ARYNews.tv | Urdu – Har Lamha Bakhabar

Tag: مشرق وسطیٰ

  • روسی صدر کی مشرق وسطیٰ میں تنازعات کے خاتمے میں مدد کی پیشکش

    روسی صدر کی مشرق وسطیٰ میں تنازعات کے خاتمے میں مدد کی پیشکش

    روس کے صدر ولادیمیر پیوٹن نے مشرق وسطیٰ میں تنازعات کے خاتمے میں مدد کی پیشکش کر دی۔

    روسی صدر ولادیمیر پیوٹن نے قازان میں برکس پلس سربراہی اجلاس اور دوستوں کے پہلے مکمل اجلاس سے پہلے اپنے خطاب میں کہا کہ مشرق وسطیٰ کا بحران تاریخ کا سب سے خونی بحران بن گیا ہے۔

    انہوں نے کہا کہ مشرق وسطیٰ کے بحران سے تشویش پیدا ہوتی ہے، غزہ میں جنگی کارروائیاں لبنان تک پھیل گئی ہیں, خطے کے کئی ممالک متاثر ہوئے ہیں، اسرائیل اور ایران کے درمیان بڑھتی ہوئی کشیدگی خطے کو مکمل جنگ کے دہانے پر کھڑا کر رہی ہے۔

    روسی صدر کا کہنا تھا کہ روس مشرق وسطیٰ میں ہونے والے واقعات پر فکر مند ہے اور اس کا خیال ہے کہ وہاں تنازعات کے حل کے لئے حالات پیدا کرنے میں اس کا کردار ہے۔

    پیوٹن نے مزید کہا کہ ماسکو نہیں چاہتا کہ تنازع پھیلے، ہم سمجھتے ہیں کہ خطے کا کوئی بھی ملک مکمل جنگ نہیں چاہتا، مشرق وسطیٰ مکمل جنگ کے دہانے پر ہے، انہوں نے تشدد کے خاتمے کا مطالبہ کیا۔

  • مشرق وسطیٰ میں کشیدگی، پوپ فرانسس کا کھلے خط میں اہم پیغام

    مشرق وسطیٰ میں کشیدگی، پوپ فرانسس کا کھلے خط میں اہم پیغام

    پوپ فرانسس نے اسرائیل حماس تنازعے کا ایک سال مکمل ہونے پر مشرق وسطیٰ میں تنازعات ختم کرانے کے لیے عالمی طاقتوں کی سفارت کاری میں ’شرمناک‘ نااہلی پر سخت تنقید کی ہے۔

    بین الاقوامی خبر رساں ادارے کی رپورٹس کے مطابق پوپ فرانسس نے اٹلی کے شہر روم سے کیتھولک عیسائیوں کے نام ایک کھلے خط میں کہا ہے مشرق وسطیٰ میں ایک سال پہلے نفرت کو ہوا دی گئی تھی۔

    پوپ نے کہا کہ علاقے میں ہتھیاروں کو خاموش کرانے اور جنگ کے المیے کو ختم کرانے میں یہ بین الاقوامی برادری اور طاقتور ترین ممالک کی ’شرمناک‘ نااہلی ہے۔

    پوپ کا خط میں کہنا تھا کہ ’ابھی تک خون آنسوؤں کی طرح بہایا جا رہا ہے، انتقام کی خواہش کے ساتھ ساتھ غصے میں بھی اضافہ ہو رہا ہے۔

    ایسا محسوس ہوتا ہے کہ بہت کم لوگ اس بات کی پروا کررہے ہیں کہ بات چیت اور امن کے لیے کس چیز کی سب سے زیادہ ضرورت ہے اور کیا سب سے زیادہ مطلوب ہے۔

    اس سے قبل پوپ نے حالیہ برسوں میں دیگر تنازعات کے خاتمے کے لیے پیر کے دن روزہ رکھنے اور امن کے لیے دعا کا عالمی دن قرار دیا تھا۔

    اس افسوسناک دن پر اپنے خط میں کیتھولک کے رہنما نے خطے میں اپنے ماننے والوں کے ساتھ اظہار یکجہتی کیا۔

