ARYNews.tv | Urdu – Har Lamha Bakhabar

Tag: مشن امپاسبل

  • لندن میں ٹام کروز کی فلم مشن امپاسبل ’دی فائنل ریکننگ‘ کا شاندار پریمیئر

    لندن میں ٹام کروز کی فلم مشن امپاسبل ’دی فائنل ریکننگ‘ کا شاندار پریمیئر

    ہالی ووڈ کی ایکشن اور تھرل سے بھرپور فلم مشن امپاسبل ’دی فائنل ریکننگ‘ کا کانز فلم فیسٹیول میں شاندار پریمیئر ہوا۔

    ہالی ووڈ کے سپر اسٹار ٹام کروز کےلیے کانز فلم فیسٹیول 2025 کا دوسرا دن ایک ناقابل فراموش لمحہ بن گیا۔

    فلم مشن امپاسیبل فائنل ریکننگ گرینڈ تھیٹر لومیئر میں نمائش کےلیے پیش کی گئی، جہاں ٹام کروز نے اپنے پسندیدہ کردار ایتھن ہنٹ کو جذباتی انداز میں الوداع کہا۔

     

    View this post on Instagram

     

    A post shared by Filmfare (@filmfare)

    نمائش کے بعد حال میں موجود اسٹارز نے اداکار کے لیے کئی منٹ تک کھڑے ہو کر تالیاں بجائیں، داد دی اور محبت سے خراج تحسین پیش کیا،جسے دیکھ کر ٹام کروز آبدیدہ ہوگئے۔

    اس دوران انہوں نے شرکا سے مخاطب ہوکر کہا کہ میں گزشتہ 30 سالوں سے اس سیریز کے ذریعے لوگوں کو تفریح فراہم کرنے پر بےحد شکر گزار ہوں، آپ سب کی انہی محبت کی وجہ سے ہم بہترین کام پیش کرتے ہیں۔

    واضح رہے کہ مشن امپاسیبل 1996 میں شروع ہوئی تھی، دی فائنل ریکننگ اسی فرنچائز کا اختتام ہے، فائنل رینکنگ میں ٹام کروز نے ناصرف مرکزی کردار ادا کیا، بلکہ پہلی بار اس سیریز میں بطور پروڈیوسر بھی کام رہے ہیں۔

  • ٹام کروز نے حقیقی زندگی میں بھی ناقابل یقین کام کر لیا

    ٹام کروز نے حقیقی زندگی میں بھی ناقابل یقین کام کر لیا

    ہالی ووڈ کے ٹاپ ایکشن ہیرو ٹام کروز نے فلم کے عملے کے لیے ‘امپاسبل’ قدم اٹھا لیا، لوگ اس بات پر حیران رہ گئے کہ ٹام کروز نے حقیقی زندگی میں بھی ‘مشن امپاسبل’ کی کس طرح ایک حقیقی جھلک دکھا دی ہے۔

    برطانوی ٹیبلائڈ دی سن کی رپورٹ کے مطابق ٹام کروز نے ‘مشن امپاسبل 7’ کے عملے کے لیے اپنے پرائیویٹ جیٹ پر 300 کرسمس کیک منگوائے، لیکن حیرت کی بات یہ ہے کہ کیک نے امریکا سے برطانیہ تک کا سفر طے کیا۔

    59 سالہ امریکی اداکار نے اس منفرد انداز میں مشن امپاسیبل 7 کی ٹیم کے لیے نیک خواہشات کا اظہار کیا، بتایا گیا ہے کہ ٹام کروز اپنے ساتھیوں کو سرپرائز دینا چاہتے تھے، اسی لیے انھوں نے لاس اینجلس سے 300 کرسمس کیک اپنے نجی طیارے پر برطانیہ منگوانے کا فیصلہ کیا۔

    دی گارڈین کے صحافی اسٹوارٹ ہیریٹیج کو ایک ہفتہ قبل بھیجا گیا کیک

    اس مشن کو پورا کرنے کے لیے ٹام کروز کے طیارے کو بحر اوقیانوس کے پار جانے کے لیے 5500 میل کا چکر کاٹنا پڑا۔

    ٹام کروز سے شادی کیریئر کو متاثر کرنے کی وجہ بنی: نکول کڈمین

    رپورٹ کے مطابق ٹام کروز کرسمس کے موقع پر مشن امپاسبل 7 کی ٹیم کو ایک دعوت دینا چاہتے تھے، اس لیے انھوں نے فیصلہ کیا کہ صرف لاس اینجلس میں ان کی پسندیدہ بیکری کے کیک ہی یہ دعوت دوبالا کر سکتے ہیں۔

    انھوں نے 300 کیک بنانے کے لیے مطلوبہ دکان کو خصوصی آرڈر دیا اور پھر جب یہ تیار ہوئے تو انھیں اپنے جیٹ پر واپس برطانیہ پہنچوایا۔

