Tag: مصطفیٰ کمال

مصطفیٰ کمال کا 12 فروری کو فوارہ چوک پر دھرنا دینے کے حوالے سے کہنا تھا کہ ابھی یہ فائنل نہیں ہوا کہ ایم کیو ایم دھرنا موخر کرے گی یا نہیں، پیپلزپارٹی نے ہماری بات سنی لیکن ابھی تک جواب نہیں دیا ہے۔

کاغذات نامزدگی کی منظوری کے بعد متحدہ قومی موومنٹ (ایم کیو ایم) پاکستان کے رہنما مصطفیٰ کمال نے میڈیا سے گفتگو کرتے ہوئے کہا کہ کل  پیپلز پارٹی سے کوئی خاص ملاقات نہیں ہوئی ،رابطے رہتے ہیں، ہم دھرنےکیلئےجارہے ہیں، صوبائی حکومت رابطہ کرتی ہے تو ملنا چاہیے۔

ایم کیو ایم رہنام کا کہنا تھا کہ پیپلز پارٹی نے بہت ہی تحمل سے بات سنی ہے، پیپلز پارٹی سے ملاقات کے بعد امید ہے اچھی پیشرفت ہوگی۔

انہوں نے کہا کہ کراچی کے عوام کے مسائل کے حل کا وقت آگیا ہے، صرف باتیں نہیں کراچی کیلئے کام کرکے دکھائیں گے، بہت ساری جماعتوں سے آفرز ہے لیکن ہم نے قبول  نہیں کیا، ہماری نیت خراب نہیں شہر کی ترقی کیلئے کام کیا کرینگے۔

مصطفیٰ کمال نے کہا کہ ہم نے الیکشن کا بائیکاٹ تو کیا لیکن کراچی کو جتوا دیا، وقت بتائے گا اور ہم پر انگلیاں اٹھانے والے دیکھیں گے، بلدیاتی انتخابات کے بائیکاٹ کا پھل ملنے والا ہے، کراچی کے لوگوں کو بہت جلد خوشخبری ملنے والی ہے۔

ایم کیو ایم رہنما کا کہنا تھا کہ آج کے حالات سے نمٹنے کیلئے اپنے تجربے کو بروئے کار لائیں گے، اس شہر میں جو بہتری آئی وہ ایم کیو ایم کے دور میں آئی، پی ٹی آئی نے اس شہر کو اقتدار میں آکر بھلا دیا۔

مصطفیٰ کمال نے کہا کہ عمران خان کو اپنی انا کو پیچھے رکھ کر ملک کا سوچنا چاہیے، صبح سے شام تک ایک لڑائی چلتی رہتی ہے، مہنگائی اور معیشت کی بدحالی عدم استحکام کی وجہ سے ہے۔

انہوں نے کہا کہ شہباز شریف اور عمران خان ملاقات کریں تو صورتحال تبدیل ہوجائیگی، مہنگائی کم ہو جائے گی، ڈالر نیچے آجائیگا، اگر انکی انا جیت بھی گئی اور ملک ہار گیا تو پھر کیا فائدہ، پی ٹی آئی کی سیاست ہمیں سمجھ نہیں آئی ہے، سب کے پاس ہی چوروں کا ٹولہ ہے،کوئی پاک نہیں۔

بانی متحدہ نے 40 سال اس شہر پر حکومت کی ہے، آنکھ کے اشارے سے شہر کھلتا تھا، اب ویسی طاقت تو نہیں مل سکتی، لندن کے بائیکاٹ سے الیکشن پر کوئی اثر نہیں ہوگا۔

کراچی: پاک سرزمین پارٹی (پی ایس پی) کے چیئرمین مصطفیٰ کمال نے کہا کہ  آج حلقہ بندیاں صحیح کر لیں کل الیکشن کرالیں، کام تو کراچی میں ہمارے دور حکومت میں ہوا ہے، یہ بات ہمارےدشمن اوردوست دونوں مانتے ہیں۔

پی ایس پی کے چیئرمین مصطفیٰ کمال نے کراچی میں میڈیا سے گفتگو سے کرتے ہوئے کہا کہ ملک کو بحران سے نکالنے کے لئے اتحاد کی ضرورت ہے، اپنی انا کے چکر میں ملک کے ساتھ نا انصافی نہ کریں، آئی ایم اف، ورلڈ بینک کی امداد صرف  پاکستان کو وینٹی لیٹر پر رکھ سکتی ہے۔

پی ایس پی کے چیئرمین  کا کہنا تھا کہ جس چیز کا ہم سوچ بھی نہیں سکتے تھے وہ  ملک کی بہتری کیلئے ہم نے کیا ہے۔

مصطفیٰ کمال نے کہا کہ بلدیاتی الیکشن لڑنا یا بائیکاٹ کرنا اس سے متعلق فیصلہ کریں گے، آج ہم دن گزارتے ہیں پھر الیکشن سے متعلق شام تک فیصلہ کریں گے، شام میں جو فیصلہ ہوگا سب کو آگاہ کر دیا جائے گا۔