کراچی: مشیرتجارت عبدالرزاق داؤد نے کہا ہے کہ عالمی وبا کروناوائرس نے دنیا اور کاروبار کو مکمل طور پر تبدیل کردیا، مشکل حالات میں نئی راہیں کھلتی ہیں۔
تفصیلات کے مطابق سماجی رابطے کی ویب سائٹ ٹوئٹر پر عبدالرزاق داؤد نے ٹوئٹ کیا کہ بہت سارے کاروبار بند ہونے کے دہانے پر ہیں، ملازمین کی نوکری کو خطرہ لاحق ہے۔
ان کا کہنا تھا کہ پاکستان کے لیے میک ان پاکستان پالیسی بڑھانے کا موقع ہے، ہمیں درآمدات کے بجائے مقامی تیار اشیاکو ترجیح دینی ہے، وزارت ٹیرف میں تبدیلی کے لیے تیزی سے کام کر رہی ہے۔
عبدالرزاق داؤد نے مزید کہا کہ تبدیلی مقامی پیداوار اور میک ان پاکستان پالیسی کو فروغ دے گی۔
The Corona Virus has changed the world as we knew it; business processes will be completely different. Such difficult times always bring out new opportunities,new products, new ways of thinking.This is a golden opportunity for Pakistan to pursue the “Make In Pakistan Policy”. 1/3
— Abdul Razak Dawood (@razak_dawood) May 5, 2020
