ARYNews.tv | Urdu – Har Lamha Bakhabar

Tag: مشیر تجارت

  • مشیر تجارت نے خوشخبری سنا دی

    مشیر تجارت نے خوشخبری سنا دی

    اسلام آباد: وزیر اعظم کے مشیر برائے تجارت عبدالرزاق داؤد کا کہنا ہے کہ لارج اسکیل مینو فیکچرنگ کا شعبہ 16 سال کی بلند ترین سطح پر آگیا۔ ایل ایس ایم کا شعبہ 14.85 فیصد بڑھا۔

    تفصیلات کے مطابق وزیر اعظم عمران خان کے مشیر برائے تجارت عبدالرزاق داؤد نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ لارج اسکیل مینو فیکچرنگ کا شعبہ 16 سال کی بلند ترین سطح پر آگیا۔

    مشیر تجارت کا کہنا تھا کہ ایل ایس ایم کا شعبہ 14.85 فیصد بڑھا، یہ حکومت کی صنعت نواز پالیسیوں کی وجہ سے ممکن ہوا۔

    انہوں نے کہا کہ اس نشونما میں ٹیکسٹائل، خوراک، مشروبات، تمباکو، پیٹرولیم مصنوعات، دوا سازی، کیمیائی، معدنی، آٹو موبائل، کھاد، آئرن اور اسٹیل مصنوعات نے کردار ادا کیا۔

    اس سے قبل ایک موقع پر رزاق داؤد نے کہا تھا کہ ٹیکسٹائل سیکٹر کو مزید پروموٹ کرنے جا رہے ہیں، جب ہمارے ٹیرف اوپر جاتے ہیں تو ایکسپورٹ کم ہوتی ہے۔

    انہوں نے کہا تھا کہ جو مٹیریل اسٹاک ہوگا وہ پاکستانی صنعت کاروں کے لیے بھی دستیاب ہوگا جبکہ پاور سیکٹر میں صنعت کاروں کے لیے مکمل سہولتیں ملیں گی۔

  • پاکستان ورلڈ ٹریڈ آرگنائزیشن کمیٹی برائے تجارت و ترقی کی سربراہی کے لیے منتخب

    پاکستان ورلڈ ٹریڈ آرگنائزیشن کمیٹی برائے تجارت و ترقی کی سربراہی کے لیے منتخب

    اسلام آباد: مشیر تجارت عبد الرزاق داؤد کا کہنا ہے کہ پاکستان کو ورلڈ ٹریڈ آرگنائزیشن کمیٹی برائے تجارت و ترقی کی سربراہی کے لیے منتخب کرلیا گیا ہے۔

    تفصیلات کے مطابق وزیر اعظم کے مشیر تجارت عبد الرزاق داؤد نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ پاکستان ورلڈ ٹریڈ آرگنائزیشن کمیٹی برائے تجارت و ترقی کی سربراہی کے لیے منتخب کیا گیا۔

    اپنے ٹویٹ میں انہوں نے کہا کہ یہ انتخاب سال 2021 کے لیے ہے، یہ کمیٹی 1965 میں ترقی پذیر ممالک کی معاشی ترقی کے لیے بنائی گئی تھی۔

    انہوں نے بتایا کہ پاکستان کی قیادت میں سی ٹی ڈی تجارت اور سرمایہ کاری کے لیے کام کرے گا۔

    یاد رہے کہ پاکستان تحریک انصاف کی حکومت میں ملک میں تجارت و ترقی کے شعبے میں اضافہ دیکھا جارہا ہے۔

    اس سے قبل ایک موقع پر عبد الرزاق داؤد کا کہنا تھا کہ بیرون ملک سرمایہ کاروں کو راغب کرنے کے لیے مراعات دے رہے ہیں۔

    انہوں نے کہا تھا کہ بیرونی ملک سرمایہ کاروں کو مراعات دینے سے کاروبار میں اضافہ ہوگا، معیشت سے متعلق موجودہ حکومت مختلف اقدامات کررہی ہے۔

