ARYNews.tv | Urdu – Har Lamha Bakhabar

Tag: مشیر تجارت

  • پاکستان اور چین کے درمیان فری ٹریڈاگریمنٹ دوئم پر 28 اپریل کو دستخط ہوں گے، عبد الرزاق داؤد

    پاکستان اور چین کے درمیان فری ٹریڈاگریمنٹ دوئم پر 28 اپریل کو دستخط ہوں گے، عبد الرزاق داؤد

    اسلام آباد : مشیر تجارت عبد الرزاق داؤد کا کہنا ہے کہ پاکستان اورچین کےدرمیان فری ٹریڈاگریمنٹ دوئم پر 28 اپریل کو دستخط ہوں گے، پاکستان نے چین کو ڈیوٹی فری رسائی دینے کامطالبہ مسترد کردیا، چین پاکستان کو 313اشیا پرڈیوٹی فری رسائی دے گا۔

    تفصیلات کے مطابق نوید قمر کی زیر صدارت قومی اسمبلی کی قائمہ کمیٹی تجارت کا اجلاس ہوا، مشیر تجارت عبد الرزاق داؤد نے کمیٹی کو بریفنگ دیتے ہوئے بتایا پاکستان نے چین کو ڈیوٹی فری رسائی دینے کامطالبہ مسترد کردیا، چین کوصرف کچھ اشیاپرڈیوٹی فری رسائی دیں گے۔

    عبد الرزاق داؤد کا کہنا تھا چین نے ڈیوٹی فری رسائی دینے کے بدلے ڈیوٹی فری رسائی مانگی، چین آسیان کی طرزپرپاکستان کو ڈیوٹی فری رسائی دینے پر آمادہ ہے، پاکستان کو 313اشیا پرڈیوٹی فری رسائی دے گا، پاکستان اور چین میں آزاد تجارتی معاہدہ دوئم پر28اپریل کو دستخط ہوں گے۔

    امریکانے پاکستان کوڈیوٹی فری رسائی دینے کا مطالبہ مسترد کردیا

    مشیر تجارت نے کہا امریکانے پاکستان کوڈیوٹی فری رسائی دینے کا مطالبہ مسترد کردیا، ٹرمپ انتظامیہ کےبعد ڈیوٹی فری رسائی کی کوشش کریں گے، پاکستانی ٹیکسٹائل مصنوعات کی ترکی کوبرآمدمیں مشکلات کاسامنا ہے۔

    ترکی پاکستانی مصنوعات کےلیےکوئی رعایت دینے کو تیار نہیں

    ان کا کہنا تھا ترکی پاکستانی مصنوعات کےلیےکوئی رعایت دینے کو تیار نہیں ، ترکی کی جانب سے ہماری مصنوعات پر 27 فیصد ڈیوٹی لگا دی گئی۔

    عبد الرزاق داؤد نے بریفنگ میں کہا حکومت نےاسمگلنگ کی حوصلہ شکنی کیلئے قوانین میں ترامیم کافیصلہ کیا ہے، درآمد مصنوعات کا سرٹیفکیٹ آف اوریجن دیکھا جائے گا، دبئی سےدرآمدات کیں تو دیکھیں گے کہ اس نے مال کہاں سے خریدا۔

  • کاروبار میں آسانی کے لیے اہم اصلاحات مکمل کرلی گئیں: مشیر تجارت

    کاروبار میں آسانی کے لیے اہم اصلاحات مکمل کرلی گئیں: مشیر تجارت

    اسلام آباد: مشیر تجارت عبد الرزاق داؤد کا کہنا ہے کہ وزیر اعظم کی ترجیح کاروبار میں آسانی ہے۔ بہت اہم اصلاحات مکمل کرلی گئی ہیں، نئے طریقہ کار پر کمپنی رجسٹریشن 4 گھنٹے میں ہو رہی ہے۔

    تفصیلات کے مطابق مشیر تجارت عبد الرزاق داؤد اور چیئرمین سرمایہ کاری بورڈ ہارون شریف نے مشترکہ پریس کانفرنس کی۔ ہارون شریف کا کہنا تھا کہ 15 اپریل کو عالمی بینک کی ٹیم پاکستان کا دورہ کرے گی، مختلف ملکوں کے سرمایہ کار دلچسپی کا اظہار کر رہے ہیں۔ غیر ملکی سرمایہ کاروں کے لیے کاروبار آسان بنا رہے ہیں۔

