Tag: مشیر تجارت

اسلام آباد: مشیر تجارت عبدالرزاق داﺅد کا کہنا ہے کہ آج ملک میں میڈ ان پاکستان مصنوعات کی با ت ہو رہی ہے۔

تفصیلات کے مطابق مشیر تجارت عبدالرزاق داﺅد نے تقریب سے خطاب کرتے ہوئے کہا کہ متعدد ملٹی نیشنل کمپنیوں سے سرمایہ کاری بڑھانے پر بات کی ہے۔

مشیر تجارت کا کہنا تھا کہ خاقان عباسی کے دور میں بتایاگیا ڈی انڈسٹرلائزیشن ہو رہی ہے، آج ملک میں میڈ ان پاکستان مصنوعات کی بات ہو رہی ہے۔انہوں نے کہا کہ حکومت پیداواری شعبے پر زیادہ سے زیادہ توجہ دے رہی ہے، حکومت برآمدات میں اضافے کے لیے تمام وسائل بروئے کار لا رہی ہے۔

عبدالرزاق داﺅد کا کہنا تھا کہ دنیا میں تیل کی قیمتیں کم ترین سطح پر، اسٹاک مارکیٹس گر رہی ہیں، عالمی منظر نامے کے مطابق حکومت بہت زیادہ محتاط ہے، ایسافیصلہ نہیں کریں گے جس سے پریشانی کا سامنا کرنا پڑے۔

مشیر تجارت نے خوشخبری سنا دی: ’یہ صرف آغاز ہے‘

یاد رہے کہ گزشتہ ہفتے مشیر تجارت عبد الرزاق داؤد کا کہنا تھا کہ رواں مالی سال اب تک برآمدات میں 3.62 فیصد کا اضافہ ہوا ہے، یہ صرف آغاز ہے، مستقبل میں مزید بہتری متوقع ہے۔

اسلام آباد: وزیر اعظم کے مشیر تجارت عبدالرزاق داؤد کا کہنا ہے کہ پاکستان سے ٹیکسٹائل وفد جلد ترکی کا دورہ کرے گا۔

تفصیلات کے وفاقی دارالحکومت اسلام آباد میں تقریب سے خطاب کرتے ہوئے مشیر تجارت عبدالرزاق داؤد نے کہا کہ ترک مہمانوں کو ان کے دوسرےگھرمیں خوش آمدید کہتے ہیں۔

عبدالرزاق داؤد کا کہنا تھا کہ ہمارےدونوں رہنماؤں نے دوطرفہ تذویراتی تعلقات کے فروغ پر اتفاق کیا ہے، دونوں ممالک نے اسٹریٹجک فریم ورک پر اتفاق کیا ہے۔ انہوں نے کہا کہ پاکستان ترک بزنس فورم کا 2 روز سے اجلاس جاری تھا، سیاحت، کان کنی،تجارت، اقتصادی تعلقات کے فروغ پر بات ہوئی۔

مشیر تجارت نے کہا کہ ترک بزنس کمیونٹی کو پاک چین جوائنٹ ونچرز میں خوش آمدید کہیں گے، دونوں ملکوں نے اسٹریٹجک فریم ورک پر اتفاق کیا، دونوں ملکوں میں مختلف شعبوں میں تعاون کے وسیع مواقع ہیں۔ انہوں نے مزید کہا کہ جلد پاکستان سے ٹیکسٹائل وفد ترکی کا دورہ کرے گا۔

بعدازاں وزیراعظم عمران خان کا کہنا تھا کہ ترک تاجر برادری کے لیے پاکستان میں سرمایہ کاری کے کئی مواقع ہیں ، پاکستان میں ترک تاجر برادری کو ویلکم کرتا ہوں ، پاکستان میں سیاحت ، تجارت کے بہترین اور قدرتی مائننگ کے وسیع مواقع موجود ہیں۔

اسلام آباد: مشیر تجارت عبد الرزاق داؤد کا کہنا ہے کہ کاروبارمیں آسانیاں پیدا کرنے سے سرمایہ کاری میں اضافہ ہوگا، چھوٹے اور درمیانے درجے کی صنعتوں کو مضبوط کیا جائے گا۔

تفصیلات کے مطابق مشیر تجارت عبد الرزاق داؤد کی زیرصدارت سرمایہ کاری سے متعلق اجلاس ہوا جس میں چیئرمین سرمایہ کاری بورڈ، سیکرٹری تجارت ودیگر اعلیٰ حکام نے شرکت کی۔ اجلاس میں کاروباری سرگرمیوں کے فروغ کے لیے مزید آسانیاں پیدا کرنے پرغور کیا گیا۔