    مشیر تجارت کا کہنا تھا کہ کاروبار میں حائل غیر ضروری رکاوٹیں ختم کر رہے ہیں، بلوچستان اور خیبر پختونخواہ میں بھی سرمایہ کاری بڑھانے کے لیے مراعات دے رہے ہیں۔

  • افغان صدر سے ملاقات میں تجارت و مواصلات پر تبادلہ خیال ہوا: مشیر تجارت

    افغان صدر سے ملاقات میں تجارت و مواصلات پر تبادلہ خیال ہوا: مشیر تجارت

    اسلام آباد: وزیر اعظم کے مشیر برائے تجارت عبد الرزاق داؤد کا کہنا ہے کہ افغان صدر سے ملاقات میں تجارت و مواصلات پر تبادلہ خیال ہوا، امید ہے راہداری اور ترجیحی تجارتی معاہدے جنوری تک طے پا جائیں گے۔

    تفصیلات کے مطابق وزیر اعظم کے مشیر برائے تجارت عبد الرزاق داؤد نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ افغان صدر سے ملاقات میں تجارت و مواصلات پر تبادلہ خیال ہوا۔

    مشیر تجارت کا کہنا تھا کہ دیگر اعلیٰ حکام سے بھی تجارت کے امور پر ملاقاتیں ہوئیں، امید ہے راہداری اور ترجیحی تجارتی معاہدے جنوری تک طے پا جائیں گے۔

    انہوں نے کہا کہ آنے والے دنوں میں شراکت داروں سے تفصیلی ملاقاتیں کروں گا، دونوں ملکوں میں تجارت اور سرمایہ کاری میں خاطر خواہ مواقع ہیں۔ ملکی کاروباری برادری کو ان مواقع سے فائدہ اٹھانا چاہیئے۔

    خیال رہے کہ چند روز قبل مشیر تجارت کی سربراہی میں تجارتی وفد نے افغانستان کا دورہ کیا تھا، وفد میں سیکریٹری تجارت، کسٹمز کے ارکان اور وزارت تجارت کے اعلیٰ حکام شامل تھے۔

    دورے کے دوران دو طرفہ تجارت، راہداری تجارت اور دو طرفہ ترجیحی تجارتی معاہدے پر مذاکرات ہوئے جبکہ غیر رسمی تجارت کو رسمی بنانے کے سلسلے میں بھی بات چیت ہوئی۔

    مشیر تجارت عبد الرزاق داؤد نے افغان صدر اشرف غنی سے بھی ملاقات کی تھی۔

  • مشیر تجارت کی برآمد کنندگان کو اہم ہدایت

    مشیر تجارت کی برآمد کنندگان کو اہم ہدایت

    اسلام آباد: وزیر اعظم کے مشیر تجارت عبدالرزاق داؤد کا کہنا ہے کہ کرونا کی وبا کے عالمی معیشت پر دور رس اثرات مرتب ہوں گے، عالمی صورتحال کی وجہ سے پاکستان کی برآمدات کی طلب میں کمی آئے گی۔

    تفصیلات کے مطابق وزیر اعظم کے مشیر تجارت عبدالرزاق داؤد نے سماجی رابطے کی ویب سائٹ ٹویٹر پر اپنے ٹویٹ میں کہا کہ کرونا وائرس کی وبا انسانی تاریخ کا ایسا بحران ہے جس کی مثال نہیں ملتی، وبا کے عالمی معیشت پر دور رس اثرات مرتب ہوں گے۔

    عبد الرزاق داؤد کا کہنا ہے کہ عالمی بینک کے اعداد و شمار بتاتے ہیں کہ دنیا بھر کی معیشتیں سکڑ گئیں، جاپان اور جنوبی کوریا سمیت بڑی مغربی معیشتوں کی گروتھ منفی رہے گی۔

    انہوں نے کہا کہ کرونا وائرس کی شدت بڑھنے سے بیشتر ممالک پھر لاک ڈاؤن کی طرف جا رہے ہیں۔

    مشیر تجارت کا مزید کہنا تھا کہ عالمی صورتحال کی وجہ سے پاکستان کی برآمدات کی طلب میں کمی آئے گی، برآمد کنندگان عالمی مارکیٹس میں اپنا وجود برقرار رکھنے کے لیے کوششیں تیز کریں۔

