Tag: مشیر اطلاعات سندھ مولا بخش چانڈیو

کراچی: مشیرِاطلاعات سندھ مولابخش چانڈیو نے کہا ہے کہ پاک چین اقتصادی راہداری منصوبے کی بنیاد رکھنے والے آصف زرداری ہیں، جنہوں نے سی پیک منصوبے پر مشاورت کے لیے اپنے دورِ صدارت میں چین کے کئی دورے بھی کیے تھے۔

یہ بات مشیر اطلاعات سندھ مولا بخش چانڈیو نے کراچی میں سی پیک کے حوالے سے ہونے والے پیپلز پارٹی کے اعلٰی سطح کے اجلاس کے بعد صحافیوں سے گفتگو کرتے ہوئی بتائی، انہوں نے کہا کہ سی پیک سے متعلق حکمرانوں نے غلط فہمیاں پیدا کیں۔

مولا بخش چانڈیو نے کہا ہے کہ پاک چین دوستی ایک لازوال رشتہ ہے، پاکستانی قوم چین سے محبت رکھتی ہے اور پاکستان کا ہر بچہ بتائے گا کہ چائنا پاکستان کا دوست ہے۔

انہوں نے کہا کہ سی پیک منصوبے پر فخر کرتے ہیں آنے والے دنوں میں سندھ میں ترقی آئے گی ہمارے یہاں بہت سے منصوبے تکمیل کے مراحل میں جب کہ کئی منصوبوں کا آغاز کردیا گیا ہے۔

مولا بخش چانڈیو نے کہا کہ سی پیک آصف زرداری کی دور اندیشی کا مظہر ہے جس کی بنیاد انہوں نے اپنے دورِ صدارت میں رکھی اور آج ملک اس کے ثمرات سے فیضیاب ہو رہا ہے، وفاقی حکومت نے سیاسی کھیل کھیلا ہے اور بہت سے منصوبے بغیر پوچھے شروع کردئیے۔

کراچی : مشیرِ اطلاعات سندھ مولابخش چانڈیو نے کہا ہے کہ آصف علی زرداری کے آنے سے کارکنان بہت خوش ھیں جب کہ مخالفوں میں کھلبلی مچ گئی ہے۔

میڈیا سے گفتگوکرتے ہوئے مشیر اطلاعات سندھ مولا بخش چانڈیو کا کہناتھا کہ آصف علی زرداری کی واپسی کے اعلان سے ھی مخالفین پریشان ھو گئے تھے کیوں کہ مخالفین جانتے ہیں کہ چیئرمین بلاول بھٹو زرداری کی قیادت اور آصف زرداری کی سیاسی بصیرت سے پی پی پی 2018 میں پورے ملک سے الیکشن جیتے گی۔

انہوں نے کہا کہ آصف علی زرداری کے دور میں مظلوم طبقات کے فائدے کے لیے نئے قوانین بنائے گئے اور پہلی مرتبہ ایسا ہوا کہ صدرِ مملکت نے اپنے اختیارات وفاق کو اور وفاق سے اختیارات صوبوں کو منتقل کیے گئے یہ صرف پیپلز پارٹی کا کارنامہ ہے۔

مولابخش چانڈیو نے مفاہمت کی سیاست کا زکر کرتے ہوئے کہا کہ مفاہمت نواز شریف سے نہیں تھی مفاہمت جمہوریت کی بقا کے لیے تھی لیکن اس کا فائدہ وفاقی حکومت کو بھی ھوا، جس کا ادراک مسلم لیگ ن نہیں کر پا رہی ہے، ایسا لگتا ہے کہ مسلم لیگ ن عقل کے اندھوں کی جماعت ہے۔

انہوں نے مسلم لیگ ن کی جانب سے پیپلزپارٹی پر تنقید کا جواب دیتے ہوئے کہا کہ چودھری نثار جو بھی بولیں وزیر اعظم کو ہمت نہیں ہے کہ ان سے وضاحت طلب کرلیں جب مسلم لیگ ن والوں کے پاس سیاسی باتیں ختم ہو جاتی ہیں تو وہ ذاتی تنقید پر اتر آتے ہیں۔