    ٹام کروز نے کرسمس کیکس پر 11,400 پاؤنڈ خرچ کیے ہیں۔

    واضح رہے کہ ایکشن ہیرو کو ایک فراخ دل انسان مانا جاتا ہے۔ اور ان کی عادت ہے کہ وہ کرسمس پر اپنے قریبی دوستوں کو 50 ڈالرز (38 پاؤنڈ) کا سفید چاکلیٹ کوکونٹ کیک بھیجتے ہیں۔

  • مشن امپاسبل 7: ٹرین کا انجن پہاڑی سے گر پڑا، ویڈیو وائرل

    مشن امپاسبل 7: ٹرین کا انجن پہاڑی سے گر پڑا، ویڈیو وائرل

    ہالی ووڈ اداکار ٹام کروز کی نئی فلم مشن امپاسبل 7 کی شوٹنگ کا ایک سین سوشل میڈیا پر بے حد وائرل ہورہا ہے جس میں ٹرین کا انجن پہاڑی سے گرایا گیا ہے۔

    ہالی ووڈ کے معروف اداکار ٹام کروز ایک بار پھر مشن امپاسبل کے نئے حصے میں واپس لوٹ رہے ہیں جس کی شوٹنگ جاری ہے، مشن امپاسبل کے نئے حصے کے لیے ٹرین کے انجن کے پہاڑی سے گرنے کا منظر سوشل میڈیا پر بے حد وائرل ہورہا ہے۔

    اس سین کو برطانیہ کے علاقے ڈربی شائر میں 20 اگست کو فلمایا گیا تھا اور مقامی فوٹوگرافر نے اسے اپنے کیمرے کی آنکھ میں محفوظ کر کے ٹویٹر پر شیئر کیا۔

     

    View this post on Instagram

     

    A post shared by VillagerJim (@villagerjim)

    رپورٹس کے مطابق ٹام کروز بھی اس موقع پر موجود تھے اور ہیلی کاپٹر سے انجن کے گرنے کا مشاہدہ کررہے تھے۔

    فوٹو گرافر جم نے اپنی پوسٹ میں لکھا کہ 5 ماہ سے ہم نئی مشن امپاسبل فلم کے اس سین کا انتظار کررہے تھے جس میں ٹرین کو پہاڑی سے نیچے گرایا گیا، ٹام بھی وہاں موجود تھے۔

    فوٹو گرافر نے میڈیا کو بتایا کہ انہوں نے ٹام کروز کو خود ہیلی کاپٹر اڑاتے ہوئے دیکھا۔

    اس ٹرین انجن کو کچھ دن پہلے اس گاؤں میں پہنچایا گیا تھا اور اس سین کے لیے فلم کی ٹیم نے خصوصی طور پر ٹریک تیار کروایا تھا۔

    ٹام کروز اکثر اپنی فلموں میں خطرناک اسٹنٹ کر چکے ہیں اور کئی مواقع پر ان کی زندگی بھی خطرے میں پڑگئی تھی۔

    یہ فلم ٹام کروز کی ایکشن سیریز مشن امپاسبل کی ساتویں فلم ہے، سیریز کی ساتویں فلم میں ٹام کروز کے ساتھ اداکارہ ونیسا کربی، ربیکا فرگوسن، ہائلے ایٹویل، سائمن پیگ اور ہینری زیمی سمیت دیگر اداکار موجود ہیں۔

    فلم کی ریلیز کرونا وائرس کی وبا کے نتیجے میں تاخیر کا شکار ہوچکی ہے اور شوٹنگ کو بھی متعدد مرتبہ کیسز یا دیگر مشکلات کے باعث روکا گیا۔

  • کرونا وائرس نے مشن امپاسیبل 7 کی شوٹنگ بھی رکوا دی

    کرونا وائرس نے مشن امپاسیبل 7 کی شوٹنگ بھی رکوا دی

    وینس: نئے اور مہلک ترین وائرس کووِڈ 19 نے جہاں ایک طرف دنیا بھر میں دہشت کی فضا بنائی ہوئی ہے وہاں اس نے ہالی ووڈ کی سنسنی خیز ایکشن سے بھرپور فلم مشن امپاسیبل 7 کی شوٹنگ بھی رکوا دی۔

    تفصیلات کے مطابق اٹلی کے شہر وینس میں مشن امپاسیبل 7 کی پروڈکشن عارضی طور پر روک دی گئی ہے، اس سیریز کی یہ ساتویں فلم مشہور شہر وینس میں فلمائی جا رہی ہے، اٹلی میں کرونا وائرس کی حالیہ وبا کے بعد فلم پر تمام کام روک دیا گیا ہے۔

    پیراماؤنٹ پکچرز کے ترجمان نے میڈیا کو بتایا کہ فلم کی کاسٹ اور عملے کی حفاظت کے لیے وینس میں تین ہفتوں پر مشتمل شوٹنگ شیڈول تبدیل کیا جا رہا ہے، مقامی حکومت نے بھی کرونا وائرس کے خطرے کے پیش نظر عوامی اجتماعات سے منع کر دیا ہے۔