  • کراچی میں بارش کی وجہ سے ایکسپورٹ کنسائنمنٹس تاخیر کا شکار

    کراچی میں بارش کی وجہ سے ایکسپورٹ کنسائنمنٹس تاخیر کا شکار

    اسلام آباد: مشیر تجارت عبدالرزاق داؤد کا کہنا ہے کراچی میں بارش کی وجہ سے اگست میں برآمدات متاثر ہوسکتی ہیں، ایکسپورٹرز درپیش مشکلات پر وزارت تجارت کو آگاہ کر سکتے ہیں۔

    تفصیلات کے مطابق مشیر تجارت عبدالرزاق داؤد نے سماجی رابطے کی ویب سائٹ ٹویٹر پر اپنے ٹویٹ میں کہا کہ کراچی میں بارش کی وجہ سے ایکسپورٹ کنسائنمنٹس میں تاخیر کا سامنا ہے، کراچی میں بارشوں سے اگست میں برآمدات متاثر ہوسکتی ہیں۔

    مشیر تجارت کا کہنا تھا کہ ایکسپورٹرز درپیش مشکلات پر وزارت تجارت کو آگاہ کر سکتے ہیں۔

    خیال رہے کہ اسٹیٹ بینک کی رپورٹ کے مطابق کرنٹ اکاؤنٹ خسارہ سرپلس میں تبدیل ہوگیا جو کہ برآمدات میں مسلسل بحالی اور ریکارڈ سے زیادہ ترسیلات زر کی بدولت ہے۔

    مرکزی بینک کا کہنا تھا کہ جولائی میں برآمدات کی شرح نمو میں مزید 19.7 فیصد اضافہ ہوا جبکہ جون میں یہ شرح 25.5 فیصد رہی۔

  • خنجراب کے راستے پاکستان اور چین کے درمیان تجارت بحال

    خنجراب کے راستے پاکستان اور چین کے درمیان تجارت بحال

    اسلام آباد: مشیر تجارت عبد الرزاق داؤد کا کہنا ہے کہ پاکستان اور چین کے درمیان تجارت خنجراب کے راستے عارضی طور پر بحال ہوگئی ہے، دونوں ممالک کے درمیان تجارت کرونا وائرس کی وجہ سے معطل ہوگئی تھی۔

    تفصیلات کے مطابق مشیر تجارت عبد الرزاق داؤد نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ پاکستان اور چین میں خنجراب کے راستے سے تجارت بحال ہوگئی ہے، خنجراب کے راستے تجارت کی بحالی عارضی ہے۔

    مشیر تجارت کا کہنا تھا کہ تاجر برادری خصوصاً گلگت بلتستان کے تاجر طویل عرصے سے تجارت کی بحالی کا مطالبہ کر رہے تھے، جس میں کرونا وبا کے باعث تعطل پیدا ہوگیا تھا۔

    انہوں نے کہا کہ تجارت کی بحالی وزارت تجارت کی انتھک کوششوں کا تنیجہ ہے جنہوں نے چینی حکام اور دیگر شراکت داروں کے ساتھ کام کیا۔

    خیال رہے کہ پاکستان کو کچھ عرصہ قبل چینی بینکوں سے 1.3 ارب ڈالر موصول ہوئے تھے، رقم ترقیاتی فنڈ، کرونا وائرس سے نمٹنے اور غیر ملکی ادائیگیوں کے لیے ملی تھی۔

    اسٹیٹ بینک کو 23 جون سے 30 جون تک 23 ارب ڈالر موصول ہو چکے ہیں۔

  • اگست میں افغان ٹرانزٹ ٹریڈ معاہدے پر مذاکرات کا آغاز ہوگا: مشیر تجارت

    اگست میں افغان ٹرانزٹ ٹریڈ معاہدے پر مذاکرات کا آغاز ہوگا: مشیر تجارت

    اسلام آباد: مشیرتجارت عبدالرزاق داؤد نے کہا ہے کہ فوڈآئٹمز کی برآمدات سے متعلق افغانستان سے ٹرانزٹ ٹریڈ میں بڑے مسائل ہیں، دوطرفہ تجارت اور افغان ٹرانزٹ ٹریڈ پر اداروں سے بات چیت جاری ہے۔