    حزب اللہ کا اسرائیل کے ملٹری انٹیلی جنس یونٹ پر میزائل حملہ

    پوپ نے خط میں لکھاکہ ’میں ان کے ساتھ ہوں، جن کی کوئی آواز نہیں سنتا، تمام تر منصوبوں اور حکمت عملیوں کے باوجود جنگ کی تباہ کاریوں کا شکار ہونے والوں کی کوئی فکر نہیں کر رہا۔‘

  • مشرق وسطیٰ کی صورت حال سے فائدہ اٹھانے سے گریز کریں، امریکا کی ایران کو وارننگ

    مشرق وسطیٰ کی صورت حال سے فائدہ اٹھانے سے گریز کریں، امریکا کی ایران کو وارننگ

    واشنگٹن: امریکا نے ایران کو وارننگ دی ہے کہ وہ مشرق وسطیٰ کی صورت حال سے فائدہ اٹھانے سے گریز کرے۔

    تفصیلات کے مطابق امریکا نے ایران کو خبردار کیا ہے کہ وہ امریکی مفادات کو نشانہ بنانے کے لیے مشرق وسطیٰ کی صورت حال سے فائدہ اٹھانے سے گریز کرے۔

    پینٹاگون کے ترجمان میجر جنرل پیٹرک رائڈر نے ایک بیان میں کہا کہ ایران اور ایرانی حمایت یافتہ شراکت داروں اور پراکسیوں کو مشرق وسطیٰ کی صورت حال سے فائدہ اٹھانے یا تنازع کو بڑھانے سے روکنے کے لیے امریکا پرعزم ہے۔

    پیٹرک رائڈر نے کہا ’’یہ واضح کر دیا گیا ہے کہ اگر ایران، اس کے شراکت دار، یا اس کے پراکسی اس صورت حال کو امریکی اہلکاروں یا خطے میں اس کے مفادات کو نشانہ بنانے کے لیے استعمال کرتے ہیں، تو امریکا اپنے لوگوں کے دفاع کے لیے ہر ضروری اقدام کرے گا۔‘‘

    واضح رہے کہ ایران کو دھمکانے کے بعد امریکی فوج نے اتوار کے روز کہا تھا کہ وہ مشرق وسطیٰ میں اپنی فضائی موجودگی میں اضافہ کر رہی ہے، اور خطے میں امریکی فوجیوں کی تعیناتی کے لیے تیزی سے تیاریاں مکمل کی جا رہی ہیں۔ اس سے دو دن قبل جو بائیڈن نے پینٹاگون کو ہدایت کی تھی کہ مشرق وسطیٰ میں امریکی فوج کی پوزیشن کو ایڈجسٹ کیا جائے۔

    کیا اسرائیل لبنان میں زمینی حملہ بھی کرنے والا ہے؟

    امریکی میڈیا کے مطابق محکمہ خارجہ نے ابھی تک لبنان سے انخلا کا حکم نہیں دیا ہے، لیکن گزشتہ ہفتے امریکی حکام نے روئٹرز کو بتایا تھا کہ پینٹاگون چند درجن اضافی فوجی قبرص بھیج رہا ہے تاکہ لبنان سے امریکیوں کے انخلا سمیت حالات کی تیاری میں فوج کو مدد ملے۔ پینٹاگون نے کہا کہ ضرورت پڑنے پر امریکی افواج کو تعینات کرنے کے لیے تیار کیا جا رہا ہے۔

    سی این این کے مطابق ایک امریکی اہلکار نے اتوار کی رات کہا کہ بائیڈن انتظامیہ کو خدشہ ہے کہ اسرائیل کے ہاتھوں حزب اللہ کے رہنما حسن نصر اللہ کی شہادت کے بعد ایران کی طرف سے حملے کی منصوبہ بندی کی جا رہی ہے۔

  • مشرق وسطیٰ میں بڑھتی کشیدگی، تہران کی شاہراہوں پر فوجی سازوسامان سج گیا

    مشرق وسطیٰ میں بڑھتی کشیدگی، تہران کی شاہراہوں پر فوجی سازوسامان سج گیا

    اسرائیل کی جانب سے غزہ کے ساتھ ساتھ لبنان میں بھی بدترین حملوں کا سلسلہ جاری ہے، مشرق وسطیٰ میں بڑھتی ہوئی کشیدگی کے دوران ایران کی جانب سے دارالحکومت تہران کی شاہراہوں پر فوجی سازوسامان سجا دیا گیا ہے۔