    ہارون شریف نے کہا کہ گزشتہ 6 ماہ میں 8 ہزار کمپنیاں رجسٹرڈ ہو چکی ہیں، غیر ملکی کمپنیوں کی رجسٹریشن میں نمایاں اضافہ ہوا ہے۔ کمپنیوں کی جانب سے ادائیگیوں کو آن لائن کردیا ہے۔ ورلڈ بینک کے انڈیکس میں درجہ بندی بہتر کرنے کے اقدامات کر رہے ہیں۔ اراضی کی رجسٹریشن کا عمل بھی آسان بنا رہے ہیں۔

    انہوں نے کہا کہ تعمیراتی کام کی اجازت کی منظوری کا عمل بھی آسان بنایا ہے، ہم ایشیا کی اکانومی کے برابر جگہ بنالیں گے۔ سرمایہ کار ہماری پالیسوں کا خیر مقدم کرتے ہیں۔ بورڈ آف انویسٹمنٹ فوکل یونٹ ہے۔

    ہارون شریف کا کہنا تھا کہ اسٹینڈرڈ کے لیے پروڈکٹ کے ساتھ سرٹیفکیشن دینی چاہیئے، 8 ہزار کمپنیاں 8 ماہ میں رجسٹرڈ ہوئی ہیں۔ 6 ماہ پہلے بیس لائن دیکھی تو سنہ 47 طرح کی ادائیگیاں تھیں، ویب پورٹل سے اب ادائیگیاں ہونا شروع ہوگئی ہیں۔

    مشیر تجارت رزاق داؤد کا کہنا تھا کہ وزیر اعظم کی ترجیح کاروبار میں آسانی ہے۔ بہت اہم اصلاحات مکمل کرلی گئی ہیں۔ عالمی بینک کی رپورٹ میں پاکستان کی درجہ بندی بہتر ہوگی۔ چین کے سرمایہ کاروں نے کاروبار میں آسانی پر زور دیا۔ پاکستان میں سوائے چند کمپنیوں کے کسی میں معیار نہیں۔

    رزاق داؤد کا کہنا تھا کہ نئے طریقہ کار پر کمپنی رجسٹریشن 4 گھنٹے میں ہو رہی ہے۔ کاروبار کے لیے ٹیکس ادائیگی 47 سے کم کر کے 10 فیصد کردی۔ کراچی میں پراپرٹی رجسٹریشن عمل 208 دنوں سے 14 پر آگیا۔ لاہور میں پراپرٹی رجسٹریشن عمل 26 سے 15 دن کر دیا گیا۔

    انہوں نے کہا کہ ہماری مصنوعات کا عالمی معیار نہ ہونا کم برآمدات کی وجہ ہے، 47 قسم کے وفاقی اور صوبائی ٹیکسوں کو کم کر کے 10 کیا۔ چین کے ساتھ آزاد تجارتی معاہدے پر پیشرفت ہوئی ہے۔ وزیر اعظم عمران خان 28 اپریل کو چین جا رہے ہیں۔ دورہ چین میں آزاد تجارتی معاہدے پر دستخط ہوں گے۔

    مشیر تجارت کا مزید کہنا تھا کہ چین کو ایک ارب ڈالر کی مزید برآمدات شروع ہوچکی ہیں، درآمدات میں نمایاں کمی ہوئی ہے۔ امید ہے رواں سال 25 ارب ڈالر کی برآمدات حاصل کریں گے۔

  • عوام کو کچھ عرصہ مہنگائی برداشت کرنا پڑے گی، عبدالزاق داؤد

    عوام کو کچھ عرصہ مہنگائی برداشت کرنا پڑے گی، عبدالزاق داؤد

    اسلام آباد: مشیرتجارت عبدالرزاق داؤد نے کہا ہے کہ پاکستانی معیشت میں بہتری آرہی ہے، عوام کو کچھ عرصہ مہنگائی برداشت کرنا پڑے گی۔

    وزیراعظم کےمشیر تجارت عبدالرزاق داؤد کا کہنا تھا کلہ اب بائیس خاندانوں کا دور ختم اور بائیس ہزار خاندانوں کا ٹائم آنے والا ہے، قوم کچھ عرصہ مہنگائی کو برداشت کرے جلد سب کچھ ٹھیک ہوجائے گا۔

    انہوں نے یہ بھی بتایا کہ پاکستان کی معیشت میں نمایاں بہتری آئی، وقت کے ساتھ ساتھ ہمارے معاشی مسائل حل ہوجائیں گے اور پھر اچھا وقت شروع ہوگا۔

    مزید پڑھیں: جاپان کا پاکستان میں سرمایہ کاری کا اعلان

    یاد رہے 26 مارچ کو انٹرنیشنل مانیٹری فنڈ (آئی ایم ایف) کے مشن چیف ارنسٹو ریمیریز ریگو کا دو روزہ دورے پر پاکستان پہنچے تھے ، اس دوران آئی ایم ایف مشن چیف نے وزیر توانائی عمر ایوب خان اور گورنر اسٹیٹ بینک طارق باجوہ سے ملاقاتیں کیں، جبکہ سیکریٹری خزانہ، ایف بی آر چیئرمین سے بھی ملے۔

