جنگی جنون میں مبتلا اسرائیل نے مشرق وسطیٰ کو اگ میں جھونک دیا ہے، اسرائیلی افواج نے 20 ماہ میں 5 ممالک میں 35 ہزار حملے کیے۔
اسرائیل نے مشرق وسطیٰ کے ممالک لبنان، شام، یمن اور ایران پر بمباری کی، اور امریکی غیر سرکاری تنظیم کے مطابق اسرائیل نے غزہ اور مقبوضہ مغربی کنارے میں سب سے زیادہ 18 ہزار سے زائد حملے کیے۔
ان حملوں میں 56 ہزار فلسطینی شہید اور ایک لاکھ 31 ہزار سے زائد زخمی ہوئے، لبنان میں 15 ہزار سے زائد اسرائیلی حملوں میں ڈیرھ ہزار سے زائد افراد شہید ہوئے۔
اسرائیل نے شام میں گزشتہ 6 ماہ میں 200 حملے کیے، اعداد و شمار کے مطابق یمن پر 39 حملوں میں ہوائی اڈوں اور بندرگاہوں کو نشانہ بنایا گیا، رپورٹ کے مطابق اسرائیلی فوج نے ایران پر 12 روز میں 146 حملے کیے جن میں بچوں سمیت 610 ایرانی شہید، 5 ہزار سے زائد زخمی ہوئے۔
ایران نے اسرائیل کیخلاف کتنی فیصد طاقت استعمال کی؟ پاسداران انقلاب کا دعویٰ
الجزیرہ کے مطابق غزہ شہر کے الطفاح محلے پر اسرائیلی فضائی حملوں میں گزشتہ چوبیس گھنٹوں کے دوران 9 بچوں سمیت کم از کم 20 افراد شہید ہو گئے ہیں، غزہ کے اسپتالوں کے ذرائع نے الجزیرہ کو بتایا کہ پورا دن پٹی میں ہونے والے حملوں میں کم از کم 60 فلسطینی مارے گئے ہیں۔
یہ ہلاکتیں امریکی صدر ڈونلڈ ٹرمپ کے اس بیان کے ایک دن بعد ہوئی ہیں، جس میں انھوں نے دعویٰ کیا تھا کہ غزہ میں جنگ بندی ’’اگلے ہفتے کے اندر‘‘ ہو سکتی ہے۔
