اسلام آباد : مسلم لیگ ن کے رہنما مشاہد حسین کا کہنا ہے کہ رجیم چینج کا سب سے زیادہ فائدہ پی ٹی آئی اور عمران خان کو ہوا ، سیاسی قیادت مستقبل کے فیصلے خود نہ کرسکے تو پھر قیادت کی اہل نہیں۔
تفصیلات کے مطابق مسلم لیگ ن کے رہنما مشاہدحسین نے اے آر وائی نیوز کے پروگرام ‘سوال یہ ہے’ میں گفتگو کرتے ہوئے کہا کہ اس وقت مین ایشو سیاست ہے،معیشت کی خرابی کی جڑسیاست ہے، کوئی بھی اداروں کیساتھ لڑائی نہیں جیت سکتا۔
مشاہد حسین کا کہنا تھا کہ پی ٹی آئی ارکان کواسمبلی میں واپس آکربات چیت کرنی چاہیے اور حکومت کوپہل کرنی چاہیےٓ ، گفتگو سے مسئلے کا حل نکالا جا سکتا ہے۔
ن لیگی رہنما نے کہا کہسیاسی قیادت مستقبل کےفیصلےخودنہیں کرسکتی تو پھرقیادت کےقابل نہیں، تمام اسٹیک ہولڈرکوساتھ بیٹھ کرمسائل کاحل نکالناچاہیے، تمام اسٹیک ہولڈربیٹھیں گےتوپھرکسی گارنٹی کی ضرورت نہیں ہوگی۔
بیک ڈور مذاکرات کے حوالے سے ان کا کہنا تھا کہ گارنٹی لینےدینے کی باتیں ہوں گی توپھرکوئی حل نہیں نکلے گا، نظریہ ضرورت ہویاذاتی مفادات پھرتوبات کر کے حل نکال لیاجاتاہے، اس وقت سیاسی خانہ جنگی کی صورتحال تومسئلےکاحل کیوں نہیں نکالاجارہا۔
مشاہد حسین نے کہا کہ سیاسی جماعت یا قیادت کو سیاست کے ذریعے ہی کرش کرسکتےہیں، ماضی میں بھی سیاسی جماعتوں کو کرش کرنےکی کوشش کی گئی لیکن ناکامی رہی،ہم پرانی غلطیاں نہ دہرائیں توملک کےلیےبہترہوگا، پرانی غلطیاں کریں گےتواس کےنتائج بھی ویسےہی نکلیں گے۔
مسلم لیگ ن کے رہنما کا کہنا تھا کہ ذوالفقاربھٹوکوکرش کیاگیا تو ان کی بیٹی آگئی اورجماعت نے بھی حکومت کی، ڈس انفارمیشن مہم یاڈرٹی مہم سےلوگوں کی رائےتبدیل نہیں ہوتی، اس وقت ملک کےلیےایک راستہ نکالنےکی ضرورت ہے۔
انھوں نے مزید کہا کہ چین ایران اور سعودی عرب کی صلح کراسکتاہے تو سعودی عرب بھی پاکستان میں سیاسی استحکام کیلئے راستہ نکال سکتاہے، فیصلے واشنگٹن میں نہیں ہوں گے ہم نے خود کرنے ہیں۔
مشاہد حسین کا کہنا تھا کہ کوئی بھی پارٹی الیکشن سے نہیں بھاگتی بس آئین پرعمل کرناچاہیے، ضیاالحق توچلے گئے ہیں لیکن ان کی سوچ ابھی بھی زندہ ہے، اگر کوئی مثبت نتائج کا انتظار کررہاہے تو غلط فہمی کاشکار ہے۔
ن لیگی رہنما نے کہا کہ الیکشن اس سال ہونےہیں،الیکشن نہیں ہونگےتوپھرسب کاکام خراب ہے،جمہوریت،انتخابات اوربیلٹ باکس کو روکنے کی کوشش کی گئی تو ملک کیلئےاچھانہیں ہوگا۔
انھوں نے بتایا کہ نرم انقلاب،ایمرجنسی،مارشل لا ہم نےسب تودیکھ لیا، یہ وقت آگےبڑھنےکاہے،سیاسی لوگ ہی فیصلہ کرسکتےہیں، سیاسی لوگ فیصلہ نہیں کریں گے تو پھر کوئی اورفیصلہ کرے گا۔
مشاہد حسین نے خبردار کیا کہ پاکستان کی فالٹ لائنزنہ دی جائیں ورنہ اس سےکوئی اورفائدہ اٹھائےگا، کوئی اگریہ کہےکہ ہم کسی کو کرش کرسکتےہیں تواس کا فائدہ نہیں ہوگا، یہ وقت ملک کےحالات بہترکرنےکی ضرورت ہے
رہنما ن لیگ نے اعتراف کیا کہ رجیم چینج کاسب سےزیادہ فائدہ پی ٹی آئی اورعمران خان کوہواہے، کوشش ہے اس دلدل سےراستہ نکلے اور مسائل حل ہوں۔
ان کا مزید کہنا تھا کہ میراکسی سےکوئی رابطہ نہیں ہے،کوئی بیک ڈوررابطہ بھی نہیں ، میں کسی سےاین اوسی لےکرسیاست نہیں کرتابطور پاکستانی بات کرتا ہوں۔
