کوئٹہ میں مشرقی بائی پاس پر پولیس موبائل کے قریب دھماکا ہوا ہے جس کے نتجیے میں پولیس اہلکار سمیت 3 شہری زخمی ہوگئے۔
تفصیلات کے مطابق کوئٹہ میں مشرقی بائی پاس بھوسہ منڈی کے قریب دھماکا ہوا ہے جس کے زد میں آکر ایک پولیس اہلکار سمیت 3 شہری زخمی ہوگئے۔
اس حوالے سے پولیس کا کہنا ہے کہ دھماکا ہوتے ہی پولیس اور قانون نافذ کرنے والے دیگر اداروں کے اہلکار دھماکے کی جگہ پہنچ گئے، جنہوں نے علاقے کو گھیرے میں لے لیا۔
پولیس کا مزید کہنا ہے کہ خالق شہید تھانے کی پولیس کو دوران گشت نشانہ بنایا گیا۔
کوئٹہ : مشرقی بائی پاس پر دستی بم حملے کا مقدمہ درج کرلیا گیا ، گزشتہ شب حملے میں ایک شخص جاں بحق اور 4افراد زخمی ہوگئے تھے۔
تفصیلات کے مطابق سی ٹی ڈی نے کوئٹہ کے علاقے مشرقی بائی پاس پر دستی بم حملے کا مقدمہ درج کرلیا ، مقدمہ نامعلوم افرادکےخلاف درج کیاگیا اور اس میں قتل، اقدام قتل اور دہشت گردی کی دفعات شامل کی گئیں ہیں۔
دوسری جانب وزیراعلیٰ بلوچستان جام کمال نے مشرقی بائی پاس پردستی بم حملےکی مذمت کرتے ہوئے واقعے کی رپورٹ طلب کرلی اور تحقیقات کا حکم دے دیا۔
وزیراعلیٰ بلوچستان نے آئی جی پولیس کوشہرمیں حفاظتی انتظامات کومزیدموثربنانےکی ہدایت کرتے ہوئے کہا یوم آزادی پرصوبےبھرمیں سیکیورٹی کے خصوصی اقدامات کیےجائیں اور قانون نافذ کرنےوالےادارےگشت میں اضافہ ،ایس اوپیزپرعملدرآمدکریں۔
خیال رہے گزشتہ شب مشرقی بائی پاس پر دستی بم حملے میں ایک شخص جاں بحق ، 4افرادزخمی ہوگئےتھے، پولیس کا کہنا تھا کہ نامعلوم افراد دستی بم پھینک کر فرار ہوئے۔
بعد ازاں سیکیورٹی فورسز نے علاقے کی ناکہ بندی کرتے ہوئے دہشت گرد عناصر کی تلاش شروع کر دی ہے اور شہر کے داخلی اور خارجی راستوں پر بھاری نفری تعینات کر دی گئی۔
کوئٹہ: بلوچستان کے صوبائی دارالحکومت کوئٹہ کے مشرقی بائی پاس پر گزشتہ روز ہونے والے بم دھماکے کامقدمہ تھانہ سی ٹی ڈی میں درج کرلیا گیا۔
تفصیلات کے مطابق کوئٹہ میں ہونے والے موٹرسائیکل بم دھماکے کا مقدمہ علاقہ ایس ایچ او کو مدعیت میں میں درج کیا گیا ہے ، مقدمے میں قتل اوردہشت کی دفعات شامل کی گئی ہیں ۔
گزشتہ روز کوئٹہ کے مشرقی بائی پاس کے علاقے شیر جان اسٹاپ پر مقامی میڈیکل اسٹور کے قریب موٹر سائیکل میں نصب بم دھماکا ہوا تھا جس کے نتیجے میں3 افراد جاں بحق اور 24 افراد زخمی ہوئے تھے۔
سانحے پر وزیراعلیٰ بلوچستان جام کمال خان نےمذمت کرتے ہوئے قیمتی جانوں کے نقصان پردکھ اورافسوس کا اظہارکیا تھا۔ انہوں نے سیکیورٹی اداروں کو ہدایت کی کہ دہشت گردوں اور ان کے سرپرستوں کے خلاف نتیجہ خیز کارروائی کرکے انہیں کیفر کردار تک پہنچایا جائے۔
ان کا مزید کہنا تھا کہ بزدل دہشت گردوں نے معصوم اور بے گناہ شہریوں کو بربریت کا نشانہ بنایا، دہشت اور وحشت پھیلانے والوں کا کوئی مذہب، قوم اورقبیلہ نہیں اور یہ سخت ترین سزا کے مستحق ہیں۔
کوئٹہ: کوئٹہ میں ایف سی، پولیس اور دیگر حساس اداروں کا مشرقی بائی پاس لیبر کالونی میں مشترکہ سرچ آپریشن، ایک مبینہ دہشت گرد ہلاک اور تین اے ٹی ایف اہلکار زخمی ہوگئے ہیں۔
پولیس کے مطابق خفیہ اطلاع ملنے پر ایف سی پولیس اور حساس اداروں نے لیبر کالونی میں سرچ آپریشن کیا اور اس دوران ایک مکان سے سیکورٹی ٹیم پر فائرنگ کی گئی، جس کی زد میں آکر اے ٹی ایف کے تین جوان زخمی ہوگئے ہیں۔
سیکورٹی اداروں نے جوابی کارروائی کی جس کے نتیجے میں ایک دہشتگرد ہلاک ہوگیا ہے، پولیس نے مکان سے پانچ دستی بم ایک ٹی ٹی پسٹل اور ایک کلاشنکوف بھی برآمد کرلی گئی ہے اور ہلاک دہشت گردی کی لاش اور زخمیوں کو سول ہسپتال پہنچایا گیا ہے۔
واقع کے بعد زخمی اہلکاروں کو سی ایم ایچ منتقل کیا گیا، جن کی حالت خطرے سے باہر بتائی جارہی ہے۔
پولیس کے مطابق ہلاک دہشتگرد غیر ملکی ہے اور شبہ ہے کہ وہ 26نومبر کو پولیو ٹیم پر حملے میں ملوث ملزمان میں سے ایک ہے۔
کوئٹہ میں مشرقی بائی پاس پر پولیس وین الٹنے سے ایک اہلکار جاں بحق جبکہ قیدی سمیت تین اہلکار زخمی ہوگئے۔
پولیس ذرائع کے مطابق کوئٹہ کے علاقے مشرقی بائی پاس پر تیز رفتاری کے باعث پولیس وین الٹ گئی، جس کے نتیجے میں ایک اہلکار جاں بحق جبکہ ایک قیدی سمیت 3 اہلکار زخمی ہوگئے، جنہیں فوری طور پر سول اسپتال کوئٹہ منتقل کردیا گیا۔