مشیر تجارت نے کہا کہ کاروبارمیں آسانیاں پیدا کرنے سے سرمایہ کاری میں اضافہ ہوگا، چھوٹے اور درمیانے درجے کی صنعتوں کو مضبوط کیا جائے گا۔

عبد الرزاق داؤد نے کہا کہ ایس ایم ایز کی ترقی معیشت مستحکم کرنے میں اہم کردار ادا کرتی ہے، ایز آف ڈوئنگ بزنس رپورٹ میں پاکستان نے 28 درجے ترقی کی، مزید آسانیاں پیدا کرکے سرمایہ کاری کو فروغ دیا جائے گا۔

مشیر تجارت عبدالرزاق داﺅد نے گزشتہ ہفتے اکتوبر2019 کے تجارتی اعدادوشمار جاری کیے تھے، اکتوبر کے دوران برآمدات 2 ارب 80 کروڑ ڈالر رہیں۔

پاکستان نے ایز آف ڈوئنگ انڈیکس میں 28 درجے بہتری دکھائی، فچ ریٹنگز

یاد رہے کہ گزشتہ ہفتے عالمی معاشی ریٹنگ کے ادارے فچ ریٹنگز کا کہنا تھا کہ پاکستان نے ایز آف ڈوئنگ انڈیکس میں 28 درجے بہتری دکھائی، پاکستان کا شمار سب سے زیادہ بہتری دکھانے والے 10 ممالک میں ہوا۔

کراچی: مشیر تجارت عبدالرزاق داﺅد نے اکتوبر2019 کے تجارتی اعدادوشمار جاری کر دیے، اکتوبر کے دوران برآمدات2 ارب 80 کروڑ ڈالر رہیں۔

تفصیلات کے مشیر تجارت عبدالرزاق داﺅد نے اکتوبر2019 کے تجارتی اعدادوشمار جاری کر دیے، ادارہ شماریات ہرماہ کی 10 تاریخ کو تجارتی اعدادوشمار جاری کرتا ہے، پہلی بار تجارتی اعدادوشمارکی تفصیلات پہلے جاری کی گئیں۔

عبدالرزاق داﺅد نے کہا کہ اکتوبر کے دوران برآمدات2 ارب 80 کروڑ ڈالر رہیں، گزشتہ سال اکتوبرمیں ملکی برآمدات ایک ارب 89 کروڑ ڈالر تھیں۔

مشیر تجارت نے کہا کہ اکتوبر2019 میں گزشتہ سال کے مقابلے میں برآمدات 6 فیصد زائد رہیں، اکتوبرمیں درآمدات 3 ارب 98 کروڑ ڈالرر ہیں، گزشتہ سال اکتوبرمیں درآمدات4 ارب 80 کروڑ ڈالر رہیں۔

انہوں نے کہا کہ اکتوبر2019 میں گزشتہ سال کے مقابلے میں درآمدات 17 فیصد کم رہیں، اکتوبر2019 میں تجارتی خسارہ 32 فیصد کم ہو کر 1 ارب97 کروڑ ڈالر رہا، گزشتہ سال تجارتی خسارہ 2 ارب 90 کروڑ ڈالر ریکارڈ کیا گیا تھا۔

ملکی معیشت درست سمت میں جارہی ہے: مشیرتجارت

یاد رہے کہ گزشتہ دنوں مشیرتجارت رزاق داؤد کا پاکستان انسٹیٹیوٹ آف ٹریڈڈ یولپمنٹ میں خطاب کرتے ہوئے کہنا تھا کہ اس وقت معیشت درست سمت میں جا رہی ہے۔

رزاق داؤد کا کہنا تھا کہ وزیراعظم نے ملکی معیشت کی ڈاکیومینٹیشن جیسے سخت فیصلے کیے، معیشت کی ڈاکیومینٹیشن سے ملک کا فائدہ ہے۔

مشیر تجارت کا کہنا تھا کہ اس وقت معیشت درست سمت میں جارہی ہے، ای کامرس پالیسی سے برآمدات میں اضافہ ہوگا، انجینئرنگ، کیمیکل اور آئی ٹی جیسے شعبوں میں برآمدات کو فروغ دینا ہے۔