Tag: مشعال ملک

اسلام آباد : حریت رہنما یاسین ملک کی اہلیہ مشعال ملک کا کہنا ہے کہ فیلڈ مارشل نے ثابت کیا کہ پاکستان جھکتانہیں جھکا دیتا ہے، مودی کا چہرہ لٹک گیا، دنیا اب پاکستان کے ساتھ کھڑی ہے۔

تفصیلات کے مطابق فیلڈ مارشل جنرل عاصم منیر اور صدر ڈونلڈ ٹرمپ کی ملاقات خطے اور عالمی صورتحال کے تناظر میں غیرمعمولی طور پر اہم قرار دی جارہی ہے۔

حریت رہنما یاسین ملک کی اہلیہ مشعال ملک نےفیلڈ مارشل جنرل عاصم منیر اور صدر ڈونلڈ ٹرمپ کی ملاقات کے حوالے سے کہا کہ امریکا نے فیلڈ مارشل کے اعزاز میں عشائیہ دے کر دنیا کو پیغام دیا، دنیا نے مان لیا کہ پاکستان کی بات میں سچائی ہے۔

ان کا کہنا تھا کہ مودی کا چہرہ لٹک گیا، دنیا اب پاکستان کےساتھ کھڑی ہے، فیلڈ مارشل نے ثابت کیا کہ پاکستان جھکتانہیں جھکادیتا ہے۔

حریت رہنما کی اہلیہ نے کہا کہ بھارتی میڈیا کی چیخیں نکل آئی ہیں کیونکہ پاکستان سرخرو ہوا، پاکستان امن چاہتا ہے اور دنیا نے اس بات کو مان لیا ہے، فیلڈ مارشل عاصم منیر کا وژن دنیا کے دل جیت رہا ہے۔

ان کا مزید کہنا تھا کہ پاکستان اب تنہا نہیں دنیا ہمارے ساتھ ہے، مودی سرکار کو سمجھ آ گئی کہ کشمیر پر اب سچ بولنا پڑے گا۔

مزید پڑھیں : امریکی صدر اور فیلڈ مارشل کی اہم ملاقات کا اعلامیہ جاری

یاد رہے گذشتہ روز امریکی صدر ڈونلڈ ٹرمپ اور آرمی چیف فیلڈ مارشل سید عاصم منیر کی وائٹ ہاؤس میں تاریخی ملاقات ہوئی تھی۔

جس میں ڈونلڈ ٹرمپ نے پاکستان کے انسداد دہشت گردی میں تعاون اور خطے میں قیام امن کی کوششوں کو سراہا جبکہ دونوں جانب سے انسداد دہشت گردی میں تعاون جاری رکھنے پر اتفاق کیا گیا۔

صدر ٹرمپ نے پاکستان کے ساتھ باہمی مفاد پر قائم مثبت تجارت کے معاہدہ کا اظہار کیا اور آرمی چیف نے پاک بھارت جنگ بندی میں مثبت اور نتیجہ خیز کردار ادا کرنے پر امریکی صدر کا شکریہ ادا کیا۔

امریکی صدر نے اقوام عالم کو در پیش متعدد چیلنجز کو سمجھنے اور اْن سے نبرد آزما ہونے کی قائدانہ صلاحیتوں کی تعریف کی۔

ملاقات میں فیلڈ مارشل سید عاصم منیر نے امریکی صدر کو حکومت پاکستان کی جانب سے دورہ پاکستان کی دعوت بھی دی۔

اسلام آباد : حریت رہنما کی اہلیہ مشعال ملک مودی جیسے فاشسٹ ذہن کی جانب سے کوئی بھی مس ایڈونچر ہوسکتا ہے، جعفرایکسپریس حملےجیساایک اور حملہ ہوسکتا ہے۔

تفصیلات کے مطابق حریت رہنما کی اہلیہ مشعال ملک نے میڈیا سے گفتگو کرتے ہوئے کہا کہ مقبوضہ کشمیرمیں حالات بہت تشویشناک ہیں، کشمیریوں کو ماورائے عدالت قتل کیا جا رہا ہے،
آر ایس ایس دہشت گرد تنظیم ہے، فوری پابندی لگانی چاہیے۔

کشمیری رہنما کا کہنا تھا کہ مقبوضہ کشمیرمیں ظلم وجبرکی داستانیں دنیابھرکےسامنےہیں، مقبوضہ کشمیرمیں گھرگرائےجارہےہیں،دنیاکونظرنہیں آرہا؟لوگوں کوبدترین طریقےسےبےدخل کیاجارہاہے ، اقوام عالم مقبوضہ کشمیرکی صورتحال کافوری نوٹس لے۔

