اسلام آباد : حریت رہنما یاسین ملک کی اہلیہ مشعال ملک کا کہنا ہے کہ اوآئی سی کومذمت اور قراردادوں سے آگے بڑھنا ہوگا، قاتل مودی کاہاتھ نہ روکا گیا تو کشمیر میں بڑی خونریزی ہوگی۔
تفصیلات کے مطابق حریت رہنما یاسین ملک کی اہلیہ مشعال ملک نے اپنے بیان میں کہا کہ بھارت سرچ آپریشن کےنام پرکشمیری نوجوانوں کاقتل عام کررہا ہے، کشمیریوں کے گھربارودی مواد لگا کرتباہ کیے جارہے ہیں۔
مشعال ملک کا کہنا تھا کہ یاسین ملک سمیت حریت قیادت مسلسل قید اور نظربندہیں، کشمیریوں کو کورونا کے ساتھ کرفیو اورجبر کا سامنا ہے۔
حریت رہنما یاسین ملک کی اہلیہ نے مزید کہا کہ اوآئی سی کاکشمیرپرہنگامی اجلاس خوش آئندہے، اوآئی سی کومذمت اورقراردادوں سےآگےبڑھناہوگا، قاتل مودی کاہاتھ نہ روکاگیاتوکشمیرمیں بڑی خونریزی ہوگی۔
یاد رہے اس سے قبل مشعال ملک نے کہا تھا کہ اقوام متحدہ کے سیکریٹری جنرل انتونیو گوتریس نے کہا دنیا کی جیلوں سے لوگوں کو رہا کیا جائے، جبکہ کشمیر میں صورت حال برعکس ہے۔
ان کا کہنا تھا کہ یو این سیکریٹری بیان کے برعکس کشمیریوں کو جیلوں میں ڈالا جارہا ہے، پوری دنیا کہہ رہی ہے کہ بھارت کو بلیک لسٹ کیا جائے، دنیا کو اب جاگنا ہوگا، کرونا کی آڑ میں بھارتی مظالم کو روکنا ہوگا۔