    بین الاقوامی خبر رساں ادارے کی رپورٹس کے مطابق نمائش کا مقصد اسرائیل کو خبردار کرناہے کہ ایران حماس کے رہنما اسماعیل ہنیہ کی شہادت کے بعد جوابی کارروائی کے لیے تیار ہے۔

    مشرق وسطیٰ میں بڑھتی ہوئی کشیدگی کے دوران تہران کی شاہراہوں پر بھاری فوجی سازوسامان کے ساتھ بینرز آویزاں کردیئے گئے ہیں، جن پر تحریر ہے کہ ہم بدلہ لیں گے، ساتھ ہی اسماعیل ہنیہ اور ایرانی پاسداران انقلاب کے کمانڈر قاسم سلیمانی کے پوسٹرز بھی لگادیئے گئے ہیں۔

    دوسری جانب اسرائیلی فوج نے کھل کر اعتراف کیا ہے کہ تاریخ میں پہلی بار حزب اللہ کا فائر کیا گیا میزائل تل ابیب تک پہنچنے میں کامیاب ہوا ہے۔

    رپورٹس کے مطابق بدھ کو اسرائیلی فوج نے تصدیق کی ہے کہ لبنانی گروپ حزب اللہ کی جانب سے داغا گیا ایک میزائل پہلی بار تل ابیب کے علاقے تک پہنچا۔

    اسرائیل لبنان میں زمینی راستوں سے حملے کی تیاری کرنے لگا

    اسرائیلی فوج کے ترجمان نے اے ایف پی کو بتایا کہ ایسا پہلی بار ہوا ہے کہ حزب اللہ کا میزائل تل ابیب کے علاقے تک پہنچ گیا، تاہم آئی ڈی ایف کے فضائی دفاعی نظام (آئرن ڈوم) نے اسے روک لیا۔

  • مشرق وسطیٰ کے مختلف ممالک زلزلے سے لرز اُٹھے

    مشرق وسطیٰ کے مختلف ممالک زلزلے سے لرز اُٹھے

    امریکا کی ریاست کیلیفورنیا اور اسرائیل سمیت مشرق وسطیٰ کے بیشتر ممالک میں زلزلے جھٹکے محسوس کئے گئے۔

    بین الاقوامی خبر رساں ادارے کی رپورٹ کے مطابق زلزلے کے جھٹکے کیلیفورنیا کے جنوبی علاقوں میں بھی محسوس کیے گئے مگر کسی جانی یا مالی نقصان کی اطلاعات سامنے نہیں آئیں۔

    کیلیفورنیا کے شہر لاس اینجلس میں بھی زلزلہ آیا جس کی شدت 4 اعشاریہ 4 نوٹ کی گئی جس سے شہر کا مضافاتی علاقہ ایل سیرینو (El Sereno) لرز گیا۔

    ایسٹجرمن ریسرچ سینٹر برائے جیو سائنسز کا کہنا ہے کہ اردن اور شام میں زلزلے کی شدت 5 اعشاریہ 5 نوٹ کی گئی جبکہ اسرائیل میں شدت 5 اعشاریہ 2 نوٹ کی گئی۔

    شادی سے واپسی پر ایک ہی خاندان کے 11 افراد پانی میں بہہ گئے

    حکام کے مطابق ابھی تک کسی جانی نقصان کی اطلاعات سامنے نہیں آئی ہیں، زلزلہ مرکز کے قریب واقع شہر پاساڈینا کے حکام نے بتایا کہ جھٹکوں کی وجہ سے سٹی ہال کے اندر پانی کی پائپ لائن پھٹ گئی جس کی وجہ سے ملازمین کو عارضی طور پر عمارت خالی کرنے پر مجبور ہونا پڑا لیکن ساتھ ہی اب تک کسی بڑے نقصان کی نشاندہی نہیں کی گئی ہے۔