انھوں نے بتایا کہ نہتےکشمیریوں کےہرگھرسےروزانہ جنازے اٹھ رہے ہیں، حریت قیادت کوزبردستی اورغیرقانونی طریقےسےجیلوں میں ڈالاجارہاہے، مودی سرکارمقبوضہ کشمیرمیں ظلم کی داستانیں رقم کررہی ہے۔

حریت رہنما کی اہلیہ نے خبردار کیا کہ مودی جیسے فاشسٹ ذہن کی جانب سے کوئی بھی مس ایڈونچر ہوسکتا ہے، جعفر ایکسپریس حملےجیساایک اور حملہ ہوسکتا ہے۔

ان کا کہنا تھا کہ مودی نےتمام حدیں پار کرلی ہیں، بھارت کی جانب سےآبی جارحیت غیرقانونی ہے، آزاد کشمیر کو وار کونسل قرار دیا جائے۔

کشمیری رہنما نے کہا کہ بھارت کی جعلی آپریشن کی ذمہ داری پاکستان پرڈالنےکی کوششیں ناکام ہوگئیں، عالمی سطح پر بھارتی دہشت گردی کی مذمت کی جا رہی ہے، کشمیری قوم بھارت کے فالس فلیگ آپریشن کی بھاری قیمت چکا رہی ہے۔

ان کا کہنا تھا کہ چین نے پاکستان کے ساتھ کھڑے ہونے کا اعلان کیا ہے، بنگلہ دیش نے بھارت کو منہ توڑ جواب دیا ہے۔

اسلام آباد : حریت رہنما یاسین ملک کی اہلیہ مشعال ملک نے ایکس پر پابندی ختم کرنے کا مطالبہ کردیا اور عوام سے اپیل کی کہ پاکستانی قوم سوشل میڈیا اور ایکس پر آئے اور بیانیہ بنائے۔

تفصیلات کے مطابق حریت رہنما یاسین ملک کی اہلیہ مشعال ملک نے حکومت سے مطالبہ کیا کہ وی پی این اور ایکس پر پابندی فوری طور پر ختم کرے۔

انھوں نے کہا کہ پورا بھارت سوشل میڈیا پر پاکستان کیخلاف مہم چلارہاہے، اس وقت سوشل میڈیا پر بیانیے کی جنگ چل رہی ہے، پوراہندوستان کشمیرکی تحریک کو بدنام کرنے کیلئے مہم چلارہاہے۔

حریت رہنما کی اہلیہ نے خبردار کیا اس وقت ہم جنگ کے بہت قریب ہیں، ایسے وقت میں پاکستانی قوم کو کشمیری عوام کے ساتھ متحد ہونا چاہیے۔

انہوں نے پاکستانی عوام سے اپیل کی کہ پاکستانی قوم سوشل میڈیا اور ایکس پر آئے اور بیانیہ بنائے۔

خیال رہے پہلگام حملے کا الزام لگانے کے بعد سے پاکستان اور بھارت کے درمیان کشیدگی عروج پر ہے۔

گذشتہ روز بھارتی جارحیت کے بعد وزیراعظم شہباز شریف کی زیر صدارت قومی سلامتی کمیٹی کا اجلاس ہوا تھا ، جس میں کہا گیا پانی پاکستان کا ایک اہم قومی مفاد ہے، جو اس کے 240 ملین لوگوں کے لیے لائف لائن ہے اور اس کی دستیابی کا ہر قیمت پر تحفظ کیا جائے گا۔

شرکا کا کہنا تھا کہ "سندھ آبی معاہدے کے مطابق پاکستان کے پانی کے بہاؤ کو روکنے یا اس کا رخ موڑنے کی کسی بھی کوشش اور زیریں دریا کے حقوق غصب کرنے کو ایکٹ آف وار تصور کیا جائے گا اور قومی طاقت کے مکمل دائرہ کار میں پوری طاقت کے ساتھ جواب دیا جائے گا”۔

تحریک آزادی کشمیر کے پابند سلاسل رہنما یاسین ملک کی اہلیہ مشعال ملک کا کہنا ہے کہ مقبوضہ کشمیر میں 50 لاکھ گھوسٹ ووٹرز نے ووٹ کاسٹ کیا ہے۔

مشعال ملک نے اپنے ایک بیان میں کہا کہ حال ہی میں مقبوضہ کشمیر میں فاشسٹ الیکشن کروائے گئے جبکہ 50 لاکھ بھارتیوں کو کشمیر کی شہریت دی گئی، بھارتی کشمیری نہیں غیر قانونی طور پر آ رہے ہیں۔

انہوں نے کہا کہ مودی سرکار دکھانا چاہتی ہے کہ کشمیریوں نے الیکشن کو اون کیا ہے، مقبوضہ کشمیر کے وکلا کی طرف پیغام ہے کہ آپ ان کی آواز ہیں، آرٹیکل 370 اور 35 اے لاگو کر کے مقبوضہ کشمیر پر قبضہ کیا ہوا ہے۔

