Tag: مصر

مصر میں دہرے قتل کی واردات سے علاقے میں خوف و ہراس پھیل گیا ہے، پیشے کے لحاظ سے ایک وکیل نے دو خواتین کو قتل کرکے نعشں گھر میں دفن کردیں۔

عرب خبر رساں ادارے کی رپورٹ کے مطابق افسوسناک واقعہ مصر کی الاسکندریہ کمشنری کے علاقے المعمورہ میں پیش آیا۔ تعفن اُٹھنے پر مالک مکان نے پولیس کو صورتحال سے آگاہ کیا۔

پولیس نے گھر کو چیک کیا تو ایک کمرے کا فرش کھدا ہوا تھا، جس میں دفن کی گئی دو خواتین کی نعشیں برآمد ہوئیں۔

رپورٹس کے مطابق ابتدائی تفتیش میں معلوم ہوا مرنے والی ایک خاتون وکیل کی کلائنٹ اور دوسری اس کی اہلیہ تھی۔ پولیس نے ملزم کو گرفتار کرلیا ہے۔

مکان مالک نے بتایا ملزم نے چند ماہ قبل یہ کہہ کر نچلی منزل کا فلیٹ کرایے پر لیا تھا کہ اس کی اہلیہ کی ٹانگوں میں درد ہے۔ یہ سیڑھیاں نہیں چل سکتی۔

ملزم کے رویے کے بارے میں لوگوں کا کہنا تھا وہ مشکوک تھا۔ فلیٹ کی بیرونی کھڑکیاں بھی مستقل طورپر بند رکھتا تھا جبکہ اس کے گھر سے اکثر بو بھی آتی تھی۔

دوسری جانب بھارت میں باپ کے ساتھ دوستی کرنے پر بیٹے نے چائے کے اسٹال پر نوجوان خاتون کو قتل کر دیا، پولیس نے ماں سمیت 3 ملزمان کو گرفتار کرلیا۔

بھارتی شہر کولکتہ میں ای ایم بائی پاس پر سڑک کے کنارے واقع چائے کے اسٹال پر ایک لڑکے نے نوجوان خاتون پر جان لیوا حملہ کیا، مبینہ طور پر ملزم کو اس خاتون اور اپنے والد کے غیرازدواجی تعلقات کے بارے میں علم ہوا تھا جس کے بعد اس نے یہ قدم اٹھایا۔

پولیس نے بتایا کہ 24 سالہ خاتون کو رات 9 بجے کے قریب پرگتی میدان پولیس اسٹیشن کے قریب بائی پاس ڈھابہ پر تیز دھار آلے سے شدید زخمی کیا گیا۔

دل کا دورہ پڑنے کے بعد مریض کو اسپتال کے بجائے دفتر جانے کی فکر

زخمی خاتون کو این آر ایس اسپتال لے جایا گیا جہاں بعد میں اس کی موت واقع ہوگئی، بھارتی ذرائع ابلاغ کے مطابق پولیس نے اس قتل کے سلسلے میں تین لوگوں کو گرفتار کیا ہے۔

مصر تاریخی مقامات اور آثار سے بھرپور سیاحتی ملک ہے جہاں ہر سال ہزاروں سیاح رخ کرتے ہیں اب سیاحوں کو پرکشش آفر کر دی گئی ہے۔

مصری اخبار کے مطابق مصر میں آنے والے سیاحوں کو پرکشش آفر کی گئی ہے اور یہ آفر انٹری ویزا فیس میں استثنیٰ ہے۔

مصر کے سیاحتی شہر الاقصر میں کلچرل ٹورازم مارکیٹنگ کمیٹی کے سربراہ محمد عثمان نے کہا ہے کہ قاہرہ سے تقریباً 700 کلو میٹر جنوب میں واقع الاقصر ایئرپورٹ پر چارٹر پروازوں کے ذریعے آنے والے سیاحوں کو مئی سے ستمبر 2025 کے آخر تک 25 ڈالر انٹری ویزا فیس سے چھوٹ ملے گی۔

انہوں نے بتایا کہ یہ اقدام وزارت سیاحت اور آثار قدیمہ کی جانب سے قدیم شہروں خاص طور پر الاقصر میں سیاحوں کی آمد بڑھانے کے لیے کیا گیا ہے۔ امید ہے کہ الاقصر آنے والے سیاحوں کو مفت انٹری ویزا دینے سے موسم گرما کے دوران مصر کے دیگر شہروں میں سیاحوں کی تعداد اضافہ ہوگا۔

واضح رہے کہ مصر نے 2021 میں ایک نیا ویزا ریگولیشن متعارف کرایا تھا، جس کے تحت مصر آنے والے سیاحوں پر 25 ڈالر انٹری ویزا فیس عائد کی گئی تھی۔