دبئی: آئی سی سی کا اسپنرز کے خلاف کریک ڈاؤن جاری ہے، بنگلہ دیشی آف اسپنر سہاگ غازی کو مشکوک ایکشن کے سبب بین الاقوامی کرکٹ میں بولنگ کرنے سے روک دیا گیا ہے۔
سہاگ غازی کا ایکشن رواں سال اگست میں ویسٹ انڈیز کے خلاف میچ میں امپائروں نے رپورٹ کیا تھا، جس کے بعد برطانیہ کی کارڈف میٹروپولیٹن یونیورسٹی میں ماہرین کے سامنے ان کے بولنگ ایکشن کی جانچ کی گئی۔
آئی سی سی کے مطابق سہاگ غازی کا ایکشن آئی سی سی کے قواعد کے مطابق نہیں ہے، ان کی تمام گیندیں پندرہ ڈگری کی قانونی حد سے تجاوز کرتی ہیں۔
انٹرنیشنل کرکٹ کونسل کے مطابق بنگلہ دیشی آف اسپنر بولنگ ایکشن میں درستگی کے بعد قانون کے مطابق دوبارہ جائزے کے لئے درخواست دے سکتے ہیں۔
