اسلام آباد: مشیرخزانہ ڈاکٹر عبدالحفیظ شیخ نے کہا ہے کہ وزیراعظم عمران خان کی قیادت میں ’کارکے‘ معاملے کا حل نکالا گیا جو ملک کے لیے ایک مثبت پیش رفت ہے۔
تفصیلات کے مطابق سماجی رابطے کی ویب سائٹ ٹوئٹر پر اپنے ایک بیان میں مشیرخزانہ عبدالحفیظ شیخ کا کہنا تھا کہ معاملہ حل ہونے سے معیشت کو ایک ارب20کروڑ ڈالر کی بچت ہوگی۔
انہوں نے کہا کہ بچت ہونے والی رقم ملکی ترقی اور عوام کی فلاح وبہبود پر خرچ ہوگی۔
A positive development for the country. Under the leadership of Prime Minister @ImranKhanPTI, Govt of Pakistan has resolved Karkey dispute saving $1.2 billion to the economy. This amount can now be spent on the development and better facilities for the public.
— Dr. Abdul Hafeez Shaikh (@a_hafeezshaikh) November 4, 2019
خیال رہے کہ ترکی سے تعلق رکھنے والی کارکے کمپنی کے ساتھ موجودہ حکومت کے معاملات طے پاگئے ہیں۔ پیپلز پارٹی دور حکومت میں کارکے کمپنی نے پاکستان کو بجلی پیدا کرنے والے بحری جہاز فراہم کیے تھے۔
کارکے کمپنی کو جرمانے کی ادائیگی کا مسئلہ حل کرلیا، وزیراعظم عمران خان
اس منصوبے کو سابق چیف جسٹس افتخار محمد چوہدری نے رکوا دیا تھا جس کے خلاف کمپنی نے آئی سی ایس آئی ڈی سے رجوع کیا تھا۔
رواں سال جولائی میں انٹرنیشنل کورٹ آف سیٹلمنٹ آف انویسٹمنٹ ڈسپیوٹ نے ریکوڈک کیس کا فیصلہ سناتے ہوئے پاکستان پر بھاری جرمانہ عائد کرتے ہوئے 1ارب20کروڑ ڈالر کی رقم ادا کرنے کا حکم دیا تھا۔ پاکستان پر یہ ہرجانہ ریکوڈک کا معاہدہ منسوخ کرنے کے باعث عائد کیا گیا تھا۔
یاد رہے کہ گزشتہ روز وزیراعظم عمران خان کا کہنا تھا کہ حکومت نے ترک صدر کی مدد سے کارکے کمپنی کو جرمانے کی ادائیگی کا مسئلہ حل کرلیا، حکومتی ٹیم کو مقصد کے حصول میں کارکردگی پر مبارکباد دیتا ہوں۔