  • امریکا کا مشرق وسطیٰ میں مزید جنگی جہاز بھیجنے کا حکم

    امریکا کا مشرق وسطیٰ میں مزید جنگی جہاز بھیجنے کا حکم

    امریکی وزیر دفاع نے مشرق وسطیٰ میں کشیدہ صورتحال کے بعد میزائل بردار آبدوز اور ابراہم لنکن طیارہ بردار جنگی بحری جہاز تعینات کرنے کا حکم دے دیا۔

    بین الاقوامی خبر رساں ادارے کی رپورٹ کے مطابق پینٹاگون کا کہنا ہے کہ مشرق وسطیٰ میں تعینات کی جانے والی آبدوز USS Georgia ایٹمی آبدوز ہے۔

    امریکی وزیر دفاع لائیڈ آسٹن نے اس سے قبل اسرائیلی ہم منصب سے بات چیت کے دوران کہا تھا ایران بڑے پیمانے پر حملے کی تیاری میں مصروف ہے۔

    واضح رہے کہ حماس اور حزب اللّٰہ کے سینئر رہنماؤں پر حملوں کے بعد ایران نے اسرائیل سے بدلہ لینے کا اعلان کیا ہے۔

    دوسری جانب اسرائیل نے 7 اکتوبر 2023 کے بعد سے اب تک غزہ کی 1.8 فیصد آباد ی کو شہید کر دیا ہے۔

    فلسطینی سینٹرل بیورو آف سٹیٹسٹکس کے مطابق محصور ساحلی علاقوں میں 24 فیصد اموات نوجوانوں کی ہوئی جن کی عمریں (18 سے 29 سال) کے درمیان تھیں۔

    بیورو نے کہا کہ غزہ میں زخمی ہونے والوں میں تقریباً 70 فیصد خواتین اور بچے ہیں جبکہ ایک اندازے کے مطابق 10,000 لوگ لاپتہ ہیں اور 20 لاکھ بے گھر ہو چکے ہیں۔

    اس میں مزید کہا گیا ہے کہ اسی عرصے کے دوران مقبوضہ مغربی کنارے میں اسرائیلی فورسز کے ہاتھوں 620 فلسطینی شہید ہو چکے ہیں جن میں سے 75 فیصد کی عمریں 30 سال سے کم تھیں۔

    ’میری صدارت ختم ہونے سے پہلے غزہ جنگ بندی ممکن ہے‘

    بیورو کے اعداد و شمار سے یہ بھی پتہ چلتا ہے کہ غزہ میں غذائی قلت کے باعث 34 افراد موت کے منہ میں چلے گئے اور تقریباً 3500 بچے خوراک کی کمی کے باعث موت کے خطرے سے دوچار ہیں۔

  • امریکی محکمہ دفاع کا مشرق وسطیٰ میں مزید جنگی جہاز بھیجنے کا فیصلہ

    امریکی محکمہ دفاع کا مشرق وسطیٰ میں مزید جنگی جہاز بھیجنے کا فیصلہ

    امریکی محکمہ دفاع پینٹاگون کا کہنا ہے کہ وہ ایران کے ممکنہ حملے کے خطرے کے پیش نظر مشرق وسطٰی میں جنگی طیاروں کا ایک سکوارڈن بھیجے گا جبکہ خطے میں اپنا ایک طیارہ بردار بحری جہاز بھی تعینات رکھے گا۔

    بین الاقوامی خبر رساں ادارے کی رپورٹ کے مطابق مشرق وسطٰی میں ایران اور اُس کی حمایت یافتہ ملیشیا کے ممکنہ حملوں سے اسرائیل کو دفاع میں مدد دینے اور پہلے سے موجود امریکی افواج کی حفاظت کے لیے پینٹاگون خطے میں فوجی موجودگی میں اضافہ کررہا ہے۔

    پینٹاگون کا گزشتہ روز کہنا تھا کہ وزیر دفاع لائیڈ آسٹن نے بھی اضافی بیلسٹک میزائل دفاعی صلاحیت کے حامل کروزرز اور ڈسٹرائرز کو یورپی اور مشرق وسطیٰ کے خطوں میں بھیجنے کا حکم دیا ہے۔

    قبل ازیں اسرائیل کے وزیر اعظم نیتن یاہو کا کہنا تھا کہ ہم، دفاع اور حملے ہر دو حوالوں سے اور ہر طرح کے سیناریو کے مقابل مکمل تیاری کی حالت میں ہیں۔

