Tag: مشورہ

پاکستان کے بیٹر بابر اعظم اپنے کیریئر کے بدترین دور سے گزر رہے ہیں سابق بھارتی کپتان گواسکر نے انہیں فارم بحالی کے لیے مشورہ دیا ہے۔

پاکستان کی موجودہ کرکٹ ٹیم کے سب سے بڑے بیٹر بابر اعظم ان دنوں اپنے کیریئر کے بدترین دور سے گزر رہے ہیں اور طویل عرصہ سے ان کا بلا ماضی کی طرح رنز نہیں اگل رہا ہے۔

حالیہ ایک سال کی ناقص فارم کے ساتھ چیمپئنز ٹرافی میں نیوزی لینڈ کے خلاف سست ترین بیٹنگ اور بھارت کے خلاف بھی ناکامی کے بعد سابق کرکٹرز اور شائقین کرکٹ بابر اعظم کو کڑی تنقید کا نشانہ بنا رہے ہیں۔

ایسے میں پڑوسی ملک بھارت کے سابق کپتان لیجنڈ سنیل گواسکر بابر اعظم کی حمایت میں سامنے آئے ہیں اور انہوں نے قومی بیٹر کو فارم کی بحالی کے لیے کچھ تکنیکی مشورے دیےی ہیں۔

سنیل گواسکر سابق پاکستانی کرکٹر باسط علی کے یوٹیوب چینل پر گفتگو کے دوران بابر اعظم پر پاکستانی شائقین اور سابق کرکٹرز کی تنقید پر نالاں دکھائی دیے اور کہا کہ کسی کھلاڑی پر برا وقت آئے تو قوم کو اسے گالیاں دینے کے بجائے سپورٹ کرنا چاہیے، کوہلی بھی ایک ڈیڑھ سال کیلیے آؤٹ آف فارم رہے لیکن ہم نے انہیں گالیاں نہیں دیں بلکہ سپورٹ کیا۔

لیجنڈری انڈین کرکٹر نے بابر کو فارم کی بحالی کے لیے مشورہ دیتے ہوئے کہا کہ اس وقت ان کا اسٹانس کافی پھیلا ہوا ہے۔ اگر وہ اپنے پیروں کے درمیان فاصلے کو تھوڑا کم کریں تو اس سے انہیں شاٹس کھیلنے میں آسانی ہوگی۔

انہوں نے کہا کہ جب کسی بیٹر کے قدموں کے درمیان فاصلہ زیادہ ہوتا ہے تو اس کو آگے پیچھے پوزیشن لینے میں دشواری ہوتی ہے، لیکن یہ گیپ کم کرنے سے بیٹر کا قد تھوڑا اوپر ہو جاتا ہے اور وہ گیند کو بہتر انداز میں سمجھ سکتا ہے۔

سنیل گواسکر نے مزید کہا کہ اگر بابر اعظم ان کے اس مشورے پر عمل کرنے کی کوشش کریں گے تو اس سے ان کی رنز اسکور کرنے کی صلاحیت بحال ہوگی جسکا فائدہ صرف پاکستان کو نہیں ملے گا بلکہ پوری دنیا کے شائقین کرکٹ کو انکی بیٹنگ دیکھنے میں لطف آئے گا کیونکہ ان کی بیٹنگ اور خاص طور پر کور ڈرائیو انتہائی شاندار ہے۔

https://urdu.arynews.tv/sidhu-tell-story-about-babar-azam-failure-and-criticism/

آسٹریلیا سے شکست اور ورلڈ ٹیسٹ چیمپئن شپ فائنل سے بھارتی ٹیم کے اخراج کے بعد سنیل گواسکر نے بی سی سی آئی کو بڑا مشورہ دے دیا۔

آسٹریلیا سے بارڈر گواسکر ٹیسٹ سیریز ٹرافی میں تین، ایک سے شکست اور آئی سی سی ورلڈ ٹیسٹ چیمپئن شپ سے بھارتی ٹیم کے اخراج کے بعد ٹیم، کپتان روہت شرما اور سینئر کھلاڑی شدید تنقید کی زد میں ہیں۔ ایسے میں سابق بھارتی کپتان لیجنڈ کرکٹر سنیل گواسکر نے بھارتی کرکٹ بورڈ (بی سی سی آئی) کو اہم مشورہ دے دیا ہے۔