ان کا کہنا تھا کہ بھارت نے 15 سے زائد سفیروں کو کشمیر بلا کر شفاف الیکشن دکھانے کی کوشش کی۔

یاد رہے کہ مودی سرکار کے تمام غیر قانونی اقدامات مقبوضہ کشمیر کے بہادر عوام نے خاک میں ملا دیے۔

ڈھونگ انتخابات میں بھارتیہ جنتا پارٹی کو عبرتناک شکست کا سامنا کرنا پڑا جبکہ کانگریس اور فاروق عبداللہ کے انتخابی اتحاد نے میدان مار لیا۔

بھارتی میڈیا نے دعویٰ کیا کہ عمر عبداللہ مقبوضہ کشمیر کے نئے وزیر اعلیٰ ہوں گے، نوے کے ایوان میں بی جے پی صرف اٹھائیس نشستیں جیت سکی۔

کانگریس اتحاد اکاون نشستیں جیت کر حکومت بنانے کی پوزیشن میں آگیا۔ اس جیت کے ساتھ انڈیا اتحاد نے حکومت سازی کی سرگرمیاں تیز کر دی ہیں۔

سابق وزیر اعلیٰ اور نیشنل کانفرنس کے سرکردہ لیڈر فاروق عبداللہ نے میڈیا سے گفتگو میں کہا تھا کہ عمر عبداللہ نئے وزیر اعلیٰ ہوں گے۔

اسلام آباد : حریت رہنماء یاسین ملک کی اہلیہ مشعال ملک کا وزیراعظم کے جنرل اسمبلی میں خطاب کا خیر مقدم کرتے ہوئے کہا عالمی برادری کو مسئلہ کشمیر پر نوٹس لینا چاہیے۔

تفصیلات کے مطابق حریت رہنماء یاسین ملک کی اہلیہ مشعال ملک نے اپنے بیان میں کہا کہ وزیراعظم شہباز شریف کے جنرل اسمبلی خطاب کا خیر مقدم کرتے ہیں، انھوں نے بھارت کی کشمیر میں دہشت گردی کو دنیا کے سامنے بے نقاب کیا۔

حریت رہنماء کی اہلیہ کا کہنا تھا کہ کشمیرمیں ظلم وبربریت،10لاکھ فوج کی واپسی اورکالےقوانین ختم کریں، 5اگست کےغیرقانونی اقدام کی واپسی تک حالات ٹھیک کاتصورنہیں کیا جا سکتا، عالمی برداری کومسئلہ کشمیر پر نوٹس لینا چاہیے۔

انھوں نے کہا کہ بھارت دنیا کی سب سےبڑی ریاستی دہشتگردی کررہاہے، بھارت مقبوضہ کشمیرمیں عالمی اورانسانی حقوق کی خلاف ورزی اور کشمیریوں کی نسل کشی کررہا ہے۔

یاسین ملک کی اہلیہ کا مزید کہنا تھا کہ اکھنڈ بھارت کا بیانہ پورے خطے کو جنگ کی لپیٹ میں لے جا سکتا ہے، دنیا نےمسئلہ کشمیرپرتوجہ نہ دی تویہ کشمیریوں کےساتھ ناانصافی ہو گی، مسئلہ کشمیر فلیش پوائنٹ ہےجس سے پورا خطہ متاثر ہوسکتا ہے۔

مشعال ملک نے کہا ہے کہ بدنام زمانہ نریندر مودی رام مندر کے افتتاح کو سیاسی چال کے طور پر استعمال کررہا ہے۔

وزیراعظم کی معاون خصوصی انسانی حقوق و ترقی نسواں مشعال ملک نے بابری مسجد کے مقام پر رام مندر کا افتتاح کرنے پر بھارتی وزیراعظم پر تنقید کرتے ہوئے کہا کہ مودی دور میں ہندوستان میں مسلم کمیونٹی کو ہر طرح کی مشکلات کا سامنا ہے۔

ان کا کہنا تھا کہ ہندوستان اور اسرائیل اس وقت دنیا کے دو سب سے بڑے دہشت گرد ملک ہیں۔ اسرائیل نےغزہ میں سینکڑوں مساجد کو نقصان پہنچایا۔

مشعال ملک نے کہا کہ بی جے پی حکومت 2014 سے ہندوستان سے اسلامی تہذیب مٹانے میں مصروف ہے۔

معاون خصوصی انسانی حقوق و ترقی نسواں کا مزید کہنا تھا کہ مسلم دنیا سے بھارت کے سفارتی بائیکاٹ کی اپیل کرتی ہوں۔

انھوں نے کہا کہ عالمی برادری کو بھارتی حکومت کے جبر، نسل کشی کی پالیسیوں اور اقدامات کا نوٹس لینا چاہیے۔