    رپورٹ کے مطابق اسرائیلی وزیر اعظم کے دفتر سے جاری بیان میں کہا گیا ہے کہ نیتن یاہو نے داخلی محاذ کمانڈ آفس میں اور حالات کے جائزے کے لئے منعقدہ اجلاس میں شرکت کی۔

    اسرائیلی وزیر اعظم کا اجلاس میں کہنا تھا کہ دفاعی حوالے سے بھی اور حملے کے حوالے سے بھی اسرائیل ہر طرح کے منظر نامے کے مقابل مکمل تیاری کی حالت میں ہے۔

    ایران میں اسماعیل ہنیہ کی شہادت کے بعد کریک ڈاؤن، اہم گرفتاریاں

    نیتن یاہو کا مزید کہنا تھا کہ ہم، خواہ کسی بھی شعبے میں کیوں نہ ہو اسرائیل پر کئے گئے حملے کا، بھاری بدل چکوائیں گے۔ جو ہمیں نقصان پہنچائے گا ہم بھی اسے نقصان پہنچائیں گے۔

  • مشرق وسطیٰ پر مکمل جنگ کے بادل منڈلانے لگے، یو این سلامتی کونسل کے ممالک تشویش میں مبتلا

    مشرق وسطیٰ پر مکمل جنگ کے بادل منڈلانے لگے، یو این سلامتی کونسل کے ممالک تشویش میں مبتلا

    مشرق وسطیٰ پر مکمل جنگ کا خطرہ منڈلانے لگا ہے، جس نے اقوام متحدہ کے سلامتی کونسل کے ممالک کو شدید تشویش میں مبتلا کر دیا ہے۔

    روئٹرز کے مطابق اقوام متحدہ کی سلامتی کونسل کے ممالک نے مشرق وسطیٰ میں جنگ کے خطرے پر تشویش کا اظہار کیا ہے، بدھ کے روز ایران میں حماس کے سیاسی سربراہ اسماعیل ہنیہ کے قتل سے خطے میں کشیدگی میں اضافے کے بعد یو این سلامتی کونسل کے ممالک نے مشرق وسطیٰ میں وسیع جنگ کو روکنے کے لیے سفارتی کوششیں تیز کرنے پر زور دے دیا ہے۔

    اسماعیل ہنیہ کی شہادت کے بعد اقوام متحدہ کی سلامتی کونسل میں ہنگامی اجلاس ہوا، جس میں ایرانی مندوب نے کہا کہ اسماعیل ہنیہ پر حملے سے واضح ہے کہ اسرائیل جنگ کو پورے خطے تک پھیلانے چاہتا ہے، یہ حملہ امن اور سلامتی کی سنگین خلاف ورزی ہے جس پر اقوام متحدہ کی سلامتی کونسل کو فوری کارروائی کرنی چاہیے۔

    حماس سربراہ شہید اسماعیل ہنیہ کی نماز جنازہ تہران میں ادا کر دی گئی

    اجلاس سے خطاب کرتے ہوئے اقوام متحدہ کی انڈر سیکریٹری جنرل روز میری نے کہا کہ خطے میں تنازع کو پھیلنے سے روکنے کے لیے سب کو مل کر کام کرنا ہوگا، کشیدگی کم کرنے کے لیے تیز رفتار سفارتی کوششوں کی ضرورت ہے اور سلامتی کونسل اس سلسلے میں ایک اہم کردار ادا کرے گا۔

    اجلاس میں رکن ممالک نے حماس کے سیاسی سربراہ کے قتل کی سخت مذمت کی، اقوام متحدہ میں جاپان کے نائب نمائندے شینو مٹسوکو نے بدھ کے روز کہا کہ ’’ہمیں خدشہ ہے کہ خطہ مکمل جنگ کے دہانے پر ہے، جنگ کو روکنے کے لیے بین الاقوامی کوششیں تیز تر کی جائیں۔‘‘

    چین، روس، الجزائر اور دیگر نے بھی ہنیہ کے قتل کی مذمت کی، ایران کے اقوام متحدہ کے سفیر نے اسے دہشت گردی کی کارروائی قرار دیا، جب کہ امریکا، برطانیہ اور فرانس نے کوئی واضح مؤقف اختیار نہیں کیا، اقوام متحدہ میں چین کے سفیر فو کانگ نے کہا کہ غزہ میں جنگ بندی کے حصول میں ناکامی کشیدگی میں اضافے کا ذمہ دار ہے۔

