم و بربریت سے معصوم بچے بھی محفوظ نہیں وہاں 9 ماہ کی بچی بھی پیلٹ گن کا نشانہ بنی۔

حریت پسند کشمیری رہنما یاسین ملک کی اہلیہ مشال ملک اسلام آباد میں ہونے والی کشمیر کانفرنس سے خطاب کررہی تھیں انہوں نے کہا کہ مودی سےمتعلق امریکا سمیت دنیا بھرمیں مہم کی ضرورت ہے کیوں کہ کل تک مودی پرامریکا میں داخلےپر پابندی تھی جب کہ آج اس کا استقبال ہوتا ہے۔

انہوں نے کہا کہ بھارت بین الاقوامی توجہ حاصل کرنے کے لیے لابنگ کر رہا ہے اس لیے ورلڈ اکنامک فورم میں کشمیریوں کی محرومیوں کی بات کرنا ہو گی جس کے لیے بیرون ملک جانے والے وفود میں کشمیریوں کی حقیقی نمائندگی کی ضرورت ہے۔

مشال ملک کا کہنا تھا کہ بھارت حریت پسند رہنماؤں کو تشدد کا نشانہ بنا رہا ہے اور انہیں بے گناہ قید کررکھا ہے اسی طرح یاسین ملک پر بھی دوران حراست بہیمانہ تشدد کیا جارہا ہے جس کے باعث ان کی جان کو خطرہ لاحق ہو گیا۔

انہوں نے کہا کہ عالمی برادری کو حریت پسند رہنماؤں پر تھرڈ ڈگری تشدد کا نوٹس لیتے ہوئے ہزاروں نوجوانوں کے قاتل بھارت کو عالمی عدالت کے کٹہرے میں کھڑا کرنا چاہیے۔

اسلام آباد : حریت پسند رہنما یاسین ملک کی اہلیہ مشال ملک نے کہا کہ مودی کے ہاتھ انسانوں کے خون سے رنگے ہوئے ہیں۔

اسیرحریت پسند رہنما یاسین ملک کی اہلیہ مشال ملک جو ان دنوں اپنے شوہر کی رہائی اور تحریکِ آزادی کشمیر میں متحرک کردار ادا کررہی ہیں نے اپنے بیان میں بھارتی وزیراعظم نریندر مودی کو شدید تنقید کا نشانہ بنایا ہے۔

مشال ملک کا کہنا ہے کہ بھارتی وزیراعظم نریندر مودی مقبوضہ کشمیر میں چنانی نشری ٹنل کا افتتاح کر رہے ہیں، جو کشمیرکو نئی دہلی سے ملارہا ہے تا کہ ٹنل کے ذریعے بھارتی فوج اور اسلحےکی آمدورفت کو یقینی بنایا جائے۔

انہوں نے کہا کہ ٹنل کے ذریعے بھارت مقبوضہ کشمیر پر قبضے کو مزید مضبوط بنا رہا ہے تاکہ مذید اسلحہ بارود اور افواج کو نہتے کشمیریوں پر مسلط کر کے ان کی نسل کشی کی جا سکے جس کا عالمی برادری کو نوٹس لینا چاہیئے۔

مشال ملک نے کہا کہ گزشتہ ایک ماہ میں18 کشمیری شہید اور 500سے زائد زخمی ہوئے ہیں اس پر بھی بھارتی سفاکیت نرم نہ پڑی اور اب ٹنل کے ذریعے کشمیر کو فوجی چھاؤنی بنانے کی کوشش کی جا رہی ہے۔

انہوں نے کہا کہ دنیا کی تاریخ میں سب سے بڑی ریاستی دہشت گردی بھارت کر رہا ہے اور ہر گذرتے دن کے ساتھ ساتھ مقبوضہ کشمیر میں بھارتی مظالم میں بھی روز بہ روز اضافہ ہوتا جا رہا ہے۔

اسلام آباد : حریت پسند رہنما یاسین ملک کی اہلیہ مشال ملک نے بھارت کو دہشت گرد ملک قرار دیتے ہوئے کہا ہے کہ بھارت کئی دہائیوں سے مقبوضہ کشمیر میں دہشت گردی کررہا ہے۔

تفصیلات کے مطابق مشال ملک اسلام آباد میں پریس کانفرنس سے خطاب کر رہی تھیں اُن کا کہنا تھا کہ بھارت پاکستان پر جنگ مسلح کرنا چاہتا ہے تاکہ مسئلہ کشمیر دنیا کی نظروں سے اوجھل رہے۔