    آئی ایم ایف مشن چیف نے پاکستان کی معاشی اصلاحات کو اچھا اقدام قرار دیتے ہوئے ملکی معیشت میں جلد بہتری کی امید ظاہر کی تھی۔ خیال رہے گذشتہ دنوں میڈیا سے گفتگو کرتے ہوئے وزیر خزانہ اسد عمر نے کہا تھا پاکستان آئی ایم ایف سے معاہدے کے قریب پہنچ چکا، آئی ایم ایف سے بیل آؤٹ پیکج پربات چیت آخری مرحلے میں ہے۔

    یاد رہے کہ تحریک انصاف کی حکومت آنے کے بعد دنیا کی نامور کمپنیوں نے پاکستان میں سرمایہ کاری کا اعلان کیا، امریکا، روس، چین، قطر، سعودی عرب، ملائیشیا سمیت دیگر ممالک نے مختلف شعبوں میں سرمایہ کاری کا اعلان کیا ہے۔

    یہ بھی پڑھیں: کاروباری ماحول ساز گار بنانے کیلئے حکومت کام کررہی ہے: مشیر تجارت

    دوسری جانب ناروے اور کوریا نے بھی پاکستان میں  بڑی سطح پر سرمایہ کاری کا فیصلہ کیا جس پر تیزی سے کام جاری ہے جبکہ دو روز قبل وفاقی وزیر خارجہ شاہ محمود قریشی نے اعلان کیا تھا کہ پاکستان اور یورپین یونین کے درمیان جلد تجارتی معاہدہ طے ہونے جارہا ہے، اسی طرح چین نے بھی حکومت کے ساتھ غربت مٹانے کے پروگرام کا معاہدہ طے کرلیا۔

  • کاروباری ماحول ساز گار بنانے کیلئے حکومت کام کررہی ہے: مشیر تجارت

    کاروباری ماحول ساز گار بنانے کیلئے حکومت کام کررہی ہے: مشیر تجارت

    اسلام آباد: وزیراعظم کے مشیر برائے تجارت عبدالرزاق داؤد کا کہنا ہے کہ پاکستان اب کاروبار کے لیے کھلا ہے، کاروباری ماحول ساز گار بنانے کیلئے حکومت کام کررہی ہے۔

    تفصیلات کے مطابق اپنے بیان میں وزیراعظم کے مشیر برائے تجارت عبدالرزاق داؤد کا کہنا تھا کہ ملکی معیشت کی ترقی کے لیے ہرممکن اقدامات کررہے ہیں۔

    انہوں نے کہا کہ وزیراعظم عمران خان نے عالمی بینک کے انڈیکس میں بہتری کا ٹاسک دیا ہے، برآمدکنندگان کے ریفنڈز کا طریقہ کار طے کردیا ہے، اب ریفنڈز نہیں روکے جائیں گے۔

    دو روز قبل عبدالرزاق داؤد نے میڈیا سے گفتگو کرتے ہوئے کہا تھا کہ ڈیوٹیز میں کمی سے آمدن میں 7 ارب روپے کا نقصان ہوگا، صنعتی شعبے کی ترقی سے نقصان پورا ہوجائے گا۔

    چین میں پاکستانی برآمدات میں 100 فیصد اضافہ متوقع ہے: مشیر تجارت

    انہوں نے یہ بھی کہا تھا کہ 5 برآمدی شعبوں کے لیے پہلے گیس، بجلی ٹیرف میں کمی کی گئی ہے، منی بجٹ میں خام مال پر ڈیوٹی میں بھی کمی کی گئی ہے، ترمیمی فنانس بل پر کاروباری طبقے کا رسپانس اچھا رہا ہے۔

    دوسری جانب سیکریٹری تجارت یوسف ڈھاگہ کا کہنا تھا کہ درآمدات میں کمی آئی ہے، 6 ماہ میں تجارتی خسارے میں ایک ارب ڈالر کمی آئی ہے، موجودہ مالی سال تجارتی خسارے میں 5 سے 6 ارب ڈالر کمی ہوگی۔

  • اقتصادی اصلاحات کا پیکیج 3 دن میں پارلیمنٹ سے منظور ہوجائے گا، عبدالرزاق داؤد

    اقتصادی اصلاحات کا پیکیج 3 دن میں پارلیمنٹ سے منظور ہوجائے گا، عبدالرزاق داؤد

    اسلام آباد: مشیر تجارت عبدالرزاق داؤد نے کہا ہے کہ اقتصادی اصلاحات کا پیکیج تین دن میں پارلیمنٹ سے منظور ہوجائے گا۔