مشیر اطلاعات مولا بخش چانڈیو نے کہا کہ نواز لیگ تنگ نظر جماعت ہے اور ثابت ہو گیا ہے کہ عقل کے اندھوں کی اکثریت مسلم لیگ ن میں ہی ہے، 27 دسمبر کے بعد پیپلز پارٹی کی تحریک سے نواز لیگ کی‌حکومت ختم ہوجائے گی۔

مشیر اطلاعات سندھ کا کہنا تھا کہ رینجرز اور سندھ پولیس کی مشترکہ کاوشوں اور قربانیوں سے کراچی میں امن قائم ہوا ہے تا ہم رینجرز کی جانب سے کل کی گئی کارروائی سے اچھے تاثر کو ختم کرنیکی کوشش کی گئی ہے، سیاسی مفامت اور اداروں کا آپس میں اعتماد ملک اور قوم کے لیے بہتر ہے۔

ایک سوال کے جواب میں انہوں نے کہا کہ ڈاکٹر عاصم سے ملاقات کا مجھے علم نہیں ہے اور پیپلز پارٹی کبھی بھی سولو فلائیٹ کی حامی نھیں رہی ہے جنہوں نے اکیلی اڑان لی ان کو ناکامیاں ملی ہیں جمہوریت پسند پارٹیاں ہمارے ساتھ چل کر ملک کی بہتری کے لیے سیاست کریں گی۔

مولا بخش چانڈیو کا مزید کہنا تھا کہ آصف علی زرداری کا تجربہ پارٹی چیئرمین بلاول بھٹو زرداری کے لیے بہت فائدہ مند ثابت ہوگا۔

کراچی : مشیرِ اطلاعات سندھ مولا بخش چانڈیو نے کہا ہے کہ الزامات سندھ پر لگائے جاتے ہیں جب کہ بے امنی کی فضا پنجاب میں قائم ہے مسلم لیگ ن صرف ایک شہر کوترقی دے رہی ہے۔

مولا بخش چانڈیو کراچی میں میڈیا سے گفتگو کے دوران وفاقی وزیر ریلوے خواجہ سعد رفیق کے بیان پر ردعمل دیتے ہوئے کہا کہ پنجاب میں دن دیہاڑے ڈکیتی کی وارداتیں ہو رہی ہیں اور لوگوں کی جان و مال محفوظ نہیں اس لیے وفاقی وزیر پنجاب کی صورت حال پر توجہ دیں سندھ کی فکر نہ کریں۔

مشیرِ اطلاعات نے مسلم لیگی رہنما خواجہ سعد رفیق کو مخاطب کرتے ہوئے کہا کہ خواجہ صاحب پاناما کیس آپ کی قیادت کو نہیں چھوڑے گا احتساب تو دینا ہوگا۔

انہوں نے مسلم لیگی رہنماؤں کو مشورہ دیتے ہوئے کہا کہ حکومت کی بھلائی اسی میں ہے کہ پیپلز پارٹی کی قیادت کی جانب سے دیے گئے چاروں مطالبات کو مان لیے جائیں ورنہ دما دم مست قلندر کے ؛لیے تیار ہوجائیں۔

واضح رہے وفاقی وزیر برائے ریلوے خواجہ سعد رفیق کراچی کے دورے پر ہیں جہاں انہوں نے مختلف تقریبات سے خطاب کے دوران پاکستان پیپلز پارٹی کی پالیسیوں اور قیادت کو ہدف تنقید بنایا تھا۔

کراچی : مشیر اطلاعات سندھ مولا بخش چانڈیو نے کہا ہے کہ پاک چین اقتصادی راہداری منصوبہ سی پیک منصوبہ ایک اہم سنگ میل ہے لیکن وفاقی حکومت نے تمام سیاسی قائدین کو نظر انداز کر کے تنگ نظری کا ثبوت دیا ہے۔