مشال ملک نے میٰڈیا سے گفتگو کے دوران اپنے شوہر اور حریت پسند رہنما یاسین ملک کی گرفتاری اور تشدد کے حوالے سے تفصیلات بتاتے ہوئے کہا کہ کو بھارتی فوج کی جانب سے یاسین ملک کو سخت مظالم کا نشانہ بنایا جا رہا ہے انہیں چھ دن تک پانی نہیں پلا یا گیا اور جس جگہ پر انہیں رکھا گیا ہے وہ انتہائی تنگ اورگندی ہے۔

انہوں نے بتا یا کہ یاسین ملک سے ان کی والدہ تک کو بھی نہیں ملنے دیا جا رہا ہے حالانکہ اس دوران یاسین ملک کی طبیعت خراب ہوئی تو بھارتی فوج انہیں ہسپتال لے گئی جہاں ڈاکٹروں نے کہاکہ ان کی حالت تشویشناک ہے ،انہیں فوری طورپر آئی سی یو میں رکھنا پڑے گا لیکن بھارتی فوج دوبارہ انہیں اپنے ساتھ واپس جیل میں لے گئی۔

مشال ملک نے بھارتی حکام سے سوال کیا کہ کیا یاسین ملک دہشت گرد ہیں وہ ایک سیاسی رہنما ہیں لیکن انہیں ایسے قید کیا گیا ہے،جیسے وہ دہشت گرد ہیں ان کے ساتھ عادی مجرموں جیسا سلوک کیا جا رہا ہے۔

مشال ملک نے کہا کہ معصوم کشمیر کئی دہائیوں سے آزادی مانگ رہے ہیں لیکن ابھی تک دنیا نے اس طرف توجہ نہیں دی ،امریکی اخبارات میں کشمیری جدو جہد کو مقامی لکھا جا رہا ہے ،بین الاقوامی دنیا اب مقبوضہ کشمیر میں بھارتی مظالم کا نوٹس لے۔

ان کا مزید کہنا تھا کہ برہانی وانی کی شہادت کے بعد اس تحریک کا جذبہ بڑھتا جا رہا ہے،سو سے زائد لوگ شہید ہو گئے،ہزاروں کشمیری بینائی سے محروم ہوگئے ہیں۔

اسلام آباد : گزشتہ 56 روز سے گرفتار معروف کشمیری حریت پسند رہنما یاسین ملک 4 روز سے لا پتہ ہو گئے ہیں،کسی جیل،عدالت یا اسپتال میں موجود نہیں۔

تفصیلات کے مطابق حریت پسند رہنما یاسین ملک کا گزشتہ چار سے کچھ پتہ نہیں چل پا رہا ہے کہ وہ اس وقت کہاں ہیں،انہیں بھارتی فورسز نے طبعیت بگڑنے پرچارروزقبل جیل سے اسپتال منتقل کرنے کا کہا تھا۔

یاسین ملک کی اہلیہ کا کہنا ہے کہ 56 روز سے گرفتار یاسین ملک کو بھارتی فوج نے 4 روز قبل جیل سے اسپتال لے جانے کا کہہ کر نامعلوم مقام پرمنتقل کردیا ہے۔

مشال ملک کا کہنا تھا کہ چار روز قبل جیل میں یاسین ملک کی طبعیت بگڑ جانے کے سبب فورسز کی جانب سے اسپتال منتقل کرنے کا کہا گیا تھا تا ہم انہیں کہاں منتقل کیا گیا ہے اس بارے میں سیکیورٹی فورس نے کچھ نہیں بتایا۔

یاسین ملک کے اہل خانہ نے ایک ایک تھانے اوراسپتال جا کر معلوم کیا ہے لیکن یاسین ملک کہیں موجود نہیں ہیں جس کے باعث صورت حال کافی خطرناک لگ رہی ہے۔

حریت پسند رہنما کی اہلیہ کے مطابق اُن کے شوہر کواسپتال منتقل کرنے کے بجائے نامعلوم انٹیروگیشن سنٹر لے جایا گیا ہے جہاں اُن پر تشدد کیا جائے گا اور تحریک آزادی کشمیر سے علیحدگی کے لیئے دباؤ ڈالا جائے گا۔

مشال ملک نے مطالبہ کیا کہ یاسین ملک بیمار ہیں اس لیے انہیں فی الفور رہا کیا جائے تا کہ وہ اپنا مکمل علاج کراسکیں۔