    تفصیلات کے مطابق مشیر تجارت عبدالرزاق داؤد نے میڈیا سے گفتگو کرتے ہوئے کہا کہ ڈیوٹیز میں کمی سے آمدن میں 7 ارب روپے کا نقصان ہوگا، صنعتی شعبے کی ترقی سے نقصان پورا ہوجائے گا۔

    [bs-quote quote=”موجودہ مالی سال ریکارڈ برآمدات ہوں گی” style=”style-7″ align=”left” author_name=”مشیر تجارت”][/bs-quote]

    مشیر تجارت نے کہا کہ 5 برآمدی شعبوں کے لیے پہلے گیس، بجلی ٹیرف میں کمی کی گئی ہے، منی بجٹ میں خام مال پر ڈیوٹی میں بھی کمی کی گئی ہے، ترمیمی فنانس بل پر کاروباری طبقے کا رسپانس اچھا رہا ہے۔

    عبدالرزاق داؤد نے کہا کہ حکومت نئی صنعتی پالیسی لانے پر کام کررہی ہے، مسودہ تیار ہونے کے بعد تاجر تنظیموں سے تجاویز لی جائیں گی۔

    مشیر تجارت نے کہا کہ موجودہ مالی سال ریکارڈ برآمدات ہوں گی، برآمدات 25 ارب ڈالر سے زیادہ رہیں گی، 26 ارب ڈالر کا تخمینہ ہے، اس سال 27 ارب ڈالر کی برآمدات مشکل ہیں۔

    مزید پڑھیں: ہمیں درآمد کے کلچرکوختم کرکے برآمد کے کلچرکوفروغ دینا ہے‘ عبدالرزاق داؤد

    دوسری جانب سیکریٹری تجارت یوسف ڈھاگہ نے کہا کہ درآمدات میں کمی آئی ہے، 6 ماہ میں تجارتی خسارے میں ایک ارب ڈالر کمی آئی ہے، موجودہ مالی سال تجارتی خسارے میں 5 سے 6 ارب ڈالر کمی ہوگی۔

    سیکریٹری تجارت نے کہا کہ آئل کی قیمتوں میں کمی سے بھی درآمدات میں کمی آئی، جنوری میں تجارتی خسارہ مزید ایک ارب ڈالر کم ہوگا، حکومت عالمی تجارتی معاہدوں کی خلاف ورزی نہیں کرے گی۔

  • چین میں پاکستانی برآمدات میں 100 فیصد اضافہ متوقع ہے: مشیر تجارت

    چین میں پاکستانی برآمدات میں 100 فیصد اضافہ متوقع ہے: مشیر تجارت

    اسلام آباد: مشیر تجارت عبدالرزاق داؤد نے کہا ہے کہ چینی وزیر اعظم نے دوطرفہ تعلقات بڑھانے کی خواہش کا اظہار کیا ہے.

    ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ پاکستان سے چین میں پاکستانی برآمدات میں 100 فیصد اضافہ متوقع ہے.

    [bs-quote quote=”چینی مارکیٹ تک رسائی دورےکی کامیابی ہے” style=”style-7″ align=”left” author_name=”مشیر تجارت”][/bs-quote]

    انھوں نے کہا کہ دونوں ملکوں کی تجارت سے پاکستان کو فائدہ ہوگا، جب تک اسپورٹ کا کلچر نہیں آئے گا، صحیح ترقی نہیں ہو گی، پاکستان نے چین سے آسیان ممالک والی مراعات کا مطالبہ کیا ہے.

    عبدالرزاق داؤد کا کہنا تھا کہ چینی مارکیٹ تک رسائی دورےکی کامیابی ہے، سیکریٹری کامرس اس وقت چین میں ہی ہیں.

    انھوں نے کہا کہ سی پیک 35 سال کا پروگرام ہے، اسے مزید وسعت دے رہے ہیں، سی پیک کے آغاز پرتوانائی اور انفراسٹرکچر پر توجہ مرکوز رکھی.

    مزید پڑھیں: دورہ چین مفید رہا، دوطرفہ تعلقات مستحکم کرنے میں مدد ملی، شاہ محمود قریشی

    انھوں نے کہا کہ چین پاکستان کےساتھ صنعتی شعبے میں تعاون کرے گا، بعض مصنوعات کی برآمدپر ڈیوٹی فری رسائی مانگی ہے.

    یاد رہے کہ پاکستانی وزیراعظم نے گذشتہ دنوں چین کا دورہ کیا تھا، جہاں انھوں نے چینی وزیراعظم سمیت اعلیٰ عہدے داروں سے ملاقات کی، اس دورے میں کئی اہم معاہدوں پر دستخط ہوئے.