    اٹلی کے تین صوبے کرونا وائرس کی لپیٹ میں آ گئے

    خیال رہے کہ اٹلی کے شہر وینس میں ایکشن ہیرو ٹام کروز کی مشہور فلم سیریز مشن امپاسیبل کے ساتویں حصے کی وسیع پروڈکشن کے پہلے مرحلے کی شوٹنگ کی جا رہی ہے۔ تاہم اٹلی میں کرونا وائرس کے 229 کیس رپورٹ ہونے اور 7 افراد کی ہلاکت کے بعد حکومت کو شدید تشویش لاحق ہو چکی ہے اور وائرس کی روک تھام کے سلسلے میں وسیع پیمانے پر اقدامات کیے جا رہے ہیں، جب کہ اٹلی میں اب تک تین صوبے وائرس کی لپیٹ میں آ چکے ہیں، عبادت گاہوں تک میں لوگوں کا جمع ہونا ممنوع قرار دے دیا گیا ہے۔

  • ٹام کروز ایک بار پھر ’مشن امپاسبل‘ پر

    ٹام کروز ایک بار پھر ’مشن امپاسبل‘ پر

    ہالی ووڈ کے معروف اداکار ٹام کروز اپنی مشہور فلم سیریز مشن امپاسبل 6 کی شوٹنگ میں مصروف ہیں۔ اس سلسلے میں انہوں نے پہلی تصاویر جاری کردی ہیں۔

    ٹام کروز کی جانب سے سماجی رابطے کی ویب سائٹ انسٹا گرام پر جاری کی جانے والی تصاویر میں فلم کا نام جبکہ ایک منظر پیش کیا گیا ہے۔ یہ ٹام کروز کی انسٹاگرام پر اولین تصاویر بھی ہیں۔

    مشن امپاسبل سیریز کی چھٹی فلم کا نام ’مشن امپاسبل ۔ فال آوٹ‘ ہوگا۔ ایک اور تصویر میں ٹام کروز حسب معمول خطرناک اسٹنٹ کرتے ہوئے اپنی جان بچانے کے لیے ہیلی کاپٹر سے لٹکے دکھائی رہے ہیں۔

    Get ready. #MissionImpossible

    A post shared by Tom Cruise (@tomcruise) on

    یاد رہے کہ گزشتہ برس اس فلم کی شوٹنگ اس وقت روکنا پڑی تھی جب ٹام کروز ایک اسٹنٹ انجام دیتے ہوئے گر پڑے تھے اور اپنا ٹخنہ تڑوا بیٹھے۔ ان کی مکمل صحت یابی کے بعد فلم کی شوٹنگ دوبارہ شروع کی گئی۔

    مزید پڑھیں: ٹام کروز کے پسندیدہ کام جو وہ ہر فلم میں کرتے ہیں

    مشن امپاسبل کی پانچویں فلم سنہ 2015 میں ریلیز کی گئی تھی۔ چھٹی مشن امپاسبل میں ٹام کروز کے ساتھ ربیکا فرگوسن اور انجلا بیسیٹ بھی اداکاری کے جوہر دکھائیں گی۔

    فلم رواں برس 27 جولائی کو ریلیز کردی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مشن امپاسبل کی شوٹنگ کے دوران ٹام کروز شدید زخمی

    مشن امپاسبل کی شوٹنگ کے دوران ٹام کروز شدید زخمی

    لاس اینجلس: معروف ہالی ووڈ اداکار ٹام کروز اپنی آنے والی فلم مشن امپاسبل 6 کی شوٹنگ کے دوران ایک اسٹنٹ کرتے ہوئے اپنا ٹخنہ تڑوا بیٹھے۔ ٹام کے زخمی ہونے کے بعد عارضی طور پر فلم کی شوٹنگ روک دی گئی۔

    فلم کمپنی پیراماؤنٹ پکچرز کے مطابق ٹام کی مکمل صحت یابی کے بعد شوٹنگ کا دوبارہ آغاز کردیا جائے گا، تاہم اس سے فلم کی ریلیز پر کوئی اثر نہیں پڑے گا اور فلم اپنے مقررہ وقت پر ہی ریلیز ہوگی۔

    واضح رہے کہ ٹام کروز اپنی فلموں میں زیادہ تر خطرناک اسٹنٹس خود ہی انجام دیتے ہیں۔

    ایک فلم ویب سائٹ کی جانب سے جاری کی جانے والی ایک ویڈیو میں دیکھا جاسکتا ہے کہ ٹام کو 2 عمارتوں کے درمیان ایک سے دوسری عمارت کی چھت پر چھلانگ لگانی ہے مگر اس دوران وہ اپنا اسٹنٹ صحیح سے انجام نہ دے سکے اور چھلانگ لگاتے ہوئے دوسری عمارت کی دیوار سے ٹکرا گئے۔

    واقعے کے بعد فوری طور پر ٹام کو طبی امداد دی گئی۔ بعد ازاں  وہ سیٹ پر لنگڑا کر چلتے ہوئے بھی دیکھے گئے۔

    پیرا ماؤنٹ پکچرز نے یہ واضح نہیں کیا کہ فلم کی دوبارہ شوٹنگ کا آغاز کب ہوگا۔ فلم مشن امپاسبل 6 اگلے برس جولائی کی 27 تاریخ کو ریلیز کردی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