مشیرِ اطلاعات مولا بخش چانڈیو نے میڈیا سے بات کرتے ہوئے شکوہ کیا کہ سی پیک جیسے اہم منصوبے کے افتتاح کے موقع پر دیگر سیاسی جماعتوں کے قائدین کو بھی اعتماد میں لے لیا جاتا تو قومی وحدت مزید مستحکم اور پائیدار ہوتی۔

انہوں نے کہا کہ پاک چین اقتصادی راہداری منصوبے سے چاروں صوبوں کا یکسان فائدہ پہنچنا چاہیے اور اس کے ثمرات ملک کے ہر ایک باسی تک پہنچنے چاہیے تا ہم صوبوں کو اعتماد میں نہ لے کر وفاقی حکومت نے تنگ نظری کا ثبوت دیا۔

ایک سوال پر انہوں نے کہا کہ نئے آرمی چیف کے نام کا اب تک اعلان نہ کیا جانا حکومت کی نا اہلی ہے اس معاملے کو طول دینے میں حکومت کیا حکمتِ عملی ہو سکتی ہے اس حوالے سے قیاس ہی کیا جاسکتا ہے۔

انہوں نے آرمی چیف کے کردار کی تعریف کرتے ہوئے کہا کہ اکثر واقعات میں جہاں وزیر اعظم کو جانا ہوتا ہے وہاں وہ سوچتے ہی رہ جاتے ہیں اور جنرل راحیل شریف پہنچ جاتے ہیں جو کہ سچے سپہ سالار ہونے کیی دلیل ہے جنرل راحیل شریف کا تعلق شہداء کے عظیم خاندان سے ہے اور انکی خدمات بلا شبہ قابل تعریف ہیں۔

کراچی : سندھ کے مشیر اطلاعات مولا بخش چانڈیو نے سندھ میں یک طرفہ کارروائی کے تاثر کو غلط قرار دیتے ہوئے کہا ہے کہ دونوں طرف سے گرفتاریاں ہوئی ہیں،کسی ایک کی حمایت یا مخاللفت کا الزام درست نہیں ہے۔

مشیر اطلاعات مولا بخش چانڈیو نے میڈیا سے بات کرتے ہوئے کہا کہ یہ تاثر غلط ہے کہ کراچی میں یک طرفہ کارروائی کی جا ری رہی ہے اور کسی ایک فرقے یا گروپ کو نشانہ بنایا جا رہا ہے۔

انہوں نے کہا کہ دونوں مکتبہ فکر سے تعلق رکھنے وہ رہنما اور کارکنان جن کے بارے میں دہشت گردی میں ملوث ہونے کے ثبوت یا معلومات ہیں انہیں گرفتار کیا جا رہا ہے،اگر امام بارگاہ کی تلاشی لی گئی ہے تو جامع مسجد صدیق اکبر پر بھی چھاپہ مارا گیا ہے۔

مولابخش چانڈیو نے بتایا کہ وزیر اعلیٰ سندھ نے کابینہ اجلاس میں کراچی میں بد امنی اور ٹریفک جام کی صورت حال پر تشویش کا اظہار کرتے ہوئے کہا ہے کہ امن و امان کی صورت حال کو کسی بھی قیمت پر خراب نہیں ہونے دیا جائے گا۔

مولا بخش چانڈیو نے کہا کہ سندھ کابینہ اجلاس میں دوسرا معاملہ ملازمتوں پر پابندی ہٹانے سے سے متعلق زیر بحث لایا گیا،ملازمتوں پر پابندی ہٹانے کا اعلان پہلے ہی کیا جا چکاہے لیکن رولز آف پروسیچر کو پورا کرنے کے لیے وقت لگتا ہے، تمام محکموں سے تجاویزات مانگ لی ہیں۔

انہوں نے کہا چھوٹوں صوبوں کی حق تلفی کر کے وفاق کو کمزور کیا جا رہا ہے،سی پیک سے لے کر این ایف سی ایوارڈ تک چھوٹے صوبوں کے تحفظات کو دور کیا جانا چاہیے۔