    تفصیلات کے مطابق سینیٹرمرزامحمدآفریدی کی زیر صدارت قائمہ کمیٹی برائے تجارت کا اجلاس ہوا، اس دوران مشیر تجارت عبدالرزاق داؤد نے کمیٹی کو بریفنگ دی، افغان سے تجارتی تعلقات سمیت دیگر اہم پہلوؤں پر تبادلہ خیال کیا گیا۔

    مشیرتجارت کا کہنا تھا کہ اگست میں افغان ٹرانزٹ ٹریڈ معاہدے پر مذاکرات کا آغاز ہوگا، تجارت کی بہتری کے لیے ایس او پی میں تبدیلی کی جارہی ہے، ابتدا میں افغانستان اور ایران سے کرونا کے باعث ایس اوپیز کو سخت کیاگیا، جون2021میں افغان ٹرانزٹ ٹریڈ کا معاہدہ ختم ہورہا ہے۔

    انہوں نے بتایا کہ افغان بارڈر کے ایریا میں انڈسٹریل زونز بنائےجائیں، کابل جانے سے پہلے کمیٹی اور وزارت تجارت بیٹھ کربات کرسکتی ہے، ملک میں گزشتہ سال برآمدات میں اضافہ ہوا تھا۔

    رزاق داؤد کا کہنا ہے کہ فروری میں برآمدات میں 14فیصدا ضافہ ہوا، 15مارچ تک یہی صورت حال تھی لیکن مارچ کے آخر میں6فیصد کمی ہوئی، اپریل میں برآمدات میں57 اور مئی میں 37 فیصد کمی ہوئی۔

    ان کا مزید کہنا تھا کہ مجموعی طور پرگزشتہ مالی سال میں برآمدات میں6.81فیصد کمی ہوئی، جولائی2020 کے پہلے 15دن 3 سے 4 فیصد برآمدات میں کمی آئی۔

  • مقامی افراد کے لیے روزگار کا سنہری موقع

    مقامی افراد کے لیے روزگار کا سنہری موقع

    کراچی: مشیرتجارت عبدالرزاق داؤد نے کہا ہے کہ افغانستان کے لیے 16ہزار میٹرک ٹن یوریا کھاد لے کر بحری جہاز گوادر پہنچ گیا ہے، کھاد اتار نے، پیکنگ اور ٹرکوں پر لوڈنگ سے مقامی افراد کو روزگار ملےگا۔

    تفصیلات کے مطابق سماجی رابطے کی ویب سائٹ ٹوئٹر پر مشیرتجارت نے ٹوئٹ کیا کہ مقامی افراد کو روزگار دینے سے متعلق ہدایات جاری کی گئی ہیں، پہلی بار کھاد کو مقامی سطح پر بیگ میں پیک کیا جائے گا۔

    انہوں نے کہا کہ سمندری راستے سے پاکستان سے تجارت کے نئے دور کا آغاز ہوگیا ہے، کھاد پیک کرکے ٹرکوں کے ذریعے گوادر سے افغانستان بھیجا جائے گا، اس اہم مرحلے کو عبور کرنے کے لیے ملازمین رکھے جائیں گے۔

    خیال رہے کہ اپنے ایک خطاب میں مشیرتجارت کا کہنا تھا کہ جامع ایکسپورٹ پالیسی کی تشکیل حتمی مرحلے میں ہے، ایکسپورٹ پالیسی فریقین کی مشاورت سے تشکیل دی جارہی ہے، جلد منظوری ممکن ہے۔

    مشیرتجارت کا کہنا تھا کہ نئے شعبوں کی نشاندہی کے لیے جامع تجزیہ کیا گیا، نئی مارکیٹوں کی نشاندہی کے لیے بھرپور محنت کی گئی ہے، عالمی منڈیوں تک رسائی اور مصنوعات کی کھپت پر توجہ دی جارہی ہے۔

