Tag: مصطفیٰ عامر قتل کیس

کراچی : مصطفیٰ عامر قتل کیس کے حوالے سے اہم معلومات اور تصاویری ثبوت پر مشتمل بریفنگ سامنے آگئی۔

تفصیلات کے مطابق مصطفیٰ عامرقتل کیس سے متعلق قومی اسمبلی کمیٹی برائے داخلہ کی ذیلی کمیٹی کو آج بریفنگ کیا جائے گا۔

کیس کے حوالے سے اہم معلومات اور تصاویری ثبوت پر مشتمل بریفنگ سامنے آگئی، اسپیشلائزڈ یونٹ نے پانچ نکات کی 38 صفحات پر جامع بریفنگ تیار کی۔

بریفنگ میں بتایا گیا مصطفی عامر 6 جنوری کو لاپتہ ہوا ،والدہ نے 7 جنوری کو رپورٹ کیا، تفتیش میں پتہ چلا ارمغان اور شیراز نے مصطفی عامر کو قتل کیاہے، تفتیشی افسر نے مقتول کی والدہ دوستوں ،عزیزوں کے بیانات ریکارڈ کیے۔

بریفنگ میں کہنا تھا کہ مصطفی عامر کےسابقہ ریکارڈ کیلئےاے این ایف ودیگر اداروں سے رابطہ کیاگیا، کلفٹن اور ڈی ایچ اے کے مشتبہ علاقوں کی سی سی ٹی وی فوٹیجز حاصل کی، تین مشتبہ افراد رافع، مارشا اور ارمغان سے تفتیش کی گئی۔

بریفنگ میں مزید بتایا گیا کہ موبائل فون کا استعمال نہیں کیا گیا، صرف وائی فائی ڈیوائس استعمال ہوئی، بدستیاب سم کا ریکارڈ صرف 24 دسمبر 2024 تک کا ملا تھا، کوئی شخص اس تاریخ اور وقت پر ان سے نہیں ملا تھا اور 26 اسٹریٹ پر غیرمصدقہ ویڈیو اور بنوں میں لاسٹ لوکیشن کی غلط خبر ملی۔

اسپیشلائزڈ یونٹ کا کہنا تھا کہ 25جنوری کو مصطفی عامر کی والدہ سے واٹس ایپ پر2 کروڑ تاوان مانگا گیا، کالر نے تاوان کی رقم 5 ہزار والے نوٹوں کی شکل میں لیاری لانے کا کہا، تاوان کی کال موصول ہونے پر کیس 30 جنوری کو اے وی سی سی منتقل کیا گیا۔

اسپیشلائزڈ یونٹ نے کہ مصطفی عامر کے دوستوں سے تفتیش ہوئی تو پتہ چلا ارمغان نے مصطفی کو دھمکی دی تھی، ٹیکنیکل طریقے سے مصطفی عامر کی ڈیوائس کی لوکیشن معلوم کی گئی۔

بریفنگ میں بتایا کہ ارمغان کے 4ایڈریس ملے، 5 فروری کو خیابان مومن بنگلےپر موومنٹ ہوئی، مغوی کی بحفاظت ریکوری کے لیے چاروں پتوں پر نگرانی جاری رکھی، 6فروری کوخیابان مومن کے بنگلے پر ارمغان کی موجودگی کا پتہ چلا اور 8فروری کو وارنٹ حاصل کرنے کے بعد بنگلے پرچھاپہ مارا گیا اور 3گھنٹے جدوجہد کے بعد ارمغان گرفتار ہوا بنگلے سے مصطفی عامر کا موبائل ملا، جس کے بعد ارمغان کے ملازم زوہیب اور مصطفی کو بھی حراست میں لیا گیا۔

تفتیش کے دوران ارمغان نے شاہ ویز کیساتھ ملکر مصطفی عامر کےقتل کا اعتراف کیا جبکہ ملزم زوہیب اور مصطفی نے گولیاں چلنے کی آواز سننے کا اعتراف کیا، دونوں ملازمین نے بتایا کہ انہوں نے جائے حادثہ سےخون صاف کیا اور پہلی مرتبہ تفتیش کے دوران شریک ملزم شیراز بخاری کا پتہ چلا۔

بریفنگ میں عدالتی چارہ جوئی سے متعلق تمام معلومات فراہم کی گئیں اور بتایا بتایا گیا کہ ملازم زوہیب اور مصطفی سے تفتیش کے بعد دوبارہ گھر پر ٹیم پہنچی، ملازمین کی نشاندہی پر وہ جگہ دیکھی جہاں مصطفی عامر کو مارا گیا تھا، کرائم سین سے ملنے والے بلڈسیمپل مصطفی عامر کی والدہ کےڈی این اےسے میچ کرگئے جبکہ رپورٹ میں ایک اور خاتون زوما کے خون ملنے کے شواہد بھی ملے۔

اسپیشلائزڈ یونٹ کا کہنا تھا کہ 14 فروری کو ساتھی ملزم شیراز بخاری گرفتار ہوا تو تفتیش مزید آگے بڑھی، شیراز نے مصطفی عامرپر تشدد سے لے کر قتل اور جلانے تک کا انکشاف کیا اور عدالتی احکامات پر 21 فروری کو قبرکشائی کرکے لاش نکالی گئی۔

بریفنگ میں اب تک ہونے والی تمام تفتیش تصاویر کے ساتھ لگائی گئی ہیں جبکہ ساحر حسن کامران قریشی کی گرفتاری کی تفصیلات بھی موجود ہیں۔

کیس پر ایف آئی اے سائبرکرائم اور اینٹی منی لانڈرنگ ونگ ، ہتھیاروں پر سی ٹی ڈی اور منشیات پر اے این ایف ،ایس آئی یو کام کررہی ہیں۔