سنیل گواسکر نے بی سی سی آئی پر زور دیا ہے کہ وہ کرکٹرز کے ناز نخرے اٹھانا بند کرے اور ٹیم سے اسٹار کلچر کا خاتمہ کرے۔ ٹیم کو ایسے کھلاڑیوں کی ضرورت نہیں جو مکمل طور ہر وقت دستیاب نہ ہوں۔

لٹل ماسٹر نے کہا کہ آسٹریلیا کے خلاف سیریز کے حالیہ نتائج مایوس کن ہیں اور بھارتی ٹیم کے لیے اگلے 8 سے 10 دن بہت اہم ہیں۔ کھلاڑی کی ٹیم سے مکمل وابستگی پر کوئی کمپرومائز نہیں ہونا چاہیے اور ہمیں ایسے کھلاڑیوں پر انتخاب کے دروازے بند کرنے ہوں گے جو ٹیم کو اپنا مکمل وقت دینے کو تیار نہیں۔

ان کا مزید کہنا تھا کہ ہمیں ورلڈ ٹیسٹ چیمپئن شپ کے فائنل میں ہونا چاہیے تھا، لیکن ہم کوالیفائی نہیں کر سکے۔ کرکٹ بورڈ کو اب سخت فیصلے کرنے چاہئیں اور کھلاڑیوں سے ان کے فینز جیسا رویہ ترک کر دینا چاہیے۔ بورڈ اپنے فیصلوں سے کھلاڑیوں کو بتائے کہ شخصیت نہیں بلکہ بھارتی کرکٹ سب سے اہم اور پہلے ہے۔

واضح رہے کہ گواسکر دوسرے بچے کی پیدائش کے باعث روہت شرما کے آسٹریلیا کے خلاف پہلے ٹیسٹ میچ سے دستبرداری کے فیصلے پر پہلے بھی تنقید کر چکے ہیں جب کہ انہوں نے سینئر کرکٹرز کے ڈومیسٹک کرکٹ نہ کھیلنے پر بھی سوالات اٹھائے تھے۔

https://urdu.arynews.tv/rohit-sharma-and-virat-kohli-future-gambhir-talk/

پاکستان کرکٹ ٹیم کے سابق کپتان محمد حفیظ نے کپتان بابر اعظم کو آل راؤنڈر عماد وسیم سے معافی مانگنے کا مشورہ دیا ہے۔

قومی کرکٹ ٹیم کے سابق کپتان محمد حفیظ نے افغانستان کے خلاف شکست کے بعد اسپورٹس شو میں گفتگو کرتے ہوئے کہا تھا کہ میرا خیال ہے کہ عماد وسیم کو ورلڈ کپ میں سلیکٹ نہ کرنے پر بابر اعظم کو قوم کے سامنے آکر معذرت کرنی چاہیے۔

تاہم اس حوالے سے آل راؤنڈر عماد وسیم کا بیان بھی سامنے آگیا ہے، نجی ٹی وی شو میں کھلاڑی سے سوال کیا گیا کہ ’’کیا وہ بابر اعظم کو معاف کردیں گے‘‘۔

کیا جنوبی افریقہ پاکستان کیخلاف ’چوک‘ کر جائے گا؟

جس پر آل راؤنڈر عماد وسیم کا کہنا تھا کہ ’’ بابر اعظم اگر ہمیں ورلڈ کپ جیتا دیں تو میں کیا پوری قوم بابر اعظم کو معاف کردے گی‘‘۔

انہوں نے مزید کہا کہ میں ایسی کسی بھی بات کی توقع نہیں رکھتا، ایک مسلمان ہوتے ہوئے ہمارا یہ ایمان ہے کہ ’ یہ سب اللہ کے طرف سے ہوتا ہے‘۔

واضح رہے کہ افغانستان کے ہاتھوں شکست کے بعد پاکستان ٹیم کے سیمی فائنل کھیلنے کی امیدیں ایک بار پھر اگر مگر کا شکار ہوچکی ہیں۔

اگر پاکستان نے فائنل فور میں جانا ہے تو اسے نہ صرف اپنے بقیہ چاروں میچز بڑے مارجن سے جیتنے ہوں گے بلکہ دیگر ٹیموں میں سے کسی کی فتح اور کسی کی شکست کی دعائیں کرنا ہوں گی۔