  • ٹیکسٹائل کی صنعت کے لیے اچھی خبر

    ٹیکسٹائل کی صنعت کے لیے اچھی خبر

    اسلام آباد: مشیر تجارت عبد الرزاق داؤد کا کہنا ہے کہ مغربی ممالک رفتہ رفتہ نئے تجارتی آرڈرز دے رہے ہیں، ٹیکسٹائل انڈسٹری ان مواقع سے بھرپور فائدہ اٹھائے۔

    تفصیلات کے مطابق مشیر تجارت عبد الرزاق داؤد نے سماجی رابطے کی ویب سائٹ ٹویٹر پر اپنے ٹویٹ میں کہا کہ مغربی ممالک رفتہ رفتہ کھل رہے ہیں، مغربی ممالک نئے تجارتی آرڈرز دے رہے ہیں۔

    مشیر تجارت کا کہنا تھا کہ اکثریتی آرڈرز کرونا وائرس سے پھیلاؤ کے پہلے کے ہیں، ٹیکسٹائل انڈسٹری ان مواقع سے بھرپور فائدہ اٹھائے۔

    انہوں نے کہا کہ ٹیکسٹائل شعبہ منڈیوں تک رسائی حاصل کر سکتا ہے، حکومت اس سلسلے میں بھرپور تعاون کرے گی۔

    اس سے قبل ایک موقع پر مشیر تجارت نے کہا تھا کہ کرونا کی وجہ سے ملک کے معاشی حالات کافی نازک ہیں، عالمی بینک اور آئی ایم ایف نے بھی پاکستان کے حوالے سے پیشگوئی کردی ہے۔

    انہوں نے کہا تھا کہ کرونا کی وجہ سے پاکستان کی برآمدات میں 3 ارب ڈالر تک کمی کا امکان ہے، گزشتہ سال کے مقابلے میں رواں ماہ برآمدات 70 فیصد کم ریکارڈ کی گئیں۔

    انہوں نے کہ تھا کہ کاروباری طبقے کو قرضوں کی ادائیگی مؤخر کرنے کے معاملے پر اسٹیٹ بینک آف پاکستان سے رابطے میں ہیں اور جلد ہی اس مسئلے کو حل کریں گے۔

  • حکومت نے 100دن میں ٹیکسٹائل سیکٹر کو 47 ارب روپے ادا کیے، رزاق داؤد

    حکومت نے 100دن میں ٹیکسٹائل سیکٹر کو 47 ارب روپے ادا کیے، رزاق داؤد

    اسلام آباد: مشیر تجارت عبدالرزاق داؤد کا کہنا ہے کہ حکومت نے100دن میں ٹیکسٹائل سیکٹر کو 47 ارب روپے ادا کیے۔

    تفصیلات کے مطابق سماجی رابطے کی ویب سائٹ ٹویٹر پر مشیر تجارت عبدالرزاق داؤد نے اپنے پیغام میں کہا کہ حکومت نے 100 دن میں ٹیکسٹائل سیکٹر کو47 ارب روپے ادا کیے۔

    مشیر تجارت کا کہنا تھا کہ گزشتہ حکومت نے2009 سے 2013 میں25 ارب روپے جاری کیے،2013 سے 2018 کے درمیان 42 ارب روپے جاری کیے گئے، موجودہ حکومت نے 19-2018 میں 46 ارب روپے دیے۔

    عبدالرزاق داؤد نے کہا کہ موجودہ حکومت نے 20-2019 میں اب تک میں47 ارب روپے دیے، موجودہ حکومت نے 20 ماہ میں 93 ارب روپے ٹیکسٹائل سیکٹر کو دیے۔انہوں نے مزید کہا کہ نان ٹیکسٹائل سیکٹر کے لیے ریفنڈز کے اجرا کا اعلان جلد کریں گے۔

    صنعت کاروں کے لیے ریفنڈز کی صورت حال بہتر کردی ہے، عبدالرزاق داؤد

    یاد رہے کہ رواں سال 11 جنوری کو مشیر صنعت و تجارت عبدالرزاق داؤد کا کہنا تھا کہ حکومت نے صنعت کاروں کے لیے ریفنڈز کی صورت حال بہتر کر دی ہے، ری فنڈ کی مد میں صنعت کاروں کو 17.5 ارب دیے گئے۔

    =