Tag: مشترکہ ٹی او آرز

پشاور: پاکستان تحریک انصاف کے چیئر مین عمران خان نے کہا ہے کہ اگر حکومت پاناما لیکس کی تحقیقات کے لیے ٹی او آرز پر متفق نہ ہوئی تو سڑکوں پر آئیں گے۔

وزیر اعلی ٰہاؤس پشاور میں پی ٹی آئی کے صوبائی کابینہ کے اراکین سے خطاب میں عمران خان نے کہا کہ پاناماپیپرز کے حوالے سے خاموش نہیں بیٹھیں گے ۔

ان کا کہنا تھا کہ تحقیقاتی کمیشن کے ٹی او آرزپر حکومت اس وقت رضامند ہوئی جب وہ سڑکوں پر نکلے، عمران خان نے کہا کہ اگر حکومت اپوزیشن کے ٹی او آرز پر متفق نہ ہوئی تو آخری آپشن کے طور پر سڑکوں پر نکل آئیں گے۔

گزشتہ روز پارلیمانی کمیٹی کے ہونے والے اجلاس میں بھی حکومت اور اپوزیشن کی ٹیموں کے درمیان پر "ٹی او آرز” کی تشکیل میں ڈیڈ لاک برقرار رہا،حکومتی و اپوزیشن رہنماؤں نے ایک دوسرے کو ڈیڈ لاک کا ذمہ دار قرار دے دیا۔

کراچی : قومی اسمبلی میں اپوزیشن لیڈر اور پی پی پی کے مرکزی رہنما سید خورشید شاہ نے کہاہے کہ وزیراعظم نواز شریف پارلیمنٹ میں آکرہمارے ساتھ تعاون کریں، مشترکہ طور پو ٹی آراوز بنا کر مسئلہ کا حل نکالا جا سکتا ہے۔

ان خیالات کا اظہار انہوں نے کراچی میں میڈیا سے بات چیت کرتے ہوئے کیا، سید خورشید شاہ نے کہا کہ دھرنے کے موقع پر اپوزیشن نے ہی وزیراعظم کو پارلیمنٹ کا راستی دکھایا تھا، اور وزیر اعظم نے خود کہا تھا کہ پارلیمنٹ ہی تمام مسائل کا حل نکال سکتی ہے۔

ان کا کہنا تھا کہ اپوزیشن ہر حال میں جمہوریت کا تسلسل چاہتی ہے اس کو ڈی ریل نہیں ہونے دیں گے، ۔کراچی میں پریس کانفرنس کرتے ہوئے انہوں نے کہا کہ وزیر اعظم کو پارلیمنٹ میں آکر ہمارے سوالوں کا جواب دینا چاہیے۔

نواز شریف کے لیے بہتر موقع ہے ،ورنہ مسئلے ختم نہیں ہونگے، انہوں نے کہا کہ چیف جسٹس کے خط نے بند گلی کو کھول دیا ہے۔

انہوں نے بھی کہا کہ وہ ٹی آر اوزپر کیا چاہتے ہیں، ان کا کہنا تھا کہ وزیر اعظم پارلیمنٹ میں آئیں ،مل بیٹھ کر اس مسئلے کا حل نکالیں گے اور متفقہ ٹی او آرز بنائیں گے ،پارلیمنٹ ہی اس مسئلے کا حل نکال سکتی ہے ،باہر کچھ بھی نہیں ہے۔