کراچی : مصطفیٰ عامر قتل کیس میں ملزم ارمغان کیخلاف تمام مقدمات کی تفصیلات طلب کرلی گئیں اور کہا گہا کہ ملزم کیخلاف کتنے مقدمات درج ہیں اور ان کیسز کا اسٹیٹس کیا ہے۔

تفصیلات کے مطابق مصطفیٰ عامر قتل کیس پراسیکیوشن نے ملزم ارمغان کیخلاف تمام مقدمات کی تفصیلات مانگ لی، پراسیکیوٹرجنرل سندھ نے ڈسٹرکٹ پراسیکیوٹرجنرل سےرپورٹ طلب کرلی ہے

پراسیکیوٹرجنرل سندھ نے کہا کہ ارمغان کیخلاف کتنے مقدمات درج ہیں اور ان کیسز کا اسٹیٹس کیا ہے.

کراچی:ارمغان کیخلاف ضلع ساؤتھ کے تھانوں میں مقدمات درج ہیں ، جن میں منشیات فروشی، وکیل کودھمکانےاوردیگروارداتوں کے مقدمات شامل ہیں۔

یاد رہے مصطفیٰ عامر قتل کیس میں اہم پیش رفت ہوئی تھی ، جس میں ملزم ارمغان کے پولیس کو دیے گئے بیان کو پراسیکیوشن فائل کا حصہ بنا دیا گیا تھا۔

مزید پڑھیں : ملزم ارمغان کا مصطفیٰ عامر کے قتل کا اعتراف

ملزم نے پولیس کو دیے بیان میں مصطفیٰ عامر کے قتل کا اعتراف کیا اور بتایا تھا کہ دو سال سے اکیلا ڈیفنس کےبنگلےمیں کرائےپر رہ رہا تھا، بنگلےمیں کال سینٹر چلاتا تھا، جس میں 30 سے 40 لڑکے لڑکیاں کام کرتے تھے۔

ملزم کا کہنا تھا کہ 2019میں کسٹم نےمجھےایئر پورٹ سےگرفتار کیا تھا، میں نےکینیڈاسے ویڈمنگوائی تھی اورخودایئر پورٹ لینے گیا تھا، میرےکیخلاف گزری،کلفٹن، درخشاں، بوٹ بیسن میں متعددمقدمات ہیں۔

ملزم نے بتایا تھا کہ میری ماہانہ آمدن کروڑوں روپے تھی، کچھ دوست کاروبار کے پیچھے پڑے تو کاروبار بند کردیا تھا۔

کراچی : مصطفیٰ عامر قتل کیس میں اسپیشل پبلک پراسیکیوٹر نے پولیس کیلئے گائیڈلائنز جاری کردیں، جس میں کہا گیا ہے ملزم ارمغان کے کالعدم تنظیموں سے تعلق کی تحقیقات کی جائیں۔

تفصیلات کے مطابق مصطفیٰ عامر قتل کیس میں ملزم ارمغان ودیگر کیخلاف پراسیکوشن نے حکمت عملی تیار کر لی، کیس کے اسپیشل پبلک پراسیکیوٹر نے پولیس کیلئے گائیڈ لائنزجاری کردیں۔

جس میں کہا ہے کہ ملزم ارمغان سے ملنے والی اشیا بغیر کسی تاخیرفرانزک معائنے کیلئے بھیجی جائیں اور ارمغان کے قریبی لوگوں کی سرگرمیوں کا جائزہ لیکر مقدمات کئے جائیں۔

گائیڈ لائنز میں کہا گیا کہ مالک مکان سے بھی غیر قانونی سرگرمیوں سے متعلق معلومات حاصل کی جائیں اور ملزم ارمغان سے متعلق مقامی تھانہ گزری اور درخشاں سے بھی معلومات لی جائیں۔

مزید پڑھیں : مصطفی قتل کیس : قبر کشائی کے بعد میڈیکل رپورٹ میں اہم انکشاف

گائیڈ لائنز میں مزید کہا ہے کہ ملزم ارمغان کے والد سے تحقیقات اور کریمنل ریکارڈ چیک کیا جائے ساتھ ہی ممنوعہ اسلحہ ،واکی ٹاکی ،ڈیجیٹل سیف لاکرز اور 2 شناختی کارڈ کی بھی تحقیقات کی جائیں۔

اسپیشل پبلک پراسیکیوٹر کا کہنا تھا کہ ملزم ارمغان کے کالعدم تنظیموں سے تعلق اور مالی معاونت ،منی لانڈرنگ کی بھی تحقیقات کی جائیں جبکہ کالعدم تنظیموں، منشیات ڈیلر اور ریاست مخالف سرگرمیوں پر بھی اداروں سے رابطہ کیا جائے۔

گائیڈ لائنز میں کہا ہے کہ مصطفیٰ عامر کے اغوا کے سلسلے میں تاوان طلب کرنیوالےکالز کی تفصیلات لی جائیں اور تاوان کی رقم مانگنے والے ملزم اور مقتول کی والدہ کےفون کو کیس پراپرٹی بنایاجائے جبکہ ملزم اور مقتول مصطفیٰ کے اکاؤنٹس ،فون ڈیٹا ،ٹریول ہسٹری لی جائے۔

پراسیکیوٹر نے بتایا کہ مصطفیٰ عامر کیس کا ایک مقدمہ حب بلوچستان میں بھی درج ہے ، حب میں درج مقدمے کی کراچی منتقلی کیلئے ایس ایس پی حب کو خط لکھنے پر آگاہ کیا جائے۔