    واضح رہے کہ حماس کے رہنما اسماعیل ہنیہ کو بدھ کے روز علی الصبح ایرانی دارالحکومت تہران میں قتل کیا گیا، جس سے غزہ کا تنازعہ مشرق وسطیٰ میں ایک وسیع جنگ میں تبدیل ہونے کا خدشہ پیدا ہو گیا ہے۔ ہنیہ کا قتل لبنان کے دارالحکومت بیروت پر اسرائیل کے زیر قبضہ گولان کی پہاڑیوں میں ایک مہلک راکٹ حملے کے جواب میں حزب اللہ کے سب سے سینئر فوجی کمانڈر کی ہلاکت کے 24 گھنٹے سے بھی کم وقت کے بعد ہوا ہے۔

  • پاکستان کا مشرق وسطیٰ کی صورتحال پر گہری تشویش کا اظہار

    پاکستان کا مشرق وسطیٰ کی صورتحال پر گہری تشویش کا اظہار

    پاکستان نے مشرق وسطیٰ کی صورتحال پر گہری تشویش کا اظہار کیا ہے۔

    تفصیلات کے مطابق ترجمان دفتر خارجہ نے جاری کردہ بیان میں کہا گیا کہ پاکستان مشرق وسطیٰ کی صورتحال کو گہری تشویش سے دیکھ رہا ہے، کئی ماہ سے پاکستان نے خطے میں دشمنی کی توسیع روکنے، غزہ میں جنگ بندی  کیلئے زور دیا۔

    ترجمان دفتر خارجہ نے کہا کہ پاکستان نے شام میں ایرانی سفارتخانے پر حملے کے بعد کشیدگی بڑھنے کا اشارہ دیا تھا، آج کی صورتحال سفارتکاری کے  رکنے کے نتائج کو ظاہر کرتی ہے، اب صورتحال مستحکم اور امن کی بحالی کی اشد ضرورت ہے۔

    ترجمان دفتر خارجہ نے کہا کہ تمام فریقین سے مطالبہ کرتے ہیں کہ انتہائی تحمل سے کام لیں، فریقین کشیدگی کم کرنے کی طرف بڑھیں۔

  • دو پاکستانی خواتین مشرق وسطیٰ کی 100 طاقتور ترین خواتین کی فہرست میں‌ شامل

    دو پاکستانی خواتین مشرق وسطیٰ کی 100 طاقتور ترین خواتین کی فہرست میں‌ شامل

    مشرق وسطیٰ کی 100 طاقتور ترین خواتین کی فہرست میں‌ 2 پاکستانی خواتین نے بھی جگہ بنا لی ہے۔

    تفصیلات کے مطابق فوربز میگزین نے مشرق وسطیٰ کی 100 طاقتور ترین خواتین کی فہرست جاری کی ہے، جس میں شائستہ آصف اور شازیہ سید کو بھی شامل کیا گیا ہے۔

    شائستہ آصف اور شازیہ سید کے نام فوربز میگزین کی دس اعلیٰ ترین خواتین ایگزیکٹوز میں شامل کیے گئے ہیں، شائستہ آصف نے فوربز فہرست میں چوتھے نمبر کی پوزیشن جب کہ شازیہ سید نے وسیع کارپوریٹ تجربے کی فہرست میں نویں پوزیشن حاصل کی ہے۔

    شائستہ آصف متحدہ عرب امارات میں واقع ہیلتھ کیئر نیٹ ورک ’پیور ہیلتھ ہولڈنگ‘ کی شریک بانی اور گروپ چیف ایگزیکٹو آفیسر کے طور پر کام کر رہی ہیں، جب کہ شازیہ سید کو دوسری بار سو طاقتور ترین کاروباری خواتین کی فہرست میں شامل کیا گیا ہے۔

    یہ اعزاز مشرق وسطیٰ کے کاروباری شعبے میں ان خواتین کی اہم شراکت اور قیادت کی نشان دہی کرتا ہے۔