اسلام آباد: حریت رہنماء یاسین ملک کی اہلیہ مشعال ملک نے کہا ہے کہ کشمیر کے حوالے سے سلامتی کونسل کا اجلاس بڑا بریک تھرو ہے، ہمیں اب اقوام متحدہ کی قراردادوں کے مطابق مسئلے کے حل پر فوکس کرنا ہے۔
اپنے ایک بیان میں مشعال ملک کا کہنا تھا کہ آزادی حاصل کرنے تک کشمیریوں کے لیے جدوجہد جاری رہے گی، معاملے کو عالمی سطح پر اجاگر کرنے کی کوشش بہت سال پہلے سے کرنی چاہئے تھی۔
مشعال ملک نے کہا کہ سلامتی کونسل کا اجلاس بڑا بریک تھرو ہے، ہمیں اب اقوام متحدہ کی قراردادوں کے مطابق مسئلے کے حل پر فوکس کرنا ہے۔
ان کا کہنا تھا کہ پوری دنیا میں ہمارا پیغام اس وقت پہنچ رہا ہے، لوگ کہتے ہیں ہندوستان بڑی مارکیٹ ہے اس لئے لوگ اسے کچھ نہیں کہے گا، میں اس بات سے اختلاف کرتی ہوں، ہمیشہ ایسا نہیں رہے گا۔
کشمیر پر وزیر اعظم کے قوم سے خطاب کا خیر مقدم کرتی ہوں: مشال ملک
انہوں نے کہا کہ ایٹمی جنگ کے دہانے پر بیٹھی دنیا خاموش ہی نہیں رہے گے، ہمیں معاملے کو بین الاقوامی سطح پر اجاگر کرنے کی کوشش بہت سال پہلے سے کرنی چاہئے تھی۔
یاسین ملک کی اہلیہ کا کہنا تھا کہ کشمیر پر ہماری حمایت صرف کسی ایک واقعے تک محدود نہیں ہونی چاہئے، ضروری نہیں کہ آرٹیکل 370 ختم کرنے کے بعد ہی ہم اٹھیں، ہر طرح کے حالات میں آزادی حاصل کرنے تک کشمیریوں کی حمایت جاری رکھنی چاہیے۔
